Sobhita Dhulipala: ಸಮಂತಾ ಮಾಜಿ ಪತಿ ನಾಗ ಚೈತನ್ಯ ಹೆಸರು ಎತ್ತಿದ್ದಕ್ಕೆ ಮಧ್ಯ ಬೆರಳು ತೋರಿಸಿ ಗರಂ ಆದ ಶೋಭಿತಾ?

Sobhita Dhulipala Viral Video: ಸದ್ಯ ಇಂಟರ್​ನೆಟ್​ನಲ್ಲಿ ಒಂದು ವಿಡಿಯೋ ವೈರಲ್​ ಆಗಿದೆ. ಈ ವಿಡಿಯೋದಲ್ಲಿ ಮೊದಲು ನಯವಾಗಿ ನಗು ಚೆಲ್ಲಿದ ಶೋಭಿತಾ ಧುಲಿಪಾಲಾ ಅವರು ನಂತರ ಸಿಟ್ಟು ಮುಖ ಮಾಡಿಕೊಂಡು ಮಧ್ಯ ಬೆರಳು ತೋರಿಸಿದ್ದಾರೆ!

Sobhita Dhulipala: ಸಮಂತಾ ಮಾಜಿ ಪತಿ ನಾಗ ಚೈತನ್ಯ ಹೆಸರು ಎತ್ತಿದ್ದಕ್ಕೆ ಮಧ್ಯ ಬೆರಳು ತೋರಿಸಿ ಗರಂ ಆದ ಶೋಭಿತಾ?
ಶೋಭಿತಾ, ನಾಗ ಚೈತನ್ಯ
TV9kannada Web Team

| Edited By: Madan Kumar

Jun 28, 2022 | 9:52 AM

ನಟಿ ಸಮಂತಾ ರುತ್​ ಪ್ರಭು ಮತ್ತು ನಟ ಅಕ್ಕಿನೇನಿ ನಾಗ ಚೈತನ್ಯ (Naga Chaitanya) ಅವರ ಸಂಸಾರದಲ್ಲಿ ಯಾವಾಗ ಬಿರುಕು ಮೂಡಿತೋ ಆಗಿನಿಂದಲೇ ಅನೇಕ ಗಾಸಿ​ಪ್​ಗಳು ಹುಟ್ಟಿಕೊಂಡವು. ಸಮಂತಾ (Samanth Ruth Prabhu) ಮತ್ತು ನಾಗಚೈತನ್ಯ ಈಗಾಗಲೇ ಡಿವೋರ್ಸ್​ ಪಡೆದು ಹಲವು ತಿಂಗಳುಗಳೇ ಕಳೆದಿವೆ. ಹಾಗಿದ್ದರೂ ಕೂಡ ಗಾಸಿಪ್​ಗಳು ಕೇಳಿಬರುವುದು ನಿಂತಿಲ್ಲ. ಈಗ ನಾಗ ಚೈತನ್ಯ ಅವರು ಯಾರ ಜೊತೆ ಡೇಟಿಂಗ್​ ನಡೆಸುತ್ತಿದ್ದಾರೆ ಎಂಬ ವಿಷಯವೇ ಹಾಟ್​ ಟಾಪಿಕ್​ ಆಗಿದೆ. ಇತ್ತೀಚಿನ ದಿನಗಳಲ್ಲಿ ಅವರು ನಟಿ ಶೋಭಿತಾ ಧುಲಿಪಾಲಾ (Sobhita Dhulipala) ಜತೆ ತಿರುಗಾಡುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ. ಈ ವಿಷಯದ ಬಗ್ಗೆ ನಾಗ ಚೈತನ್ಯ ಅವರಾಗಲೀ ಶೋಭಿತಾ ಅವರಾಗಲೀ ನೇರವಾಗಿ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಈ ನಡುವೆ ಶೋಭಿತಾ ಅವರು ಮಧ್ಯ ಬೆರಳು ತೋರಿಸಿರುವ ವಿಡಿಯೋ ವೈರಲ್​ ಆಗಿದೆ.

ಶೋಭಿತಾ ಧುಲಿಪಾಲಾ ಅವರು 2016ರಿಂದಲೂ ಚಿತ್ರರಂಗದಲ್ಲಿ ಸಕ್ರಿಯರಾಗಿದ್ದಾರೆ. ಹಿಂದಿ, ತೆಲುಗು, ಮಲಯಾಳಂ, ತಮಿಳು ಸಿನಿಮಾಗಳಲ್ಲಿ ಅವರು ನಟಿಸಿದ್ದಾರೆ. ವೆಬ್​ ಸಿರೀಸ್​ ಲೋಕದಲ್ಲೂ ಅವರಿಗೆ ಬೇಡಿಕೆ ಇದೆ. ಕೈಯಲ್ಲಿ ಹಲವು ಆಫರ್​ಗಳನ್ನು ಇಟ್ಟುಕೊಂಡು ಅವರು ಬ್ಯುಸಿ ಆಗಿದ್ದಾರೆ. ಈ ಸಂದರ್ಭದಲ್ಲಿ ನಟ ನಾಗ ಚೈತನ್ಯ ಜೊತೆ ತಮ್ಮ ಹೆಸರು ತಳುಕು ಹಾಕಿಕೊಂಡಿರುವುದಕ್ಕೆ ಶೋಭಿತಾ ಧುಲಿಪಾಲಾ ಗರಂ ಆದಂತಿದೆ.

ಸದ್ಯ ಇಂಟರ್​ನೆಟ್​ನಲ್ಲಿ ಒಂದು ವಿಡಿಯೋ ವೈರಲ್​ ಆಗಿದೆ. ಈ ವಿಡಿಯೋದಲ್ಲಿ ಮೊದಲು ನಯವಾಗಿ ನಗು ಚೆಲ್ಲುವ ಶೋಭಿತಾ ಅವರು ನಂತರ ಸಿಟ್ಟು ಮುಖ ಮಾಡಿಕೊಂಡು ಮಧ್ಯ ಬೆರಳು ತೋರಿಸುತ್ತಾರೆ. ತಮ್ಮ ಬಗ್ಗೆ ಗಾಸಿಪ್​ ಹಬ್ಬಿಸುವವರಿಗಾಗಿಯೇ ಅವರು ಈ ರೀತಿ ಅಶ್ಲೀಲ ಸನ್ನೆ ತೋರಿಸಿದ್ದಾರೆ ಎಂದು ನೆಟ್ಟಿಗರು ಅಭಿಪ್ರಾಯ ಪಟ್ಟಿದ್ದಾರೆ.

ಈ ವಿಡಿಯೋವನ್ನು ಶೋಭಿತಾ ಧುಲಿಪಾಲಾ ಅವರು ತಮ್ಮ ಯಾವುದೇ ಅಧಿಕೃತ ಸೋಶಿಯಲ್​ ಮೀಡಿಯಾ ಖಾತೆಗಳಲ್ಲಿ ಶೇರ್​ ಮಾಡಿಕೊಂಡಿಲ್ಲ. ಕೆಲವರು ಹೇಳುವ ಪ್ರಕಾರ ಇದು ಅವರ ಹಳೇ ವಿಡಿಯೋ. ಈಗ ಬೇಕಂತಲೇ ಯಾರೋ ವೈರಲ್​ ಮಾಡಿದ್ದಾರೆ ಎನ್ನಲಾಗಿದೆ. ಇದರ ಹಿಂದಿನ ಕಹಾನಿ ಏನು ಎಂಬುದನ್ನು ಸ್ವತಃ ಶೋಭಿತಾ ಅವರೇ ತಿಳಿಸಬೇಕಿದೆ. ಡೇಟಿಂಗ್​ ಗಾಸಿಪ್​ ಬಗ್ಗೆ ನಾಗ ಚೈತನ್ಯ ಅವರಿಂದಲಾದರೂ ಪ್ರತಿಕ್ರಿಯೆ ಬರಲಿ ಎಂದು ಅಭಿಮಾನಿಗಳು ಕಾಯುತ್ತಿದ್ದಾರೆ.

ಇದನ್ನೂ ಓದಿ: ‘ನಿಮ್ಮ ಕೆಲಸದ ಮೇಲೆ ಗಮನಹರಿಸಿ’; ನಾಗ ಚೈತನ್ಯ ಫ್ಯಾನ್ಸ್​​ಗೆ ಎಚ್ಚರಿಕೆ ನೀಡಿದ ಸಮಂತಾ

ಇದನ್ನೂ ಓದಿ

ಟಾಲಿವುಡ್​ ನಟಿಯ ಜತೆ ನಾಗ ಚೈತನ್ಯ ಕದ್ದುಮುಚ್ಚಿ ಓಡಾಟ? ಐಷಾರಾಮಿ ಹೋಟೆಲ್​ನಲ್ಲಿ ಆಗುತ್ತಿತ್ತು ಭೇಟಿ

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada