ಕಲೆಕ್ಷನ್​ ವಿಚಾರದಲ್ಲಿ ‘ಬಾಹುಬಲಿ’ ದಾಖಲೆಯನ್ನೇ ಮುರಿದ ‘ಆರ್​ಆರ್​ಆರ್​’; ರಾಜಮೌಳಿಗೆ ರಾಜಮೌಳಿಯೇ ಸಾಟಿ

ಎಸ್​ಎಸ್​ ರಾಜಮೌಳಿ (SS Rajamouli) ಅವರು ಪ್ರತಿ ಸಿನಿಮಾದಿಂದ ಸಿನಿಮಾಗೆ ಅಪ್​ಗ್ರೇಡ್​ ಆಗುತ್ತಿದ್ದಾರೆ. ಹೊಸಹೊಸ ಕಥೆಗಳೊಂದಿಗೆ ಪ್ರೇಕ್ಷಕರ ಎದುರು ಬರುತ್ತಿದ್ದಾರೆ. ಮೇಕಿಂಗ್​ ವಿಚಾರದಲ್ಲಿ ಅವರನ್ನು ಮೀರಿಸುವವರೇ ಇಲ್ಲ ಎಂಬ ರೀತಿಯಲ್ಲಿ ಬೆಳೆದು ನಿಂತಿದ್ದಾರೆ. ಈಗ ಅವರ ನಿರ್ದೇಶನದ ‘ಆರ್​ಆರ್​ಆರ್’ ಸಿನಿಮಾ (RRR Movie) ಕಲೆಕ್ಷನ್​ ವಿಚಾರದಲ್ಲಿ ಹೊಸ ದಾಖಲೆ ಬರೆದಿದೆ. ಸಿನಿಮಾ ತೆರೆಕಂಡು ಆರು ದಿನಕ್ಕೆ ‘ಬಾಹುಬಲಿ: ದಿ ಬಿಗಿನಿಂಗ್​’ ಮಾಡಿದ್ದ ದಾಖಲೆಯನ್ನೇ ಪುಡಿ ಮಾಡಿದೆ. ಇನ್ನೂ ಹಲವು ದಿನ ಚಿತ್ರ ಪದರ್ಶನ ಕಾಣಲಿದ್ದು, ‘ಬಾಹುಬಲಿ 2’ನ (Bahubali 2) ದಾಖಲೆಯನ್ನೂ ಮುರಿಯುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ.

2015ರಲ್ಲಿ ‘ಬಾಹುಬಲಿ’ ಸಿನಿಮಾ ತೆರೆಗೆ ಬಂದಿತ್ತು. ಈ ಚಿತ್ರದ ಲೈಫ್​ಟೈಮ್​ ಕಲೆಕ್ಷನ್​ 650 ಕೋಟಿ ರೂಪಾಯಿ. ಈಗ ‘ಆರ್​ಆರ್​ಆರ್​’ ಚಿತ್ರ 672 ಕೋಟಿ ರೂಪಾಯಿ ಗಳಿಸುವ ಮೂಲಕ ‘ಬಾಹುಬಲಿ’ ದಾಖಲೆಯನ್ನು ಪುಡಿ ಮಾಡಿದೆ. ಮಾರ್ಚ್​ 31ರ ಲೆಕ್ಕಾಚಾರ ಇನ್ನಷ್ಟೇ ಬರಬೇಕಿದೆ. ಹೀಗಾಗಿ, ಮೊದಲ ವಾರ ಪೂರ್ಣಗೊಳ್ಳುವುದರೊಳಗೆ ಸಿನಿಮಾದ ಕಲೆಕ್ಷನ್​ 700 ಕೋಟಿ ರೂಪಾಯಿ ದಾಟಲಿದೆ.

ಟ್ರೇಡ್​ ಅನಾಲಿಸ್ಟ್​ ಮನೋಬಲ ವಿಜಯಬಾಲನ್​ ಅವರ ಪ್ರಕಾರ ಈ ಚಿತ್ರ ಆರು ದಿನಕ್ಕೆ 672 ಕೋಟಿ ರೂ. ಕಲೆಕ್ಷನ್ ಮಾಡಿದೆ. ಬುಧವಾರ ಕೂಡ ವಿಶ್ವ ಮಟ್ಟದಲ್ಲಿ ಈ ಸಿನಿಮಾ 50 ಕೋಟಿ ರೂಪಾಯಿ ಗಳಿಸಿದೆ. ಈ ವಾರಾಂತ್ಯದಲ್ಲಿ ಚಿತ್ರದ ಕಲೆಕ್ಷನ್​ 800 ಕೋಟಿ ರೂಪಾಯಿ ದಾಟಿದರೂ ಅಚ್ಚರಿ ಏನಿಲ್ಲ.

#RRRMovie WW Box Office

Marching towards ₹700 cr gross mark.

Day 1 – ₹ 257.15 cr Day 2 – ₹ 114.38 cr Day 3 – ₹ 118.63 cr Day 4 – ₹ 72.80 cr Day 5 – ₹ 58.46 cr Day 6 – ₹ 50.74 cr Total – ₹ 672.16 cr#RamCharan #JrNTR #SSRajamouli

— Manobala Vijayabalan (@ManobalaV) March 31, 2022

ಇನ್ನು, ಹಿಂದಿಯಲ್ಲಿ ಈ ಚಿತ್ರದ ಅಬ್ಬರ ಜೋರಾಗಿದೆ. ಆರು ದಿನಕ್ಕೆ ಈ ಸಿನಿಮಾ 120 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ. ಇತ್ತೀಚಿನ ದಿನಗಳಲ್ಲಿ ಹಿಂದಿ ಸಿನಿಮಾಗಳೂ ಇಷ್ಟು ದೊಡ್ಡ ಮಟ್ಟದಲ್ಲಿ ಕಲೆಕ್ಷನ್ ಮಾಡುತ್ತಿಲ್ಲ. ಶೀಘ್ರವೇ ಸಿನಿಮಾ 200 ಕೋಟಿ ರೂಪಾಯಿ ಕ್ಲಬ್​ ಸೇರಲಿದೆ ಎಂದು ಬಾಕ್ಸ್​ ಆಫೀಸ್ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.

#RRR reboots and revives biz in mass circuits… Nears *Week 1* biz of #Sooryavanshi [₹ 120.66 cr] in *6 days*… HIGHEST GROSSING FILM [Week 1; post pandemic]… Fri 20.07 cr, Sat 24 cr, Sun 31.50 cr, Mon 17 cr, Tue 15.02 cr, Wed 13 cr. Total: ₹ 120.59 cr. #India biz. ??? pic.twitter.com/EbSh3mTkJO

— taran adarsh (@taran_adarsh) March 31, 2022

ವಿಶ್ವ ಮಟ್ಟದ ಕಲೆಕ್ಷನ್​ ವಿವರ

ಮಾರ್ಚ್​ 25: 257.15 ಕೋಟಿ ರೂ.

ಮಾರ್ಚ್​ 26: 114.38 ಕೋಟಿ ರೂ.

ಮಾರ್ಚ್ 27: 118.63ಕೋಟಿ ರೂ.

ಮಾರ್ಚ್ 28: ₹ 72.80 cr ಕೋಟಿ ರೂ.

ಮಾರ್ಚ್ 29: 58.46 ಕೋಟಿ ರೂ.

ಮಾರ್ಚ್ 30: 50.74 ಕೋಟಿ ರೂ.

ಒಟ್ಟೂ:  672.16 ಕೋಟಿ ರೂ.

ಇದನ್ನೂ ಓದಿ: RRR Box Office Collection: ಹಿಂದಿ ಮಾರುಕಟ್ಟೆಯಲ್ಲಿ ಐದೇ ದಿನಕ್ಕೆ 100 ಕೋಟಿ ರೂ. ಬಾಚಿದ ‘ಆರ್​ಆರ್​ಆರ್​’ ಸಿನಿಮಾ

‘ಆರ್​ಆರ್​ಆರ್​’ನಿಂದ ರಾಮ್​ ಚರಣ್​ಗೆ ಹೆಚ್ಚಿತು ಬೇಡಿಕೆ; ಬಾಲಿವುಡ್​ನಿಂದ ಬಂತು ಎರಡೆರಡು ಆಫರ್​

Published On - 4:49 pm, Thu, 31 March 22