‘ನಾಟು ನಾಟು ಕ್ರೆಡಿಟ್ ನೀವೇ ತೆಗೆದುಕೊಂಡ್ರಿ’ ಎಂದವರಿಗೆ ರಾಜಮೌಳಿ ಕೊಟ್ರು ಉತ್ತರ
‘ನಾಟು ನಾಟು..’ ಹಾಡಿನ ಕ್ರೆಡಿಟ್ ವಿಚಾರವಾಗಿ ಮಾತನಾಡಿದ್ದಾರೆ. ರಾಜಮೌಳಿ ಅವರು ಈ ಹಾಡಿನ ಕೊರಿಯೋಗ್ರಾಫರ್ ಪ್ರೇಮ್ ರಕ್ಷಿತ್ಗೂ ಕ್ರೆಡಿಟ್ ನೀಡಿದ್ದಾರೆ. ಈ ಮೂಲಕ ವದಂತಿಗೆ ಅವರು ತೆರೆ ಎಳೆದಿದ್ದಾರೆ.
ನಿರ್ದೇಶಕ ಎಸ್.ಎಸ್. ರಾಜಮೌಳಿ (SS Rajamouli) ಅವರ ಜನಪ್ರಿಯತೆ ದುಪ್ಪಟ್ಟಾಗಿದೆ. ಇದಕ್ಕೆ ಕಾರಣ ಆಗಿದ್ದು ‘ಆರ್ಆರ್ಆರ್’ ಸಿನಿಮಾ ಹಾಗೂ ಅದರಲ್ಲಿ ಬರುವ ‘ನಾಟು ನಾಟು..’ ಹಾಡು. ಈ ಹಾಡು ಆಸ್ಕರ್ ರೇಸ್ನಲ್ಲಿದೆ. ಇದಲ್ಲದೆ ವಿದೇಶದ ಕೆಲವು ಪ್ರತಿಷ್ಠಿತ ಅವಾರ್ಡ್ ಫಂಕ್ಷನ್ನಲ್ಲಿ ಪ್ರಶಸ್ತಿ ಪಡೆದುಕೊಂಡಿದೆ. ಇದು ರಾಜಮೌಳಿ ಖ್ಯಾತಿ ಹೆಚ್ಚಿಸಿದೆ. ಹೀಗಾಗಿ, ಹೋದಲ್ಲಿ ಬಂದಲ್ಲಿ ರಾಜಮೌಳಿ ಅವರನ್ನು ಮಾಧ್ಯಮದವರು ಎದುರುಗೊಳ್ಳುತ್ತಿದ್ದಾರೆ. ಅವರಿಗೆ ವಿವಿಧ ಪ್ರಶ್ನೆಗಳನ್ನು ಕೇಳಲಾಗುತ್ತಿದೆ. ಈ ಮಧ್ಯೆ ಸೋಶಿಯಲ್ ಮೀಡಿಯಾದಲ್ಲಿ ಕೆಲವು ವದಂತಿಗಳು ಕೂಡ ಹುಟ್ಟಿಕೊಂಡಿವೆ. ಇದಕ್ಕೆ ರಾಜಮೌಳಿ ಕಡೆಯಿಂದ ಸ್ಪಷ್ಟನೆ ನೀಡುವ ಕೆಲಸ ಆಗುತ್ತಿದೆ.
ನ್ಯೂಯಾರ್ಕರ್ಗೆ ನೀಡಿದ ಸಂದರ್ಶನದಲ್ಲಿ ರಾಜಮೌಳಿ ಹಲವು ವಿಚಾರಗಳ ಬಗ್ಗೆ ಮಾತನಾಡಿದ್ದಾರೆ. ‘ಬಿಜೆಪಿ ಅಜೆಂಡಾ ರೀತಿಯಲ್ಲೇ ಸಿನಿಮಾ ಮಾಡುತ್ತೀರಿ’ ಎನ್ನುವ ಆರೋಪಕ್ಕೆ ರಾಜಮೌಳಿ ಸ್ಪಷ್ಟನೆ ನೀಡಿದ್ದರು. ಈಗ ‘ನಾಟು ನಾಟು..’ ಹಾಡಿನ ಕ್ರೆಡಿಟ್ ವಿಚಾರವಾಗಿ ಮಾತನಾಡಿದ್ದಾರೆ. ರಾಜಮೌಳಿ ಅವರು ಈ ಹಾಡಿನ ಕೊರಿಯೋಗ್ರಾಫರ್ ಪ್ರೇಮ್ ರಕ್ಷಿತ್ಗೂ ಕ್ರೆಡಿಟ್ ನೀಡಿದ್ದಾರೆ. ಈ ಮೂಲಕ ವದಂತಿಗೆ ಅವರು ತೆರೆ ಎಳೆದಿದ್ದಾರೆ.
‘ನಾಟು ನಾಟು..’ ಹಾಡಿನ ಕೊರಿಯೋಗ್ರಾಫಿ ಬಗ್ಗೆ ಮೆಚ್ಚುಗೆ ವ್ಯಕ್ತವಾಗಿದೆ. ಆದರೆ, ಪ್ರೇಮ್ ರಕ್ಷಿತ್ ಅವರು ‘ಆರ್ಆರ್ಆರ್’ ಇವೆಂಟ್ನಲ್ಲಿ ಕಾಣಿಸಿಕೊಂಡಿದ್ದು ಕಡಿಮೆ. ಇದಕ್ಕೆ ರಾಜಮೌಳಿ ಅವರನ್ನು ದೂರುವ ಕೆಲಸ ಆಗಿತ್ತು. ಈ ಬಗ್ಗೆ ಮಾತನಾಡಿರುವ ಅವರು, ‘ಯಾವುದೇ ಪ್ರಶಸ್ತಿ ಸಮಾರಂಭದಲ್ಲಿ ನಾಟು ನಾಟು ಹಾಡಿನ ವಿಚಾರ ಬಂದಾಗ ಎಂ.ಎಂ. ಕೀರವಾಣಿ (ಸಂಗೀತ ಸಂಯೋಜಕ) ಹಾಗೂ ಚಂದ್ರಬೋಸ್ಗೆ (ಗೀತ ಸಾಹಿತಿ) ಕ್ರೆಡಿಟ್ ಸಿಗಬಹುದು. ಆದರೆ, ಪ್ರೇಮ್ ರಕ್ಷಿತ್ ನಿಜವಾದ ವಿನ್ನರ್. ಈ ಹಾಡು ಹೆಚ್ಚಿನ ಜನರಿಗೆ ತಲುಪೋಕೆ ಅವರ ಕೊರಿಯೋಗ್ರಫಿ ಕಾರಣ. ನಾಲ್ಕೈದು ಸ್ಟೆಪ್ನ ಐಡಿಯಾಗಳನ್ನು ರೆಡಿ ಮಾಡೋಕೆ ಅವರಿಗೆ 7 ವಾರಗಳು ಬೇಕಾಗುತ್ತಿದ್ದವು’ ಎಂದಿದ್ದಾರೆ ರಾಜಮೌಳಿ.
ಇದನ್ನೂ ಓದಿ: ‘ಆರ್ಆರ್ಆರ್’ ಸಿನಿಮಾ ಹೇಗೆ ಮಾಡಿದಿರಿ?’; ರಾಜಮೌಳಿಗೆ ಹಾಲಿವುಡ್ ದಿಗ್ಗಜ ಸ್ಪೀಲ್ಬರ್ಗ್ ಪ್ರಶ್ನೆ
‘ನಾಟು ನಾಟು..’ ಹಾಡು ಮಾತ್ರವಲ್ಲದೆ ಪ್ರೀ-ಕ್ಲೈಮ್ಯಾಕ್ಸ್ನಲ್ಲಿ ಬರುವ ಫೈಟ್ನಲ್ಲಿ ರಾಮ್ ಚರಣ್ ಅವರನ್ನು ಜೂ. ಎನ್ಟಿಆರ್ ಎತ್ತಿಕೊಂಡು ಹೋಗುತ್ತಾರೆ. ಈ ಐಡಿಯಾ ನೀಡಿದ್ದು ಕೂಡ ಪ್ರೇಮ್ ರಕ್ಷಿತ್ ಅವರೇ. ಈ ವಿಚಾರವನ್ನು ರಾಜಮೌಳಿ ರಿವೀಲ್ ಮಾಡಿದ್ದಾರೆ. ಜೊತೆಗೆ ಪ್ರೇಮ್ ರಕ್ಷಿತ್ಗೆ ವಿಶೇಷ ಕ್ರೆಡಿಟ್ ನೀಡಿದ್ದಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 7:17 am, Mon, 20 February 23
