ರೂಪೇಶ್ ರಾಜಣ್ಣ ಮಾಡಿದ ನೋವಿಗೆ ಭಿನ್ನವಾಗಿ ಸೇಡು ತೀರಿಸಿಕೊಂಡ ದಿವ್ಯಾ ಉರುಡುಗ
ಕಳೆದ ವಾರ ದಿವ್ಯಾ ಹಾಗೂ ರೂಪೇಶ್ ರಾಜಣ್ಣ ಇಬ್ಬರೂ ಸೇರಿ ಹಾಡು ಮಾಡಿದ್ದರು. ಈ ಹಾಡಿಗೆ ಮನೆ ಮಂದಿ ಮೆಚ್ಚುಗೆ ಸೂಚಿಸಿದ್ದರು. ರೂಪೇಶ್ ರಾಜಣ್ಣ ಅವರು ಈ ಹಾಡನ್ನು ಹಾಡಿದ ವಿಚಾರಕ್ಕೆ ಈ ವಾರ ಕೊಂಕು ತೆಗೆದಿದ್ದಾರೆ. ದಿವ್ಯಾ ವಿರುದ್ಧ ಅವರು ತಿರುಗಿ ಬಿದ್ದಿದ್ದಾರೆ.
ದಿವ್ಯಾ ಉರುಡುಗ (Divya Uruduga) ಅವರು ಬಿಗ್ ಬಾಸ್ ಮನೆಗೆ ರೀ ಎಂಟ್ರಿ ಕೊಟ್ಟಿದ್ದಾರೆ. ಕಳೆದ ಸೀಸನ್ನಲ್ಲಿ ಇದ್ದಷ್ಟು ಚಾರ್ಮ್ ಅನ್ನು ಈ ಬಾರಿ ಅವರು ಉಳಿಸಿಕೊಂಡಿಲ್ಲ ಎಂಬ ಮಾತು ವೀಕ್ಷಕರ ವಲಯದಲ್ಲಿದೆ. ದಿವ್ಯಾ ಉರುಡುಗ ಅವರು ರೂಪೇಶ್ ರಾಜಣ್ಣ (Roopesh Rajanna) ವಿರುದ್ಧ ಈಗ ಸೇಡು ತೀರಿಸಿಕೊಂಡಿದ್ದಾರೆ. ಅದೂ ಭಿನ್ನ ರೀತಿಯಲ್ಲಿ. ಇದಕ್ಕೆ ಎಲ್ಲ ಕಡೆಗಳಿಂದ ಮೆಚ್ಚುಗೆ ವ್ಯಕ್ತವಾಗಿದೆ. ದಿವ್ಯಾ ಅವರು ಸೇಡು ತೀರಿಸಿಕೊಂಡ ನಂತರ ಕಣ್ಣೀರು ಹಾಕಿದ್ದಾರೆ.
ಕಳೆದ ವಾರ ದಿವ್ಯಾ ಹಾಗೂ ರೂಪೇಶ್ ರಾಜಣ್ಣ ಇಬ್ಬರೂ ಸೇರಿ ಹಾಡು ಮಾಡಿದ್ದರು. ಈ ಹಾಡಿಗೆ ಮನೆ ಮಂದಿ ಮೆಚ್ಚುಗೆ ಸೂಚಿಸಿದ್ದರು. ರೂಪೇಶ್ ರಾಜಣ್ಣ ಅವರು ಈ ಹಾಡನ್ನು ಹಾಡಿದ ವಿಚಾರಕ್ಕೆ ಈ ವಾರ ಕೊಂಕು ತೆಗೆದಿದ್ದಾರೆ. ದಿವ್ಯಾ ವಿರುದ್ಧ ಅವರು ತಿರುಗಿ ಬಿದ್ದಿದ್ದಾರೆ.
ಈ ವಾರ ಫೇಕ್ ಹಾಗೂ ರಿಯಲ್ ಎಂಬ ಹಣೆಪಟ್ಟಿಯನ್ನು ನೀಡಬೇಕಿತ್ತು. ದಿವ್ಯಾ ಉರುಡುಗ ಅವರಿಗೆ ರೂಪೇಶ್ ರಾಜಣ್ಣ ಫೇಕ್ ಎಂಬ ಹಣೆಪಟ್ಟಿ ನೀಡಿದರು. ಅಲ್ಲದೆ, ಇದಕ್ಕೆ ಅವರು ಕಾರಣವನ್ನೂ ವಿವರಿಸಿದರು. ‘ಕಳೆದ ವಾರ ನಾನು ಸಾಂಗ್ ಬರೆದು ಟ್ಯೂನ್ ಹಾಕಿದೆ. ಇದನ್ನು ಇಬ್ಬರೂ ಒಟ್ಟಾಗಿ ಹಾಡಿದೆವು. ಆದರೆ, ಎಲ್ಲಿಯೂ ನೀನು ಅದನ್ನು ರೂಪೇಶ್ ರಾಜಣ್ಣ ಬರೆದ ಹಾಡು ಎಂದು ಹೇಳಲೇ ಇಲ್ಲ. ಇದಕ್ಕಾಗಿ ಫೇಕ್ ಕೊಟ್ಟೆ’ ಎಂಬ ಮಾತನ್ನು ರೂಪೇಶ್ ರಾಜಣ್ಣ ಹೇಳಿದರು.
ಈ ಮಾತಿನಿಂದ ದಿವ್ಯಾ ಉರುಡಗ ಅವರು ಬೇಸರಗೊಂಡಿದ್ದಾರೆ. ‘ರೂಪೇಶ್ ರಾಜಣ್ಣ ಹಾಡು ಬರೆದಿದ್ದರು ಎಂಬುದನ್ನು ನಾನು ಎಲ್ಲ ಕಡೆ ಹೇಳಿದ್ದೇನೆ. ಆದರೆ, ಅವರು ಇಷ್ಟು ಕಠೋರವಾಗಿ ಅದನ್ನು ಹೇಳುತ್ತಾರೆ ಎಂದು ನಾನು ಅಂದುಕೊಂಡಿರಲಿಲ್ಲ’ ಎಂದು ದಿವ್ಯಾ ಕಣ್ಣೀರು ಹಾಕಿದ್ದರು.
ಇದನ್ನೂ ಓದಿ: BBK9: ದಿವ್ಯಾ ಉರುಡುಗ ಅಳುವಂತೆ ಚುಚ್ಚಿ ಮಾತಾಡಿದ ರೂಪೇಶ್ ರಾಜಣ್ಣ; ಇಬ್ಬರ ನಡುವಿನ ಮಾತುಕತೆ ಏನು?
ಈಗ ರೂಪೇಶ್ ರಾಜಣ್ಣ ಅವರು ಮಾಡಿದ ನೋವಿಗೆ ದಿವ್ಯಾ ಸೇಡು ತೀರಿಸಿಕೊಂಡಿದ್ದಾರೆ. ಒಂದು ಸಾಂಗ್ ಬರೆದು ಅದನ್ನು ಹಾಡಿದ್ದಾರೆ. ಈ ಹಾಡಿನಲ್ಲಿರುವ ಪ್ರತಿ ಸಾಲುಗಳು ರೂಪೇಶ್ ರಾಜಣ್ಣ ಮಾಡಿದ ನೋವಿನ ಬಗ್ಗೆಯೇ ಇತ್ತು ಅನ್ನೋದು ವಿಶೇಷ. ಜತೆಗೆ ರೂಪೇಶ್ ರಾಜಣ್ಣ ಅವರ ಮಾತುಗಳನ್ನು ಪ್ರಶ್ನಿಸುವಂತಿತ್ತು. ಈ ಹಾಡನ್ನು ಹಾಡಿದ ನಂತರ ದಿವ್ಯಾ ಕಣ್ಣೀರು ಹಾಕಿದ್ದಾರೆ.
