ಬಿಗ್ ಬಾಸ್ ಪ್ರೋಮೋ ಶೂಟ್​ಗೆ ನಡೆದಿದೆ ಸಿದ್ಧತೆ

‘ಬಿಗ್ ಬಾಸ್ ಸೀಸನ್ 18’ ಶೀಘ್ರದಲ್ಲೇ ಕಲರ್ಸ್ ಟಿವಿಯಲ್ಲಿ ಪ್ರಸಾರವಾಗಲಿದೆ. ಈ ಕಾರ್ಯಕ್ರಮದ ಬಗ್ಗೆ ಸಲ್ಮಾನ್ ಖಾನ್ ಅವರ ಅಭಿಮಾನಿಗಳು ತುಂಬಾ ಉತ್ಸುಕರಾಗಿದ್ದರು. ಆದರೆ ಕೆಲ ಸಮಯದ ಹಿಂದೆ ನಡೆದ ಸಲ್ಮಾನ್ ಅವರ ವೀಡಿಯೊ ವೈರಲ್ ಆಗಿತ್ತು. ಇದನ್ನು ನೋಡಿದ ನಂತರ ಅವರು ಈ ಬಾರಿ ಬಿಗ್ ಬಾಸ್‌ನ ಹೊಸ ಸೀಸನ್ ಅನ್ನು ಹೋಸ್ಟ್ ಮಾಡಲು ಸಾಧ್ಯವಾಗುತ್ತದೆಯೇ ಎಂದು ಚಿಂತಿಸುತ್ತಿದ್ದರು. ಮುಂಬೈನಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಸಲ್ಮಾನ್ ಖಾನ್ ಕುರ್ಚಿಯಿಂದ ಏಳಲು ತೊಂದರೆ ಅನುಭವಿಸಿದ್ದರು. ಸಲ್ಮಾನ್ ಖಾನ್ ಅನಾರೋಗ್ಯದಿಂದ ಬಳಲುತ್ತಿದ್ದು, ಈ ಕಾರಣಕ್ಕೆ ಅವರು ಬಿಗ್ ಬಾಸ್ ನಂತಹ ಸುದೀರ್ಘ ಕಾರ್ಯಕ್ರಮಕ್ಕೆ ಸಮಯ ನೀಡಲು ಸಾಧ್ಯವಾಗುತ್ತಿಲ್ಲ ಎಂದು ಹೇಳಲಾಗಿತ್ತು. ಆದರೆ ಈ ಸುದ್ದಿ ಸಂಪೂರ್ಣ ತಪ್ಪು.

ಸಲ್ಮಾನ್ ಖಾನ್ ಫಿಟ್ ಆಗಿಯೇ ಇದ್ದಾರೆ. ಅವರು ಕಾರ್ಯಕ್ರಮವನ್ನು ಸಂಪೂರ್ಣವಾಗಿ ಆನಂದಿಸುತ್ತಿದ್ದರು. ಅವನು ಕೂತಿದ್ದ ಸೋಫಾ ಸ್ವಲ್ಪ ಆಳವಾಗಿದ್ದರಿಂದ ತಕ್ಷಣ ಮೇಲೇಳಲಾಗಲಿಲ್ಲ ಎನ್ನಲಾಗಿದೆ. ಸಲ್ಮಾನ್ ಮಾತ್ರವಲ್ಲ, ಅವರ ಜಾಗದಲ್ಲಿ ಯಾರೇ ಇದ್ದಿದ್ದರೂ, ಸೋಫಾದಿಂದ ಮೇಲೇಳುವಾಗ ಅವರಿಗೂ ತೊಂದರೆಯಾಗುತ್ತಿತ್ತು ಎನ್ನಲಾಗಿದೆ.

ಇದನ್ನೂ ಓದಿ:ಶುರುವಾಯ್ತು ಬಿಗ್​ಬಾಸ್, ಮನೆಯೊಳಗೆ ಸ್ಟಾರ್ ನಟರು, ಮೊದಲ ದಿನವೇ ಎಲಿಮಿನೇಷನ್

ಈ ವರ್ಷವೂ ಸಲ್ಮಾನ್ ಖಾನ್ ‘ಬಿಗ್ ಬಾಸ್ ಹಿಂದಿ ಸೀಸನ್ 18’ ಅನ್ನು ಹೋಸ್ಟ್ ಮಾಡಲಿದ್ದಾರೆ ಮತ್ತು ಈ ಕಾರ್ಯಕ್ರಮವನ್ನು ಕಲರ್ಸ್ ಟಿವಿಯಲ್ಲಿ ಪ್ರಸಾರ ಕಾಣಲಿದೆ. ಬೇರೆ ಕೆಲಸಗಳ ಕಾರಣದಿಂದ ಅವರು ಜಿಯೋ ಸಿನಿಮಾದಲ್ಲಿ ‘ಬಿಗ್ ಬಾಸ್ OTT 3’ ಆಫರ್ ನಿರಾಕರಿಸಿದ್ದರು. ಈಗ ಸಲ್ಮಾನ್ ಟಿವಿ ಪ್ರೇಕ್ಷಕರನ್ನು ರಂಜಿಸಲು ಸಂಪೂರ್ಣವಾಗಿ ಸಿದ್ಧರಾಗಿದ್ದಾರೆ ಮತ್ತು ಶೀಘ್ರದಲ್ಲೇ ಅವರು ಬಿಗ್ ಬಾಸ್‌ನ ಹೊಸ ಸೀಸನ್‌ನ ಪ್ರೋಮೋ ಶೂಟ್ನ ಭಾಗವಾಗಲಿದ್ದಾರೆ., ಮುಂಬೈನಲ್ಲಿ ಗೋರೆಗಾಂವ್ ಫಿಲ್ಮ್‌ಸಿಟಿಯಲ್ಲಿ ಕಾರ್ಯಕ್ರಮದ ಮೊದಲ ಪ್ರೋಮೋವನ್ನು ಶೂಟ್ ನಡೆಯಲಿದೆ. ಮುಂಬರುವ 10 ದಿನಗಳಲ್ಲಿ ಪ್ರೇಕ್ಷಕರು ಬಿಗ್ ಬಾಸ್ ಸೀಸನ್ 18 ರ ಮೊದಲ ಪ್ರೋಮೋವನ್ನು ನೋಡಬಹುದು ಎನ್ನಲಾಗಿದೆ.

ಸ್ಪರ್ಧಿಗಳ್ಯಾರು?

ದಲ್ಜೀತ್ ಕೌರ್, ಇಶಾ ಕೊಪ್ಪಿಕರ್, ಅಂಜಲಿ ಆನಂದ್, ಧೀರಜ್ ಧೂಪರ್, ಸೋನಾಲ್ ವೆಂಗುರ್ಲೇಕರ್ ಮತ್ತು ಜಾನ್ ಖಾನ್ ಅವರಂತಹ ಟಿವಿಯ ಅನೇಕ ಪ್ರಸಿದ್ಧ ಮುಖಗಳು ಬಿಗ್ ಬಾಸ್‌ನ ಹೊಸ ಸೀಸನ್‌ಗೆ ಸೇರಬಹುದು. ಇವರಲ್ಲದೆ, ಜನ್ನತ್ ಜುಬೇರ್, ಫೈಜು ಮತ್ತು ಅವರ ಸಹೋದರ ಅಯಾನ್ ಜುಬೈರ್ ಅವರಿಗೆ ಶೋನಲ್ಲಿ ಸ್ಥಾನ ನೀಡಲಾಗಿದೆ. ಈ ಸಲ್ಮಾನ್ ಖಾನ್ ಕಾರ್ಯಕ್ರಮದ ಪ್ರೀಮಿಯರ್ ಎಪಿಸೋಡ್ ಅಕ್ಟೋಬರ್ 5ರಂದು ಕಲರ್ಸ್ ಟಿವಿಯಲ್ಲಿ ಪ್ರಸಾರವಾಗಲಿದೆ. ವಾರದ ಎರಡು ದಿನ ಸಲ್ಮಾನ್ ಖಾನ್ ಕಾರ್ಯಕ್ರಮ ನಡೆಸಿಕೊಡಲಿದ್ದು, ಉಳಿದ 5 ದಿನ ಸ್ಪರ್ಧಿಗಳಿಗೆ ನೀಡಲಾಗುವುದು.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ