ಕನ್ನಡ ರಾಜ್ಯೋತ್ಸವದ ದಿನವೇ ಬಿಗ್ ಬಾಸ್ ಮನೆಯಿಂದ ಹೊರಟ ರೂಪೇಶ್ ರಾಜಣ್ಣ
ಫೇವರಿಸಂ ವಿಚಾರಕ್ಕೆ ರೂಪೇಶ್ ರಾಜಣ್ಣ ಹಾಗೂ ಅನುಪಮಾ ಗೌಡ ಮಧ್ಯೆ ಮಾತಿನ ಫೈಟ್ ನಡೆಯುತ್ತಲೇ ಇತ್ತು. ಅನುಪಮಾ ಅವರು ಮಲತಾಯಿಧೋರಣೆ ಮಾಡುತ್ತಾರೆ ಎಂದು ಆರೋಪಿಸಿ ರೂಪೇಶ್ ರಾಜಣ್ಣ ಅವರು ಬಿಗ್ ಬಾಸ್ ಮನೆಯಿಂದ ಹೊರಡೋಕೆ ರೆಡಿ ಆಗಿದ್ದಾರೆ.
Updated on:Nov 01, 2022 | 9:22 AM
ರೂಪೇಶ್ ರಾಜಣ್ಣ (Roopesh Rajanna) ಅವರು ಬಿಗ್ ಬಾಸ್ನಿಂದ ಜನಪ್ರಿಯತೆ ಹೆಚ್ಚಿಸಿಕೊಳ್ಳುತ್ತಾರೆ. ಸದಾ ಏರು ಧ್ವನಿಯಲ್ಲೇ ಮಾತನಾಡುತ್ತಾ ಅವರು ಗಮನ ಸೆಳೆಯುತ್ತಿದ್ದಾರೆ. ಅವರು ಟೆಂಪರ್ ಕಳೆದುಕೊಂಡಿದ್ದರಿಂದ ಬಿಗ್ ಬಾಸ್ ಮನೆಯಲ್ಲಿ ಘನಘೋರ ಜಗಳಗಳು ನಡೆದ ಉದಾಹರಣೆ ಇದೆ. ಅದರಲ್ಲೂ ಪ್ರಶಾಂತ್ ಸಂಬರ್ಗಿ ಹಾಗೂ ರೂಪೇಶ್ ಮಧ್ಯೆ ದೊಡ್ಡ ಜಗಳಗಳು ಆಗಾಗ ನಡೆಯುತ್ತಲೇ ಇರುತ್ತವೆ. ಕನ್ನಡ ರಾಜ್ಯೋತ್ಸವದ (Kannada Rajyotsava) ಸಂದರ್ಭದಲ್ಲಿ ರೂಪೇಶ್ ರಾಜಣ್ಣ ಬಿಗ್ ಬಾಸ್ ಮನೆಯಿಂದ ಹೊರ ಹೋಗುವ ನಿರ್ಧಾರಕ್ಕೆ ಬಂದಿದ್ದಾರೆ. ಅವರ ಕೂಗಾಟ ಚೀರಾಟದಿಂದ ಮನೆಯ ಶಾಂತಿ ಮತ್ತೆ ಕದಡಿದೆ.
ಕ್ಯಾಪ್ಟನ್ಸಿ ಟಾಸ್ಕ್ ಆಯ್ಕೆಗೆ ಪ್ರತಿ ವಾರ ನಾನಾ ಸ್ಪರ್ಧೆಗಳನ್ನು ನೀಡುತ್ತಾರೆ. ಈ ಟಾಸ್ಕ್ಗಳಲ್ಲಿ ಗೆದ್ದವರು ಕ್ಯಾಪ್ಟನ್ಸಿ ಟಾಸ್ಕ್ ಆಡಲು ಆಯ್ಕೆ ಆಗುತ್ತಾರೆ. ಈ ವಾರವೂ ವಿವಿಧ ಟಾಸ್ಕ್ ನೀಡಲಾಗಿದೆ. ಅನುಪಮಾ ಗೌಡ ಅವರು ಕ್ಯಾಪ್ಟನ್ ಆಗಿರುವುದರಿಂದ ಟಾಸ್ಕ್ನ ಮೇಲುಸ್ತುವಾರಿ ನೋಡಿಕೊಳ್ಳುತ್ತಿದ್ದಾರೆ. ಗಾರ್ಡನ್ ಏರಿಯಾದಲ್ಲಿ ಬಜರ್ ಒಂದನ್ನು ಇರಿಸಲಾಗಿದೆ. ಈ ಬಜರ್ನ ಮೊದಲು ಯಾರು ಒತ್ತುತ್ತಾರೋ ಅವರು ಕ್ಯಾಪ್ಟನ್ಸಿ ಟಾಸ್ಕ್ಗೆ ಆಯ್ಕೆ ಆಗುತ್ತಾರೆ.
ಪ್ರಶಾಂತ್ ಸಂಬರ್ಗಿ ಹಾಗೂ ರೂಪೇಶ್ ರಾಜಣ್ಣ ಅವರು ಕೆಲವೇ ಸೆಕೆಂಡ್ಗಳ ಅಂತರದಲ್ಲಿ ಬಜರ್ ಒತ್ತಿದ್ದರಿಂದ ಯಾರು ಮೊದಲು ಬಜರ್ ಒತ್ತಿದರು ಎಂಬ ಗೊಂದಲ ಮೂಡಿತು. ಅನುಪಮಾ ಅವರು ಪ್ರಶಾಂತ್ ಪರವಾಗಿ ತೀರ್ಪು ನೀಡಿದರು. ಇದರಿಂದ ರೂಪೇಶ್ ರಾಜಣ್ಣಗೆ ಸಿಟ್ಟು ಬಂದಿದೆ. ಅನುಪಮಾ ಅವರು ಫೇವರಿಸಂ ಮಾಡುತ್ತಿದ್ದಾರೆ ಎಂಬ ಶಬ್ದ ಬಳಕೆ ಮಾಡಿದ್ದಾರೆ. ಇದರಿಂದ ಅನುಪಮಾಗೆ ಬೇಸರ ಆಗಿದೆ.
ಫೇವರಿಸಂ ವಿಚಾರಕ್ಕೆ ರೂಪೇಶ್ ರಾಜಣ್ಣ ಹಾಗೂ ಅನುಪಮಾ ಗೌಡ ಮಧ್ಯೆ ಮಾತಿನ ಫೈಟ್ ನಡೆಯುತ್ತಲೇ ಇತ್ತು. ಅನುಪಮಾ ಅವರು ಮಲತಾಯಿಧೋರಣೆ ಮಾಡುತ್ತಾರೆ ಎಂದು ಆರೋಪಿಸಿ ರೂಪೇಶ್ ರಾಜಣ್ಣ ಅವರು ಬಿಗ್ ಬಾಸ್ ಮನೆಯಿಂದ ಹೊರಡೋಕೆ ರೆಡಿ ಆಗಿದ್ದಾರೆ. ಬ್ಯಾಗ್ ಹಿಡಿದು ಬಂದ ಅವರು ‘ಬಿಗ್ ಬಾಸ್ ಬಾಗಿಲು ತೆಗೆಯಿರಿ ನಾನು ಮನೆಯಿಂದ ಹೊರ ಹೋಗ್ತೀನಿ’ ಎಂದಿದ್ದಾರೆ. ಈ ವೇಳೆ ರೂಪೇಶ್ ಅವರನ್ನು ಮನೆ ಮಂದಿ ತಡೆಯಲು ಪ್ರಯತ್ನಿಸಿದ್ದಾರೆ.
View this post on Instagram
ಇದನ್ನೂ ಓದಿ: ಬಿಗ್ ಬಾಸ್ನಲ್ಲಿ ವೀಕೆಂಡ್ ಎಪಿಸೋಡ್ನ ಒಂದು ವಾರ ಮಿಸ್ ಮಾಡಿದ್ರೇನಂತೆ? ಬಡ್ಡಿ ಸಮೇತ ವಾಪಸ್ ಕೊಟ್ಟ ಕಿಚ್ಚ ಸುದೀಪ್
ಬಿಗ್ ಬಾಸ್ ಮನೆಯ ಒಳಗೆ ಸ್ಪರ್ಧಿಗಳು ಹೋದ ನಂತರದಲ್ಲಿ ದೊಡ್ಮನೆ ನಿಯಮಗಳನ್ನು ಒಪ್ಪಿಕೊಂಡು ಆಡಬೇಕು. ವೀಕೆಂಡ್ ಎಲಿಮಿನೇಷನ್ ಸಂದರ್ಭ ಬಿಟ್ಟರೆ ಮತ್ತೆ ಯಾವ ಸಂದರ್ಭದಲ್ಲೂ ದೊಡ್ಮನೆ ಗೇಟ್ ತೆಗೆಯುವುದಿಲ್ಲ. ಅನಾರೋಗ್ಯ ಉಂಟಾದ ಸಂದರ್ಭದಲ್ಲಿ ಕನ್ಫೆಷನ್ ರೂಂ ಮೂಲಕ ಸ್ಪರ್ಧಿಗಳನ್ನು ಕಳುಹಿಸಲಾಗುತ್ತದೆ. ಹೀಗಾಗಿ, ಬಿಗ್ ಬಾಸ್ ರೂಪೇಶ್ ರಾಜಣ್ಣಗೆ ಯಾವುದೇ ಕಾರಣಕ್ಕೂ ಬಾಗಿಲು ತೆಗೆಯುವುದಿಲ್ಲ. ಇಂದು (ನವೆಂಬರ್ 1) ಈ ಪ್ರೋಮೋವನ್ನು ಕಲರ್ಸ್ ಕನ್ನಡ ವಾಹಿನಿ ಹಂಚಿಕೊಂಡಿದೆ.
Published On - 9:21 am, Tue, 1 November 22
