BBK9: ಮೊದಲ ದಿನವೇ ಬಿಗ್​ ಬಾಸ್​ ಮನೆಯಲ್ಲಿ ದೊಡ್ಡ ಫೈಟ್​; ಕೂಗಾಡಿದ ಪ್ರಶಾಂತ್​ ಸಂಬರ್ಗಿ

ಪ್ರಶಾಂತ್​ ಸಂಬರಗಿ (Prashanth Sambargi) ಇದ್ದಲ್ಲಿ ಜಗಳ ಖಚಿತ. ಎಲ್ಲರ ಜೊತೆಗೂ ಅವರು ಕಿರಿಕ್​ ಮಾಡಿಕೊಳ್ಳುತ್ತಾರೆ. ಕಳೆದ ಸೀಸನ್​ನಲ್ಲಿ ಅವರು ಬಿಗ್​ ಬಾಸ್​ ಮನೆ ಪ್ರವೇಶಿಸಿದಾಗ ಅನೇಕರ ಜತೆ ಜಗಳ ಮಾಡಿಕೊಂಡಿದ್ದರು. ಈಗ ಅವರು ‘ಬಿಗ್​ ಬಾಸ್​ ಕನ್ನಡ 9ನೇ ಸೀಸನ್​’ (Bigg Boss Kannada Season 9) ಸ್ಪರ್ಧಿಯಾಗಿ ಮತ್ತೆ ದೊಡ್ಮನೆಗೆ ಎಂಟ್ರಿ ನೀಡಿದ್ದಾರೆ. ಆರಂಭದಲ್ಲಿಯೇ ಅವರು ತಮ್ಮ ವರಸೆ ತೋರಿಸಿದ್ದಾರೆ. ಅದರಿಂದಾಗಿ ಪ್ರಶಾಂತ್​ ಸಂಬರ್ಗಿ ಬಗ್ಗೆ ಬಿಗ್​ ಬಾಸ್​ ಸ್ಪರ್ಧಿಗಳಿಗೆ ಬೇಸರ ಉಂಟಾಗಿದೆ. ಆರ್ಯವರ್ಧನ್​ ಗುರೂಜಿ (Aryavardhan Guruji) ವಿಚಾರದಲ್ಲಿ ಪ್ರಶಾಂತ್​ ಸಂಬರ್ಗಿ ಕಿರಿಕ್​ ತೆಗೆದಿದ್ದಾರೆ. ಅಲ್ಲಿಂದ ಶುರುವಾದ ಜಗಳ ಬೇರೊಂದು ಹಂತಕ್ಕೆ ಹೋಗಿದೆ.

ಒಟ್ಟು 18 ಸ್ಪರ್ಧಿಗಳು ಈ ಬಾರಿ ಬಿಗ್​ ಬಾಸ್​ ಮನೆ ಪ್ರವೇಶಿಸಿದ್ದಾರೆ. ಅದರಲ್ಲಿ 9 ಜನರು ಹಳಬರು. ಅಂದರೆ ಈ ಹಿಂದಿನ ಸೀಸನ್​ಗಳಿಂದ 5​ ಹಾಗೂ ಇತ್ತೀಚೆಗೆ ಅಂತ್ಯವಾದ ಬಿಗ್​ ಬಾಸ್​ ಕನ್ನಡ ಒಟಿಟಿ ಆವೃತ್ತಿಯ 4 ಜನರು ಈ ಹೊಸ ಸೀಸನ್​ನಲ್ಲಿ ಸ್ಥಾನ ಪಡೆದುಕೊಂಡಿದ್ದಾರೆ. ಹಳೇ ಸ್ಪರ್ಧಿಗಳ ಗುಣ ಏನೆಂಬುದು ಪ್ರೇಕ್ಷಕರಿಗೆ ಈಗಾಗಲೇ ಗೊತ್ತಾಗಿದೆ. ಕಿರಿಕ್​ ಸ್ವಭಾವದ ಪ್ರಶಾಂತ್​ ಸಂಬರ್ಗಿ ಕಿಂಚಿತ್ತೂ ಬದಲಾದಂತೆ ಕಾಣುತ್ತಿಲ್ಲ.

ಇದನ್ನೂ ಓದಿ

‘ಬಿಗ್ ಬಾಸ್ ಕನ್ನಡ ಸೀಸನ್ 9’ ಸೇರಿದ 18 ಸ್ಪರ್ಧಿಗಳು ಇವರೇ ನೋಡಿ; ಇಲ್ಲಿದೆ ಫೋಟೋ ಹಾಗೂ ವಿವರ

ಬಿಗ್ ಬಾಸ್​ ಮನೆಗೆ ಎಂಟ್ರಿ ಕೊಟ್ಟ ಬೈಕ್ ರೇಸರ್ ಐಶ್ವರ್ಯಾ, ‘ಮಂಗಳಗೌರಿ ಮದುವೆ’ ಖ್ಯಾತಿಯ ಕಾವ್ಯಶ್ರೀ

ಬಿಗ್ ಬಾಸ್​ಗೆ ಎಂಟ್ರಿ ಕೊಟ್ಟ ನೇಹಾ ಗೌಡ ಹಾಗೂ ವಿನೋದ್​; ಇವರ ವಿಶೇಷತೆಗಳೇನು?

ಬಿಗ್ ಬಾಸ್ ಮನೆ ಸೇರಿದ ಒಟಿಟಿ ಸ್ಪರ್ಧಿಗಳು; ಇವರಿಗಿರುವ ಸವಾಲುಗಳು ಒಂದೆರಡಲ್ಲ

ಮೊದಲ ದಿನ ಏನೆಲ್ಲ ನಡೆಯಿತು ಎಂಬುದರ ಝಲಕ್​ ತೋರಿಸಲು ‘ಕಲರ್ಸ್​ ಕನ್ನಡ’ ವಾಹಿನಿ ತನ್ನ ಸೋಶಿಯಲ್​ ಮೀಡಿಯಾದಲ್ಲಿ ಒಂದು ಪ್ರೋಮೋ ಹಂಚಿಕೊಂಡಿದೆ. ಎಲ್ಲರೂ ಕುಳಿತು ಮಾತನಾಡುತ್ತಿರುವಾಗ ‘ನಾನು 10 ಲಕ್ಷ ಜನರಿಗೆ ಜೋತಿಷ್ಯ ಹೇಳಿರಬಹುದು’ ಎಂದು ಆರ್ಯವರ್ಧನ್​ ಗುರೂಜಿ ಹೇಳಿದರು. ಅದಕ್ಕೆ ಪ್ರಶಾಂತ್​ ಸಂಬರ್ಗಿ ವಿರೋಧ ವ್ಯಕ್ತಪಡಿಸಿದರು. ‘ಗುರುಗಳೇ 10 ಲಕ್ಷ ಅಂತ ಏನೇನೋ ಮಾತಾಡಬೇಡಿ’ ಎಂದು ತಕರಾರು ತೆಗೆದರು. ಅಲ್ಲಿಂದ ಜಗಳ ತಾರಕಕ್ಕೇರಿತು.

‘ಗುರೂಜಿಯ ನಿಜವಾದ ಹೆಸರು ಆರ್ಯವರ್ಧನ್​ ಅಲ್ಲ. ನಿಜವಾದ ಹೆಸರು ಹೇಳ್ಲಾ?’ ಎಂದು ಪ್ರಶಾಂತ್​ ಸಂಬರ್ಗಿ ಸವಾಲು ಹಾಕಿದ್ದಾರೆ. ಅತ್ತ ಆರ್ಯವರ್ಧನ್​ ಗುರೂಜಿ ಕೂಡ ತಿರುಗೇಟು ನೀಡಲು ಸಜ್ಜಾಗಿದ್ದಾರೆ. ಪ್ರಶಾಂತ್​ ಸಂಬರ್ಗಿ ಆಡಿದ ಮಾತುಗಳನ್ನೆಲ್ಲ ಕೇಳಿಸಿಕೊಂಡು ಮನೆಯ ಇತರೆ ಸದಸ್ಯರು ಸುಮ್ಮನೆ ಕುಳಿತಿಲ್ಲ. ಅವರ ವರ್ತನೆಯನ್ನು ಖಂಡಿಸಿದ್ದಾರೆ. ಈ ಹಿಂದಿನ ಸೀಸನ್​ನಲ್ಲಿ ಅವರು ತೋರಿಸಿದ ಡಬಲ್​ ಗೇಮ್​ ಬುದ್ಧಿಯ ಬಗ್ಗೆ ಖಂಡನೆ ವ್ಯಕ್ತವಾಗಿದೆ. ‘ಬಿಗ್​ ಬಾಸ್​ನಲ್ಲಿ ಇರುವಾಗ ಚೆನ್ನಾಗಿದ್ದು, ನಂತರ ಹೊರಬಂದ ಬಳಿಕ ಹೆಣ್ಮಕ್ಕಳ ಬಗ್ಗೆ ಕಚಡವಾಗಿ ಮಾತನಾಡುತ್ತಿದ್ದರು’ ಎಂದು ನಟ ದರ್ಶ್​ ಛಾಟಿ ಬೀಸಿದ್ದಾರೆ.

ಮೊದಲ ದಿನವೇ ಕಾವೇರಿದ ಬಿಗ್ ಬಾಸ್ ಮನೆಯ ವಾತಾವರಣ!#ಬಿಬಿಕೆ9, ದ ಬಿಗ್ಗೆಸ್ಟ್ ಸೀಸನ್ | ಪ್ರತಿ ರಾತ್ರಿ 9.30#BBK9 #ಬಿಗ್‍ಬಾಸ್‍ಕನ್ನಡ9 #ColorsKannada #ಬಣ್ಣಹೊಸದಾಗಿದೆ #ಬಂಧಬಿಗಿಯಾಗಿದೆ pic.twitter.com/gGt9JPUvR4

— Colors Kannada (@ColorsKannada) September 25, 2022

ಶನಿವಾರ (ಸೆ.24) ಅದ್ದೂರಿಯಾಗಿ ‘ಬಿಗ್​ ಬಾಸ್​ ಕನ್ನಡ ಸೀಸನ್​ 9’ ಆರಂಭ ಆಗಿದೆ. ಪ್ರತಿ ರಾತ್ರಿ 9.30ಕ್ಕೆ ಹೊಸ ಎಪಿಸೋಡ್​ ಬಿತ್ತರ ಆಗಲಿದೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.