ಫ್ರೆಂಚ್ ಫ್ರೈಸ್ ಖಿನ್ನತೆಯ ಅಪಾಯವನ್ನು ಹೆಚ್ಚಿಸುತ್ತದೆ ಎಂದು ಇತ್ತೀಚಿನ ಅಧ್ಯಯನವು ಹೇಳಿದೆ

ಫ್ರೆಂಚ್ ಫ್ರೈಸ್ (French Fries) ಅನೇಕರಿಗೆ ಆರಾಮದಾಯಕ ಆಹಾರ ಆಯ್ಕೆಯಾಗಿದೆ. ಸಂತೋಷ, ದುಃಖ ಎಂತಹ ಸಂದರ್ಭಗಳಲ್ಲಿಯೂ ತಟ್ಟೆ ತುಂಬ ಫ್ರೆಂಚ್ ಫ್ರೈಸ್ ಹಾಕಿಕೊಂಡು ಬದಿಯಲ್ಲಿ ಕೆಚಪ್ (Ketchup) ಹಾಕಿ ಸೇವಿಸುವುದು ಈಗಿನ ಕಾಲದಲ್ಲಿ ಸಾಮಾನ್ಯವಾಗಿಬಿಟ್ಟಿದೆ. ಹೀಗೆ ತಿನ್ನುವುದರಿಂದ ಮನಸ್ಸು ಹಗುರಾಗುತ್ತದೆ ಎಂದು ಅದೆಷ್ಟೋ ಯುವಕರು ನಂಬುತ್ತಾರೆ. ಆದರೆ ಇದೆಲ್ಲವೂ ಮಿಥ್ಯ ಎಂದು ತೋರುತ್ತದೆ. ಚೀನಾದ ಹ್ಯಾಂಗ್‌ಝೌ (Hangzhou, China)  ಸಂಶೋಧಕರ ಪ್ರಕಾರ, ಹುರಿದ ಆಲೂಗಡ್ಡೆಗಳ ಆಗಾಗ್ಗೆ ಸೇವನೆಯು ಖಿನ್ನತೆ ಮತ್ತು ಆತಂಕದ ಅಪಾಯವನ್ನು ಶೇಕಡಾ 7 ಮತ್ತು 12 ರಷ್ಟು ಹೆಚ್ಚಿಸುತ್ತದೆ. ಯುವಕರಲ್ಲಿ ಈ ಸಮಸ್ಯೆ ಹೆಚ್ಚು ಪ್ರಬಲವಾಗಿದೆ ಎಂದು ಹೇಳಿದ್ದಾರೆ.

ಕರಿದ ಆಹಾರದ ಸೇವನೆಯು ಮಾನಸಿಕ ಆರೋಗ್ಯದ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ?

ಕರಿದ ಆಹಾರದ ಸೇವನೆಯು ಅಧಿಕ ರಕ್ತದೊತ್ತಡ, ಬೊಜ್ಜು, ಅಧಿಕ ಕೊಲೆಸ್ಟ್ರಾಲ್ ಮತ್ತು ಇತರ ಆರೋಗ್ಯ ಸಮಸ್ಯೆಗಳ ಅಪಾಯವನ್ನು ಹೆಚ್ಚಿಸುತ್ತದೆ ಎಂದು ತಜ್ಞರು ಹೇಳುತ್ತಾರೆ. ಈ ಅಧ್ಯಯನದ ಫಲಿತಾಂಶಗಳು PNAS ಜರ್ನಲ್‌ನಲ್ಲಿ ಪ್ರಕಟವಾಗಿವೆ. ಈ ಅಧ್ಯಯನದ ಫಲಿತಾಂಶಗಳು ಮಾನಸಿಕ ಆರೋಗ್ಯ ಸಮಸ್ಯೆಗಳು ಮತ್ತು ಕರಿದ ಆಹಾರದ ನಡುವೆ ಪ್ರಾಥಮಿಕ ಸಂಬಂಧವಿರಬಹುದು ಎಂದು ಸಂಶೋಧಕರು ಹೇಳಿದ್ದಾರೆ.

ಅಧ್ಯಯನವು 11 ವರ್ಷಗಳ ಅವಧಿಗೆ 140,728 ಜನರನ್ನು ಮೌಲ್ಯಮಾಪನ ಮಾಡಿದೆ. ಮೊದಲ ಎರಡು ವರ್ಷಗಳಲ್ಲಿ ಖಿನ್ನತೆಗೆ ಒಳಗಾದ ಜನರನ್ನು ಹೊರತುಪಡಿಸಿದ ನಂತರ, ಹುರಿದ ಆಹಾರ, ಅದರಲ್ಲೂ ಹುರಿದ ಆಲೂಗಡ್ಡೆಗಳನ್ನು ಸೇವಿಸುವ ಜನರಲ್ಲಿ 8294 ಆತಂಕ ಮತ್ತು 12735 ಖಿನ್ನತೆಯ ಪ್ರಕರಣಗಳನ್ನು ಗುರುತಿಸಲಾಗಿದೆ. ಹುರಿದ ಆಲೂಗಡ್ಡೆ ಸೇವನೆಯು ನಿರ್ದಿಷ್ಟವಾಗಿ ಖಿನ್ನತೆಯ ಅಪಾಯವನ್ನು ಶೇಕಡಾ 2 ರಷ್ಟು ಹೆಚ್ಚಿಸಿದೆ. ಇದು ಹೆಚ್ಚು ಯುವಕರಲ್ಲಿ ಕಂಡು ಬಂದಿದೆ.

ಇದನ್ನೂ ಓದಿ: ಸೋಂಪು-ಕಲ್ಲುಸಕ್ಕರೆ ಕಾಂಬಿನೇಷನ್: ಬೇಸಿಗೆಯಲ್ಲಿ ನಿಮ್ಮ ಆರೋಗ್ಯಕ್ಕೆ ಹೇಗೆ ಸಹಾಯ ಮಾಡುತ್ತೆ ತಿಳಿಯಿರಿ

ಆದರೆ ಈ ಸಂಪರ್ಕವನ್ನು ಸಾಮಾನ್ಯವಾಗಿ ವಿಭಿನ್ನ ರೀತಿಯಲ್ಲಿ ವ್ಯಾಖ್ಯಾನಿಸಲಾಗಿದೆ –

ಆತಂಕ ಮತ್ತು ಖಿನ್ನತೆಯಿರುವ ಜನರು ಸಾಮಾನ್ಯವಾಗಿ ತಮ್ಮ ಮನಸ್ಥಿತಿಯಬ್ಬು ಸುಧಾರಿಸಲು ಸ್ವಯಂ೦ಔಷದಿಯ ಮಾರ್ಗವನ್ನು ಆಯ್ಕೆ ಮಾಡುತ್ತಾರೆ, ಇನ್ನು ಕೆಲವರು ತಮ್ಮ ಮೂಡ್ ಅನ್ನು ಸುಧಾರಿಸಿಕೊಳ್ಳಲು ತಮ್ಮ ನೆಚ್ಚಿನ ಆಹಾರವನ್ನು ಸೇವಿಸಲು ಮುಂದಾಗುತ್ತಾರೆ, ಈ ಅನಾರೋಗ್ಯಕರ ಆಯ್ಕೆಗಳು ದೀರ್ಘವಧಿಯಲ್ಲಿ ದೇಹದ ಅನಾರೋಗ್ಯಕ್ಕೆ ಕಾರಣವಾಗಬಹುದು. ಮನಸ್ಥಿತಿ ಬದಲಾವಣೆಗಳು, ಮಾನಸಿಕ ಆರೋಗ್ಯ ಸಮಸ್ಯೆಗಳು, ಮಧುಮೇಹ, ಸ್ಥೂಲಕಾಯತೆ ಮತ್ತು ಹೃದಯ ಕಾಯಿಲೆಗಳಂತಹ ಚಯಾಪಚಯ ಅಸ್ವಸ್ಥತೆಗಳಿಗೆ ಕಾರಣವಾಗಬಹುದು.

Published On - 2:07 pm, Wed, 26 April 23