ಬಿಗ್​ ಬಾಸ್​ ಮನೆಯಲ್ಲಿ ಕ್ಯಾಪ್ಟನ್ಸಿ ಕಳೆದುಕೊಂಡ ಬೆನ್ನಲ್ಲೇ ಶಮಂತ್​ಗೆ ಹುಡುಗಿ ಪಟಾಯಿಸೋ ಟಾಸ್ಕ್​!

ಬಿಗ್​ ಬಾಸ್​ ಮನೆ ಒಳಗೆ ಎಂಟ್ರಿ ಕೊಟ್ಟಿದ್ದ ಬ್ರೋ ಗೌಡ ತುಂಬಾನೇ ಭಿನ್ನವಾಗಿ ಕಾಣಿಸಿಕೊಂಡಿದ್ದರು. ಅಷ್ಟೇ ಅಲ್ಲ, ಮನೆ ಹೊರಗೆ 22 ಹುಡುಗಿಯರು ಇವರಿಗೆ ಬಿದ್ದಿದ್ದರು ಎನ್ನುವ ವಿಚಾರ ಸಾಕಷ್ಟು ಚರ್ಚೆಗೆ ಕಾರಣವಾಗಿತ್ತು. ಆದರೆ ಬಿಗ್​ ಬಾಸ್​ ಮನೆಯಲ್ಲಿ ಅವರಿಗೆ ಒಬ್ಬರೂ ಬಿದ್ದಿರಲಿಲ್ಲ. ದಿವ್ಯಾ ಮೇಲೆ ಕ್ರಶ್​ ಹೊಂದಿದ್ದರೂ ಅದು ಮೊದಲ ಹಂತದಲ್ಲೇ ವಿಫಲವಾಗಿತ್ತು! ಈಗ ಬಿಗ್​ ಬಾಸ್​ ಮನೆಯಲ್ಲಿ ಬ್ರೋ ಗೌಡಗೆ ಹುಡುಗಿ ಪಟಾಯಿಸುವ ಟಾಸ್ಕ್​ ನೀಡಲಾಗಿದೆ! ಅಷ್ಟಕ್ಕೂ ಈ ಟಾಸ್ಕ್​ ನೀಡಿದ್ದು ಬೇರೆ ಯಾರೂ ಅಲ್ಲ ಶುಭಾ ಪೂಂಜಾ. 11 ದಿನ ಸಂಜೆ ಕೂತು ಮಾತನಾಡುವಾಗ ಶುಭಾ ಪೂಂಜಾ ಮಾತು ಆರಂಭಿಸಿದರು. ಶಮಂತ್​ ಬಿಗ್​ ಬಾಸ್​ ಮನೆಯಲ್ಲಿ ಒಬ್ಬಳನ್ನೂ ಪಟಾಯಿಸಿಲ್ಲ. ಹೊರಗೆ ಅಷ್ಟು ಜನ ಬಿದ್ರು, ಇಷ್ಟು ಜನ ಬಿದ್ರು ಅಂತಾನೆ. ಅವನಿಗೆ ಮನೆ ಹೊರಗೆ 22 ಜನ ಬಿದ್ದಿದ್ದೇ ಸುಳ್ಳು ಎಂದು ನಕ್ಕಿದ್ದಾರೆ ಶುಭಾ.

ಇನ್ನು, ಶಮಂತ್​ ಮನೆ ಕ್ಯಾಪ್ಟನ್​ ಆಗಿದ್ದರು. ಕ್ಯಾಪ್ಟನ್​ ಆಗಿದ್ದರಿಂದ ಸಹಜವಾಗಿಯೇ ಎಲ್ಲರಿಗೂ ಕೆಲಸ ಹೇಳುತ್ತಿದ್ದರು. ಈ ಬಗ್ಗೆಯೂ ಚರ್ಚೆ ಆಗಿದೆ. ಶಮಂತ್​ಗೆ ಹುಡುಗಿಯರನ್ನು ಕೆಡಗಿಕೊಳ್ಳುವ ನ್ಯಾಕ್​ ಇಲ್ಲ. ನೋಡಿದಾಗೆಲ್ಲ ಕೆಲಸ ಕೊಡ್ತಾನೆ. ಹೀಗಾದ್ರೆ ಯಾರೂ ಬೀಳ್ತಾರೆ ಎಂದು ನಕ್ಕಿದ್ದಾರೆ.

ಶಮಂತ್​ ಕ್ಯಾಪ್ಟನ್ಸಿ ಮಕ್ತಾಯ.. ಶಮಂತ್​ ಇಷ್ಟು ದಿನ ಬಿಗ್​ ಬಾಸ್ ಮನೆಯಲ್ಲಿ ನಾಯಕರಾಗಿದ್ದರು. ಗುರುವಾರಕ್ಕೆ ಇದು ಅಂತ್ಯವಾಗಿದೆ.  ಕ್ಯಾಪ್ಟನ್ಸಿ ಆಟದಲ್ಲಿ  ರಾಜೀವ್​ ಹೊಸ ನಾಯಕನಾಗಿ ಹೊರ ಹೊಮ್ಮಿದ್ದಾರೆ.

ಇದನ್ನೂ ಓದಿ: ಬಿಗ್​ ಬಾಸ್​ ಮನೆಯಲ್ಲಿ ಪ್ಲೇ ಆಗಲೇ ಇಲ್ಲ ಗುಡ್​ ಮಾರ್ನಿಂಗ್​ ಸಾಂಗ್; ಇದಕ್ಕೆ ಕಾರಣ ಮಾತ್ರ ವಿಚಿತ್ರ!