ರಾಷ್ಟ್ರೀಯ ರಿಫ್ರೆಶ್ಮೆಂಟ್ ದಿನ 2021: ನಿಮಗೆ ತಿಳಿದಿರಬೇಕಾದ ಇತಿಹಾಸ ಮತ್ತು ಮಹತ್ವ

ರಾಷ್ಟ್ರೀಯ ರಿಫ್ರೆಶ್ಮೆಂಟ್ ದಿನ ಈ ವರ್ಷ ಜುಲೈ 22 ರಂದು ಬರುತ್ತದೆ. 2015 ರಿಂದ ಪ್ರತಿ ವರ್ಷ ಜುಲೈನಲ್ಲಿ ನಾಲ್ಕನೇ ಗುರುವಾರ ರಾಷ್ಟ್ರೀಯ ರಿಫ್ರೆಶ್ಮೆಂಟ್ ದಿನವನ್ನು ಗುರುತಿಸಲು ನಿರ್ಧರಿಸಲಾಗಿದೆ. ರಾಷ್ಟ್ರೀಯ ರಿಫ್ರೆಶ್ಮೆಂಟ್ ದಿನವು ತಂಪಾದ ಪಾನಿಯಗಳಾದ ಐಸ್‌ ಟೀ, ಸ್ಮೂಥಿ, ನಿಂಬೆ ಪಾನಕ, ಮೋಕ್‌ಟೇಲ್, ವಿಶೇಷವಾಗಿ ರುಚಿಯಾದ ಕೋಲ್ಡ್ ಬಿಯರ್ ಅನ್ನು ನೆನಪಿಸುತ್ತದೆ. ಈ ಶೀತಲವಾಗಿರುವ ಪಾನೀಯಗಳನ್ನು ಯಾರು ಆನಂದಿಸುವುದಿಲ್ಲ?

ರಾಷ್ಟ್ರೀಯ ರಿಫ್ರೆಶ್ಮೆಂಟ್ ದಿನದ ಇತಿಹಾಸ: 6 ವರ್ಷಗಳ ಹಿಂದೆ, ಮೇ 2015 ರಲ್ಲಿ, ಟ್ರಾವೆಲರ್ ಬಿಯರ್ ಕಂಪನಿ ಎಂಬ ಸಂಘಟನೆಯು ಮಾರುಕಟ್ಟೆಯಲ್ಲಿ ತಮ್ಮ ಹೊಸ ಸಾಲಿನ ಕ್ರಾಫ್ಟ್ ಬಿಯರ್ ಅನ್ನು ಘೋಷಿಸಿತು, ಅವರ ಉಪಕ್ರಮದ ಮೂಲಕವೇ ಮೊದಲ ರಿಫ್ರೆಶ್ಮೆಂಟ್ ದಿನವನ್ನು ಗುರುತಿಸಲಾಯಿತು. ರಾಷ್ಟ್ರೀಯ ದಿನದ ಕ್ಯಾಲೆಂಡರ್‌ನಲ್ಲಿ ರಿಜಿಸ್ಟ್ರಾರ್ ಅವರು 2015 ರಲ್ಲಿ ರಾಷ್ಟ್ರೀಯ ದಿನಾಚರಣೆಯನ್ನು ಅಧಿಕೃತವಾಗಿ ಘೋಷಿಸಿದರು.

ಕೆಲವು ಆರೋಗ್ಯಕರವಾದ ರಿಫ್ರೆಶ್ಮೆಂಟ್ಗಳಿಲ್ಲಿವೆ: ಗ್ರೀನ್ ಟಿ: ಗ್ರೀನ್ ಟಿ ಒಂದು ಬಗೆಯ ಚಹಾವಾಗಿದ್ದು, ಇದನ್ನು ಕ್ಯಾಮೆಲಿಯಾ ಸಿನೆನ್ಸಿಸ್ ಎಲೆಗಳು ಮತ್ತು ಮೊಗ್ಗುಗಳಿಂದ ತಯಾರಿಸಲಾಗುತ್ತದೆ. ಗ್ರೀನ್ ಟಿ ಏಷ್ಯಾದ ರಾಷ್ಟ್ರಗಳಲ್ಲಿ ಸಹಸ್ರಾರು ವರ್ಷಗಳಿಂದ ಆರೋಗ್ಯದ ಅನುಕೂಲಗಳಿಗಾಗಿ ಪ್ರಶಂಸಿಸಲಾಗಿದೆ. ಅನೇಕ ಜನರು ಹಸಿರು ಚಹಾವನ್ನು ಆರೋಗ್ಯಕರ ಪಾನೀಯವೆಂದು ಭಾವಿಸುತ್ತಾರೆ. ಗ್ರೀನ್ ಟಿ ಪಾಲಿಫಿನಾಲ್‌ಗಳ ಹೆಚ್ಚಿನ ಸಾಂದ್ರತೆಯನ್ನು ಒಳಗೊಂಡಿದೆ, ಇದು ಸ್ತನ ಕ್ಯಾನ್ಸರ್ ಮತ್ತು ಪ್ರಾಸ್ಟೇಟ್ ಕ್ಯಾನ್ಸರ್ನಂತಹ ಕೆಲವು ರೀತಿಯ ಕ್ಯಾನ್ಸರ್ಗಳಿಂದ ರಕ್ಷಿಸುತ್ತದೆ ಎಂದು ಭಾವಿಸಲಾಗಿದೆ.

ದಾಳಿಂಬೆ ಜ್ಯೂಸ್: ದಾಳಿಂಬೆ ರಸವು ಮಾರುಕಟ್ಟೆಯಲ್ಲಿ ಸಿಗುವ ಹೆಚ್ಚು ಪೋಷಕಾಂಶ-ದಟ್ಟವಾದ ಪಾನೀಯಗಳಲ್ಲಿ ಒಂದಾಗಿದೆ. ಈ ಹಣ್ಣಿನ ರಸದಲ್ಲಿ ಉತ್ಕರ್ಷಣ ನಿರೋಧಕಗಳು ಅಧಿಕವಾಗಿದ್ದು, ಇದು ಕೋಶಗಳನ್ನು ಹಾನಿಯಿಂದ ರಕ್ಷಿಸುತ್ತದೆ ಮತ್ತು ಉರಿಯೂತವನ್ನು ಕಡಿಮೆ ಮಾಡುತ್ತದೆ, ಕೆಲವು ರೀತಿಯ ಸಂಧಿವಾತವನ್ನು ನಿವಾರಿಸುತ್ತದೆ. ಇದರಲ್ಲಿ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ವಿಟಮಿನ್ ಸಿ ಸಹ ಇದೆ.

ಬೀಟ್ರೂಟ್ ಜ್ಯೂಸ್: ಬೀಟ್ರೂಟ್ ಹಲವಾರು ಆರೋಗ್ಯ ಪ್ರಯೋಜನಗಳನ್ನು ಹೊಂದಿವೆ, ಅವು ಫೋಲಿಕ್ ಆಮ್ಲ, ಮೆಗ್ನೀಸಿಯಮ್ ಮತ್ತು ನೈಟ್ರೇಟ್‌ಗಳ ಅತ್ಯುತ್ತಮ ಮೂಲವಾಗಿದೆ. ನೈಟ್ರೇಟ್‌ಗಳನ್ನು ನಮ್ಮ ದೇಹವು ನೈಟ್ರಿಕ್ ಆಕ್ಸೈಡ್ ಆಗಿ ಬದಲಾಯಿಸುತ್ತದೆ, ಇದು ರಕ್ತದೊತ್ತಡವನ್ನು ಕಡಿಮೆ ಮಾಡುತ್ತದೆ ಮತ್ತು ರಕ್ತದ ಹರಿವನ್ನು ಸುಧಾರಿಸುತ್ತದೆ. ಹಲವಾರು ಸಂಶೋಧನೆಗಳ ಪ್ರಕಾರ, ಇದು ತ್ರಾಣವನ್ನು ಹೆಚ್ಚಿಸಲು ಸಹಾಯ ಮಾಡುವ ಅದ್ಭುತವಾದ ಪಾನೀಯವಾಗಿದೆ.

ನಿಂಬೆ ಪಾನಕ: ನಿಂಬೆ ಪಾನಕ ನಂಬಲಾಗದಷ್ಟು ಪರಿಣಾಮಕಾರಿ ರೋಗನಿರೋಧಕ ವರ್ಧಕವಾಗಿದೆ. ಒಂದು ಲೋಟ ನೀರಿನಲ್ಲಿ ಕೇವಲ 2 ಟೀಸ್ಪೂನ್ ನಿಂಬೆ ರಸವು 14 ಮಿಗ್ರಾಂ ವಿಟಮಿನ್ ಸಿ ಅನ್ನು ನೀಡುತ್ತದೆ. ಇದು ಉತ್ತಮ ರುಚಿ ಇರುವುದರಿಂದ, ನೀವು ಸರಳ ನೀರಿಗಿಂತ ಹೆಚ್ಚು ನಿಂಬೆ ನೀರನ್ನು ಕುಡಿಯಲು ಪ್ರಾರಂಭಿಸಬಹುದು.