ಐಟಿ ದಾಳಿಯಲ್ಲಿ ಡಿಸ್ಟಿಲರಿಯಿಂದ ಕಪ್ಪು ಹಣ ವಶ; ಕಾಂಗ್ರೆಸ್ ಸಂಸದನನ್ನು ಸಮರ್ಥಿಸಿಕೊಂಡ ರಘುರಾಮ್ ರಾಜನ್

ದೆಹಲಿ ಡಿಸೆಂಬರ್ 12: ದಿ ರೆಡ್ ಮೈಕ್ ಪ್ರಕಟಿಸಿದ ಸಂದರ್ಶನದಲ್ಲಿ, ಭಾರತೀಯ ರಿಸರ್ವ್ ಬ್ಯಾಂಕ್‌ನ ಮಾಜಿ ಗವರ್ನರ್ ಡಾ ರಘುರಾಮ್ ರಾಜನ್ (Dr Raghuram Rajan) ಅವರು ಕಾಂಗ್ರೆಸ್ ರಾಜ್ಯಸಭಾ ಸಂಸದ ಧೀರಜ್ ಪ್ರಸಾದ್ ಸಾಹು (Dhiraj Prasad Sahu) ಅವರಿಂದ ವಶಪಡಿಸಿಕೊಂಡ ಲೆಕ್ಕವಿಲ್ಲದ ನಗದು ಬಗ್ಗೆ ಸಮರ್ಥಿಸಿಕೊಂಡು ಮಾತನಾಡಿದ್ದಾರೆ. ಚುನಾವಣಾ ಬಾಂಡ್‌ಗಳು (electoral bonds) ಆಡಳಿತ ಪಕ್ಷಕ್ಕೆ ಅನುಕೂಲವಾಗುವಂತೆ ಮಾಡುವುದರಿಂದ ವಿರೋಧ ಪಕ್ಷಗಳು ಅಕ್ರಮ ಹಣವನ್ನು ಬಳಸಲೇ ಬೇಕಾದ ಸ್ಥಿತಿ ಬರುತ್ತದೆ ಎಂದು ರಾಜನ್ ಹೇಳಿದ್ದಾರೆ.

ಸಂಕೇತ್ ಉಪಾಧ್ಯಾಯ ಅವರು ಐಡಿಯಾ ಎಕ್ಸ್‌ಚೇಂಜ್‌ನಲ್ಲಿ ಮಾಜಿ ಹಣಕಾಸು ಕಾರ್ಯದರ್ಶಿ ಸುಭಾಷ್ ಚಂದ್ರ ಗಾರ್ಗ್ ನೀಡಿದ ಹೇಳಿಕೆಯನ್ನು ಉಲ್ಲೇಖಿಸಿ ಡಾ.ರಾಜನ್ ಅವರಲ್ಲಿ ಚುನಾವಣಾ ಬಾಂಡ್‌ಗಳ ಕುರಿತು ಅಭಿಪ್ರಾಯಗಳನ್ನು ಕೇಳಿದರು. ಚುನಾವಣಾ ಬಾಂಡ್‌ಗಳನ್ನು ಏಕೆ ಪರಿಚಯಿಸಲಾಯಿತು ಮತ್ತು ಅವುಗಳನ್ನು ವ್ಯವಸ್ಥೆಯಿಂದ ತೆಗೆದುಹಾಕುವುದರಿಂದ ಉಂಟಾಗುವ ದುಷ್ಪರಿಣಾಮಗಳೇನು ಎಂಬುದನ್ನು ಗಾರ್ಗ್ ಸಂಪೂರ್ಣವಾಗಿ ವಿವರಿಸಿದರು. ಚುನಾವಣಾ ಬಾಂಡ್‌ಗಳನ್ನು ತೆಗೆದುಹಾಕಿದರೆ, ಅದು ರಾಜಕೀಯ ಪ್ರಕ್ರಿಯೆಯಲ್ಲಿ ಹಣ ಜನರ ಕೈಗೆ ಸಿಗುತ್ತದೆ ಎಂದು ಗಾರ್ಗ್ ಹೇಳಿದ ಹೇಳಿಕೆಯ ಕುರಿತು ಸಂಕೇತ್ ಡಾ.ರಾಜನ್ ಅವರ ಅಭಿಪ್ರಾಯವನ್ನು ಕೇಳಿದರು.

Dr Rajan speaks on the Dheeraj Sahu cash recovery in the context of Electoral Bonds. Do listen to his views below.

Full intw – https://t.co/HTcXOGc7cW pic.twitter.com/cD9yHKKTUo

— Sanket Upadhyay (@sanket) December 12, 2023

ಚುನಾವಣಾ ಬಾಂಡ್‌ಗಳು ಸಂಪೂರ್ಣವಾಗಿ ಪಾರದರ್ಶಕವಲ್ಲದ ಹಣಕಾಸು ಮಾರ್ಗವಾಗಿದೆ. ಪಕ್ಷಗಳು ಹಣವನ್ನು ಪಡೆಯುತ್ತವೆ. ಅವರು ಏನು ಪಡೆಯುತ್ತಾರೆ ಎಂಬುದು ಯಾರಿಗೂ ತಿಳಿದಿಲ್ಲ. ಒಬ್ಬ ಕೈಗಾರಿಕೋದ್ಯಮಿ ಪಕ್ಷಕ್ಕೆ 1,000 ಕೋಟಿ ಕೊಟ್ಟರೆ ಸಾರ್ವಜನಿಕರಿಗೆ ಗೊತ್ತಾಗುವುದಿಲ್ಲ. ಯಾರು ಯಾರಿಗೆ ದೇಣಿಗೆ ಮಾಡಿದ್ದಾರೆ ಎಂದು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾಗೆ ಮಾತ್ರ ತಿಳಿಯುತ್ತದೆ. ಇದು “ಚುನಾವಣೆಗಳಿಗೆ ಹಣಕಾಸು ಒದಗಿಸುವ ಕೆಟ್ಟ ಮಾರ್ಗ”. ಭಾರತದಲ್ಲಿ, ರಹಸ್ಯಗಳನ್ನು ಕಾಪಾಡಿಕೊಳ್ಳುವುದು ಕಷ್ಟ. ಅಷ್ಟೇ ಅಲ್ಲ ಆಡಳಿತ ಪಕ್ಷವು ವಿರೋಧ ಪಕ್ಷಗಳಿಗೆ ದೇಣಿಗೆ ನೀಡಿದ ವ್ಯಾಪಾರ ಸಂಸ್ಥೆಗಳ ಮಾಹಿತಿಯನ್ನು ಕಂಡುಹಿಡಿಯಬಹುದು ಎಂದು ರಘುರಾಮ್ ರಾಜನ್ ಹೇಳಿದ್ದಾರೆ.

“ಇದು ಸಂಭವಿಸುತ್ತದೆ ಎಂದು ನಾನು ಹೇಳುವುದಿಲ್ಲ, ಆದರೆ ಆಡಳಿತ ಪಕ್ಷವು ವಿರೋಧ ಪಕ್ಷಗಳಿಗೆ ಹಣ ನೀಡಿದ ಜನರನ್ನು ಕರೆದು ಅವರು ಯಾಕೆ ಪಕ್ಷಕ್ಕೆ ದೇಣಿಗೆ ನೀಡಿದರು ಎಂದು ಕೇಳಬಹುದು.” ಅದಕ್ಕಾಗಿಯೇ ವಿರೋಧ ಪಕ್ಷಗಳು ಚುನಾವಣಾ ಬಾಂಡ್‌ಗಳ ಬದಲಿಗೆ ಹಣವನ್ನು ಬಳಸಬೇಕು. ಚುನಾವಣೆ ಸ್ಪರ್ಧಿಸಲು ಹಣ ಬೇಕು.  ಇದಲ್ಲದೆ, ಚುನಾವಣೆಗಾಗಿ, ಆಡಳಿತ ಪಕ್ಷವು ವಿರೋಧ ಪಕ್ಷಗಳ ನಾಯಕರ ವಿರುದ್ಧ ದಾಳಿ ನಡೆಸಲು ಜಾರಿ ನಿರ್ದೇಶನಾಲಯ, ಆದಾಯ ತೆರಿಗೆ ಇಲಾಖೆ ಮತ್ತು ಕೇಂದ್ರ ತನಿಖಾ ದಳದಂತಹ ಸಂಸ್ಥೆಗಳನ್ನು ಬಳಸಿಕೊಳ್ಳಬಹುದ. ಉದಾಹರಣೆಗೆ, ಧೀರಜ್ ಪ್ರಸಾದ್ ಸಾಹು ವಿರುದ್ಧದ ಇತ್ತೀಚಿನ ದಾಳಿ ಬಗ್ಗೆ ಮಾತನಾಡಿದ ರಾಜನ್, ಅವರು ಹಣವನ್ನು ಚುನಾವಣೆಗಳಿಗೆ ಬಳಸಲು ಇಟ್ಟಿದ್ದಾಗಿರಬಹುದು ಎಂದಿದ್ದಾರೆ.

ಇದನ್ನೂ ಓದಿ: ಮನಿ ಹೈಸ್ಟ್; ಒಡಿಶಾದಲ್ಲಿ ಕೋಟಿ ನಗದು ವಶಪಡಿಸಿರುವ ವಿಡಿಯೊ ಟ್ವೀಟ್ ಮಾಡಿ ಕಾಂಗ್ರೆಸ್ ವಿರುದ್ಧ ಮೋದಿ ವಾಗ್ದಾಳಿ 

ಕಳೆದ ವರ್ಷ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿಯವರ ಭಾರತ್ ಜೋಡೋ ಯಾತ್ರೆಯಲ್ಲಿ ಪಾಲ್ಗೊಂಡಿದ್ದ ಡಾ ರಾಜನ್, ಯುಪಿಎ-2ನ್ನು ಸಮರ್ಥಿಸಿಕೊಂಡಿದ್ದರು. 2009-2014 ರ ಅವಧಿಯಲ್ಲಿ ಯುಪಿಎ-2 ಬಹುಮತದಲ್ಲಿಲ್ಲದ ಕಾರಣ ದೇಶವು ಹೆಚ್ಚು ಪ್ರಗತಿ ಸಾಧಿಸಲಿಲ್ಲ. ಯುಪಿಎ-2ರ ಅವಧಿಯಲ್ಲಿ ಸರಕು ಮತ್ತು ಸೇವಾ ತೆರಿಗೆ (ಜಿಎಸ್‌ಟಿ) ಜಾರಿಗೆ ತರಲಾಗಿತ್ತು .ಆದರೆ ವಿರೋಧ ಪಕ್ಷಗಳು ಅದನ್ನು ವಿರೋಧಿಸಿದ್ದರಿಂದ ಜಾರಿಗೆ ತರಲಾಗಲಿಲ್ಲ. ಯುಪಿಎ-2 ಬಹುಮತದಲ್ಲಿ ಇರಲಿಲ್ಲ. ಹಾಗಾಗಿ ಅದನ್ನು ಕಾನೂನು ಮಾಡಲು ಸಾಧ್ಯವಾಗಲಿಲ್ಲ ಎಂದಿದ್ದರು. ಆಗ ಬಿಜೆಪಿ ವಿರೋಧ ಪಕ್ಷವಾಗಿತ್ತು.

ಧೀರಜ್ ಪ್ರಸಾದ್ ಸಾಹು ಯಾರು?

ಧೀರಜ್ ಪ್ರಸಾದ್ ಸಾಹು ಅವರು ಜಾರ್ಖಂಡ್‌ನಿಂದ ಕಾಂಗ್ರೆಸ್‌ನ ರಾಜ್ಯಸಭಾ ಸಂಸದರಾಗಿದ್ದಾರೆ. ಸ್ವಾತಂತ್ರ್ಯ ಬಂದಾಗಿನಿಂದಲೂ ಅವರ ಕುಟುಂಬ ಕಾಂಗ್ರೆಸ್ ಪಕ್ಷದೊಂದಿಗೆ ನಂಟು ಹೊಂದಿದೆ. ಅವರು 2009 ರಲ್ಲಿ ಮೊದಲ ಬಾರಿಗೆ ಉಪಚುನಾವಣೆಯಲ್ಲಿ ರಾಜ್ಯಸಭಾ ಸಂಸದರಾದರು. 2010 ರಲ್ಲಿ, ಅವರು ಎರಡನೇ ಬಾರಿಗೆ ರಾಜ್ಯಸಭಾ ಸಂಸದರಾಗಿಆಗಿ ಮರು ಆಯ್ಕೆಯಾದರು,2018 ರಲ್ಲಿ, ಅವರು ಮೂರನೇ ಬಾರಿಗೆ ಕಾಂಗ್ರೆಸ್‌ನಿಂದ ಮರು ಆಯ್ಕೆಯಾದರು.

ಧೀರಜ್ ಸಾಹು ಅವರು ಸಂಸತ್ತಿನ ಕಲಾಪಗಳಲ್ಲಿ ಸಕ್ರಿಯವಾಗಿ ಭಾಗವಹಿಸುತ್ತಾರೆ. ಸಾಹು ಕೂಡ ರಾಹುಲ್ ಗಾಂಧಿಯವರ ಭಾರತ್ ಜೋಡೋ ಯಾತ್ರೆಯ ಭಾಗವಾಗಿದ್ದರು. ಧೀರಜ್ ಪ್ರಸಾದ್ ಸಾಹು ಪಾಲುದಾರರಾಗಿರುವ ಒಡಿಶಾ ಮೂಲದ ಬೌದ್ ಡಿಸ್ಟಿಲರಿ ಪ್ರೈವೇಟ್ ಲಿಮಿಟೆಡ್‌ನಲ್ಲಿ ಇತ್ತೀಚಿನ ದಾಳಿಗಳಲ್ಲಿ ಆದಾಯ ತೆರಿಗೆ ಇಲಾಖೆಯು 400 ಕೋಟಿಗೂ ಹೆಚ್ಚು ಲೆಕ್ಕವಿಲ್ಲದ ಹಣವನ್ನು ವಶಪಡಿಸಿಕೊಂಡಿದೆ. ನಗದು ವಶಪಡಿಸಿಕೊಂಡ ನಂತರ ಕಾಂಗ್ರೆಸ್ ಪಕ್ಷವು ತಮ್ಮದೇ ಸಂಸದರಿಂದ ಅಂತರ ಕಾಪಾಡಿಕೊಂಡಿದೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ