ವೈದ್ಯನಾಗಲು ನ್ಯೂನತೆಗಳು ಅಡ್ಡ ಬರಲಿಲ್ಲ, ಅಡ್ಡ ಬಂದಿದ್ದು ಕಾನೂನು, ಸುಪ್ರೀಂ ಮೆಟ್ಟಿಲೇರಿ ಗೆದ್ದಿದ್ದ 3 ಅಡಿ ಎತ್ತರದ ಗಣೇಶ್ ಬರಯ್ಯ ಈಗ ವೈದ್ಯಾಧಿಕಾರಿ
ಎಲ್ಲಾ ಅಡೆತಡೆಗಳನ್ನು ದಾಟಿ ತನ್ನ ಎಲ್ಲಾ ನ್ಯೂನತೆಗಳನ್ನು ಬದಿಗಿಟ್ಟು ಗಣೇಶ್ ಬರಯ್ಯ ವೈದ್ಯಾಧಿಕಾರಿಯಾಗಿ ಹೊರಹೊಮ್ಮಿದ್ದಾರೆ. ಅವರು ವೈದ್ಯನಾಗುವ ಕನಸನ್ನು ನನಸು ಮಾಡಿಕೊಳ್ಳಲು ಸುಪ್ರೀಂಕೋರ್ಟ್ ಮೆಟ್ಟಿಲೇರಿದ್ದರು. ಕೊನೆಗೂ ಸುಪ್ರೀಂಕೋರ್ಟ್ ಮೆಟ್ಟಿಲೇರಿ ಗೆಲುವು ತನ್ನದಾಗಿಸಿಕೊಂಡು ವೈದ್ಯ ವೃತ್ತಿಗೆ ಕಾಲಿಟ್ಟಿದ್ದಾರೆ. ವೈದ್ಯಕೀಯ ವೃತ್ತಿಗಾಗಿ ಹೋರಾಟ ನಡೆಸಿ ಕೊನೆಗೂ ಗೆದ್ದಿದ್ದಾರೆ. ಗಣೇಶ್ ಬರಯ್ಯ ಹುಟ್ಟಿನಿಂದಲೇ ಕುಬ್ಜರು. ಅವರು ನಡೆದಾಡಲೂ ಕಷ್ಟಪಡುತ್ತಿದ್ದರು.
Updated on: Dec 02, 2025 | 11:00 AM
ಅಹಮದಾಬಾದ್, ಡಿಸೆಂಬರ್ 02: ಸಾಧಿಸುವ ಛಲವೊಂದಿದ್ದರೆ ಅಸಾಧ್ಯವಾದದ್ದು ಏನೂ ಇಲ್ಲ ಎಂಬುದಕ್ಕೆ ಗಣೇಶ್ ಬರೈಯ್ಯ ಅವರೇ ಸಾಕ್ಷಿ. ಅವರು ವೈದ್ಯ(Doctor)ನಾಗಲು ಅವರ ನ್ಯೂನತೆಗಳು ತೊಡಕಾಗಲಿಲ್ಲ ಕೆಲವು ಕಾನೂನುಗಳು ಅಡ್ಡಬಂದವು. ಕೊನೆಗೂ ಸುಪ್ರೀಂಕೋರ್ಟ್ ಮೆಟ್ಟಿಲೇರಿ ಗೆಲುವು ತನ್ನದಾಗಿಸಿಕೊಂಡು ವೈದ್ಯ ವೃತ್ತಿಗೆ ಕಾಲಿಟ್ಟಿದ್ದಾರೆ. ವೈದ್ಯಕೀಯ ವೃತ್ತಿಗಾಗಿ ಹೋರಾಟ ನಡೆಸಿ ಕೊನೆಗೂ ಗೆದ್ದಿದ್ದಾರೆ. ಗಣೇಶ್ ಬರಯ್ಯ ಹುಟ್ಟಿನಿಂದಲೇ ಕುಬ್ಜರು. ಅವರು ನಡೆದಾಡಲೂ ಕಷ್ಟಪಡುತ್ತಿದ್ದರು.
ದೈಹಿಕ ಮಿತಿಗಳ ಹೊರತಾಗಿಯೂ, ಅವರು 12 ನೇ ತರಗತಿಯಲ್ಲಿ ಶೇ. 87 ಅಂಕಗಳನ್ನು ಗಳಿಸಿದ್ದರು. ನಂತರ ಅವರು ವೈದ್ಯನಾಗುವ ಕನಸಿನತ್ತ ಹೆಜ್ಜೆ ಇಟ್ಟರು, ತಯಾರಿ ನಡೆಸಿ ನೀಟ್ನಲ್ಲಿ ಉತ್ತೀರ್ಣರಾದರು. ಗಣೇಶ್ ಬರಯ್ಯ ನೀಟ್ ನಲ್ಲಿ 233 ಅಂಕಗಳನ್ನು ಗಳಿಸಿದರು. ಅವರು ತುಂಬಾ ಸಂತೋಷಪಟ್ಟರು, ಆದರೆ ನಂತರ ಅವರ ಕನಸುಗಳನ್ನು ಭಗ್ನಗೊಳಿಸುವ ಘಟನೆಯೂ ಸಂಭವಿಸಿತು.
ಗಣೇಶ್ ಬರಯ್ಯ ಗುಜರಾತ್ ನಿವಾಸಿ, ಕುಬ್ಜತೆಯ ಸಮಸ್ಯೆಯನ್ನು ಎದುರಿಸುತ್ತಿರುವ ಅವರು 3 ಅಡಿ ಎತ್ತರ ಮತ್ತು 20 ಕೆಜಿ ತೂಕ ಇದ್ದಾರೆ. 2018 ರಲ್ಲಿ ಭಾರತೀಯ ವೈದ್ಯಕೀಯ ಮಂಡಳಿ (MCI) ಅವರಿಗೆ ಎಂಬಿಬಿಎಸ್ ಕೋರ್ಸ್ಗೆ ಪ್ರವೇಶ ನಿರಾಕರಿಸಿದ್ದರಿಂದ ವೈದ್ಯನಾಗುವ ಅವರ ಕನಸನ್ನು ಬೆನ್ನಟ್ಟಲು ಇದು ಅಡ್ಡಿಯಾಯಿತು. ವೈದ್ಯನಾಗಿ ಅವರ ಕರ್ತವ್ಯಗಳನ್ನು ನಿರ್ವಹಿಸಲು ಅವರ ದೈಹಿಕ ಸ್ಥಿತಿ ಅಡ್ಡಿಯಾಗುತ್ತದೆ ಎಂದು ಮಂಡಳಿ ವಾದಿಸಿತು.
ಪ್ರಾಂಶುಪಾಲರ ನೆರವಿನೊಂದಿಗೆ ಅಂತಿಮವಾಗಿ ಸುಪ್ರೀಂಕೋರ್ಟ್ ಮೊರೆ ಹೋದರು. ನಾಲ್ಕು ತಿಂಗಳ ನಂತರ ಸುಪ್ರೀಂ ಕೋರ್ಟ್ ಅಂತಿಮವಾಗಿ ಬರಯ್ಯ ಪರವಾಗಿ ತೀರ್ಪು ನೀಡಿತು, ಯಾರಿಗಾದರೂ ವೈದ್ಯಕೀಯ ಶಿಕ್ಷಣವನ್ನು ಅನುಮತಿಸುವಲ್ಲಿ ಎತ್ತರವು ಸೀಮಿತಗೊಳಿಸುವ ಅಂಶವಾಗಿರಬಾರದು ಎಂದು ಹೇಳಿತು.
ಮತ್ತಷ್ಟು ಒದಿ: Viral: 92ನೇ ವಯಸ್ಸಿನಲ್ಲಿ ತಂದೆಯಾದ ವೈದ್ಯ! ಪತ್ನಿಯ ವಯಸ್ಸು ಕೇಳಿದ್ರೆ ಅಚ್ಚರಿಯಾಗ್ತೀರಿ
ಅಂಗರಚನಾಶಾಸ್ತ್ರ ತರಗತಿಗಳ ಸಮಯದಲ್ಲಿ, ಅವರ ಸ್ನೇಹಿತರು ಮತ್ತು ಪ್ರಾಧ್ಯಾಪಕರು ಅವರಿಗಾಗಿ ಮುಂದಿನ ಸಾಲಿನ ಆಸನಗಳನ್ನು ಕಾಯ್ದಿರಿಸಿಸುತ್ತಿದ್ದರು. ಶಸ್ತ್ರಚಿಕಿತ್ಸೆಗಳ ಸಮಯದಲ್ಲಿ, ಸಹಪಾಠಿಗಳು ಶಸ್ತ್ರಚಿಕಿತ್ಸಾ ಮೇಜಿನ ಮೇಲೆ ನೋಡಲು ಸಾಧ್ಯವಾಗುವಂತೆ ಅವರನ್ನು ತಮ್ಮ ಹೆಗಲ ಮೇಲೆ ಹೊತ್ತುಕೊಂಡು ಹೋಗುತ್ತಿದ್ದರು.
ಮೊದಲ ಆದ್ಯತೆ? ಭಾವನಗರ ಜಿಲ್ಲೆಯ ಗೋರಖಿ ಗ್ರಾಮದಲ್ಲಿ ತಮ್ಮ ಕುಟುಂಬಕ್ಕೆ ಒಂದು ಒಳ್ಳೆಯ ಮನೆ ನಿರ್ಮಿಸುತ್ತಿದ್ದಾರೆ. ಅವರ ಪೋಷಕರು ರೈತರು. ಗಣೇಶ್ ಬರಯ್ಯ ಅವರಿಗೆ ಎಂಟು ಜನ ಒಡಹುಟ್ಟಿದವರು, ಏಳು ಜನ ಸಹೋದರಿಯರು ಮತ್ತು ಒಬ್ಬ ತಮ್ಮ. ನನ್ನ ಕುಟುಂಬ ಇನ್ನೂ ಮಣ್ಣಿನ ಮನೆಯಲ್ಲಿ ವಾಸಿಸುತ್ತಿದೆ. ಎಲ್ಲಾ ಸೌಕರ್ಯಗಳೊಂದಿಗೆ ಇಟ್ಟಿಗೆ ಮನೆಯನ್ನು ನಿರ್ಮಿಸುವುದು ನನ್ನ ದೊಡ್ಡ ಕನಸು. ನಮ್ಮಲ್ಲಿ ಹಣದ ಕೊರತೆಯಿಂದಾಗಿ ನಿರ್ಮಾಣ ಕಾರ್ಯವು ಹಲವಾರು ಬಾರಿ ಸ್ಥಗಿತಗೊಂಡಿದೆ. ಈಗ, ನನ್ನ ಸಂಬಳದೊಂದಿಗೆ, ನಾನು ಅಂತಿಮವಾಗಿ ಅದನ್ನು ಪೂರ್ಣಗೊಳಿಸಲು ಸಾಧ್ಯವಾಗಿದೆ ಎಂದು ಗಣೇಶ್ ಬರಯ್ಯ ಹೇಳಿದ್ದಾರೆ.
ಸ್ನೇಹಿತರು ಮತ್ತು ಪ್ರಾಧ್ಯಾಪಕರು ಸಹಾಯ ಮಾಡಿದರು ನನ್ನ ಸ್ನೇಹಿತರು ಮತ್ತು ಪ್ರಾಧ್ಯಾಪಕರು ನನಗೆ ಪ್ರತಿ ಹಂತದಲ್ಲೂ ಸಹಾಯ ಮಾಡಿದರು. ನನ್ನ ಎತ್ತರವು ನನ್ನನ್ನು ಕಲಿಯುವುದನ್ನು ಎಂದಿಗೂ ತಡೆಯದಂತೆ ಅವರು ನೋಡಿಕೊಂಡರು ಎಂದು ಬರಯ್ಯ ಹೇಳುತ್ತಾರೆ. ಮೊದ ಮೊದಲು ನನ್ನ ನೋಡಿದ ರೋಗಿಗಳು ದಿಗ್ಭ್ರಮೆಗೊಳ್ಳುತ್ತಾರೆ ಆದರೆ ನಾನು ವೈದ್ಯನಾಗಲು ಏನನ್ನು ಬೇಕಾದರೂ ಸಹಿಸಿಕೊಳ್ಳುತ್ತೇನೆ. ಬರಯ್ಯ ಪೀಡಿಯಾಟ್ರಿಕ್ಸ್, ಚರ್ಮರೋಗ ಅಥವಾ ರೇಡಿಯಾಲಜಿಯಲ್ಲಿ ಪರಿಣತಿ ಹೊಂದಬೇಕೆಂಬುದು ಅವರ ಕನಸು.
ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
