ಮಹಿಳೆಯ ಮನೆಗೆ ಬೆಂಕಿ ಹಚ್ಚಿದ ಪ್ರಕರಣ; ಎಸ್‌ಪಿ ಶಾಸಕ ಇರ್ಫಾನ್ ಸೋಲಂಕಿಗೆ 7 ವರ್ಷ ಜೈಲು ಶಿಕ್ಷೆ
ಸಮಾಜವಾದಿ ಪಕ್ಷದ ನಾಯಕ ಇರ್ಫಾನ್ ಸೋಲಂಕಿ ಅವರ ಮೇಲೆ ಕಳೆದ 1 ವರ್ಷದಿಂದ ಮಹಾರಾಜ್‌ಗಂಜ್ ಜೈಲಿನಲ್ಲಿ ಮಹಿಳೆಯೊಬ್ಬರ ಭೂ ಒತ್ತುವರಿ ಆರೋಪವಿದೆ. ಅವರ ವಿರುದ್ಧ ಡಜನ್‌ಗೂ ಹೆಚ್ಚು ಪ್ರಕರಣಗಳನ್ನು ದಾಖಲಿಸಲಾಗಿದೆ. ಈ ಹಿನ್ನೆಲೆಯಲ್ಲಿ ಇರ್ಫಾನ್ ಸೋಲಂಕಿ ವಿಧಾನಸಭಾ ಶಾಸಕತ್ವವನ್ನು ಕಳೆದುಕೊಳ್ಳಲಿದ್ದಾರೆ.
ನವದೆಹಲಿ: ಉತ್ತರ ಪ್ರದೇಶದ ನಾಯಕ ಮತ್ತು ಸಮಾಜವಾದಿ ಪಕ್ಷದ ಶಾಸಕ ಇರ್ಫಾನ್ ಸೋಲಂಕಿ (Irfan Solanki) ಕಾನ್ಪುರದ ಜಜ್ಮೌ ಪ್ರದೇಶದಲ್ಲಿ ಬೆಂಕಿ ಹಚ್ಚಿದ ಪ್ರಕರಣದಲ್ಲಿ ತಪ್ಪಿತಸ್ಥ ಎಂದು ಸಾಬೀತಾದ ಹಿನ್ನೆಲೆಯಲ್ಲಿ 7 ವರ್ಷಗಳ ಜೈಲು ಶಿಕ್ಷೆ ವಿಧಿಸಲಾಗಿದೆ. ಕಾನ್ಪುರದ (Kanpur) ಸಂಸದರು-ಶಾಸಕರ ನ್ಯಾಯಾಲಯ ಈ ತೀರ್ಪು ಪ್ರಕಟಿಸಿದೆ. ಇರ್ಫಾನ್ ಸೋಲಂಕಿ, ಆತನ ಸಹೋದರ ರಿಜ್ವಾನ್ ಸೋಲಂಕಿ ಸೇರಿ ಮೂವರ ವಿರುದ್ಧ ಪ್ರಕರಣ ದಾಖಲಾಗಿದ್ದು, ಎಲ್ಲರಿಗೂ ಶಿಕ್ಷೆ ವಿಧಿಸಲಾಗಿದೆ.
2022ರ ನವೆಂಬರ್ ತಿಂಗಳಲ್ಲಿ ಜಜ್ಮೌದಲ್ಲಿ ವಿಡಿಪಿಡಬ್ಲ್ಯೂ ಅವರ ಮನೆಗೆ ಬೆಂಕಿ ಹಚ್ಚಿದ ಆರೋಪ ಸಮಾಜವಾದಿ ಪಕ್ಷದ ನಾಯಕರ ಮೇಲಿದೆ. ಇರ್ಫಾನ್ ಸೋಲಂಕಿ ಅವರು ವಿಧಾನಸಭೆ ಸದಸ್ಯತ್ವ ಕಳೆದುಕೊಳ್ಳಲಿದ್ದಾರೆ.
ಇರ್ಫಾನ್ ಸೋಲಂಕಿ ಉತ್ತರ ಪ್ರದೇಶ ವಿಧಾನಸಭೆಯ ಸದಸ್ಯತ್ವವನ್ನು ಕಳೆದುಕೊಳ್ಳಲಿದ್ದಾರೆ. ಚಾಲ್ತಿಯಲ್ಲಿರುವ ಕಾನೂನು ಚೌಕಟ್ಟಿನ ಅಡಿಯಲ್ಲಿ 2 ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ಜೈಲು ಶಿಕ್ಷೆಯನ್ನು ಪಡೆಯುವ ಯಾವುದೇ ಶಾಸಕರು ಶಾಸಕಾಂಗದಲ್ಲಿ ಅವರ ಸ್ಥಾನದಿಂದ ಅನರ್ಹರಾಗುತ್ತಾರೆ. ಗಮನಾರ್ಹ ಕ್ರಿಮಿನಲ್ ಅಪರಾಧಗಳನ್ನು ಹೊಂದಿರುವ ವ್ಯಕ್ತಿಗಳು ಶಾಸಕರಾಗಿ ಸೇವೆ ಸಲ್ಲಿಸುವುದನ್ನು ಮುಂದುವರಿಸಲು ಸಾಧ್ಯವಿಲ್ಲ ಎಂದು ಈ ನಿಯಮವು ಖಚಿತಪಡಿಸುತ್ತದೆ. ಇರ್ಫಾನ್ ಸೋಲಂಕಿ ಅವರ ಇತ್ತೀಚಿನ ಶಿಕ್ಷೆಯು ಈ ಸ್ವಯಂಚಾಲಿತ ಅನರ್ಹತೆಯನ್ನು ಪ್ರಚೋದಿಸುತ್ತದೆ. ಆ ಮೂಲಕ ಅಸೆಂಬ್ಲಿಯಲ್ಲಿ ಅವರಿಗೆ ಇನ್ನು ಅಧಿಕಾರವಿರುವುದಿಲ್ಲ.
ಇದನ್ನೂ ಓದಿ: Crime News: ಪ್ರೀತಿಯ ನಾಟಕವಾಡಿ ಹಿಂದೂ ಯುವತಿಯ ಮತಾಂತರ, ಗೋಮಾಂಸ ತಿನ್ನಿಸಿ ಚಿತ್ರಹಿಂಸೆ; ಲವ್ ಜಿಹಾದ್ ಬಯಲು
ಜಾಜ್ಮೌ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಇದಕ್ಕೂ ಮುನ್ನ ಜೂನ್ 1ರಂದು ಈ ಪ್ರಕರಣದ ವಿಚಾರಣೆ ನಡೆದಿತ್ತು. ಕಾನ್ಪುರದ ಜಜ್ಮೌ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಎಸ್‌ಪಿ ನಾಯಕ ಇರ್ಫಾನ್ ಸೋಲಂಕಿ ಅವರನ್ನು ಉತ್ತರ ಪ್ರದೇಶದ ಮಹಾರಾಜ್‌ಗಂಜ್ ಜೈಲಿನಿಂದ ವಿಡಿಯೋ ಕಾನ್ಫರೆನ್ಸಿಂಗ್ ಮೂಲಕ ನ್ಯಾಯಾಲಯದ ಮುಂದೆ ಹಾಜರುಪಡಿಸಲಾಯಿತು. ಆದರೆ ಇರ್ಫಾನ್ ಸೋಲಂಕಿ ಅವರ ಕಿರಿಯ ಸಹೋದರ ರಿಜ್ವಾನ್ ಸೋಲಂಕಿ, ಇಸ್ರೇಲ್ ಆತೆ ವಾಲಾ, ಶೌಕತ್ ಅಲಿ ಮತ್ತು ಷರೀಫ್, ಈ ಅಗ್ನಿಸ್ಪರ್ಶ ಪ್ರಕರಣದ ಎಲ್ಲಾ ಆರೋಪಿಗಳು ನ್ಯಾಯಾಲಯದಲ್ಲಿ ಹಾಜರಾಗಿದ್ದರು. ಜೂನ್ 3ರಂದು ನ್ಯಾಯಾಲಯ ಈ ಎಲ್ಲ ಜನರನ್ನು ತಪ್ಪಿತಸ್ಥರೆಂದು ಘೋಷಿಸಿತು.
ಇದನ್ನೂ ಓದಿ: ಮಣಿಪುರ: ವ್ಯಕ್ತಿಯ ಶಿರಚ್ಛೇದ, ಹಲವು ಮನೆಗಳಿಗೆ ಬೆಂಕಿ ಹಚ್ಚಿದ ಗುಂಪು
ಏನಿದು ಪ್ರಕರಣ?:
2022ರ ನವೆಂಬರ್ 8ರಂದು ನಜೀರ್ ಫಾತಿಮಾ ಅವರು ಐಪಿಸಿಯ ಸೆಕ್ಷನ್ 436, 506, 504, 147, 427, 386 ಮತ್ತು 120 ಬಿ ಅಡಿಯಲ್ಲಿ ಇರ್ಫಾನ್ ಸೋಲಂಕಿ, ರಿಜ್ವಾನ್ ಸೋಲಂಕಿ ಮತ್ತು ಇತರ ಮೂವರ ವಿರುದ್ಧ ಜಜ್ಮೌ ಪೊಲೀಸ್ ಠಾಣೆಯಲ್ಲಿ ಎಫ್‌ಐಆರ್ ದಾಖಲಿಸಿದ್ದಾರೆ. ಇರ್ಫಾನ್ ಸೋಲಂಕಿ ಮತ್ತು ಅವರ ಸಹೋದರ ರಿಜ್ವಾನ್ ಸೋಲಂಕಿ ಮತ್ತು ಇತರರು, ಮಹಿಳೆಯೊಬ್ಬರ ಭೂಮಿಯನ್ನು ಸ್ವಾಧೀನಪಡಿಸಿಕೊಳ್ಳಲು ಆಕೆಯ ಮನೆಗೆ ಬೆಂಕಿ ಹಚ್ಚಿದ್ದರು. ಸೋಲಂಕಿ ಯುಪಿಯ ಮಹಾರಾಜ್‌ಗಂಜ್ ಜೈಲಿನಲ್ಲಿ ಮತ್ತು ಅವರ ಸಹೋದರ ಕಾನ್ಪುರ ಜೈಲಿನಲ್ಲಿದ್ದಾರೆ.
ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
