TV9 Festival of India 2026: ಇಂದಿನಿಂದ ಟಿವಿ9 ಫೆಸ್ಟಿವಲ್ ಆಫರ್ ಇಂಡಿಯಾ ಶುರು, ದೆಹಲಿಯಲ್ಲಿ ಐದು ದಿನಗಳ ಸಾಂಸ್ಕೃತಿಕ ಹಬ್ಬ

ನವದೆಹಲಿ, ಅಕ್ಟೋಬರ್ 16: ಭಾರತೀಯ ಸಂಸ್ಕೃತಿ, ಸಂಗೀತ ಮತ್ತು ಮನರಂಜನೆಯ ಸಂಗಮವಾಗಿರುವ ಟಿವಿ9 ಫೆಸ್ಟಿವಲ್ ಆಫ್ ಇಂಡಿಯಾ(TV9 Festival of India 2026) ಇಂದಿನಿಂದ (ಅಕ್ಟೋಬರ್ 16) ದೆಹಲಿಯ ಮೇಜರ್ ಧ್ಯಾನ್ ಚಂದ್ ರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಆರಂಭವಾಗುತ್ತಿದೆ. ಅಕ್ಟೋಬರ್ 20ರವರೆಗೆ ಐದು ದಿನ ನಡೆಯುವ ಈ ಉತ್ಸವದಲ್ಲಿ ದುರ್ಗಾ ಪೂಜೆ, ಸಂಗೀತ ಕಾರ್ಯಕ್ರಮಗಳು, ದಾಂಡಿಯಾ ನೃತ್ಯ, ಶಾಪಿಂಗ್ ಮತ್ತು ವಿವಿಧ ರಾಜ್ಯಗಳ ಆಹಾರಗಳ ಸವಿಯನ್ನು ಸವಿಯಬಹುದು. ಇದು ಟಿವಿ9 ಫೆಸ್ಟಿವಲ್ ಆಫ್ ಇಂಡಿಯಾದ ನಾಲ್ಕನೇ ಆವೃತ್ತಿಯಾಗಿದೆ.

ಇಂದು ಮಹಾಷಷ್ಠಿಯ ಪ್ರಯುಕ್ತ ದುರ್ಗಾ ದೇವಿಯ ಪೂಜಾ ಕಾರ್ಯಕ್ರಮಗಳು ನಡೆಯಲಿವೆ. ಬೆಳಗ್ಗೆ 10 ಗಂಟೆಗೆ ದೀಪ ಬೆಳಗಿಸುವ ಮೂಲಕ ಕಾರ್ಯಕ್ರಮ ಆರಂಭವಾಗಿದ್ದು, ಸಂಜೆ 5 ಗಂಟೆಗೆ ದೇವಿ ಬೋಧನೆ, ಆಹ್ವಾನ ಮತ್ತು ಅಧಿವಾಸ ವಿಧಿಗಳು ನಡೆಯಲಿವೆ. ಬಳಿಕ ಸಂಧ್ಯಾ ಆರತಿ ನೆರವೇರಲಿದೆ. ಸಂಜೆ 4ರಿಂದ 6ರವರೆಗೆ ನಡೆಯುವ ಕ್ರಿಯೇಟಿವ್ ಕಾರ್ನರ್‌ನಲ್ಲಿ ಶಂಖನಾದ, ಅಲ್ಪನಾ ಚಿತ್ರಕಲೆ, ಮಂಡಲ ವಿನ್ಯಾಸ ಮತ್ತು ರಂಗೋಲಿಯಂತಹ ಸಾಂಸ್ಕೃತಿಕ ಚಟುವಟಿಕೆಗಳು ಇರಲಿವೆ.

ಇಂದಿನ ಪ್ರಮುಖ ಆಕರ್ಷಣೆ ಗಾಯಕಿ ಹರ್ಷದೀಪ್ ಕೌರ್ ಅವರ ನೇರ ಸಂಗೀತ ಕಾರ್ಯಕ್ರಮ. ಸಂಜೆ 7 ಗಂಟೆಯಿಂದ ನಡೆಯಲಿರುವ ಈ ಕಾರ್ಯಕ್ರಮದಲ್ಲಿ ಬಾಲಿವುಡ್, ಸೂಫಿ ಮತ್ತು ಪಂಜಾಬಿ ಸಂಗೀತದ ಹಾಡುಗಳನ್ನು ಕೇಳಬಹುದು. ಅಕ್ಟೋಬರ್ 17ರಂದು ಖ್ಯಾತ ರ‍್ಯಾಪರ್ ರಫ್ತಾರ್ ಸಂಗೀತ ಕಾರ್ಯಕ್ರಮ ನೀಡಲಿದ್ದಾರೆ. ಅಕ್ಟೋಬರ್ 18ರಿಂದ 20ರವರೆಗೆ ದಾಂಡಿಯಾ ನೈಟ್‌ಗಳು ನಡೆಯಲಿದ್ದು, ವಿವಿಧ ಕಲಾವಿದರು ಮತ್ತು ಡಿಜೆಗಳ ಪ್ರದರ್ಶನವೂ ಉತ್ಸವಕ್ಕೆ ಮೆರುಗು ನೀಡಲಿದೆ.

ಮತ್ತಷ್ಟು ಓದಿ: ಟಿವಿ9 ಫೆಸ್ಟಿವಲ್ ಆಫ್ ಇಂಡಿಯಾ, ಐದು ದಿನಗಳ ಮಹಾ ಉತ್ಸವ, ಸಂಸ್ಕೃತಿ ಸಂಗಮದ ಅದ್ಭುತ ವೈಭವ

ಸಂಗೀತ ಮತ್ತು ಧಾರ್ಮಿಕ ಕಾರ್ಯಕ್ರಮಗಳ ಜೊತೆಗೆ, ದೇಶದ ವಿವಿಧ ಭಾಗಗಳ ಕರಕುಶಲ ವಸ್ತುಗಳು, ಫ್ಯಾಷನ್ ಉತ್ಪನ್ನಗಳು, ಗೃಹಾಲಂಕಾರ ಸಾಮಗ್ರಿಗಳು ಹಾಗೂ ಆಹಾರ ಮಳಿಗೆಗಳೂ ಉತ್ಸವದ ಆಕರ್ಷಣೆಯಾಗಿವೆ. ಕುಟುಂಬದವರು ಮತ್ತು ಸ್ನೇಹಿತರೊಂದಿಗೆ ಭಾರತೀಯ ಸಂಸ್ಕೃತಿ ಹಾಗೂ ಹಬ್ಬದ ವಾತಾವರಣವನ್ನು ಅನುಭವಿಸಲು ಈ ಉತ್ಸವ ವೇದಿಕೆ ಒದಗಿಸಲಿದೆ. ಕಾರ್ಯಕ್ರಮದ ಟಿಕೆಟ್‌ಗಳಿಗಾಗಿ BookMyShow ಅಥವಾ TV9 Festival of India ಅಧಿಕೃತ ವೆಬ್‌ಸೈಟ್ ಪರಿಶೀಲಿಸಬಹುದು

ಇಂದಿನ (ಅಕ್ಟೋಬರ್ 16) ಕಾರ್ಯಕ್ರಮಗಳ ವಿವರ ಬೆಳಗ್ಗೆ 10:00: ಮಂಗಳಕರ ದೀಪ ಬೆಳಗಿಸುವ ಮೂಲಕ ಉತ್ಸವಕ್ಕೆ ವಿಧ್ಯುಕ್ತ ಚಾಲನೆ ಮತ್ತು ದುರ್ಗಾ ದೇವಿಗೆ ವಿಶೇಷ ಮಂತ್ರಘೋಷಗಳೊಂದಿಗೆ ಪೂಜೆ.

ಸಂಜೆ 4 ರಿಂದ 6 (ಕ್ರಿಯೇಟಿವ್ ಕಾರ್ನರ್): ಭಾರತೀಯ ಸಂಸ್ಕೃತಿಯನ್ನು ಬಿಂಬಿಸುವ ಶಂಖ ನಾದ ಸ್ಪರ್ಧೆ, ಅಲ್ಪಾನಾ (ಬಂಗಾಳಿ ರಂಗೋಲಿ), ಮಂಡಲ ಕಲೆ, ದಾಂಡಿಯಾ ಕೋಲುಗಳ ಅಲಂಕಾರ ಮತ್ತು ರಂಗೋಲಿ ಪ್ರದರ್ಶನ. ಸಂಜೆ 5: ದುರ್ಗಾ ದೇವಿಯ ಬೋಧನೆ, ಆವಾಹನೆ, ಅಧಿವಾಸ ಸಮಾರಂಭ ಮತ್ತು ಸಂಧ್ಯಾ ಆರತಿ.

ಸಂಜೆ 7 ರಿಂದ: ತಮ್ಮ ಸುಮಧುರ ಧ್ವನಿ ಮತ್ತು ಸೂಫಿ ಗಾಯನಕ್ಕೆ ಹೆಸರಾದ ಖ್ಯಾತ ಬಾಲಿವುಡ್ ಹಿನ್ನೆಲೆ ಗಾಯಕಿ ಹರ್ಷದೀಪ್ ಕೌರ್ ಅವರ ಲೈವ್ ಸಂಗೀತ ರಸಮಂಜರಿ.

ಅಕ್ಟೋಬರ್ 17 (ಶನಿವಾರ): ಖ್ಯಾತ ರ‍್ಯಾಪರ್ ರಾಫ್ತಾರ್ ಅವರಿಂದ ಸಂಗೀತ ಕಾರ್ಯಕ್ರಮ

ಅಕ್ಟೋಬರ್ 18 (ಭಾನುವಾರ): ಸಂಜೆ 6 ರಿಂದ ಪಂಜಾಬಿ ಗಾಯಕ ಬಿಪಿ ಸಿಂಗ್, ಸಂಜೆ 7 ರಿಂದ ‘ಹನುಮಾನ್ ಅಂಶ್’ ಖ್ಯಾತಿಯ ಶ್ರೇಯಸ್ ಧರ್ಮಾಧಿಕಾರಿ ಗಾಯನ ಹಾಗೂ ರಾತ್ರಿ 8 ರಿಂದ ಡಿಜೆ ಶಿವಲ್ ಅವರ ದಾಂಡಿಯಾ ಬೀಟ್ಸ್.

ಅಕ್ಟೋಬರ್ 19 (ಸೋಮವಾರ): ಸೂಫಿ ದಿಗ್ಗಜರಾದ ನಿಜಾಮಿ ಬಂಧು (ಸಂಜೆ 6-7), ಸೌರಭ್ ಶೋರೆ (ಸಂಜೆ 7-8) ಹಾಗೂ ಡಿಜೆ ವೆರೋನಿಕಾ (ರಾತ್ರಿ 8-10) ಕಾರ್ಯಕ್ರಮ.

ಅಕ್ಟೋಬರ್ 20 (ಮಂಗಳವಾರ): ಗಾಯಕಿ ಫಲಿತಾ (ಸಂಜೆ 6-7), ‘ಮೆಹ್ಫಿಲ್-ಎ-ಖಾಸ್’ (ಸಂಜೆ 7-8) ಹಾಗೂ ಡಿಜೆ ನಿತೀಶ್ ಗುಲ್ಯಾನಿ (ರಾತ್ರಿ 8-10) ಸಂಗೀತ ಕಾರ್ಯಕ್ರಮ.

ಉತ್ಸವದ ಪ್ರಮುಖ ಆಕರ್ಷಣೆಗಳು ಮತ್ತು ಪ್ರವೇಶ ವಿವರ

ದಿನಾಂಕ  ಹಾಗೂ ಸ್ಥಳ: ಅಕ್ಟೋಬರ್ 16 ರಿಂದ 20, 2026 ಮೇಜರ್ ಧ್ಯಾನ್ ಚಂದ್ ರಾಷ್ಟ್ರೀಯ ಕ್ರೀಡಾಂಗಣ, ಇಂಡಿಯಾ ಗೇಟ್ ಬಳಿ, ನವದೆಹಲಿ.

ಆಹಾರ ಮತ್ತು ಶಾಪಿಂಗ್ ಮೇಳ: ದೇಶದ ವಿವಿಧ ರಾಜ್ಯಗಳ ಅಧಿಕೃತ ಪಾಕಪದ್ಧತಿಗಳು (Food Stalls), ಕರಕುಶಲ ವಸ್ತುಗಳು ಮತ್ತು ನವರಾತ್ರಿ ಶಾಪಿಂಗ್ ಮಳಿಗೆಗಳು ಲಭ್ಯ.

ದಾಂಡಿಯಾ ನೈಟ್ಸ್: ಅಕ್ಟೋಬರ್ 18 ರಿಂದ 20 ರವರೆಗೆ ಪ್ರತಿ ರಾತ್ರಿ ಬೃಹತ್ ದಾಂಡಿಯಾ ಮತ್ತು ಗರ್ಬಾ ನೃತ್ಯೋತ್ಸವ

ಟಿಕೆಟ್ ಬುಕಿಂಗ್: ಸಾರ್ವಜನಿಕರು ಕಾರ್ಯಕ್ರಮದ ಪ್ರವೇಶ ಪಾಸ್‌ಗಳು ಮತ್ತು ಟಿಕೆಟ್‌ಗಳನ್ನು BookMyShow ಆ್ಯಪ್ ಮೂಲಕ ಸುಲಭವಾಗಿ ಕಾಯ್ದಿರಿಸಬಹುದು.

ಟಿವಿ9 ಫೆಸ್ಟಿವಲ್ ಆಫ್ ಇಂಡಿಯಾ ಎಂಬುದು ಟಿವಿ9 ನೆಟ್‌ವರ್ಕ್ ಆಯೋಜಿಸುವ ಐದು ದಿನಗಳ ಸಾಂಸ್ಕೃತಿಕ ಉತ್ಸವವಾಗಿದೆ. ಇಲ್ಲಿ ಭಾರತದ ವಿವಿಧ ರಾಜ್ಯಗಳ ಸಂಸ್ಕೃತಿ, ಸಂಪ್ರದಾಯ, ಕಲೆ, ಸಂಗೀತ, ನೃತ್ಯ, ಕರಕುಶಲ ವಸ್ತುಗಳು, ಫ್ಯಾಷನ್ ಮತ್ತು ವೈವಿಧ್ಯಮಯ ಆಹಾರಗಳನ್ನು ಒಂದೇ ವೇದಿಕೆಯಲ್ಲಿ ಪರಿಚಯಿಸಲಾಗುತ್ತದೆ. ದುರ್ಗಾ ಪೂಜೆ, ದಾಂಡಿಯಾ ನೃತ್ಯ, ಪ್ರಸಿದ್ಧ ಗಾಯಕರ ನೇರ ಸಂಗೀತ ಕಾರ್ಯಕ್ರಮಗಳು ಹಾಗೂ ಶಾಪಿಂಗ್ ಮಳಿಗೆಗಳು ಈ ಉತ್ಸವದ ಪ್ರಮುಖ ಆಕರ್ಷಣೆಗಳಾಗಿವೆ. ಕುಟುಂಬದವರು ಮತ್ತು ಸ್ನೇಹಿತರೊಂದಿಗೆ ಭಾರತದ ವೈವಿಧ್ಯಮಯ ಸಂಸ್ಕೃತಿ ಹಾಗೂ ಹಬ್ಬದ ಸಂಭ್ರಮವನ್ನು ಅನುಭವಿಸಲು ಇದು ಅವಕಾಶ ಕಲ್ಪಿಸುತ್ತದೆ.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ 

Published On - 10:58 am, Fri, 16 October 26