761 ವಿಕೆಟ್‌ ಉರುಳಿಸಿದ್ದ ವೇಗಿಗೆ ಡೆಲ್ಲಿ ಕ್ಯಾಪಿಟಲ್ಸ್ ಬೌಲಿಂಗ್ ಕೋಚ್ ಹುದ್ದೆ

ಡೆಲ್ಲಿ ಕ್ಯಾಪಿಟಲ್ಸ್ ಐಪಿಎಲ್ 2027 ಕ್ಕೆ ತನ್ನ ಕೋಚಿಂಗ್ ವಿಭಾಗದಲ್ಲಿ ಬದಲಾವಣೆಗಳನ್ನು ಮಾಡಿದೆ. ಚಮಿಂದಾ ವಾಸ್ ಅವರನ್ನು ಹೊಸ ಬೌಲಿಂಗ್ ಕೋಚ್ ಆಗಿ ನೇಮಿಸಲಾಗಿದೆ. ಸೌರವ್ ಗಂಗೂಲಿ ಮುಖ್ಯ ಕೋಚ್ ಮತ್ತು ಯುವರಾಜ್ ಸಿಂಗ್ ಸಹಾಯಕ/ಬ್ಯಾಟಿಂಗ್ ಕೋಚ್ ಆಗಿದ್ದಾರೆ. ಐಪಿಎಲ್ ಪ್ರಶಸ್ತಿ ಬರ ನೀಗಿಸುವ ಗುರಿಯೊಂದಿಗೆ ಫ್ರಾಂಚೈಸಿ ಈ ಹೊಸ ತಂಡವನ್ನು ನಿರ್ಮಿಸಿದೆ.

ಪೃಥ್ವಿಶಂಕರ |
Updated on: Oct 18, 2026 | 2:49 PM

ಇಂಡಿಯನ್ ಪ್ರೀಮಿಯರ್ ಲೀಗ್‌ನಲ್ಲಿ ತಮ್ಮ ಚೊಚ್ಚಲ ಪ್ರಶಸ್ತಿ ಬರವನ್ನು ಕೊನೆಗೊಳಿಸುವ ಗುರಿಯೊಂದಿಗೆ ಡೆಲ್ಲಿ ಕ್ಯಾಪಿಟಲ್ಸ್ ಫ್ರಾಂಚೈಸಿ 2027 ರ ಐಪಿಎಲ್ ಆರಂಭಕ್ಕೂ ಮುನ್ನ ತಂಡದ ಕೋಚಿಂಗ್ ವಿಭಾಗವನ್ನು ಸಂಪೂರ್ಣವಾಗಿ ಬದಲಿಸಿದೆ. ಇತ್ತೀಚಿನ ಬದಲಾವಣೆಯಾಗಿ, ಫ್ರಾಂಚೈಸಿ ಶ್ರೀಲಂಕಾದ ಮಾಜಿ ವೇಗದ ಬೌಲರ್ ಚಮಿಂದಾ ವಾಸ್ ಅವರನ್ನು ತಂಡದ ಹೊಸ ಬೌಲಿಂಗ್ ಕೋಚ್ ಆಗಿ ನೇಮಿಸಿದೆ (PC-PTI).
1 / 6

ಡೆಲ್ಲಿ ಕ್ಯಾಪಿಟಲ್ಸ್ ತನ್ನ ಸೋಶಿಉಲ್ ಮೀಡಿಯಾ ಖಾತೆಯಲ್ಲಿ ವಿಶೇಷ ವೀಡಿಯೊ ಮೂಲಕ ಚಮಿಂದಾ ವಾಸ್ ಹೆಸರನ್ನು ಘೋಷಿಸಿದೆ. ಇದಕ್ಕೂ ಮೊದಲು ಡೆಲ್ಲಿ ಕ್ಯಾಪಿಟಲ್ಸ್, ಸೌರವ್ ಗಂಗೂಲಿ ಅವರನ್ನು ಮುಖ್ಯ ಕೋಚ್ ಆಗಿ ಮತ್ತು ಯುವರಾಜ್ ಸಿಂಗ್ ಅವರನ್ನು ಸಹಾಯಕ ಮತ್ತು ಬ್ಯಾಟಿಂಗ್ ಕೋಚ್ ಆಗಿ ನೇಮಕ ಮಾಡಿತ್ತು. ಇದೀಗ ಬೌಲಿಂಗ್ ಕೋಚ್ ಆಗಿ ವಾಸ್ ಅವರ ಆಗಮನವಾಗಿದೆ.
2 / 6

52 ವರ್ಷದ ಚಾಮಿಂದಾಡ ವಾಸ್ ಶ್ರೀಲಂಕಾ ಕ್ರಿಕೆಟ್ ಇತಿಹಾಸದ ಅತ್ಯಂತ ಯಶಸ್ವಿ ಮತ್ತು ಪರಿಣಾಮಕಾರಿ ವೇಗದ ಬೌಲರ್‌. ವಾಸ್ ತಮ್ಮ ಅಂತರರಾಷ್ಟ್ರೀಯ ವೃತ್ತಿಜೀವನದಲ್ಲಿ 111 ಟೆಸ್ಟ್‌ಗಳಲ್ಲಿ 355 ವಿಕೆಟ್‌ಗಳು ಮತ್ತು 322 ಏಕದಿನ ಪಂದ್ಯಗಳಲ್ಲಿ 400 ವಿಕೆಟ್‌ಗಳನ್ನು ಪಡೆದಿದ್ದಾರೆ, ಜೊತೆಗೆ T20Iಗಳಲ್ಲಿ 6 ವಿಕೆಟ್‌ಗಳನ್ನು ಪಡೆದಿದ್ದಾರೆ.
3 / 6

ವಾಸ್ ಅವರಿಗೆ ಯಶಸ್ವಿ ತರಬೇತಿ ಅನುಭವವೂ ಇದೆ. ಶ್ರೀಲಂಕಾದ ಹಿರಿಯ ಮತ್ತು ಯುವ ತಂಡಗಳೊಂದಿಗೆ ಕೆಲಸ ಮಾಡಿದ್ದಾರೆ, ಜೊತೆಗೆ 2016 ರ ಟಿ20 ವಿಶ್ವಕಪ್ ಸಮಯದಲ್ಲಿ ಐರ್ಲೆಂಡ್‌ನ ಬೌಲಿಂಗ್ ತರಬೇತುದಾರರಾಗಿ ಮತ್ತು ನ್ಯೂಜಿಲೆಂಡ್‌ನ ವೇಗದ ಬೌಲರ್‌ಗಳಿಗೆ ಸಲಹೆಗಾರರಾಗಿಯೂ ಕೆಲಸ ಮಾಡಿದ್ದಾರೆ.
4 / 6

ಹೇಮಾಂಗ್ ಬದಾನಿ ಅವರ ಎರಡು ವರ್ಷಗಳ ಅವಧಿಯ ನಂತರ, ಡೆಲ್ಲಿ ಕ್ಯಾಪಿಟಲ್ಸ್ ತಮ್ಮ ಕೋಚಿಂಗ್ ವ್ಯವಸ್ಥೆಯನ್ನು ಸಂಪೂರ್ಣವಾಗಿ ಪರಿಷ್ಕರಿಸಿದೆ. ಭಾರತದ ಮಾಜಿ ನಾಯಕ ಗಂಗೂಲಿ ಅವರನ್ನು ಅಕ್ಟೋಬರ್ 6 ರಂದು ಮುಖ್ಯ ಕೋಚ್ ಆಗಿ ನೇಮಿಸಲಾಯಿತು. ಇದು ಐಪಿಎಲ್‌ನಲ್ಲಿ ಮುಖ್ಯ ಕೋಚ್ ಆಗಿ ಗಂಗೂಲಿ ಅವರ ಮೊದಲ ಅವಧಿಯಾಗಿದೆ.
5 / 6

ಈ ಹಿಂದೆ ಗಂಗೂಲಿ ಎಸ್‌ಎ 20 ಯಲ್ಲಿ ಪ್ರಿಟೋರಿಯಾ ಕ್ಯಾಪಿಟಲ್ಸ್ ತಂಡವನ್ನು ಮುನ್ನಡೆಸಿದ್ದರು. ಏತನ್ಮಧ್ಯೆ, 2007 ರ ಟಿ20 ಮತ್ತು 2011 ರ ಏಕದಿನ ವಿಶ್ವಕಪ್ ಹೀರೋ ಯುವರಾಜ್ ಸಿಂಗ್ ಅವರನ್ನು ಅಕ್ಟೋಬರ್ 13 ರಂದು ಸಹಾಯಕ ಮತ್ತು ಬ್ಯಾಟಿಂಗ್ ಕೋಚ್ ಆಗಿ ನೇಮಕ ಮಾಡಿತ್ತು . ಚಮಿಂಡಾ ವಾಸ್ ಈಗ ಬೌಲಿಂಗ್ ಕೋಚ್ ಆಗಿ ನೇಮಕಗೊಂಡಿದ್ದಾರೆ.
6 / 6

ಪೃಥ್ವಿಶಂಕರ

ಪೃಥ್ವಿಶಂಕರ ಅವರ ಹುಟ್ಟೂರು ಹಾಸನದ ಕೊಣನೂರು ಸಮೀಪದ ಲಕ್ಷ್ಮೀಪುರ. ಕಳೆದ 8 ವರ್ಷಗಳಿಂದ ಪತ್ರಿಕಾರಂಗದಲ್ಲಿ ಕೆಲಸ. ಟಿವಿ9 ಕನ್ನಡದಲ್ಲೇ ವೃತ್ತಿ ಜೀವನ ಆರಂಭಿಸಿದ ಇವರು, ಮೊದಲ 3 ವರ್ಷ ವಿಡಿಯೋ ಎಡಿಟರ್ ಆಗಿ ಕೆಲಸ ಮಾಡಿದ ಬಳಿಕ ಇವರ ಆಸಕ್ತಿಯ ವಿಷಯವಾದ ಕ್ರೀಡೆಯಲ್ಲಿ ಕಂಟೆಂಟ್ ಪ್ರೊಡ್ಯೂಸರ್ ಆಗಿ ವೃತ್ತಿ ಬದುಕಿನ ಎರಡನೇ ಇನ್ನಿಂಗ್ಸ್ ಆರಂಭಿಸಿದ್ದೇನೆ.

LIVETV

Delhi Capitals IPL

Related Photo Gallery

ಅಫ್ರಿದಿಯನ್ನು ಹಿಂದಿಕ್ಕಿ ನಂಬರ್ 1 ಪಟ್ಟಕ್ಕೇರಿದ ರೋಹಿತ್ ಶರ್ಮಾ

ಕಿಂಗ್ ಕೊಹ್ಲಿ ಬರ್ತ್‌ಡೇ ಬ್ಲಾಸ್ಟ್‌: ಒಂದೇ ಪಂದ್ಯದಲ್ಲಿ 5 ಐತಿಹಾಸಿಕ ದಾಖಲೆ

2023ರಲ್ಲಿ ವಿಕೆಟ್ ಬೇಟೆ, ಈಗ ತಂಡದಿಂದಲೇ ದೂರ; ಸಿರಾಜ್‌ಗೆ ಏನಾಯ್ತು?

ಶ್ರೀನಾಥ್-ಶಮಿ ದಾಖಲೆ ಕ್ಲಬ್ ಸೇರಿದ ಅರ್ಷದೀಪ್ ಸಿಂಗ್

Kannada Webstories ಇನ್ನಷ್ಟು ಓದಿ

ಪ್ರೆಗ್ನೆನ್ಸಿ ಲುಕ್ ಅಲ್ಲಿ ಗಮನ ಸೆಳೆದ ಸಮಂತಾ ರುತ್ ಪ್ರಭು

ಸೀತೆ ಪಾತ್ರದ ಮೂಲಕ ಮಿಂಚಿದ ಸಾಯಿ ಪಲ್ಲವಿ, ನೆಗೆಟಿವಿಟಿಗೆ ತಿರುಗೇಟು

ಅಧಿಕೃತವಾಗಿ ರಜನೀಕಾಂತ್ ಸಿನಿಮಾ ಸೇರಿಕೊಂಡ ನಟಿ ಶ್ರೀಲೀಲಾ