ಬಾಲ ಮುರುಗನಿಗೆ ಮಂಚ್ ಚಾಕಲೇಟ್ ನೈವೇದ್ಯ! 300 ವರ್ಷ ಹಳೆಯ ದೇವಾಲಯದಲ್ಲಿ ವಿಚಿತ್ರ ಪದ್ಧತಿ

ಎಲ್ಲಾ ಹಿಂದೂ ದೇವಾಲಯಗಳಲ್ಲಿ ವಿವಿಧ ರೀತಿಯ ಹಣ್ಣುಗಳು, ಹೂವುಗಳು ಮತ್ತು ವಿವಿಧ ರೀತಿಯ ಆಹಾರವನ್ನು ದೇವರಿಗೆ ನೈವೇದ್ಯವಾಗಿ ಅರ್ಪಿಸಲಾಗುತ್ತದೆ. ಉದಾಹರಣೆಗೆ, ಅಯ್ಯಪ್ಪನಿಗೆ ತುಪ್ಪ, ಕೃಷ್ಣನಿಗೆ ಬೆಣ್ಣೆ ಮತ್ತು ಗಣೇಶನಿಗೆ ಮೋದಕಗಳನ್ನು ಅರ್ಪಿಸುವುದು ನಮಗೆ ತಿಳಿದಿದೆ. ಅಲ್ಲದೆ ಕೆಲವು ದೇವಸ್ಥಾನಗಳಲ್ಲಿ ದೇವರಿಗೆ ಪಾಯಸ, ಪೊಂಗಲ್, ಪುಳಿಯೋಗರೆ ಹೀಗೆ ನಾನಾ ಬಗೆಯ ಆಹಾರ ಪದಾರ್ಥಗಳನ್ನು ಅರ್ಪಿಸುತ್ತಾರೆ. ಆದರೆ, ಇಲ್ಲೊಂದು ದೇವಸ್ಥಾನದಲ್ಲಿ ದೇವರಿಗೆ ನೈವೇದ್ಯವಾಗಿ ಮಂಚ್ ಚಾಕಲೇಟನ್ನು ಅರ್ಪಿಸಲಾಗುತ್ತದೆ. ಕೇರಳದ ಅಪರೂಪದ ದೇವಸ್ಥಾನವೊಂದರಲ್ಲಿ ಈ ವಿಚಿತ್ರ ಆಚರಣೆ ನಡೆಯುತ್ತಿದೆ. ಇದರ ಹಿಂದಿನ ಕಥೆ ಕೇಳಿದರೆ ನಿಜಕ್ಕೂ ಆಶ್ಚರ್ಯವಾಗುತ್ತದೆ.

ಕೇರಳದ ಅಲಪ್ಪುಳದಲ್ಲಿ ಮಂಚ್ ಮುರುಗನ್ ದೇವಸ್ಥಾನದಲ್ಲಿ, ಮಂಚ್ ಚಾಕೊಲೇಟ್ ಅನ್ನು ದೇವತೆಗೆ ನೈವೇದ್ಯವಾಗಿ ನೀಡಲಾಗುತ್ತದೆ. ಅಷ್ಟೇ ಅಲ್ಲ, ಈ ದೇವಸ್ಥಾನದಲ್ಲಿ ವಿಶೇಷ ಸಂದರ್ಭಗಳಲ್ಲಿ ಮಂಚ್ ಚಾಕೊಲೇಟ್ ಅನ್ನು ಭಕ್ತರಿಗೆ ಪ್ರಸಾದವಾಗಿಯೂ ನೀಡಲಾಗುತ್ತದೆ. ಕಳೆದೊಂದು ದಶಕದಿಂದ ಈ ಪದ್ಧತಿಯನ್ನು ಆರಂಭಿಸಲಾಗಿದೆ ಎಂದು ದೇವಸ್ಥಾನದ ಆಡಳಿತ ಮಂಡಳಿ ತಿಳಿಸಿದೆ. ಅಲಪ್ಪುಳದಲ್ಲಿರುವ ಬಾಲ ಮುರುಗನ್ ಶ್ರೀ ಸುಬ್ರಮಣ್ಯ ಸ್ವಾಮಿ ದೇವಾಲಯದ ಅಧಿಪತಿ.

Also Read: Political Crime Thriller – ಭಾರತದ ಚೊಚ್ಚಲ ಲೈಂಗಿಕ ಹಗರಣದಿಂದಾಗಿ ಆ ನಾಯಕನಿಗೆ ಪ್ರಧಾನಿ ಖುರ್ಚಿ ಜಸ್ಟ್​​ ಮಿಸ್​ ಆಗಿತ್ತು! ಸಂಜಯ್​ ಗಾಂಧಿ ‘ಕೈ’ವಾಡ ಏನಿತ್ತು?

ಒಮ್ಮೆ ಒಬ್ಬ ಹುಡುಗ ದೇವಸ್ಥಾನದಲ್ಲಿ ಆಟವಾಡುತ್ತಿದ್ದ. ಆ ವೇಳೆ ದೇವಾಲಯದ ಗಂಟೆಯನ್ನು ಬಾರಿಸಿದನು. ಹಾಗೆ ಮಾಡಿದ್ದಕ್ಕೆ ಆತನ ಪೋಷಕರು ಗದರಿಸಿದರು. ಆ ರಾತ್ರಿ ಹುಡುಗನಿಗೆ ವಿಪರೀತ ಜ್ವರ ಬಂತು. ಆ ಜ್ವರದಲ್ಲಿ ಹುಡುಗ ರಾತ್ರಿಯಿಡೀ ಮುರುಗನ ನಾಮಜಪ ಮಾಡುತ್ತಿದ್ದ. ಆದ್ದರಿಂದ ಮರುದಿನ ಅವನ ಪೋಷಕರು ಹುಡುಗನನ್ನು ದೇವಸ್ಥಾನಕ್ಕೆ ಕರೆತಂದರು.

Also Read: Shakti pitha – ಕಾಮಾಕ್ಯ ದೇವಾಲಯದಲ್ಲಿ ಮೆಟ್ಟಿಲುಗಳ ನಿರ್ಮಾಣ ಅಪೂರ್ಣವಾಗಿದೆ! ಏನದರ ರಹಸ್ಯ?

ಈ ಸಂದರ್ಭದಲ್ಲಿ ಅರ್ಚಕರು ಬಾಲಕನ ಪೋಷಕರಿಗೆ ದೇವರಿಗೆ ಏನಾದರೂ ಅರ್ಪಿಸುವಂತೆ ಕೋರಿದ್ದು, ಪೋಷಕರು ಭಕ್ತಿಯಿಂದ ದೇವರಿಗೆ ಹೂವು, ಹಣ್ಣುಗಳನ್ನು ಅರ್ಪಿಸಿದರೆ, ಬಾಲಕನು ಗರ್ಭಗುಡಿಯಲ್ಲಿದ್ದ ದೇವರಿಗೆ ಮಂಚ್ ಚಾಕಲೇಟ್ ಅರ್ಪಿಸಿದನು. ಶೀಘ್ರದಲ್ಲೇ ಹುಡುಗ ಆಶ್ಚರ್ಯಕರವಾಗಿ ಚೇತರಿಸಿಕೊಂಡ. ಆ ಬಳಿಕ ದೇವಸ್ಥಾನದಲ್ಲಿ ಮಂಚ್ ಚಾಕಲೇಟ್ ನೈವೇದ್ಯ ಮಾಡಿ ಪ್ರಸಾದ ವಿತರಿಸುವ ಸಂಪ್ರದಾಯ ಆರಂಭವಾಯಿತು.

ಮತ್ತಷ್ಟು ಆಧ್ಯಾತ್ಮ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ

Published On - 8:35 am, Sat, 13 July 24