CWG 2022: ಲಾನ್​ ಬಾಲ್ಸ್​ನಲ್ಲಿ ಚಿನ್ನದ ಪದಕ ಗೆದ್ದು ಇತಿಹಾಸ ನಿರ್ಮಿಸಿದ ಭಾರತ

ಬರ್ಮಿಂಗ್​ಹ್ಯಾಮ್​ನಲ್ಲಿ ನಡೆಯುತ್ತಿರುವ ಕಾಮನ್​ವೆಲ್ತ್​ ಗೇಮ್ಸ್​ನ (CWG 2022) ಲಾನ್​ ಬಾಲ್ಸ್​​ನಲ್ಲಿ (Lawn Bowls) ಚಿನ್ನದ ಪದಕ ಗೆಲ್ಲುವ ಮೂಲಕ ಭಾರತ ಮಹಿಳಾ ತಂಡ ಐತಿಹಾಸಿಕ ಸಾಧನೆ ಮಾಡಿದೆ. ಫೈನಲ್ ಪಂದ್ಯದಲ್ಲಿ ಸೌತ್ ಆಫ್ರಿಕಾ ತಂಡವನ್ನು 17-10 ಅಂತರದಿಂದ ಸೋಲಿಸುವ ಮೂಲಕ ಭಾರತೀಯ ಮಹಿಳೆಯರು ಈ ವಿಶೇಷ ಸಾಧನೆ ಮಾಡಿದರು. ಭಾರತವು ಹಲವು ವರ್ಷಗಳಿಂದ ಕಾಮನ್​ವೆಲ್ತ್​ ಗೇಮ್ಸ್​ನಲ್ಲಿ ಭಾಗವಹಿಸುತ್ತಿದ್ದರೂ ಇದುವರೆಗೆ ಲಾನ್​ ಬಾಲ್ಸ್​ನಲ್ಲಿ ಪದಕ ಗೆದ್ದಿರಲಿಲ್ಲ. ಇದೀಗ ಭಾರತದ ತಂಡದ ಲವ್ಲಿ ಚೌಬೆ , ಪಿಂಕಿ , ನಯನ್ಮೋನಿ ಸೈಕಿಯಾ ಮತ್ತು ರೂಪಾ ರಾಣಿ ಟಿರ್ಕಿ ಒಳಗೊಂಡ ತಂಡವು ಚಿನ್ನದ ಪದಕ ಗೆಲ್ಲುವ ಮೂಲಕ  ಹೊಸ ಇತಿಹಾಸ ನಿರ್ಮಿಸಿದ್ದಾರೆ.

ಏನಿದು ಲಾನ್ ಬಾಲ್ಸ್​? ಲಾನ್​ ಬಾಲ್ಸ್​ ಎಂಬುದು ಹೊರಾಂಗಣ ಕ್ರೀಡೆ. ಈ ಸ್ಪರ್ಧೆಯು 1930 ರಿಂದ ಕಾಮನ್‌ವೆಲ್ತ್ ಕ್ರೀಡಾಕೂಟದ ಭಾಗವಾಗಿದೆ. 22 ವರ್ಷಗಳಲ್ಲಿ ಭಾರತ ತಂಡ ಈ ಕ್ರೀಡೆಯಲ್ಲಿ ಯಾವುದೇ ಪದಕ ಗೆದ್ದಿಲ್ಲ. ಆದರೆ ಈ ಬಾರಿ ಫೈನಲ್​ಗೆ ಪ್ರವೇಶಿಸುವ ಎಲ್ಲರ ಗಮನ ಸೆಳೆದಿತ್ತು. ಇದೀಗ ಸ್ವರ್ಣ ಪದಕ ಗೆಲ್ಲುವ ಮೂಲಕ ಭಾರತೀಯರ ಗಮನ ಸೆಳೆದಿದೆ. ಅಂದಹಾಗೆ ಲಾನ್​ ಬಾಲ್ಸ್ ಎಂಬುದು ಈಜಿಪ್ಟ್ ಮೂಲದ ಕ್ರೀಡೆಯಾಗಿದ್ದರೂ, ಇತ್ತೀಚಿನ ದಿನಗಳಲ್ಲಿ ಯುರೋಪಿಯನ್​ ದೇಶಗಳಲ್ಲಿ ಹೆಚ್ಚಿನ ಜನಪ್ರಿಯತೆ ಪಡೆದುಕೊಂಡಿದೆ. ಅದರಲ್ಲೂ ಇಂಗ್ಲೆಂಡ್​ನಲ್ಲಿ ಈ ಕ್ರೀಡೆಯನ್ನು ಹೆಚ್ಚಾಗಿ ಆಡಲಾಗುತ್ತದೆ. ಹೀಗಾಗಿ ಕಾಮನ್​ವೆಲ್ತ್ ಗೇಮ್ಸ್​ನಲ್ಲಿ ಇಂಗ್ಲೆಂಡ್ ಲಾನ್​ ಬಾಲ್ಸ್​ನಲ್ಲಿ ಇದುವರೆಗೆ 20 ಚಿನ್ನ, 9 ಬೆಳ್ಳಿ ಮತ್ತು 22 ಕಂಚಿನ ಪದಕ ಸೇರಿದಂತೆ ಒಟ್ಟು 51 ಪದಕಗಳನ್ನು ಗೆದ್ದಿದೆ.

ಲಾನ್ ಬಾಲ್ಸ್​ ಗೇಮ್ ನಿಯಮಗಳೇನು? ಲಾನ್ ಬಾಲ್ಸ್​ ಆಟದ ನಿಯಮಗಳು ತುಂಬಾ ಆಸಕ್ತಿದಾಯಕವಾಗಿವೆ. ಇಲ್ಲಿ ರಬ್ಬರ್​ನಿಂದ ಮಾಡಲಾದ ವಿಶೇಷ ಚೆಂಡನ್ನು ಬಳಸಲಾಗುತ್ತದೆ. ಈ ಚೆಂಡಿನ ತೂಕವು 1.59 ಕೆಜಿ ಇರುತ್ತದೆ. ಈ ಚೆಂಡನ್ನು ನಿಗದಿಪಡಿಸಲಾದ ಗುರಿಯತ್ತ ನೆಲದಿಂದ ಉರುಳಿಸಬೇಕು. ಹೀಗೆ ಸಾಗಿದ ಚೆಂಡು ನಿರ್ದಿಷ್ಠ  ಗುರಿಗೆ (ಜ್ಯಾಕ್- ಸಣ್ಣ ಚೆಂಡು) ತಲುಪಬೇಕು. ಇಲ್ಲಿ ಗುರಿಯ ಅಂತರವು 23 ಮೀಟರ್ ಆಗಿರುತ್ತದೆ. ಅಲ್ಲಿಗೆ ಚೆಂಡನ್ನು ತಲುಪಿಸುವ ಮೂಲಕ ಅಥವಾ ಜ್ಯಾಕ್​ಗೆ ತಾಗಿಸುವ ಮೂಲಕ ಪಾಯಿಂಟ್​ಗಳನ್ನು ಪಡೆಯಲಾಗುತ್ತದೆ.

ಇದನ್ನೂ ಓದಿ

Team India: 7 ತಿಂಗಳಲ್ಲಿ 7 ನಾಯಕರು: ವಿಶೇಷ ದಾಖಲೆ ಬರೆದ ಟೀಮ್ ಇಂಡಿಯಾ

ಸಚಿನ್, ಧೋನಿಗೂ ಸಿಕ್ಕಿಲ್ಲ ಈ ಗೌರವ: ಇಂಗ್ಲೆಂಡ್ ಕ್ರಿಕೆಟ್ ಸ್ಟೇಡಿಯಂಗೆ ಭಾರತೀಯ ಕ್ರಿಕೆಟಿಗನ ಹೆಸರು..!

Cheteshwar Pujara: ಒಟ್ಟು 997 ರನ್​: ಕೌಂಟಿ ಕ್ರಿಕೆಟ್​ನಲ್ಲಿ ಹೊಸ ಇತಿಹಾಸ ಬರೆದ ಪೂಜಾರ

T20 World Cup 2022: ಟಿ20 ವಿಶ್ವಕಪ್​ನಲ್ಲಿ ಕಣಕ್ಕಿಳಿಯುವ 16 ತಂಡಗಳು ಫೈನಲ್

ಪಾಯಿಂಟ್ ಸಿಗುವುದು ಹೇಗೆ? ಲಾನ್ ಬಾಲ್​ಗಳಲ್ಲಿ ಸ್ಕೋರ್ ಮಾಡುವುದು ತುಂಬಾ ಸರಳ. ಇಲ್ಲಿ ನಿಗದಿ ಮಾಡಲಾದ ಗುರಿಯ ಹತ್ತಿರ ಹೆಚ್ಚು ಚೆಂಡುಗಳನ್ನು ಹಾಕಿದ ತಂಡಕ್ಕೆ ಹೆಚ್ಚು ಪಾಯಿಂಟ್ ಸಿಗುತ್ತದೆ. ಅಂದರೆ ನಿರ್ದಿಷ್ಟ ಗುರಿಯ ಸಮೀಪ ಯಾವ ತಂಡಗಳ ಚೆಂಡು ಹೆಚ್ಚು ಇರುತ್ತದೆಯೋ ಆ ತಂಡ ಹೆಚ್ಚಿನ ಪಾಯಿಂಟ್ ಪಡೆದು ಗೆಲುವು ತನ್ನದಾಗಿಸಿಕೊಳ್ಳುತ್ತದೆ.

ಎಷ್ಟು ಆಟಗಾರರು ಆಡುತ್ತಾರೆ? ಈ ಕ್ರೀಡೆಯನ್ನು ಒಬ್ಬರು, ಇಬ್ಬರು, ಮೂವರು  ಮತ್ತು ನಾಲ್ಕು ಮಂದಿ ಆಡಬಹುದು. ಆದರೆ ಇಲ್ಲಿ ಒಂದು ತಂಡವಾಗಿ ಆಡುವಾಗ ಮೂವರು ಮತ್ತು ನಾಲ್ವರು ಆಟಗಾರರಿಗೆ ಮಾತ್ರ ಅವಕಾಶ ಇರುತ್ತದೆ. ಅಲ್ಲದೆ ಒಂದು ತಂಡಕ್ಕೆ 18 ತುದಿಗಳಿಂದ ಥ್ರೋಗಳನ್ನು ನೀಡಲಾಗಿರುತ್ತದೆ. ಈ ಮೂಲಕ ಗುರಿಯ ಹತ್ತಿರಕ್ಕೆ ಯಾವ ತಂಡ ಹೆಚ್ಚು ಚೆಂಡುಗಳನ್ನು ತಲುಪಿಸುತ್ತಾರೋ ಅವರು ಅಧಿಕ ಪಾಯಿಂಟ್ ಪಡೆದು ವಿಜಯಿಯಾಗುತ್ತಾರೆ.

ಇದೀಗ ಭಾರತ ತಂಡವು ಲಾನ್​ ಬಾಲ್ಸ್​ನಲ್ಲಿ ಚಿನ್ನದ ಪದಕ ಗೆಲ್ಲುವ ಮೂಲಕ ಹೊಸ ಇತಿಹಾಸ ನಿರ್ಮಿಸಿದೆ.

Published On - 6:49 pm, Tue, 2 August 22