IPL 2022 Final: ಐಪಿಎಲ್ ಚಾಂಪಿಯನ್ ಆದ 7ನೇ ತಂಡ ಗುಜರಾತ್; ಉಳಿದ 6 ತಂಡಗಳ ವಿವರ ಹೀಗಿದೆ ನೋಡಿ
IPL 2022 Final: ಹಾರ್ದಿಕ್ ಪಾಂಡ್ಯ ನಾಯಕತ್ವದ ಗುಜರಾತ್ ಟೈಟಾನ್ಸ್ ಈ ಋತುವಿನಲ್ಲಿ ಫೈನಲ್ ಸೇರಿದಂತೆ ಒಟ್ಟು 16 ಪಂದ್ಯಗಳನ್ನು ಆಡಿದ್ದು, ತಂಡವು ತನ್ನ ಸಂಪೂರ್ಣ ಅಭಿಯಾನದಲ್ಲಿ ಕೇವಲ 4 ಪಂದ್ಯಗಳಲ್ಲಿ ಸೋಲನ್ನು ಎದುರಿಸಬೇಕಾಯಿತು.
ಗುಜರಾತ್ ಟೈಟಾನ್ಸ್ (Gujarat Titans) ಮೂರು ತಿಂಗಳ ಹಿಂದೆ ಯಾರೂ ನಿರೀಕ್ಷಿಸದ ಸಾಧನೆ ಮಾಡಿದೆ. ಐಪಿಎಲ್ 2022 (IPL 2022)ರಲ್ಲಿ ಪಾದಾರ್ಪಣೆ ಮಾಡಿದ ಗುಜರಾತ್, ತನ್ನ ಮೊದಲ ಋತುವಿನಲ್ಲಿ ವಿಶ್ವದ ಅತಿದೊಡ್ಡ T20 ಲೀಗ್ ಪ್ರಶಸ್ತಿಯನ್ನು ಗೆದ್ದುಕೊಂಡಿತು. ಮೊದಲ ಬಾರಿಗೆ ಮೈದಾನಕ್ಕೆ ಇಳಿದ ಈ ತಂಡ ತನ್ನ ಮೊದಲ ಸೀಸನ್‌ನಲ್ಲಿಯೇ ಎಲ್ಲರನ್ನು ಅಚ್ಚರಿಗೊಳಿಸಿ ಚಾಂಪಿಯನ್ ಆಗುವ ಸಾಧನೆ ಮಾಡಿದೆ. ಮೇ 29 ರಂದು ಭಾನುವಾರ ಅಹಮದಾಬಾದ್‌ನಲ್ಲಿ ನಡೆದ ಫೈನಲ್ನಲ್ಲಿ ಗುಜರಾತ್ 7 ವಿಕೆಟ್‌ಗಳಿಂದ ರಾಜಸ್ಥಾನ್ ರಾಯಲ್ಸ್ ಅನ್ನು ಸೋಲಿಸಿ ಟ್ರೋಫಿಯನ್ನು ಗೆದ್ದುಕೊಂಡಿತು. ಇದರೊಂದಿಗೆ ಗುಜರಾತ್ ಈ ಟೂರ್ನಿಯಲ್ಲಿ ಪ್ರಶಸ್ತಿ ಗೆದ್ದ ಏಳನೇ ತಂಡ ಎನಿಸಿಕೊಂಡಿದೆ.
ಹಾರ್ದಿಕ್ ಪಾಂಡ್ಯ ನಾಯಕತ್ವದ ಗುಜರಾತ್ ಟೈಟಾನ್ಸ್ ಈ ಋತುವಿನಲ್ಲಿ ಫೈನಲ್ ಸೇರಿದಂತೆ ಒಟ್ಟು 16 ಪಂದ್ಯಗಳನ್ನು ಆಡಿದ್ದು, ತಂಡವು ತನ್ನ ಸಂಪೂರ್ಣ ಅಭಿಯಾನದಲ್ಲಿ ಕೇವಲ 4 ಪಂದ್ಯಗಳಲ್ಲಿ ಸೋಲನ್ನು ಎದುರಿಸಬೇಕಾಯಿತು. ಈ ತಂಡ ಒಟ್ಟು 12 ಪಂದ್ಯಗಳನ್ನು ಗೆದ್ದು ಚೊಚ್ಚಲ ಬಾರಿಗೆ ಟ್ರೋಫಿ ಎತ್ತಿ ಹಿಡಿದಿದ್ದು, ಚೊಚ್ಚಲ ನಾಯಕ ಮತ್ತು ಆಟಗಾರರಿಂದ ತುಂಬಿದ್ದ ತಂಡ ಅನುಭವಿ ತಂಡಗಳನ್ನು ಸೋಲಿಸಿದೆ. ಈ ಮೂಲಕ ಚಾಂಪಿಯನ್ ಪಟ್ಟಕ್ಕೇರಿದ 7ನೇ ತಂಡವಾಗಿದೆ. ಹಾಗದರೆ ಗುಜರಾತ್ಗೂ ಮುನ್ನ ಪ್ರಶಸ್ತಿ ಗೆದ್ದ ಉಳಿದ 6 ತಂಡಗಳ ವಿವರ ಹೀಗಿದೆ.
ಇದನ್ನೂ ಓದಿ:IPL 2022 Final: ಐಪಿಎಲ್ ಫೈನಲ್ನಲ್ಲಿ ಇಬ್ಬರು ಕೆರಿಬಿಯನ್ ದೈತ್ಯರ ದಾಖಲೆ ಮುರಿಯುವತ್ತಾ ಬಟ್ಲರ್ ಚಿತ್ತ..!
- ರಾಜಸ್ಥಾನ್ ರಾಯಲ್ಸ್ ಮೊದಲ ಐಪಿಎಲ್ ಪ್ರಶಸ್ತಿಯನ್ನು ಗೆದ್ದುಕೊಂಡಿತು. 2008ರಲ್ಲಿ ಶೇನ್ ವಾರ್ನ್ ನಾಯಕತ್ವದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ಸೋಲಿಸಿ ರಾಜಸ್ಥಾನ ಪ್ರಶಸ್ತಿ ಗೆದ್ದಿತ್ತು. ಪ್ರಾಸಂಗಿಕವಾಗಿ, ರಾಜಸ್ಥಾನವನ್ನು ಸೋಲಿಸಿ, ಗುಜರಾತ್ ಚೊಚ್ಚಲ ಋತುವಿನಲ್ಲಿ ಪ್ರಶಸ್ತಿಯನ್ನು ಗೆದ್ದುಕೊಂಡಿತು.
- ರಾಜಸ್ಥಾನದ ನಂತರ ಡೆಕ್ಕನ್ ಚಾರ್ಜರ್ಸ್ ಐಪಿಎಲ್‌ನ ಎರಡನೇ ಚಾಂಪಿಯನ್ ಆಯಿತು. 2009 ರಲ್ಲಿ, ಆಡಮ್ ಗಿಲ್‌ಕ್ರಿಸ್ಟ್ ನಾಯಕತ್ವದಲ್ಲಿ ಡೆಕ್ಕನ್ ಫೈನಲ್ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವನ್ನು ಸೋಲಿಸುವ ಮೂಲಕ ಪ್ರಶಸ್ತಿಯನ್ನು ಗೆದ್ದುಕೊಂಡಿತು. ಆದಾಗ್ಯೂ, ಡೆಕ್ಕನ್ ಹೆಚ್ಚು ಕಾಲ ಐಪಿಎಲ್‌ನ ಭಾಗವಾಗಿರಲಿಲ್ಲ, 2013 ರಲ್ಲಿ ಅದರ ಪಯಣ ಕೊನೆಗೊಂಡಿತು.
- ಚೆನ್ನೈ ಸೂಪರ್ ಕಿಂಗ್ಸ್ ಲೀಗ್ ಪ್ರಶಸ್ತಿ ಗೆದ್ದ ಮೂರನೇ ತಂಡವಾಗಿದೆ. 2010 ರಲ್ಲಿ, MS ಧೋನಿ ನಾಯಕತ್ವದಲ್ಲಿ, CSK ಫೈನಲ್ನಲ್ಲಿ ಮುಂಬೈ ಇಂಡಿಯನ್ಸ್ ಅನ್ನು ಸೋಲಿಸುವ ಮೂಲಕ ತಮ್ಮ ಮೊದಲ ಪ್ರಶಸ್ತಿಯನ್ನು ಗೆದ್ದುಕೊಂಡಿತು ಮತ್ತು ಯಶಸ್ಸಿನ ಕಥೆ ಇಲ್ಲಿಂದ ಪ್ರಾರಂಭವಾಯಿತು. ನಂತರ 2011, 2018 ಮತ್ತು 2020ರಲ್ಲಿಯೂ ಸಿಎಸ್‌ಕೆ ಪ್ರಶಸ್ತಿ ಗೆದ್ದಿತ್ತು.
- ಕೋಲ್ಕತ್ತಾ ನೈಟ್ ರೈಡರ್ಸ್ ಐಪಿಎಲ್‌ನ ನಾಲ್ಕನೇ ಚಾಂಪಿಯನ್ ತಂಡವಾಯಿತು. ಗೌತಮ್ ಗಂಭೀರ್ ನಾಯಕತ್ವದ ಈ ತಂಡವು 2012 ರಲ್ಲಿ CSK ಅನ್ನು ಸೋಲಿಸುವ ಮೂಲಕ ಮೊದಲ ಬಾರಿಗೆ ತನ್ನ ಪ್ರಶಸ್ತಿಯನ್ನು ಗೆದ್ದುಕೊಂಡಿತು. ಕೆಕೆಆರ್ ಎರಡು ವರ್ಷಗಳ ನಂತರ 2014 ರಲ್ಲಿ ಎರಡನೇ ಬಾರಿಗೆ ಪ್ರಶಸ್ತಿ ಗೆದ್ದುಕೊಂಡಿತು.
- 2013 ಐಪಿಎಲ್‌ನ ಅತ್ಯಂತ ಯಶಸ್ವಿ ತಂಡಕ್ಕೆ ಅಡಿಪಾಯ ಹಾಕಿದ ವರ್ಷ. 2013ರಲ್ಲಿ ಹಾರ್ದಿಕ್ ಮಾಡಿದ ಕೆಲಸವನ್ನು ರೋಹಿತ್ ಶರ್ಮಾ ಮಾಡಿದರು. ನಾಯಕತ್ವದಲ್ಲಿ ಪದಾರ್ಪಣೆ ಮಾಡಿದ ರೋಹಿತ್ ಮುಂಬೈ ಇಂಡಿಯನ್ಸ್ ಪರ ತಮ್ಮ ಮೊದಲ ಪ್ರಶಸ್ತಿಯನ್ನು ಗೆದ್ದರು. ಮುಂಬೈ ಫೈನಲ್ನಲ್ಲಿ CSK ಅನ್ನು ಸೋಲಿಸುವ ಮೂಲಕ ಐದು ಪ್ರಶಸ್ತಿಗಳಲ್ಲಿ ಮೊದಲ ಬಾರಿಗೆ ಗೆದ್ದಿತು. ಮುಂಬೈ ನಂತರ 2015, 2017, 2019 ಮತ್ತು 2020 ರಲ್ಲಿ ಟ್ರೋಫಿಯನ್ನು ವಶಪಡಿಸಿಕೊಂಡಿತು.
- ಗುಜರಾತ್‌ಗಿಂತ ಮೊದಲು, 2016 ರಲ್ಲಿ ಲೀಗ್‌ನ ಕೊನೆಯ ಹೊಸ ಚಾಂಪಿಯನ್ ತಂಡ ಸೃಷ್ಟಿಯಾಗಿತ್ತು. ಡೇವಿಡ್ ವಾರ್ನರ್ ನಾಯಕತ್ವದಲ್ಲಿ ಸನ್‌ರೈಸರ್ಸ್ ಹೈದರಾಬಾದ್ ಐಪಿಎಲ್‌ನ ಆರನೇ ಚಾಂಪಿಯನ್ ತಂಡವಾಯಿತು. ಆ ಫೈನಲ್ನಲ್ಲಿ ಬೆಂಗಳೂರನ್ನು ಸೋಲಿಸುವ ಮೂಲಕ ಹೈದರಾಬಾದ್ ಮೊದಲ ಮತ್ತು ಏಕೈಕ ಬಾರಿ ಪ್ರಶಸ್ತಿಯನ್ನು ಗೆದ್ದುಕೊಂಡಿತು.
Published On - 5:34 pm, Mon, 30 May 22
