IND vs AUS 3rd ODI Highlights: ಭಾರತಕ್ಕೆ ಸೋಲು; ಏಕದಿನ ಸರಣಿ ಗೆದ್ದ ಆಸ್ಟ್ರೇಲಿಯಾ
India vs Australia, 3rd One Day Cricket Match Highlights: ಈ ಪಂದ್ಯದಲ್ಲಿ 21 ರನ್ಗಳಿಂದ ಭಾರತವನ್ನು ಸೋಲಿಸಿದ ಆಸ್ಟ್ರೇಲಿಯಾ, ಮೂರು ಪಂದ್ಯಗಳ ಏಕದಿನ ಸರಣಿಯನ್ನು 2-1 ಅಂತರದಲ್ಲಿ ವಶಪಡಿಸಿಕೊಂಡಿದೆ.
Updated on:Mar 22, 2023 | 10:17 PM
ಎಂಎ ಚಿದಂಬರಂ ಕ್ರೀಡಾಂಗಣದಲ್ಲಿ ಬುಧವಾರ ನಡೆದ ಮೂರನೇ ಹಾಗೂ ನಿರ್ಣಾಯಕ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಅವರ ಅರ್ಧಶತಕ ಇನ್ನಿಂಗ್ಸ್ ಮತ್ತು ಹಾರ್ದಿಕ್ ಪಾಂಡ್ಯ ಅವರ ಹೋರಾಟದ ಇನ್ನಿಂಗ್ಸ್ ಹೊರತಾಗಿಯೂ ಟೀಂ ಇಂಡಿಯಾ, ಆಸ್ಟ್ರೇಲಿಯಾ ವಿರುದ್ಧ ಗೆಲ್ಲಲು ಸಾಧ್ಯವಾಗಲಿಲ್ಲ. ಈ ಪಂದ್ಯದಲ್ಲಿ 21 ರನ್ಗಳಿಂದ ಭಾರತವನ್ನು ಸೋಲಿಸಿದ ಆಸ್ಟ್ರೇಲಿಯಾ, ಮೂರು ಪಂದ್ಯಗಳ ಏಕದಿನ ಸರಣಿಯನ್ನು 2-1 ಅಂತರದಲ್ಲಿ ವಶಪಡಿಸಿಕೊಂಡಿದೆ. ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಆಸ್ಟ್ರೇಲಿಯಾ ತಂಡ 49 ಓವರ್ಗಳಲ್ಲಿ 269 ರನ್ಗಳಿಗೆ ಆಲೌಟ್ ಆಯಿತು. ಈ ಗುರಿ ಬೆನ್ನಟ್ಟಿದ ಭಾರತ ತಂಡ 49.1 ಓವರ್ಗಳಲ್ಲಿ 248 ರನ್ಗಳಿಗೆ ಆಲೌಟ್ ಆಗುವ ಮೂಲಕ 21 ರನ್ಳ ಸೋಲು ಕಂಡಿತು.
LIVE NEWS & UPDATES
-
ಭಾರತಕ್ಕೆ ಸೋಲು
ಅಂತಿಮವಾಗಿ ಕುಲ್ದೀಪ್ ಯಾದವ್ ರನೌಟ್ ಆಗುವ ಮೂಲಕ ಭಾರತದ ಇನ್ನಿಂಗ್ಸ್ ಅಂತ್ಯ ಹಾಡಿದರು. ಈ ಮೂಲಕ 3 ಪಂದ್ಯಗಳ ಏಕದಿನ ಸರಣಿಯನ್ನು ಆಸ್ಟ್ರೇಲಿಯಾ 2-1 ಅಂತರದಿಂದ ವಶಪಡಿಸಿಕೊಂಡಿದೆ. ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಆಸ್ಟ್ರೇಲಿಯಾ ತಂಡ 49 ಓವರ್ಗಳಲ್ಲಿ 269 ರನ್ಗಳಿಗೆ ಆಲೌಟ್ ಆಯಿತು. ಈ ಗುರಿ ಬೆನ್ನಟ್ಟಿದ ಭಾರತ ತಂಡ 49.1 ಓವರ್ಗಳಲ್ಲಿ 248 ರನ್ಗಳಿಗೆ ಆಲೌಟ್ ಆಗುವ ಮೂಲಕ 21 ರನ್ಳ ಸೋಲು ಕಂಡಿತು.
-
ಶಮಿ ಔಟ್
ಭಾರತದ ಒಂಬತ್ತನೇ ವಿಕೆಟ್ ಪತನಗೊಂಡಿದೆ. ಸ್ಟೊಯಿನಿಸ್ ಶಮಿಯನ್ನು ಔಟ್ ಮಾಡಿದ್ದಾರೆ.
-
-
ಜಡೇಜಾ ಔಟ್
ಝಂಪಾ ಭಾರತಕ್ಕೆ ದೊಡ್ಡ ಹೊಡೆತ ನೀಡಿದ್ದಾರೆ. 46ನೇ ಓವರ್ನ ಮೊದಲ ಎಸೆತದಲ್ಲಿ ಜಡೇಜಾ, ಝಂಪಾ ಅವರ ಮೇಲೆ ದೊಡ್ಡ ಹೊಡೆತವನ್ನು ಆಡಲು ಪ್ರಯತ್ನಿಸಿದರು ಆದರೆ ಚೆಂಡು ಬ್ಯಾಟ್ನ ಮೇಲ್ಭಾಗವನ್ನು ತಾಗಿ ಗಾಳಿಯಲ್ಲಿ ಹೋಯಿತು. ಪಾಯಿಂಟ್ನಲ್ಲಿ ನಿಂತ ಸ್ಟೊಯಿನಿಸ್ ಕ್ಯಾಚ್ ಹಿಡಿಯುವಲ್ಲಿ ಯಾವುದೇ ತಪ್ಪು ಮಾಡಲಿಲ್ಲ.
-
ಪಾಂಡ್ಯ ಔಟ್
ಭಾರತಕ್ಕೆ ದೊಡ್ಡ ಹೊಡೆತ ಬಿದ್ದಿದೆ. ಪಾಂಡ್ಯ ಔಟಾಗಿದ್ದಾರೆ. 44ನೇ ಓವರ್ನ ನಾಲ್ಕನೇ ಎಸೆತದಲ್ಲಿ ಪಾಂಡ್ಯ ದೊಡ್ಡ ಹೊಡೆತವನ್ನು ಆಡಲು ಪ್ರಯತ್ನಿಸಿದರು ಆದರೆ ಚೆಂಡು ಅವರ ಬ್ಯಾಟ್ನ ಅಂಚನ್ನು ತಾಗಿ ಗಾಳಿಯಲ್ಲಿ ಹೋಯಿತು. ಸ್ಟೀವ್ ಸ್ಮಿತ್ ಸುಲಭ ಕ್ಯಾಚ್ ಪಡೆದರು.
-
ಭಾರತದ 200 ರನ್ ಪೂರ್ಣ
ಹಾರ್ದಿಕ್ ಪಾಂಡ್ಯ 40ನೇ ಓವರ್ನ ಎರಡನೇ ಎಸೆತದಲ್ಲಿ ಬೌಂಡರಿ ಬಾರಿಸುವ ಮೂಲಕ ಟೀಂ ಇಂಡಿಯಾದ 200 ರನ್ ಪೂರೈಸಿದ್ದಾರೆ. ಭಾರತಕ್ಕೆ ಗೆಲ್ಲಲು 70 ರನ್ಗಳ ಅವಶ್ಯಕತೆಯಿದ್ದು, ನಾಲ್ಕು ವಿಕೆಟ್ಗಳು ಉಳಿದಿವೆ.
-
-
ಸೂರ್ಯಕುಮಾರ್ ಔಟ್
ಸೂರ್ಯಕುಮಾರ್ ಯಾದವ್ ಮತ್ತೊಮ್ಮೆ ಖಾತೆ ತೆರೆಯದೆ ಔಟಾಗಿದ್ದಾರೆ. 36ನೇ ಓವರ್ನ ಎರಡನೇ ಎಸೆತದಲ್ಲಿ ಬೌಲ್ಡ್ ಆದರು. ಈ ಸರಣಿಯಲ್ಲಿ ಸತತ ಮೂರನೇ ಬಾರಿಗೆ ಸೂರ್ಯಕುಮಾರ್ ಖಾತೆ ತೆರೆಯದೆ ಸತತ ಮೂರು ಬಾರಿ ಔಟಾದರು.
-
ಕೊಹ್ಲಿ ಔಟ್
ಆಷ್ಟನ್ ಅಗರ್ 36ನೇ ಓವರ್ನ ಮೊದಲ ಎಸೆತದಲ್ಲಿ ಅವರು ದೊಡ್ಡ ವಿಕೆಟ್ ಪಡೆದರು. 54 ರನ್ ಗಳಿಸಿ ಆಡುತ್ತಿದ್ದ ವಿರಾಟ್ ಕೊಹ್ಲಿ ಅಗರ್ಗೆ ಬಲಿಯಾಗಿದ್ದಾರೆ.
-
ಪಾಂಡ್ಯ ಸಿಕ್ಸರ್
31ನೇ ಓವರ್ನ ಮೂರನೇ ಎಸೆತದಲ್ಲಿ, ಹಾರ್ದಿಕ್ ಪಾಂಡ್ಯ ಸ್ಕೇವರ್ ಲೆಗ್ನ ಮೇಲೆ ಸಿಕ್ಸರ್ ಹೊಡೆದರು.
-
ವಿರಾಟ್ ಕೊಹ್ಲಿ ಅರ್ಧಶತಕ
ವಿರಾಟ್ ಕೊಹ್ಲಿ ಅರ್ಧಶತಕ ಪೂರೈಸಿದ್ದಾರೆ. ಇಂದು ತಂಡದ ಪರ ಮಹತ್ವದ ಇನ್ನಿಂಗ್ಸ್ ಆಡಿದ ಕೊಹ್ಲಿ 65ನೇ ಅರ್ಧಶತಕ ದಾಖಲಿಸಿದ್ದಾರೆ.
-
ಅಕ್ಷರ್ ಪಟೇಲ್ ಔಟ್
ಭಾರತ ನಾಲ್ಕನೇ ವಿಕೆಟ್ ಕಳೆದುಕೊಂಡಿತು. ಅಕ್ಷರ್ ಪಟೇಲ್ ರನ್ ಔಟ್ ಆಗಿ ಪೆವಿಲಿಯನ್ಗೆ ತೆರಳಿದ್ದಾರೆ. ಹೀಗಾಗಿ ಭಾರತ ನಾಲ್ಕನೇ ವಿಕೆಟ್ ಕಳೆದುಕೊಂಡಿದೆ.
-
ರಾಹುಲ್ ಔಟ್
ಕೆಎಲ್ ರಾಹುಲ್ ಮತ್ತು ವಿರಾಟ್ ಕೊಹ್ಲಿ ನಡುವೆ ಉತ್ತಮ ಜೊತೆಯಾಟ ನಡೆಯುತ್ತಿತ್ತು. ಆದರೆ ಈ ವೇಳೆ ಕೆಎಲ್ ರಾಹುಲ್ ದೊಡ್ಡ ಹೊಡೆತದ ಯತ್ನದಲ್ಲಿ ಶಾನ್ ಅಬಾಟ್ ಕೈಗೆ ಕ್ಯಾಚಿತ್ತು ಔಟಾದರು. ರಾಹುಲ್ 32 ರನ್ ಕೊಡುಗೆ ನೀಡಿದರು.
-
ಸಿಕ್ಸರ್ ಬಾರಿಸಿದ ರಾಹುಲ್
ಭಾರತದ ಖಾತೆಗೆ ಉತ್ತಮ ಓವರ್ ಬಂದಿದೆ. 27ನೇ ಓವರ್ನ ಎರಡನೇ ಎಸೆತವನ್ನು ಕೆಎಲ್ ರಾಹುಲ್ ನೇರವಾಗಿ ಸೈಟ್ ಸ್ಕ್ರೀನ್ಗೆ ಸಿಕ್ಸರ್ ಕಳುಹಿಸಿದರು. ನಾಲ್ಕನೇ ಎಸೆತದಲ್ಲಿ ಬೌಂಡರಿ ಕೂಡ ಬಾರಿಸಿದರು.
-
ಭಾರತ ಸ್ಕೋರ್ 111/2
ಭಾರತ ತಂಡ 20 ಓವರ್ಗಳ ಅಂತ್ಯಕ್ಕೆ 2 ವಿಕೆಟ್ ನಷ್ಟಕ್ಕೆ 111 ರನ್ ಗಳಿಸಿದೆ. ಭಾರತಕ್ಕೆ ಗೆಲ್ಲಲು ಇನ್ನೂ 159 ರನ್ಗಳ ಅವಶ್ಯಕತೆಯಿದ್ದು, ಕೈಯಲ್ಲಿ 8 ವಿಕೆಟ್ಗಳಿವೆ. ವಿರಾಟ್ ಕೊಹ್ಲಿ ಮತ್ತು ಕೆಎಲ್ ರಾಹುಲ್ ಕ್ರೀಸ್ನಲ್ಲಿ ಫ್ರೀಜ್ ಆಗಿದ್ದಾರೆ. ಇಬ್ಬರೂ ಪ್ರಮುಖ ಪಾಲುದಾರಿಕೆಯನ್ನು ನಿರ್ಮಿಸಲು ಪ್ರಯತ್ನಿಸುತ್ತಿದ್ದಾರೆ.
-
ಕೊಹ್ಲಿ ಸಿಕ್ಸರ್
18ನೇ ಓವರ್ನ ನಾಲ್ಕನೇ ಕೊಹ್ಲಿ ಎಸೆತದಲ್ಲಿ ಸಿಕ್ಸರ್ ಬಾರಿಸಿದರು. ಅಗರ್ ಎಸೆದ ಫುಲ್ಲರ್ ಮತ್ತು ಫ್ಲೈಟ್ ಬಾಲ್ ಅನ್ನು, ವೈಡ್ ಲಾಂಗ್ ಆಫ್ನಿಂದ ಕೊಹ್ಲಿ ಸಿಕ್ಸರ್ ಬಾರಿಸಿದರು.
-
8 ಓವರ್ಗಳ ನಂತರ ಬೌಂಡರಿ
ರೋಹಿತ್ ಶರ್ಮಾ ಹಾಗೂ ಶುಭಮನ್ ಗಿಲ್ ವಿಕೆಟ್ ಕಳೆದುಕೊಂಡ ಭಾರತ ತಂಡ ರನ್ ರೇಟ್ ಕುಂಠಿತಗೊಂಡಿದೆ. 8 ಓವರ್ಗಳಿಂದ ಬೌಂಡರಿಗಳ ಕೊರತೆ ಎದುರಾಗಿತ್ತು. ಆದರೆ 18ನೇ ಓವರ್ನಲ್ಲಿ ವಿರಾಟ್ ಕೊಹ್ಲಿ ಬೌಂಡರಿ ಬಾರಿಸುವ ಮೂಲಕ ಈ ಬರವನ್ನು ಅಂತ್ಯಗೊಳಿಸಿದರು. ಆ ಓವರ್ನ ಎರಡನೇ ಎಸೆತದಲ್ಲಿ ಕೊಹ್ಲಿ ಮಿಡ್ ವಿಕೆಟ್ ಓವರ್ನಲ್ಲಿ ಫೋರ್ ಹೊಡೆದರು.
-
ಗಿಲ್ ಔಟ್
ಶುಭ್ಮನ್ ಗಿಲ್ ಔಟಾಗಿದ್ದಾರೆ. 13ನೇ ಓವರ್ನ ಮೊದಲ ಎಸೆತದಲ್ಲಿ ಝಂಪಾ ಗಿಲ್ ಅವರನ್ನು ಎಲ್ಬಿ ಬಲೆಗೆ ಬಿಳಿಸಿದರು.
-
ರೋಹಿತ್ ಶರ್ಮಾ ಔಟ್
ಭಾರತಕ್ಕೆ ಮೊದಲ ಹೊಡೆತ ಬಿದ್ದಿದೆ. ನಾಯಕ ರೋಹಿತ್ ಶರ್ಮಾ ಔಟಾಗಿದ್ದಾರೆ. ಅಬಾಟ್ ಎಸೆದ 10ನೇ ಓವರ್ನ ಮೊದಲ ಎಸೆತದಲ್ಲಿ ರೋಹಿತ್ ಪುಲ್ ಮಾಡಲು ಯತ್ನಿಸಿದರು. ಆದರೆ ಮಿಚೆಲ್ ಸ್ಟಾರ್ಕ್ಗೆ ಕ್ಯಾಚ್ ನೀಡಿದರು.
-
ರೋಹಿತ್ ಶರ್ಮಾ ಸಿಕ್ಸರ್
ರೋಹಿತ್ ಶರ್ಮಾ ಸಿಕ್ಸರ್ ಸಿಡಿಸಿದ್ದಾರೆ. 7ನೇ ಓವರ್ನ ಕೊನೆಯ ಎಸೆತದಲ್ಲಿ ರೋಹಿತ್ ಲಾಂಗ್ ಆಫ್ನಲ್ಲಿ ಅದ್ಭುತ ಸಿಕ್ಸರ್ ಬಾರಿಸಿದರು.
-
ಬ್ಯಾಕ್ ಟು ಬ್ಯಾಕ್ ಬೌಂಡರಿ
ಐದನೇ ಓವರ್ ಎಸೆದ ಮಿಚೆಲ್ ಸ್ಟಾರ್ಕ್, ಮೂರನೇ ಓವರ್ನಲ್ಲಿ ಸಿಕ್ಸರ್ ಬಾರಿಸಿದ ಶುಭಮನ್ ಗಿಲ್ ಐದನೇ ಓವರ್ನಲ್ಲಿ ಎರಡು ಬೌಂಡರಿಗಳನ್ನು ಬಾರಿಸಿದರು. ಓವರ್ನ ಮೂರನೇ ಎಸೆತದಲ್ಲಿ ಅವರು ಮಿಡ್ ಆನ್ ಮತ್ತು ಮಿಡ್ ವಿಕೆಟ್ ನಡುವಿನ ಅಂತರದಲ್ಲಿ ಬೌಂಡರಿ ಬಾರಿಸಿದರೆ, ನಾಲ್ಕನೇ ಎಸೆತವನ್ನು ಆಫ್ ಸ್ಟಂಪ್ನ ಹೊರಗೆ ಫೋರ್ ಬಾರಿಸಿದರು.
-
ಗಿಲ್ ಸಿಕ್ಸರ್
ಮೂರನೇ ಓವರ್ನಲ್ಲಿ ಗಿಲ್, ಮಿಡ್-ವಿಕೆಟ್ನ ಕಡೆಗೆ ಆಡಿ ಭರ್ಜರಿ ಸಿಕ್ಸರ್ ಬಾರಿಸಿದರು. ಆ ಓವರ್ನಲ್ಲಿ ಭಾರತ 6 ರನ್ ಗಳಿಸಿತು.
-
ಭಾರತದ ಬ್ಯಾಟಿಂಗ್ ಆರಂಭ
ಭಾರತದ ಬ್ಯಾಟಿಂಗ್ ಶುರುವಾಗಿದೆ. ರೋಹಿತ್ ಶರ್ಮಾ ಮತ್ತು ಶುಂಭನ್ ಗಿಲ್ ಬ್ಯಾಟಿಂಗ್ ಆರಂಭಿಸಿದ್ದಾರೆ. ಮಿಚೆಲ್ ಸ್ಟಾರ್ಕ್ ಆಸ್ಟ್ರೇಲಿಯಾ ಪರ ಮೊದಲ ಓವರ್ ಮಾಡಿದರು.
-
ಆಸೀಸ್ ಇನ್ನಿಂಗ್ಸ್ ಅಂತ್ಯ
ಅಂತಿಮವಾಗಿ ತನ್ನೇಲ್ಲ ವಿಕೆಟ್ ಕಳೆದುಕೊಂಡ ಆಸ್ಟ್ರೇಲಿಯಾ ತಂಡ 269 ರನ್ಗಳಿಗೆ ಆಲೌಟ್ ಆಗಿದೆ. ತಂಡದ ಪರ ಮಾರ್ಷ್ ಅತ್ಯಧಿಕ 47 ರನ್ ಗಳಿಸಿದರೆ, ಟೀಂ ಇಂಡಿಯಾ ಪರ ಹಾರ್ದಿಕ್ ಹಾಗೂ ಕುಲ್ದೀಪ್ ತಲಾ 3 ವಿಕೆಟ್ ಪಡೆದು ಮಿಂಚಿದರು.
-
250ರ ಗಡಿ ದಾಟಿದ ಆಸ್ಟ್ರೇಲಿಯಾ
ಆಸ್ಟ್ರೇಲಿಯ 9 ವಿಕೆಟ್ ನಷ್ಟಕ್ಕೆ 250 ರನ್ ಗಡಿ ದಾಟಿದೆ. ಸ್ಟಾರ್ಕ್ ಮತ್ತು ಝಂಪಾ ಕ್ರೀಸ್ನಲ್ಲಿದ್ದಾರೆ.
-
ಆಷ್ಟನ್ ಅಗರ್ ಔಟ್
46ನೇ ಓವರ್ನ ಮೂರನೇ ಎಸೆತದಲ್ಲಿ ಆಶ್ಟನ್ ಅಗರ್ ಔಟಾದರು. ಮೊಹಮ್ಮದ್ ಸಿರಾಜ್ ಅವರ ಶಾರ್ಟ್ ಬಾಲ್ ಅನ್ನು ಎಗರ್ ಪುಲ್ ಮಾಡಲು ಪ್ರಯತ್ನಿಸಿದರು, ಆದರೆ ಡೀಪ್ ಮಿಡ್ವಿಕೆಟ್ನಲ್ಲಿ ಅಕ್ಷರ್ ಸುಲಭ ಕ್ಯಾಚ್ ಪಡೆದರು.
-
ಆಸ್ಟ್ರೇಲಿಯಾದ ಎಂಟನೇ ವಿಕೆಟ್ ಪತನ
ಆಸ್ಟ್ರೇಲಿಯಾದ ಎಂಟನೇ ವಿಕೆಟ್ ಪತನಗೊಂಡಿದೆ. ಅಕ್ಷರ್ ಪಟೇಲ್ ಅವರು ಸೀನ್ ಅಬಾಟ್ ಅವರನ್ನು ಬೌಲ್ಡ್ ಮಾಡಿದ್ದಾರೆ. 45ನೇ ಓವರ್ನ ಕೊನೆಯ ಎಸೆತದಲ್ಲಿ, ಅಬಾಟ್ ದೊಡ್ಡ ಹೊಡೆತವನ್ನು ಆಡಲು ಬಯಸಿದ್ದರು ಆದರೆ ತಪ್ಪಿ ಬೌಲ್ಡ್ ಆದರು.
-
ಅಬಾಟ್ ಸಿಕ್ಸರ್
43ನೇ ಓವರ್ ಎಸೆದ ಅಕ್ಷರ್ ಪಟೇಲ್ ಅವರ ಮೊದಲ ಎಸೆತದಲ್ಲಿ ಸೀನ್ ಅಬಾಟ್ ಸಿಕ್ಸರ್ ಬಾರಿಸಿದರು.
-
ಆಸ್ಟ್ರೇಲಿಯಾ ಸ್ಕೋರ್ 231/7
44ನೇ ಓವರ್ ಎಸೆದ ಮೊಹಮ್ಮದ್ ಸಿರಾಜ್ ಓವರ್ನಲ್ಲಿ ಒಟ್ಟು 2 ರನ್ ಬಂದವು.ಸೀನ್ ಅಬಾಟ್ 19 ಎಸೆತಗಳಲ್ಲಿ 19 ರನ್ ಮತ್ತು ಆಶ್ಟನ್ ಅಗರ್ 17 ಎಸೆತಗಳಲ್ಲಿ 9 ರನ್ ಗಳಿಸಿ ಆಡುತ್ತಿದ್ದಾರೆ.
-
ಆಸ್ಟ್ರೇಲಿಯಾ ಸ್ಕೋರ್ 220/7
42ನೇ ಓವರ್ ಎಸೆದ ಹಾರ್ದಿಕ್ ಪಾಂಡ್ಯ ಓವರ್ನಲ್ಲಿ ಸೀನ್ ಅಬಾರ್ಟ್ ಬೌಂಡರಿ ಬಾರಿಸಿದರು. ಈ ಓವರ್ನಲ್ಲಿ ಒಟ್ಟು 7 ರನ್ಗಳು ಬಂದವು.
-
ಆಸ್ಟ್ರೇಲಿಯಾ ಸ್ಕೋರ್ 209/7
40 ಓವರ್ಗಳ ನಂತರ ಆಸ್ಟ್ರೇಲಿಯದ ಸ್ಕೋರ್ 207/7 ಆಗಿದ್ದು, ಸೀನ್ ಅಬಾಟ್ ಮತ್ತು ಆಶ್ಟನ್ ಅಗರ್ ಕ್ರೀಸ್ನಲ್ಲಿದ್ದಾರೆ. ಅಗರ್ 6 ಎಸೆತಗಳಲ್ಲಿ 2 ರನ್ ಮತ್ತು ಅಬಾರ್ಟ್ 5 ಎಸೆತಗಳಲ್ಲಿ 4 ರನ್ ಗಳಿಸಿ ಆಡುತ್ತಿದ್ದಾರೆ.
-
ಅಲೆಕ್ಸ್ ಕ್ಯಾರಿ ಔಟ್
ಕುಲ್ದೀಪ್ ಯಾದವ್ ಭಾರತಕ್ಕೆ ಏಳನೇ ಯಶಸ್ಸು ತಂದುಕೊಟ್ಟರು. ಅವರು 39ನೇ ಓವರ್ನ ಮೊದಲ ಎಸೆತದಲ್ಲಿ ಅಲೆಕ್ಸ್ ಕ್ಯಾರಿ ಅವರನ್ನು ಕ್ಲೀನ್ ಬೌಲ್ಡ್ ಮಾಡಿದರು. ಕ್ಯಾರಿ 46 ಎಸೆತಗಳಲ್ಲಿ 38 ರನ್ ಗಳಿಸಿದರು. ಆಸ್ಟ್ರೇಲಿಯಾ 39 ಓವರ್ಗಳಲ್ಲಿ ಏಳು ವಿಕೆಟ್ಗೆ 203 ರನ್ ಗಳಿಸಿದೆ. ಸೀನ್ ಅಬಾಟ್ ಮತ್ತು ಆಶ್ಟನ್ ಅಗರ್ ಕ್ರೀಸ್ನಲ್ಲಿದ್ದಾರೆ.
-
ಆಸ್ಟ್ರೇಲಿಯಾ ಸ್ಕೋರ್ 203/6
ಆಸ್ಟ್ರೇಲಿಯಾ 200 ರನ್ ಗಳಿಸುವಷ್ಟರಲ್ಲಿ 6 ವಿಕೆಟ್ ಕಳೆದುಕೊಂಡಿದೆ. ಕ್ರೀಸ್ನಲ್ಲಿ ಅಲೆಕ್ಸ್ ಕ್ಯಾರಿ ಮತ್ತು ಅಬಾಟ್ ಇದ್ದಾರೆ. ಅಲೆಕ್ಸ್ ಕ್ಯಾರಿ 45 ಎಸೆತಗಳಲ್ಲಿ 38 ರನ್ ಮತ್ತು ಅಬಾಟ್ 1 ಎಸೆತದಲ್ಲಿ 1 ರನ್ ಗಳಿಸಿ ಆಡುತ್ತಿದ್ದಾರೆ.
-
ಸ್ಟೊಯಿನಿಸ್ ಔಟ್
25 ರನ್ ಗಳಿಸಿದ್ದ ಮಾರ್ಕಸ್ ಸ್ಟೊಯಿನಿಸ್ ಅಕ್ಷರ್ ಪಟೇಲ್ಗೆ ವಿಕೆಟ್ ಒಪ್ಪಿಸಿ ಪೆವಿಲಿಯನ್ಗೆ ಮರಳಿದ್ದಾರೆ. ಆಸ್ಟ್ರೇಲಿಯಾ ಆರನೇ ಹೊಡೆತವನ್ನು ಅನುಭವಿಸಿದೆ.
-
ಸ್ಟೊಯಿನಿಸ್ ಬೌಂಡರಿ
36ನೇ ಓವರ್ನ ಮೂರನೇ ಎಸೆತದಲ್ಲಿ ಮಾರ್ಕಸ್ ಸ್ಟೊಯಿನಿಸ್ ಬೌಂಡರಿ ಬಾರಿಸಿದರು
-
ಆಸ್ಟ್ರೇಲಿಯಾ ಸ್ಕೋರ್ 186/5
5 ವಿಕೆಟ್ ಕಳೆದುಕೊಂಡ ನಂತರ, ಮಾರ್ಕಸ್ ಸ್ಟೊಯಿನಿಸ್ ಮತ್ತು ಅಲೆಕ್ಸ್ ಕ್ಯಾರಿ ಆಸೀಸ್ ಇನ್ನಿಂಗ್ಸ್ ನಿಭಾಯಿಸುತ್ತಿದ್ದಾರೆ. ಈ ಇಬ್ಬರು ತಂಡದ ಮೊತ್ತವನ್ನು 186 ರನ್ಗೆ ಕೊಂಡೊಯ್ದಿದ್ದಾರೆ.
-
ಕ್ಯಾರಿ ಸಿಕ್ಸರ್
35ನೇ ಓವರ್ ಎಸೆದ ಅಕ್ಷರ್ ಪಟೇಲ್ ನೋ ಬಾಲ್ ಎಸೆದರು. ಫ್ರೀ ಹಿಟ್ ಪಡೆದ ಆಸೀಸ್ ಬ್ಯಾಟರ್ ಕ್ಯಾರಿ, ಸಿಕ್ಸರ್ ಬಾರಿಸಿದರು.
-
ಆಸ್ಟ್ರೇಲಿಯಾ ಸ್ಕೋರ್ 171/5
32ನೇ ಓವರ್ನಲ್ಲಿ ಆಸ್ಟ್ರೇಲಿಯಾಕ್ಕೆ ಒಟ್ಟು 7 ರನ್ಗಳು ಬಂದವು. ಅಲೆಕ್ಸ್ ಕ್ಯಾರಿ 26 ಎಸೆತಗಳಲ್ಲಿ 18 ರನ್ ಮತ್ತು ಮಾರ್ಕಸ್ ಸ್ಟೊಯಿನಿಸ್ 15 ಎಸೆತಗಳಲ್ಲಿ 15 ರನ್ ಗಳಿಸಿ ಆಡುತ್ತಿದ್ದಾರೆ.
-
ಸ್ಟೊಯಿನಿಸ್ ಬೌಂಡರಿ
ಮಾರ್ಕಸ್ ಸ್ಟೊಯಿನಿಸ್ 32ನೇ ಓವರ್ನ ಎರಡನೇ ಎಸೆತದಲ್ಲಿ ಬೌಂಡರಿ ಬಾರಿಸಿದರು
-
ಆಸ್ಟ್ರೇಲಿಯಾದ 5ನೇ ವಿಕೆಟ್ ಪತನ
ಆಸ್ಟ್ರೇಲಿಯದ ಅರ್ಧದಷ್ಟು ಆಟಗಾರರು ಪೆವಿಲಿಯನ್ಗೆ ಮರಳಿದ್ದು, ತಂಡದ ಖಾತೆಯಲ್ಲಿ 138 ರನ್ ಸೇರಿವೆ. 5ನೇ ವಿಕೆಟ್ ರೂಪದಲ್ಲಿ ಲಬುಶೇನ್, ಕುಲ್ದೀಪ್ಗೆ ಬಲಿಯಾಗಿದ್ದಾರೆ.
-
ಆಸ್ಟ್ರೇಲಿಯಾ ಸ್ಕೋರ್ 128/4
ಆಸ್ಟ್ರೇಲಿಯಾ ಸ್ಕೋರ್ 26 ಓವರ್ಗಳಲ್ಲಿ ನಾಲ್ಕು ವಿಕೆಟ್ಗೆ 128 ರನ್ ಆಗಿದೆ. ಮಾರ್ನಸ್ ಲ್ಯಾಬುಸ್ಚಾಗ್ನೆ 21 ಮತ್ತು ಅಲೆಕ್ಸ್ ಕ್ಯಾರಿ 2 ರನ್ ಗಳಿಸಿ ಆಡುತ್ತಿದ್ದಾರೆ. ಈ ಓವರ್ನಲ್ಲಿ ಆಸ್ಟ್ರೇಲಿಯಾಕ್ಕೆ ಬಂದಿದ್ದು ಕೇವಲ 2 ರನ್.
-
ಡೇವಿಡ್ ವಾರ್ನರ್ ಔಟ್
31 ಎಸೆತಗಳಲ್ಲಿ 23 ರನ್ ಗಳಿಸಿ ಆಡುತ್ತಿದ್ದ ಡೇವಿಡ್ ವಾರ್ನರ್, ಕುಲ್ದೀಪ್ಗೆ ಬಲಿಯಾಗಿದ್ದಾರೆ. ಈ ಮೂಲಕ ಆಸ್ಟ್ರೇಲಿಯದ ನಾಲ್ಕನೇ ವಿಕೆಟ್ 125 ರನ್ಗಳಿಗೆ ಪತನವಾಯಿತು.
-
21 ಓವರ್ಗಳ ನಂತರ 111/3
ಆಸ್ಟ್ರೇಲಿಯಾದ ಇನಿಂಗ್ಸ್ನ 21 ಓವರ್ಗಳು ಮುಗಿದಿದ್ದು, ಮೂರು ವಿಕೆಟ್ಗೆ 111 ರನ್ ಗಳಿಸಿದೆ. ಡೇವಿಡ್ ವಾರ್ನರ್ 21 ಮತ್ತು ಮಾರ್ನಸ್ ಲ್ಯಾಬುಸ್ಚಾಗ್ನೆ 9 ರನ್ ಗಳಿಸಿ ಆಡುತ್ತಿದ್ದಾರೆ.
-
ವಾರ್ನರ್ ಬೌಂಡರಿ
ಡೇವಿಡ್ ವಾರ್ನರ್ 21ನೇ ಓವರ್ನಲ್ಲಿ ಕುಲದೀಪ್ ಯಾದವ್ ಅವರ ಎರಡನೇ ಎಸೆತವನ್ನು ಬೌಂಡರಿ ಬಾರಿಸಿದರು.
-
ಶತಕ ಪೂರೈಸಿದ ಆಸ್ಟ್ರೇಲಿಯಾ
19ನೇ ಓವರ್ನಲ್ಲಿ ಆಸ್ಟ್ರೇಲಿಯಾ 100 ರನ್ ಪೂರೈಸಿತು. ಈ ಓವರ್ನಲ್ಲಿ ಒಟ್ಟು 3 ರನ್ಗಳು ಬಂದವು. ಡೇವಿಡ್ ವಾರ್ನರ್ 16 ಎಸೆತಗಳಲ್ಲಿ 13 ರನ್ ಮತ್ತು ಮಾರ್ನಸ್ ಲ್ಯಾಬುಸ್ಚಾಗ್ನೆ 16 ಎಸೆತಗಳಲ್ಲಿ 5 ರನ್ ಗಳಿಸಿ ಕ್ರೀಸ್ನಲ್ಲಿದ್ದಾರೆ.
-
17 ಓವರ್ಗಳ ನಂತರ 93/3
17 ಓವರ್ಗಳ ನಂತರ ಆಸ್ಟ್ರೇಲಿಯಾ ತಂಡ 3 ವಿಕೆಟ್ ಕಳೆದುಕೊಂಡು 93 ರನ್ ಗಳಿಸಿದೆ. ಲಬುಶೇನ್ 12 ಎಸೆತಗಳಲ್ಲಿ 4 ರನ್ ಮತ್ತು ಡೇವಿಡ್ ವಾರ್ನರ್ 9 ಎಸೆತಗಳಲ್ಲಿ 8 ರನ್ ಗಳಿಸಿ ಆಡುತ್ತಿದ್ದಾರೆ.
-
ಸಂಕಷ್ಟದಲ್ಲಿ ಆಸ್ಟ್ರೇಲಿಯಾ
ಆರಂಭಿಕ ಬ್ಯಾಟ್ಸ್ಮನ್ ಮಿಚೆಲ್ ಮಾರ್ಷ್ರನ್ನು 47 ರನ್ಗಳಿಗೆ ಔಟ್ ಮಾಡುವ ಮೂಲಕ ಹಾರ್ದಿಕ್ ಪಾಂಡ್ಯ ಆಸ್ಟ್ರೇಲಿಯಾಕ್ಕೆ ದೊಡ್ಡ ಹೊಡೆತ ನೀಡಿದ್ದಾರೆ. ಇನಿಂಗ್ಸ್ನ 15ನೇ ಓವರ್ ಮೂರನೇ ಎಸೆತದಲ್ಲಿ ಮಾರ್ಷ್ ಬೌಲ್ಡ್ ಆದರು. ಆಸ್ಟ್ರೇಲಿಯಾ 3 ವಿಕೆಟ್ ನಷ್ಟಕ್ಕೆ 92 ರನ್ ಗಳಿಸಿದೆ.
-
ಮಾರ್ಷ್ ಬೌಂಡರಿ, ಔಟ್
ಮಿಚೆಲ್ ಮಾರ್ಷ್ 15ನೇ ಓವರ್ನ ಎರಡನೇ ಎಸೆತದಲ್ಲಿ ಬೌಂಡರಿ ಬಾರಿಸಿದರು. ಆದರೆ ಅದರ ಮುಂದಿನ ಎಸೆತದಲ್ಲೇ ಮಾರ್ಷ್ ವಿಕೆಟ್ ಒಪ್ಪಿಸಿ ಪೆವಿಲಿಯನ್ಗೆ ಮರಳಿದ್ದಾರೆ.
-
ಆಸ್ಟ್ರೇಲಿಯಾ ಸ್ಕೋರ್ 80/2
ಆಸ್ಟ್ರೇಲಿಯಾ 14 ಓವರ್ಗಳಲ್ಲಿ 2 ವಿಕೆಟ್ ನಷ್ಟಕ್ಕೆ 80 ರನ್ ಗಳಿಸಿದೆ. 14ನೇ ಓವರ್ನಲ್ಲಿ ಆಸ್ಟ್ರೇಲಿಯಾ ಖಾತೆಗೆ ಒಟ್ಟು 3 ರನ್ಗಳು ಬಂದಿವೆ.
-
ಕ್ಯಾಪ್ಟನ್ ಸ್ಟೀವ್ ಸ್ಮಿತ್ ಔಟ್
ಹಾರ್ದಿಕ್ ಪಾಂಡ್ಯ ಭಾರತಕ್ಕೆ ಮತ್ತೊಂದು ಯಶಸ್ಸು ತಂದುಕೊಟ್ಟರು. ಆಸ್ಟ್ರೇಲಿಯಾದ ನಾಯಕ ಸ್ಟೀವ್ ಸ್ಮಿತ್, ಕೀಪರ್ ರಾಹುಲ್ಗೆ ಕ್ಯಾಚಿತ್ತು ಔಟಾಗಿದ್ದಾರೆ. ಸ್ಟೀವ್ ಸ್ಮಿತ್ ಔಟಾದ ಬಳಿಕ ಡೇವಿಡ್ ವಾರ್ನರ್ ಕ್ರೀಸ್ಗೆ ಬಂದಿದ್ದಾರೆ.
-
ಆಸ್ಟ್ರೇಲಿಯಾ ಸ್ಕೋರ್ 74/1
ಅಕ್ಷರ್ ಪಟೇಲ್ ಎಸೆದ 12ನೇ ಓವರ್ನಲ್ಲಿ ಒಟ್ಟು 6 ರನ್ಗಳು ಬಂದವು. 12 ಓವರ್ಗಳಲ್ಲಿ ಆಸ್ಟ್ರೇಲಿಯಾ ಸ್ಕೋರ್ 74/1 ಆಗಿದೆ. ಮಿಚೆಲ್ ಮಾರ್ಷ್ 40 ಎಸೆತಗಳಲ್ಲಿ 40 ಮತ್ತು ಸ್ಟೀವ್ ಸ್ಮಿತ್ 1 ಎಸೆತದಲ್ಲಿ 0 ರನ್ ಗಳಿಸಿ ಕ್ರೀಸ್ನಲ್ಲಿದ್ದಾರೆ.
-
ಹೆಡ್ ಔಟ್
ಹಾರ್ದಿಕ್ ಪಾಂಡ್ಯ ಆಸ್ಟ್ರೇಲಿಯಾಕ್ಕೆ ಮೊದಲ ಹೊಡೆತ ನೀಡಿದರು. 33 ರನ್ ಗಳಿಸಿ ಆಡುತ್ತಿದ್ದ ಹೆಡ್ ಕುಪ್ದೀಪ್ಗೆ ಕ್ಯಾಚಿತ್ತು ಪೆವಿಲಿಯನ್ ಸೇರಿಕೊಂಡಿದ್ದಾರೆ.
-
ವಿಕೆಟ್ ಹುಡುಕಾಟದಲ್ಲಿ ಭಾರತ ತಂಡ
10ನೇ ಓವರ್ನಲ್ಲಿ ಆಸ್ಟ್ರೇಲಿಯಾಕ್ಕೆ ಬಂದಿದ್ದು ಕೇವಲ 2 ರನ್. 27 ಎಸೆತಗಳಲ್ಲಿ ಹೆಡ್ 27 ಮತ್ತು ಮಿಚೆಲ್ ಮಾರ್ಷ್ 33 ಎಸೆತಗಳಲ್ಲಿ 33 ರನ್ ಗಳಿಸಿ ಆಡುತ್ತಿದ್ದಾರೆ.
-
ಮಾರ್ಷ್ ಬೌಂಡರಿ
ಎಂಟನೇ ಓವರ್ನ ಮೂರನೇ ಎಸೆತದಲ್ಲಿ ಮಿಚೆಲ್ ಮಾರ್ಷ್ ಬೌಂಡರಿ ಬಾರಿಸಿದರು.
-
6 ಓವರ್ಗಳಲ್ಲಿ 41 ರನ್
ಆಸ್ಟ್ರೇಲಿಯನ್ ಆರಂಭಿಕರಾದ ಟ್ರಾವಿಸ್ ಹೆಡ್ ಮತ್ತು ಮಿಚೆಲ್ ಮಾರ್ಷ್ ತಂಡಕ್ಕೆ ತ್ವರಿತ ಆರಂಭ ನೀಡಿದ್ದಾರೆ. ಆಸ್ಟ್ರೇಲಿಯಾ ತಂಡ 6 ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೆ 41 ರನ್ ಗಳಿಸಿದೆ. ಮಿಚೆಲ್ ಮಾರ್ಷ್ 18 ಎಸೆತಗಳಲ್ಲಿ 28 ಹಾಗೂ ಟ್ರಾವಿಸ್ ಹೆಡ್ 18 ಎಸೆತಗಳಲ್ಲಿ 12 ರನ್ ಗಳಿಸಿ ಆಡುತ್ತಿದ್ದಾರೆ.
-
ಆಸ್ಟ್ರೇಲಿಯಾಕ್ಕೆ ಬಲಿಷ್ಠ ಆರಂಭ
ಮೊಹಮ್ಮದ್ ಶಮಿ ಎಸೆದ ಐದನೇ ಓವರ್ನಲ್ಲಿ ಆಸ್ಟ್ರೇಲಿಯಾ ಖಾತೆಗೆ ಒಟ್ಟು 11 ರನ್ಗಳು ಬಂದವು. ಹೆಡ್ 11 ರನ್ ಮತ್ತು ಮಿಚೆಲ್ ಮಾರ್ಷ್ 27 ರನ್ ಗಳಿಸಿ ಆಡುತ್ತಿದ್ದಾರೆ.
-
ಟ್ರಾವಿಸ್ ಹೆಡ್ ಸಿಕ್ಸರ್
ಐದನೇ ಓವರ್ನ ಎರಡನೇ ಎಸೆತದಲ್ಲಿ ಹೆಡ್ ಸಿಕ್ಸರ್ ಬಾರಿಸಿದರು.
-
ಆಸ್ಟ್ರೇಲಿಯಾ ಸ್ಕೋರ್ 19/0
ಆಸ್ಟ್ರೇಲಿಯಾ ಇನ್ನಿಂಗ್ಸ್ ಆರಂಭವಾಗಿದ್ದು, ಟ್ರಾವಿಸ್ ಹೆಡ್ನೊಂದಿಗೆ ಮಿಚೆಲ್ ಮಾರ್ಷ್ ಉತ್ತಮ ಆರಂಭ ನೀಡಿದ್ದಾರೆ. 3 ಓವರ್ಗಳ ನಂತರ ಆಸ್ಟ್ರೇಲಿಯಾ ಸ್ಕೋರ್ 19/0
-
ಮಿಚೆಲ್ ಮಾರ್ಷ್ ಬೌಂಡರಿ
ಮೊಹಮ್ಮದ್ ಸಿರಾಜ್ ಎಸೆದ ಎರಡನೇ ಓವರ್ನಲ್ಲಿ ಮಿಚೆಲ್ ಮಾರ್ಷ್ ಓವರ್ನ ಎರಡನೇ ಎಸೆತದಲ್ಲಿ ಹಾಗೂ ನಾಲ್ಕನೇ ಎಸೆತದಲ್ಲಿ ಬೌಂಡರಿ ಬಾರಿಸಿದರು.
-
ಆಸೀಸ್ ಬ್ಯಾಟಿಂಗ್ ಆರಂಭ
ಆಸ್ಟ್ರೇಲಿಯಾ ಬ್ಯಾಟಿಂಗ್ ಆರಂಭಿಸಿದೆ. ಟ್ರಾವಿಸ್ ಹೆಡ್ ಮತ್ತು ಮಿಚೆಲ್ ಮಾರ್ಷ್ ಕ್ರೀಸ್ಗೆ ಬಂದಿದ್ದಾರೆ. ಭಾರತದ ಪರ ಮೊಹಮ್ಮದ್ ಶಮಿ ಮೊದಲ ಓವರ್ ಬೌಲ್ ಮಾಡಲಿದ್ದಾರೆ.
-
ಆಸ್ಟ್ರೇಲಿಯಾ ತಂಡ
ಡೇವಿಡ್ ವಾರ್ನರ್, ಟ್ರಾವಿಸ್ ಹೆಡ್, ಮಿಚೆಲ್ ಮಾರ್ಷ್, ಸ್ಟೀವ್ ಸ್ಮಿತ್, ಮಾರ್ನಸ್ ಲಬುಶೇನ್, ಅಲೆಕ್ಸ್ ಕ್ಯಾರಿ, ಮಾರ್ಕಸ್ ಸ್ಟೊಯಿನಿಸ್, ಆಷ್ಟನ್ ಅಗರ್, ಸೀನ್ ಅಬಾಟ್, ಮಿಚೆಲ್ ಸ್ಟಾರ್ಕ್, ಆಡಮ್ ಝಂಪಾ.
-
ಭಾರತ ತಂಡ
ರೋಹಿತ್ ಶರ್ಮಾ (ನಾಯಕ), ಶುಭ್ಮನ್ ಗಿಲ್, ವಿರಾಟ್ ಕೊಹ್ಲಿ, ಸೂರ್ಯಕುಮಾರ್ ಯಾದವ್, ಕೆಎಲ್ ರಾಹುಲ್, ಹಾರ್ದಿಕ್ ಪಾಂಡ್ಯ, ರವೀಂದ್ರ ಜಡೇಜಾ, ಅಕ್ಷರ್ ಪಟೇಲ್, ಕುಲ್ದೀಪ್ ಯಾದವ್, ಮೊಹಮ್ಮದ್ ಸಿರಾಜ್, ಮೊಹಮ್ಮದ್ ಶಮಿ
-
ಟಾಸ್ ಗೆದ್ದ ಆಸ್ಟ್ರೇಲಿಯಾ
ಟಾಸ್ ಗೆದ್ದ ಆಸ್ಟ್ರೇಲಿಯಾ ನಾಯಕ ಸ್ಟೀವ್ ಸ್ಮಿತ್ ಮೊದಲು ಬ್ಯಾಟಿಂಗ್ ಮಾಡಲು ನಿರ್ಧರಿಸಿದ್ದಾರೆ.
-
ಭಾರತಕ್ಕೆ ಸರಣಿ ಗೆಲ್ಲುವುದು ಮುಖ್ಯ
ಭಾರತ ತಂಡ ತನ್ನ ತವರಿನಲ್ಲಿ ಇದುವರೆಗೆ ಮೇಲುಗೈ ಸಾಧಿಸಿದೆ. ಭಾರತದಲ್ಲಿ ಆಡಿದ ಕೊನೆಯ 7 ಏಕದಿನ ಸರಣಿಗಳನ್ನು ಗೆದ್ದುಕೊಂಡಿದೆ.
Published On - Mar 22,2023 12:50 PM
