IND vs AUS: ಭಾರತ ಪ್ರವಾಸಕ್ಕೆ 16 ಸದಸ್ಯರ ಯುವ ಆಸ್ಟ್ರೇಲಿಯಾ ತಂಡ ಪ್ರಕಟ
India vs Australia U19 Series: ಸೆಪ್ಟೆಂಬರ್ನಲ್ಲಿ ಭಾರತ-ಆಸ್ಟ್ರೇಲಿಯಾ U19 ತಂಡಗಳ ನಡುವೆ ಏಕದಿನ, ಟೆಸ್ಟ್ ಸರಣಿ ನಡೆಯಲಿದೆ. ಮುಂಬರುವ ವಿಶ್ವಕಪ್ಗೆ ಪೂರ್ವ ಸಿದ್ಧತೆಯಾಗಿರುವ ಈ ಸರಣಿಗೆ ಆಸ್ಟ್ರೇಲಿಯಾ ತನ್ನ 16 ಸದಸ್ಯರ ತಂಡವನ್ನು ಪ್ರಕಟಿಸಿದೆ. ಈ ತಂಡದಲ್ಲಿ ಭಾರತೀಯ ಮೂಲದ ಉದಯೋನ್ಮುಖ ಬ್ಯಾಟ್ಸ್ಮನ್ ನೀಲ್ ಪಟೇಲ್ ಅವರಿಗೆ ಸ್ಥಾನ ಲಭಿಸಿದೆ. ಅವರ ವಿಶೇಷ ಸಾಧನೆಗಳು ಮತ್ತು ಸರಣಿಯ ಸಂಪೂರ್ಣ ವೇಳಾಪಟ್ಟಿ ಲೇಖನದಲ್ಲಿದೆ.
Updated on:Aug 03, 2026 | 10:59 PM
ಬರುವ ಸೆಪ್ಟೆಂಬರ್ ತಿಂಗಳಲ್ಲಿ ಭಾರತ ಹಾಗೂ ಆಸ್ಟ್ರೇಲಿಯಾ 19 ವರ್ಷದೊಳಗಿನವರ (India vs Australia U19) ತಂಡಗಳ ನಡುವೆ ಮೂರು ಪಂದ್ಯಗಳ ಏಕದಿನ ಸರಣಿ ಹಾಗೂ 2 ಪಂದ್ಯಗಳ ನಾಲ್ಕು ದಿನಗಳ ಟೆಸ್ಟ್ ಸರಣಿ ನಡೆಯಲಿದೆ. ಈ ಸರಣಿಗಳಿಗಾಗಿ ಆಸ್ಟ್ರೇಲಿಯಾ ಯುವ ತಂಡ ಭಾರತ ಪ್ರವಾಸ ಕೈಗೊಳ್ಳಲಿದೆ. ಇದೀಗ ಈ ಪ್ರವಾಸಕ್ಕೆ ಕ್ರಿಕೆಟ್ ಆಸ್ಟ್ರೇಲಿಯಾ 16 ಸದಸ್ಯರ ಆಸ್ಟ್ರೇಲಿಯಾ U19 ಪುರುಷರ ತಂಡವನ್ನು ಪ್ರಕಟಿಸಿದೆ. ಮುಂಬರುವ U19 ವಿಶ್ವಕಪ್ಗೆ ತಯಾರಿಯ ದೃಷ್ಟಿಯಿಂದ ಈ ಸರಣಿಯು ಎರಡೂ ತಂಡಗಳಿಗೆ ಬಹಳ ಮುಖ್ಯವೆಂದು ಪರಿಗಣಿಸಲಾಗಿದೆ.
ವಿಶ್ವಕಪ್ ನಂತರ, ಆಸ್ಟ್ರೇಲಿಯಾ ತನ್ನ ತಂಡದಲ್ಲಿ ಪ್ರಮುಖ ಬದಲಾವಣೆಗಳನ್ನು ಮಾಡಿದೆ. 16 ಆಟಗಾರರಲ್ಲಿ 14 ಹೊಸ ಆಟಗಾರರಿಗೆ ಅವಕಾಶ ನೀಡಲಾಗಿದೆ. ಆದಾಗ್ಯೂ, U19 ವಿಶ್ವಕಪ್ನಲ್ಲಿ ಆಡಿದ ಅನುಭವಿ ವೇಗದ ಬೌಲರ್ಗಳಾದ ವಿಲ್ ಬೈರೋಮ್ ಮತ್ತು ಕೇಸಿ ಬಾರ್ಟನ್ ಅವರನ್ನು ಮತ್ತೆ ತಂಡಕ್ಕೆ ಸೇರಿಸಿಕೊಳ್ಳಲಾಗಿದೆ. ಗಮನಾರ್ಹವಾಗಿ, ಭಾರತೀಯ ಮೂಲದ ಯುವ ಕ್ರಿಕೆಟಿಗ ನೀಲ್ ಪಟೇಲ್ ಅವರನ್ನು ಸಹ ಆಸ್ಟ್ರೇಲಿಯಾ ತಂಡದಲ್ಲಿ ಆಯ್ಕೆ ಮಾಡಲಾಗಿದೆ.
ನೀಲ್ ಪಟೇಲ್ ಯಾರು?
ನೀಲ್ ಪಟೇಲ್ ಭಾರತೀಯ ಮೂಲದ ಆಸ್ಟ್ರೇಲಿಯಾದ ಉದಯೋನ್ಮುಖ ಬ್ಯಾಟ್ಸ್ಮನ್, ಗುಜರಾತ್ ಮೂಲದವರಾಗಿರುವ ನೀಲ್ ಪಟೇಲ್ ಆರಂಭಿಕ ಬ್ಯಾಟ್ಸ್ಮನ್ ಮತ್ತು ಆಫ್-ಸ್ಪಿನ್ ಬೌಲಿಂಗ್ ಮಾಡುತ್ತಾರೆ. ನ್ಯೂ ಸೌತ್ ವೇಲ್ಸ್ ವಿಶ್ವವಿದ್ಯಾಲಯವನ್ನು ಪ್ರತಿನಿಧಿಸುವ ಪಟೇಲ್, 16 ನೇ ವಯಸ್ಸಿನಲ್ಲಿ ಸಿಡ್ನಿ ಪ್ರೀಮಿಯರ್ ಕ್ರಿಕೆಟ್ ಇತಿಹಾಸದಲ್ಲಿ ಒಂದು ಕ್ಯಾಲೆಂಡರ್ ವರ್ಷದಲ್ಲಿ 1,000 ಕ್ಕೂ ಹೆಚ್ಚು ರನ್ ಗಳಿಸಿದ ಮೊದಲ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಆ ಅದ್ಭುತ ಪ್ರದರ್ಶನದ ನಂತರ, ಪಟೇಲ್ ಅವರನ್ನು ಅಡಿಲೇಡ್ನಲ್ಲಿ ನಡೆದ ಆಸ್ಟ್ರೇಲಿಯಾದ ಅಂಡರ್-19 ಪುರುಷರ ಪ್ರತಿಭಾ ಶಿಬಿರಕ್ಕೆ ಆಯ್ಕೆ ಮಾಡಲಾಗಿತ್ತು. ಇದೀಗ ಅವರನ್ನು ಅಂಡರ್-19 ಪುರುಷರ ತಂಡಕ್ಕೆ ಆಯ್ಕೆ ಮಾಡಲಾಗಿದೆ.
ಭಾರತ ಪ್ರವಾಸಕ್ಕೆ ಆಸ್ಟ್ರೇಲಿಯಾ U19 ತಂಡ: ಕೇಸಿ ಬಾರ್ಟನ್, ಹೇಡನ್ ಬಾರ್ಬುಲೋವಿ, ಎಲಿ ಬ್ರೈನ್, ವಿಲ್ ಬೈರೋಮ್, ಬ್ಲೇಕ್ ಕ್ಯಾಟಲ್, ಜ್ಯಾಕ್ ಜೋಸ್ನೆಕ್, ಸ್ಪೆನ್ಸರ್ ಗ್ರೀನ್, ಕಾನರ್ ಗ್ರೆಗೊರಿ, ಚಾರ್ಲಿ ಹೆಂಡರ್ಸನ್, ಜೆಡ್ ಹೋಲಿಕ್, ಮ್ಯಾಥ್ಯೂ ಲೌಗ್, ನೀಲ್ ಪಟೇಲ್, ಜಾಕೋಬ್ ಪೀಟ್ಜ್, ಪ್ಯಾಟ್ರಿಕ್ ಸುಲ್ಲಿವನ್, ಥಿಯೋ ಸಿಂಗೋಸ್, ಥಾಮಸ್ ವಾಸಿಯೊ.
2027 ರ ಏಕದಿನ ವಿಶ್ವಕಪ್ಗೆ 12 ನಗರಗಳ ಆತಿಥ್ಯ; ಐಸಿಸಿ ಅಧಿಕೃತ ಪ್ರಕಟಣೆ
ಸಂಪೂರ್ಣ ಸರಣಿ ವೇಳಾಪಟ್ಟಿ
- 18 ಸೆಪ್ಟೆಂಬರ್ 2026: ಮೊದಲ ಏಕದಿನ ಪಂದ್ಯ (ನಿರಂಜನ್ ಶಾ ಕ್ರೀಡಾಂಗಣ, ರಾಜ್ಕೋಟ್)
- ಸೆಪ್ಟೆಂಬರ್ 21, 2026: 2ನೇ ಏಕದಿನ ಪಂದ್ಯ (ನಿರಂಜನ್ ಶಾ ಕ್ರೀಡಾಂಗಣ, ರಾಜ್ಕೋಟ್)
- ಸೆಪ್ಟೆಂಬರ್ 23, 2026: 3ನೇ ಏಕದಿನ ಪಂದ್ಯ (ನಿರಂಜನ್ ಶಾ ಕ್ರೀಡಾಂಗಣ, ರಾಜ್ಕೋಟ್)
- ಸೆಪ್ಟೆಂಬರ್ 27 ರಿಂದ ಮೊದಲ 4 ದಿನಗಳ ಟೆಸ್ಟ್ ಪಂದ್ಯ (ನಿರಂಜನ್ ಶಾ ಕ್ರೀಡಾಂಗಣ, ರಾಜ್ಕೋಟ್)
- ಅಕ್ಟೋಬರ್ 5 ರಿಂದ ಎರಡನೇ 4 ದಿನಗಳ ಟೆಸ್ಟ್ ಪಂದ್ಯ (ನರೇಂದ್ರ ಮೋದಿ ಕ್ರೀಡಾಂಗಣ ‘ಬಿ’ ಮೈದಾನ, ಅಹಮದಾಬಾದ್)
ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 10:56 pm, Mon, 3 August 26
