IPL 2021: ಟಿ20 ವಿಶ್ವಕಪ್ ತಂಡದಲ್ಲಿಲ್ಲ ಸ್ಥಾನ; ಐಪಿಎಲ್ನಲ್ಲಿ ಮಿಂಚಿ ಆಯ್ಕೆ ಮಂಡಳಿಯನ್ನು ಎಚ್ಚರಿಸಿದ ಸಿಎಸ್ಕೆ ಬೌಲರ್
IPL 2021: ಶಾರ್ದೂಲ್ ಈ ಋತುವಿನಲ್ಲಿ ಇದುವರೆಗೆ 10 ಪಂದ್ಯಗಳಲ್ಲಿ 10 ವಿಕೆಟ್ ಪಡೆದಿದ್ದಾರೆ ಮತ್ತು ದೀಪಕ್ ಚಹರ್ (11) ನಂತರ ಚೆನ್ನೈಯ ಅತ್ಯಂತ ಯಶಸ್ವಿ ಬೌಲರ್ ಆಗಿದ್ದಾರೆ. ಈ ಇಬ್ಬರೂ ಬೌಲರ್ಗಳು 15 ಆಟಗಾರರ ಬದಲಿಗೆ 3 ಮೀಸಲು ಆಟಗಾರರಲ್ಲಿ ಸ್ಥಾನ ಪಡೆದಿರುವುದು ಕಾಕತಾಳೀಯ.
Updated on: Sep 26, 2021 | 7:01 PM
ಐಪಿಎಲ್ 2021ರ ದ್ವಿತೀಯಾರ್ಧದ ರೋಮಾಂಚನ ಯುಎಇಯಲ್ಲಿ ಮುಂದುವರೆದಿದೆ. ಈ ಪಂದ್ಯಾವಳಿಯು ಮುಂದಿನ ತಿಂಗಳು ಆರಂಭವಾಗಲಿರುವ ಟಿ 20 ವಿಶ್ವಕಪ್ಗೆ ಭಾರತದ ಆಟಗಾರರಿಗೆ ನೆರವಾಗಲಿದೆ. ಅಕ್ಟೋಬರ್ 17 ರಿಂದ ಟಿ 20 ವಿಶ್ವಕಪ್ ಓಮನ್ ಮತ್ತು ಯುಎಇಯಲ್ಲಿ ನಡೆಯಲಿದೆ. ಪ್ರಸ್ತುತ, ಪ್ರತಿ ದೇಶವು ಈ ವಿಶ್ವಕಪ್ಗಾಗಿ ತನ್ನ ತಂಡಗಳನ್ನು ಘೋಷಿಸಿದೆ. ಭಾರತ ತಂಡದ 15 ಆಟಗಾರರನ್ನು ಸಹ ಘೋಷಿಸಲಾಗಿದೆ. ಆದರೆ ಅವರಲ್ಲಿ ಕೆಲವರಿಗೆ ಅವಕಾಶ ಸಿಗದಿದ್ದಕ್ಕೆ ಎಲ್ಲರೂ ಆಶ್ಚರ್ಯಚಕಿತರಾಗಿದ್ದಾರೆ. ಈ ಹೆಸರುಗಳಲ್ಲಿ ಒಂದು – ಶಾರ್ದೂಲ್ ಠಾಕೂರ್. ಬಲಗೈ ವೇಗದ ಬೌಲಿಂಗ್-ಆಲ್-ರೌಂಡರ್ 15 ಆಟಗಾರರಲ್ಲಿ ಸ್ಥಾನ ಪಡೆದಿಲ್ಲ. ಇಂತಹ ಪರಿಸ್ಥಿತಿಯಲ್ಲಿ ಶಾರ್ದೂಲ್ ಐಪಿಎಲ್ನಲ್ಲಿ ತನ್ನ ಅತ್ಯುತ್ತಮ ಪ್ರದರ್ಶನದಿಂದ ಆಯ್ಕೆದಾರರಿಗೆ ಉತ್ತರಿಸುತ್ತಿದ್ದಾರೆ.
ಶಾರ್ದೂಲ್ ಠಾಕೂರ್ಗೆ ಈ ವರ್ಷ ಉತ್ತಮವಾಗಿದೆ. ಆಸ್ಟ್ರೇಲಿಯಾದಲ್ಲಿ ನಡೆದ ಬ್ರಿಸ್ಬೇನ್ ಟೆಸ್ಟ್ನಿಂದ ಹಿಡಿದು ಇಂಗ್ಲೆಂಡ್ ಪ್ರವಾಸದಲ್ಲಿ ಟೆಸ್ಟ್ ಸರಣಿಯಲ್ಲಿ ಪ್ರಚಂಡ ಪ್ರದರ್ಶನದವರೆಗೆ ಶಾರ್ದೂಲ್ ಹಲವು ಬಾರಿ ಭಾರತಕ್ಕೆ ಅಮೂಲ್ಯ ಕೊಡುಗೆ ನೀಡಿದ್ದಾರೆ. ಅವರು ಟೆಸ್ಟ್ಗಳಲ್ಲಿ ಮಾತ್ರವಲ್ಲ, ಏಕದಿನ ಮತ್ತು ಟಿ 20 ಪಂದ್ಯಗಳಲ್ಲಿ ಇಂಗ್ಲೆಂಡ್ ವಿರುದ್ಧ ಉತ್ತಮ ಪ್ರದರ್ಶನ ನೀಡಿದರು. ತಂಡಕ್ಕೆ ವಿಕೆಟ್ ಬೇಕಾದಾಗಲೆಲ್ಲಾ ಶಾರ್ದೂಲ್ ವಿಕೆಟ್ ಪಡೆದಿದ್ದಾರೆ.
ಡಿವಿಲಿಯರ್ಸ್-ರಸೆಲ್-ಸೂರ್ಯಕುಮಾರ್ ವಿಕೆಟ್ ಯುಎಇಯಲ್ಲಿ ನಡೆದ ಮೊದಲ ಮೂರು ಪಂದ್ಯಗಳಲ್ಲಿ ಶಾರ್ದೂಲ್ ಉತ್ತಮವಾಗಿ ಬೌಲಿಂಗ್ ಮಾಡಿದರು. ಈ ಮೂಲಕ ಆಯ್ಕೆದಾರರು ತಮ್ಮ ನಿರ್ಧಾರವನ್ನು ಮರುಪರಿಶೀಲಿಸುವಂತೆ ಸೂಚನೆ ನೀಡಿದರು. ಶಾರ್ದೂಲ್ ಮುಂಬೈ ವಿರುದ್ಧದ ಪಂದ್ಯದಲ್ಲಿ 4 ಓವರ್ಗಳಲ್ಲಿ ಕೇವಲ 29 ರನ್ ನೀಡಿ 1 ವಿಕೆಟ್ ಪಡೆದರು. ಈ ವಿಕೆಟ್ ಸೂರ್ಯಕುಮಾರ್ ಯಾದವ್ ಅವರದ್ದು. ಇದಾದ ನಂತರ ಶಾರ್ದೂಲ್ ಬೆಂಗಳೂರು ವಿರುದ್ಧ 4 ಓವರ್ಗಳಲ್ಲಿ 29 ರನ್ ನೀಡಿ 2 ವಿಕೆಟ್ ಪಡೆದರು. ಎಬಿ ಡಿ ವಿಲಿಯರ್ಸ್ ಮತ್ತು ದೇವದತ್ ಪಡಿಕ್ಕಲ್ ಅವರ ಬಲಿಪಶುಗಳಾದರು.
ಇದರ ನಂತರ, ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ಮತ್ತೊಮ್ಮೆ ಶಾರ್ದೂಲ್ ಅದ್ಭುತ ಬೌಲಿಂಗ್ ಮಾಡಿದರು ಮತ್ತು 4 ಓವರ್ಗಳಲ್ಲಿ 2 ವಿಕೆಟ್ ಪಡೆದು 20 ರನ್ ನೀಡಿದರು. ಮತ್ತೊಮ್ಮೆ ಅವರು ದೊಡ್ಡ ಬೇಟೆಯಾಡಿದರು. ಮೊದಲು ಶಾರ್ದೂಲ್ ವೆಂಕಟೇಶ್ ಅಯ್ಯರ್ ಅವರನ್ನು ಔಟ್ ಮಾಡಿದರು ಮತ್ತು ನಂತರ ಆಂಡ್ರೆ ರಸೆಲ್ ಅವರನ್ನು ಬೌಲ್ಡ್ ಮಾಡಿದರು.
ವಿಶ್ವಕಪ್ ತಂಡದಲ್ಲಿ ಸ್ಥಾನ ಪಡೆಯಬಹುದೇ? ಶಾರ್ದೂಲ್ ಈ ಋತುವಿನಲ್ಲಿ ಇದುವರೆಗೆ 10 ಪಂದ್ಯಗಳಲ್ಲಿ 10 ವಿಕೆಟ್ ಪಡೆದಿದ್ದಾರೆ ಮತ್ತು ದೀಪಕ್ ಚಹರ್ (11) ನಂತರ ಚೆನ್ನೈಯ ಅತ್ಯಂತ ಯಶಸ್ವಿ ಬೌಲರ್ ಆಗಿದ್ದಾರೆ. ಈ ಇಬ್ಬರೂ ಬೌಲರ್ಗಳು 15 ಆಟಗಾರರ ಬದಲಿಗೆ 3 ಮೀಸಲು ಆಟಗಾರರಲ್ಲಿ ಸ್ಥಾನ ಪಡೆದಿರುವುದು ಕಾಕತಾಳೀಯ. ಮೊಹಮ್ಮದ್ ಶಮಿ, ಜಸ್ಪ್ರೀತ್ ಬುಮ್ರಾ ಮತ್ತು ಭುವನೇಶ್ವರ್ ಕುಮಾರ್ ಅವರನ್ನು ಭಾರತ ತಂಡದಲ್ಲಿ ಮೂವರು ಪ್ರಮುಖ ವೇಗದ ಬೌಲರ್ಗಳಾಗಿ ಸೇರಿಸಲಾಗಿದ್ದು, ಹಾರ್ದಿಕ್ ಪಾಂಡ್ಯ ನಾಲ್ಕನೇ ವೇಗಿಯಾಗಿ ತಂಡದಲ್ಲಿದ್ದಾರೆ. ಆದಾಗ್ಯೂ, ವಿಶ್ವಕಪ್ ನಿಯಮಗಳ ಪ್ರಕಾರ, ಎಲ್ಲಾ ತಂಡಗಳು 15 ಆಟಗಾರರ ತಂಡವನ್ನು ಅಕ್ಟೋಬರ್ 10 ರವರೆಗೆ ಬದಲಾಯಿಸುವ ಅವಕಾಶವಿದೆ. ಇಂತಹ ಪರಿಸ್ಥಿತಿಯಲ್ಲಿ, ಶಾರ್ದೂಲ್ ಐಪಿಎಲ್ನಲ್ಲಿ ಪ್ರದರ್ಶನದ ಪ್ರತಿಫಲವನ್ನು ಪಡೆಯುತ್ತಾರೆಯೇ? ಎಂಬುದನ್ನು ಕಾದು ನೋಡಬೇಕಿದೆ.
