Shreyas Iyer: ಪಂಜಾಬ್ ಕಿಂಗ್ಸ್ ತಂಡದಲ್ಲಿ ಬಿರುಕು?: ಅಯ್ಯರ್ ಔಟಾದ ಬಳಿಕ ಡ್ರೆಸ್ಸಿಂಗ್ ರೂಮ್ನಲ್ಲಿ ಗದ್ದಲ
PBKS vs RCB, IPL 2025: ಶ್ರೇಯಸ್ ಅಯ್ಯರ್ ಔಟಾದಾಗ ಕಾಮೆಂಟೇಟರ್ ಮಾಡುತ್ತಿದ್ದ ಭಾರತದ ಮಾಜಿ ನಾಯಕ ಸುನಿಲ್ ಗವಾಸ್ಕರ್ ಕೋಪಗೊಂಡರು. ಇದಾದ ನಂತರ, ಪಂಜಾಬ್ ಕಿಂಗ್ಸ್ ತಂಡದ ಮುಖ್ಯ ಕೋಚ್ ರಿಕಿ ಪಾಂಟಿಂಗ್ ಡ್ರೆಸ್ಸಿಂಗ್ ಕೋಣೆಯಲ್ಲಿ ಅಯ್ಯರ್ ಜೊತೆ ಮಾತನಾಡುತ್ತಿರುವುದು ಕಂಡುಬಂದಿತು.
Updated on: May 30, 2025 | 9:10 AM
ಬೆಂಗಳೂರು (ಮೇ. 30): ಮಹಾರಾಜ ಯಾದವೀಂದ್ರ ಸಿಂಗ್ ಅಂತರರಾಷ್ಟ್ರೀಯ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಗುರುವಾರ ನಡೆದ ಕ್ವಾಲಿಫೈಯರ್ 1 ರಲ್ಲಿ ಪಂಜಾಬ್ ಕಿಂಗ್ಸ್ ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (Punjab Kings vs Royal Challengers Bengaluru) ಬೌಲರ್ಗಳು ಅದ್ಭುತ ಪ್ರದರ್ಶನ ನೀಡಿದರು. ಟೇಬಲ್ ಟಾಪರ್ಸ್ ಪಂಜಾಬ್ ತಂಡ 39 ಎಸೆತಗಳ ಅಂತರದಲ್ಲಿ ಐದು ವಿಕೆಟ್ಗಳನ್ನು ಕಳೆದುಕೊಂಡು ಕಳಪೆ ಆರಂಭ ಪಡೆಯಿತು. ಪ್ರಭ್ಸಿಮ್ರಾನ್ ಸಿಂಗ್ ಹೊರತುಪಡಿಸಿ, ಅಗ್ರ ಐದು ಬ್ಯಾಟ್ಸ್ಮನ್ಗಳಲ್ಲಿ ಯಾರೂ ಎರಡಂಕಿ ತಲುಪಲು ಸಾಧ್ಯವಾಗಲಿಲ್ಲ. ನಾಯಕ ಶ್ರೇಯಸ್ ಅಯ್ಯರ್ ಕೂಡ ಬೇಗನೆ ಔಟಾದರು. ಅವರು ಕೇವಲ ಎರಡು ರನ್ಗಳಿಸಿ ಜೋಶ್ ಹ್ಯಾಜಲ್ವುಡ್ ಬೌಲಿಂಗ್ನಲ್ಲಿ ನಿರ್ಗಮಿಸಿ ಪೆವಿಲಿಯನ್ ಸೇರಿದರು. ಅಯ್ಯರ್ ಔಟಾದ ನಂತರ ಡ್ರೆಸ್ಸಿಂಗ್ ಕೋಣೆಯಲ್ಲಿ ಸ್ವಲ್ಪ ಗದ್ದಲ ಉಂಟಾಯಿತು.
ಈ ತಿಂಗಳ ಆರಂಭದಲ್ಲಿ ಸೀಸನ್ ಪುನರಾರಂಭವಾದ ನಂತರ ಜೋಶ್ ಹ್ಯಾಜಲ್ವುಡ್ ಮೊದಲ ಬಾರಿಗೆ ಆಡುವ XI ಗೆ ಮರಳಿದರು. ಆರ್ಸಿಬಿ ಪಂಜಾಬ್ ಕಿಂಗ್ಸ್ನ ಅಗ್ರ ಕ್ರಮಾಂಕವನ್ನು ಕೆಡವಿತು. ಬ್ಯಾಟಿಂಗ್ನಲ್ಲಿ ಉತ್ತಮ ಪ್ರದರ್ಶನ ತೋರುತ್ತಿದ್ದ ಪಂಜಾಬ್ನ ದಿಢೀರ್ ಕುಸಿತ ಕಂಡು ಸಹ ಮಾಲಕಿ ಪ್ರೀತಿ ಝಿಂಟಾಗೆ ಕೂಡ ನಂಬಲು ಸಾಧ್ಯವಾಗಲಿಲ್ಲ. ಆಫ್ ಸ್ಟಂಪ್ನ ಹೊರಗೆ ಹ್ಯಾಜಲ್ವುಡ್ ಎಸೆದ ಚೆಂಡನ್ನು ಅಯ್ಯರ್ ದೊಡ್ಡ ಹೊಡೆತವನ್ನು ಆಡಲು ಪ್ರಯತ್ನಿಸಿದರು, ಆದರೆ ಚೆಂಡು ಅವರ ಬ್ಯಾಟ್ನ ಅಂಚನ್ನು ತೆಗೆದುಕೊಂಡು ವಿಕೆಟ್ ಕೀಪರ್ ಜಿತೇಶ್ ಶರ್ಮಾ ಅವರ ಕೈಗೆ ಹೋಯಿತು. ಈ ಮೂಲಕ ಹ್ಯಾಜಲ್ವುಡ್ ಟಿ20ಯಲ್ಲಿ ನಾಲ್ಕನೇ ಬಾರಿಗೆ ಅಯ್ಯರ್ ಅವರನ್ನು ಔಟ್ ಮಾಡಿದರು.
🚨Breaking news:- Head coach of Pbsdk Ricky ponting rushed towards dressing room in anger, he gave belt treatment to sarpanch Shreyas Iyer also said “bkl nachaniya tujhe recognition deta hu idhar aa” later Shreyas Iyer was seen walking uncomfortably during the second innings pic.twitter.com/RK52qkYyNN
— Chandu Don (@chanduchadarmod) May 29, 2025
ಶ್ರೇಯಸ್ ಅಯ್ಯರ್ ಔಟಾದಾಗ ಕಾಮೆಂಟೇಟರ್ ಮಾಡುತ್ತಿದ್ದ ಭಾರತದ ಮಾಜಿ ನಾಯಕ ಸುನಿಲ್ ಗವಾಸ್ಕರ್ ಕೋಪಗೊಂಡರು. “ಅದು ಒಳ್ಳೆಯ ಹೊಡೆತವಾಗಿರಲಿಲ್ಲ. ಇದೊಂದು ನಿಷ್ಪ್ರಯೋಜಕ ಹೊಡೆತವಾಗಿತ್ತು” ಎಂದು ಅವರು ಹೇಳಿದರು. ಇದಾದ ನಂತರ, ಪಂಜಾಬ್ ಕಿಂಗ್ಸ್ ತಂಡದ ಮುಖ್ಯ ಕೋಚ್ ರಿಕಿ ಪಾಂಟಿಂಗ್ ಡ್ರೆಸ್ಸಿಂಗ್ ಕೋಣೆಯಲ್ಲಿ ಅಯ್ಯರ್ ಜೊತೆ ಮಾತನಾಡುತ್ತಿರುವುದು ಕಂಡುಬಂದಿತು. ತಂಡದ ಪ್ರದರ್ಶನದ ಬಗ್ಗೆ ಪಾಂಟಿಂಗ್ ಅತೃಪ್ತರಾಗಿದ್ದರು.
ಪಂಜಾಬ್ ಕಳಪೆ ಪ್ರದರ್ಶನ
ಪಂಜಾಬ್ ತಂಡವು ತವರು ನೆಲದಲ್ಲಿ ಕಳಪೆ ಪ್ರದರ್ಶನ ನೀಡಿತು. ಈ ಟೂರ್ನಿಯಲ್ಲಿ ಪಂಜಾಬ್ ಉತ್ತಮ ಬ್ಯಾಟಿಂಗ್ ತಂಡಗಳಲ್ಲಿ ಒಂದಾಗಿದೆ. ಅವರು ಲೀಗ್ ಹಂತದಲ್ಲಿ ಅಗ್ರಸ್ಥಾನ ಪಡೆದರು. ತವರು ಮೈದಾನವಾದ್ದರಿಂದ, ಕ್ವಾಲಿಫೈಯರ್ 1 ಪಂದ್ಯದಲ್ಲಿ ಅವರನ್ನು ನೆಚ್ಚಿನ ತಂಡವೆಂದು ಪರಿಗಣಿಸಲಾಗಿತ್ತು. ಆದರೆ ಆರ್ಸಿಬಿ ಚೆನ್ನಾಗಿ ತಯಾರಿ ನಡೆಸಿತ್ತು. ಏಪ್ರಿಲ್ನಲ್ಲಿ ಇದೇ ಮೈದಾನದಲ್ಲಿ ಆರ್ಸಿಬಿ ಪಂಜಾಬ್ ತಂಡವನ್ನು ಸೋಲಿಸಿತ್ತು ಎಂಬುದು ಗಮನಾರ್ಹ. ಸದ್ಯ ಬೆಂಗಳೂರು ಐಪಿಎಲ್ 2025 ಫೈನಲ್ಗೆ ತಲುಪಿದ್ದು, ಸೋತ ಪಂಜಾಬ್ಗೆ ಕ್ವಾಲಿಫೈಯರ್ 2 ನಲ್ಲಿ ಮತ್ತೊಂದು ಅವಕಾಶ ಸಿಗಲಿದೆ.
ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
