IND vs SA: 229 ರನ್​ಗಳಿಗೆ ಮೊದಲ ಇನ್ನಿಂಗ್ಸ್ ಮುಗಿಸಿದ ಆಫ್ರಿಕಾ; ಶಾರ್ದೂಲ್ ಠಾಕೂರ್​ಗೆ 7 ವಿಕೆಟ್..!

ಜೋಹಾನ್ಸ್‌ಬರ್ಗ್ ಟೆಸ್ಟ್‌ನ ಮೊದಲ ಇನ್ನಿಂಗ್ಸ್‌ನಲ್ಲಿ ದಕ್ಷಿಣ ಆಫ್ರಿಕಾ 229 ರನ್‌ಗಳಿಗೆ ಆಲೌಟ್ ಆಗಿದೆ. ಇದರೊಂದಿಗೆ ದಕ್ಷಿಣ ಆಫ್ರಿಕಾ 27 ರನ್‌ಗಳ ಮುನ್ನಡೆ ಸಾಧಿಸಿದೆ. ಭಾರತದ ಪರ ಶಾರ್ದೂಲ್ ಠಾಕೂರ್ ಅತ್ಯುತ್ತಮ ಪ್ರದರ್ಶನ ನೀಡಿದರು. ಬಲಗೈ ವೇಗದ ಬೌಲರ್ 7 ವಿಕೆಟ್ ಪಡೆದರು, ಇದು ಅವರ ಟೆಸ್ಟ್ ವೃತ್ತಿಜೀವನದ ಅತ್ಯುತ್ತಮ ಪ್ರದರ್ಶನವಾಗಿದೆ. ದಕ್ಷಿಣ ಆಫ್ರಿಕಾ ಪರ ಇಬ್ಬರು ಬ್ಯಾಟ್ಸ್‌ಮನ್‌ಗಳು ಅರ್ಧಶತಕ ಬಾರಿಸಿದರು. ಕೀಗನ್ ಪೀಟರ್ಸನ್ ಗರಿಷ್ಠ 62 ರನ್ ಗಳಿಸಿದರು. ತೆಂಬಾ ಬಾವುಮಾ ಕೂಡ 51 ರನ್‌ಗಳ ಅತ್ಯುತ್ತಮ ಇನ್ನಿಂಗ್ಸ್‌ ಆಡಿದರು. ವೆರಿನ್ ಮತ್ತು ಮಾರ್ಕೊ ಜಾನ್ಸೆನ್ ತಲಾ 21 ರನ್ ಗಳಿಸಿದರು. ಕೇಶವ್ ಮಹಾರಾಜ್ ಕೂಡ 21 ರನ್​ಗಳ ಇನಿಂಗ್ಸ್ ಆಡಿದರು. ದಕ್ಷಿಣ ಆಫ್ರಿಕಾ ದೊಡ್ಡ ಮುನ್ನಡೆ ಸಾಧಿಸಬಹುದಿತ್ತು ಆದರೆ ಶಾರ್ದೂಲ್ ಠಾಕೂರ್ 7 ವಿಕೆಟ್ ಪಡೆಯುವ ಮೂಲಕ ಇದಕ್ಕೆ ಅವಕಾಶ ನೀಡಲಿಲ್ಲ. ಠಾಕೂರ್ ಕೇವಲ 61 ರನ್‌ಗಳಿಗೆ 7 ವಿಕೆಟ್‌ಗಳನ್ನು ಕಬಳಿಸಿದರು, ಇದು ಭಾರತ-ದಕ್ಷಿಣ ಆಫ್ರಿಕಾ ಸರಣಿಯಲ್ಲಿ ಅತ್ಯುತ್ತಮ ಬೌಲಿಂಗ್ ಪ್ರದರ್ಶನವಾಗಿದೆ.

ಮಿಂಚಿದ ಶಾರ್ದೂಲ್ ಎರಡನೇ ದಿನ, ದಕ್ಷಿಣ ಆಫ್ರಿಕಾದ ನಾಯಕ ಡೀನ್ ಎಲ್ಗರ್ ಮತ್ತು ಪೀಟರ್ಸನ್ ಜೋಡಿ ಸಾಕಷ್ಟು ಗಟ್ಟಿಯಾಗಿ ನೆಲೆನಿಂತರು. ಮೊದಲ ಒಂದು ಗಂಟೆಯಲ್ಲಿ ಇಬ್ಬರೂ ವೇಗವಾಗಿ ರನ್ ಗಳಿಸಲಿಲ್ಲ ಆದರೆ ಭಾರತದ ಬೌಲರ್‌ಗಳಿಗೆ ವಿಕೆಟ್ ಸಹ ನೀಡಲಿಲ್ಲ. ಇದಾದ ನಂತರ ಕೆಎಲ್ ರಾಹುಲ್ ಶಾರ್ದೂಲ್ ಠಾಕೂರ್ ದಾಳಿಗೆ ಸಿಲುಕಿದರು ಮತ್ತು 6 ಓವರ್‌ಗಳಲ್ಲಿ ಇಡೀ ಆಟವೇ ಬದಲಾಯಿತು. ಠಾಕೂರ್ ಮೊದಲು ಎದುರಾಳಿ ನಾಯಕ ಡೀನ್ ಎಲ್ಗರ್ ಅವರನ್ನು ಬಲಿ ಪಡೆದರು. ನಂತರ ಕೀಗನ್ ಪೀಟರ್ಸನ್ ಅರ್ಧಶತಕ ಗಳಿಸುವ ಮೂಲಕ ಶಾರ್ದೂಲ್‌ಗೆ ಬಲಿಯಾದರು ಮತ್ತು ರಾಸಿ ವ್ಯಾನ್ ಡೆರ್ ದುಸಾನ್ ಕೂಡ ಊಟದ ಮೊದಲು ಶಾರ್ದೂಲ್‌ಗೆ ಬಲಿಯಾದರು.

ಆತಿಥೇಯ ತಂಡಕ್ಕೆ ಅಲ್ಪ ಮುನ್ನಡೆ ಮಧ್ಯಾಹ್ನದ ಊಟದ ನಂತರ ದಕ್ಷಿಣ ಆಫ್ರಿಕಾ ತಂಡ ಛಿದ್ರ ಛಿದ್ರವಾಗುತ್ತದೆ ಅನ್ನಿಸಿತು ಆದರೆ ಆಗಲಿಲ್ಲ. ಅವರ ಮೊದಲ ಟೆಸ್ಟ್‌ನಲ್ಲಿ ವಿಕೆಟ್‌ಕೀಪರ್ ವೀರೆನೆ ಮತ್ತು ಟೆಂಬಾ ಬವುಮಾ 122 ಎಸೆತಗಳಲ್ಲಿ 60 ರನ್‌ಗಳ ಜೊತೆಯಾಟವನ್ನು ಹಂಚಿಕೊಂಡರು. ಆದರೆ, ಈ ಅಪಾಯಕಾರಿ ಜೋಡಿಯನ್ನು ಶಾರ್ದೂಲ್ ಠಾಕೂರ್ ಮುರಿದರು. ಟೆಂಬಾ ಬವುಮಾ ಅವರು ಸರಣಿಯ ಎರಡನೇ ಅರ್ಧಶತಕವನ್ನು ಅದ್ಭುತ ಶೈಲಿಯಲ್ಲಿ ಪೂರ್ಣಗೊಳಿಸಿದರು ಆದರೆ ಅವರೂ ಠಾಕೂರ್‌ಗೆ ಬಲಿಯಾದರು. ಇದರೊಂದಿಗೆ ಠಾಕೂರ್ ತಮ್ಮ ಟೆಸ್ಟ್ ವೃತ್ತಿಜೀವನದ ಮೊದಲ ಐದು ವಿಕೆಟ್ ಗೊಂಚಲು ಪಡೆದರು.

ಇದಾದ ನಂತರ ಮೊಹಮ್ಮದ್ ಶಮಿ, ಕಗಿಸೊ ರಬಾಡ ಅವರನ್ನು ಔಟ್ ಮಾಡಿದರು. ಆದರೆ ಇದರ ನಂತರ ಕೇಶವ್ ಮಹಾರಾಜ್ ಮತ್ತು ಯೆನ್ಸನ್ 21-21 ರನ್‌ಗಳ ಕೊಡುಗೆ ನೀಡಿ ದಕ್ಷಿಣ ಆಫ್ರಿಕಾವನ್ನು ಟೀಂ ಇಂಡಿಯಾ ಸ್ಕೋರ್‌ಗಿಂತ ಮುಂದಿಟ್ಟರು. ದಕ್ಷಿಣ ಆಫ್ರಿಕಾ ಪರ ಶಾರ್ದೂಲ್ ಠಾಕೂರ್ ಕೊನೆಯ 2 ವಿಕೆಟ್ ಕಬಳಿಸಿದರು. ಆತಿಥೇಯರು 229 ರನ್‌ಗಳಿಗೆ ಆಲೌಟ್ ಆಗಿ 25 ರನ್‌ಗಳ ಮುನ್ನಡೆ ಸಾಧಿಸಿದರು.

Published On - 7:33 pm, Tue, 4 January 22