Virat Kohli: ಮೈದಾನದಲ್ಲೇ ಕ್ಯಾಪ್ಟನ್ ರಜತ್ಗೆ ಬೈದ ವಿರಾಟ್ ಕೊಹ್ಲಿ: ವಿಡಿಯೋ ನೋಡಿ
PBKS vs RCB, IPL 2025: ಐಪಿಎಲ್ 2025ರ ಪಂಜಾಬ್ ಕಿಂಗ್ಸ್ ವಿರುದ್ಧದ ಪಂದ್ಯದಲ್ಲಿ ಆರ್ಸಿಬಿ ಬ್ಯಾಟಿಂಗ್ ಮಾಡುವಾಗ, ವಿರಾಟ್ ಕೊಹ್ಲಿ ತಮ್ಮದೇ ನಾಯಕ ರಜತ್ ಪಾಟಿದಾರ್ ಮೇಲೆ ತುಂಬಾ ಕೋಪಗೊಂಡ ಘಟನೆ ನಡೆಯಿತು. ಅದರ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ಹೆಚ್ಚು ವೈರಲ್ ಆಗುತ್ತಿದೆ. ಇದಕ್ಕೆ ಕಾರಣವೇನು?, ಇಲ್ಲಿದೆ ನೋಡಿ ಮಾಹಿತಿ.
Updated on: Apr 21, 2025 | 7:02 AM
ಬೆಂಗಳೂರು (ಏ, 21): ಇಂಡಿಯನ್ ಪ್ರೀಮಿಯರ್ ಲೀಗ್ 2025 ರ 37 ನೇ ಪಂದ್ಯದಲ್ಲಿ, ವಿರಾಟ್ ಕೊಹ್ಲಿ (Virat Kohli) ಆರ್ಸಿಬಿ ಪರ ಅಜೇಯ 73 ರನ್‌ಗಳನ್ನು ಗಳಿಸಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು. ಈ ಇನ್ನಿಂಗ್ಸ್‌ನಲ್ಲಿ ವಿರಾಟ್ ಕೊಹ್ಲಿ 54 ಎಸೆತಗಳನ್ನು ಎದುರಿಸಿ 7 ಬೌಂಡರಿ ಮತ್ತು 1 ಸಿಕ್ಸರ್ ಬಾರಿಸಿದರು. ಇವರ ಅಮೋಘ ಇನ್ನಿಂಗ್ಸ್‌ನಿಂದ ಆರ್ಸಿಬಿ 7 ವಿಕೆಟ್‌ಗಳಿಂದ ಜಯಗಳಿಸಿತು. ಈ ಪಂದ್ಯದಲ್ಲಿ, ಟಾಸ್ ಸೋತ ನಂತರ, ಪಂಜಾಬ್ ಕಿಂಗ್ಸ್ ತಂಡವು ಮೊದಲು ಬ್ಯಾಟ್ ಮಾಡಿ 157 ರನ್ ಗಳಿಸಿತು.
ಇದಕ್ಕೆ ಪ್ರತಿಕ್ರಿಯೆಯಾಗಿ ಆರ್ಸಿಬಿ ತಂಡ ಉತ್ತಮ ಆರಂಭ ಪಡೆಯಲಿಲ್ಲ. ಆರಂಭಿಕ ಆಟಗಾರ ಫಿಲ್ ಸಾಲ್ಟ್ ಒಂದಂಕಿಗೆ ಔಟಾದರು, ಆದರೆ ನಂತರ ವಿರಾಟ್ ಕೊಹ್ಲಿ ಮತ್ತು ದೇವದತ್ ಪಡಿಕ್ಕಲ್ ಇನ್ನಿಂಗ್ಸ್ ನಿಭಾಯಿಸಿ ಪಂಜಾಬ್ ಕಿಂಗ್ಸ್ ಗೆಲುವನ್ನು ಅವರ ಕೈಯಿಂದ ಕಸಿದುಕೊಂಡರು. ಈ ಸಮಯದಲ್ಲಿ, ಬ್ಯಾಟಿಂಗ್ ಮಾಡುವಾಗ, ವಿರಾಟ್ ಕೊಹ್ಲಿ ತಮ್ಮದೇ ನಾಯಕ ರಜತ್ ಪಾಟಿದಾರ್ ಮೇಲೆ ತುಂಬಾ ಕೋಪಗೊಂಡ ಘಟನೆ ನಡೆಯಿತು. ಅದರ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ಹೆಚ್ಚು ವೈರಲ್ ಆಗುತ್ತಿದೆ.
ವಿರಾಟ್ ಕೊಹ್ಲಿ ರನ್ ಔಟ್ ನಿಂದ ಪಾರಾದರು:
ಈ ಘಟನೆ ಇನ್ನಿಂಗ್ಸ್‌ನ 16 ನೇ ಓವರ್‌ನ ನಾಲ್ಕನೇ ಎಸೆತದಲ್ಲಿ ಈ ಘಟನೆ ಸಂಭವಿಸಿತು. ಪಂಜಾಬ್ನ ಅರ್ಶ್ದೀಪ್ ಸಿಂಗ್ ಬೌಲಿಂಗ್ನಲ್ಲಿ ಕೊಹ್ಲಿ ಶಾಟ್ ಹೊಡೆದರು, ಕೂಡಲೇ ವೇಗವಾಗಿ ರನ್ ಗಳಿಸಲು ಓಡಿದರು. ಈ ಸಮಯದಲ್ಲಿ ಫೀಲ್ಡರ್ ಕೊಂಚ ನಿಧಾನವಾಗಿ ಕಂಡುಬಂದರು. ಇದನ್ನು ಅರಿತ ಕೊಹ್ಲಿ ತಕ್ಷಣವೇ ಎರಡನೇ ರನ್‌ಗೆ ಕರೆ ನೀಡಿದರು. ಕೊಹ್ಲಿ ಕರೆ ಮಾಡಿದ ತಕ್ಷಣ, ಅವರು ಎರಡನೇ ರನ್‌ಗೆ ಓಡಿದರು, ಆದರೆ ರಜತ್ ಪಾಟಿದಾರ್ ಈ ಎರಡನೇ ರನ್ ತೆಗೆದುಕೊಳ್ಳಲು ಮುಂದೆ ಬರಲಿಲ್ಲ.
#ViratKohli #PBKSvRCB pic.twitter.com/Mz0FRLpqvi
— Rintu Biswas (@rinturb10) April 20, 2025
ಅಂತಹ ಪರಿಸ್ಥಿತಿಯಲ್ಲಿ, ಪಂಜಾಬ್ ಕಿಂಗ್ಸ್ ವಿರುದ್ಧ, ವಿರಾಟ್ ಕೊಹ್ಲಿ ಎರಡನೇ ರನ್ ಅನ್ನು ಬೇಗನೆ ಪೂರ್ಣಗೊಳಿಸಿದರು, ಆದರೆ ಪಾಟಿದಾರ್ ತಮ್ಮ ತುದಿಯನ್ನು ತಲುಪುವಲ್ಲಿ ತಡವಾಯಿತು. ಇದೇ ಕಾರಣಕ್ಕೆ ವಿರಾಟ್ ಕೊಹ್ಲಿ ಮೈದಾನದಲ್ಲೇ ಎಲ್ಲರ ಎದುರು ರಜತ್ ಮೇಲೆ ಕೋಪಗೊಂಡರು. ಈ ಸಮಯದಲ್ಲಿ, ಪಾಟಿದಾರ್ ಕೂಡ ಸ್ವಲ್ಪ ನಿರಾಶೆಗೊಂಡರು. ಕೊಹ್ಲಿಯ ಈ ವರ್ತನೆಯಿಂದ ಪಾಟಿದಾರ್ ಸಂತೋಷಗೊಂಡಂತೆ ಕಂಡುಬಂದಿಲ್ಲ.
ಈ ಪಂದ್ಯದಲ್ಲಿ ಪಂಜಾಬ್ ಬ್ಯಾಟ್ಸ್‌ಮನ್‌ಗಳನ್ನು ಸಣ್ಣ ಸ್ಕೋರ್‌ಗೆ ನಿರ್ಬಂಧಿಸುವಲ್ಲಿ ಆರ್ಸಿಬಿ ಬೌಲರ್‌ಗಳು ಯಶಸ್ವಿಯಾದರು. ಪಂಜಾಬ್ ತಂಡ 20 ಓವರ್‌ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 157 ರನ್ ಗಳಿಸಿತು. ಪ್ರಭ್ಸಿಮ್ರನ್ ಸಿಂಗ್ 33 ರನ್ ಗಳಿಸಿದರು. ಶಶಾಂಕ್ ಸಿಂಗ್ ಅಜೇಯ 31 ರನ್ ಗಳಿಸಿ ತಂಡಕ್ಕೆ ಆಸರೆಯಾದರು. ಆರ್ಸಿಬಿ ಪರ ಕೃನಾಲ್ ಪಾಂಡ್ಯ 2 ವಿಕೆಟ್ ಪಡೆದರು. ಗುರಿ ಬೆನ್ನಟ್ಟಿದ ಆರ್ಸಿಬಿ ವಿರಾಟ್ ಕೊಹ್ಲಿ ಮತ್ತು ದೇವದತ್ ಪಡಿಕ್ಕಲ್ ಜೊತೆಯಾಟದ ನೆರವಿನಿಂದ ಜಯಗಳಿಸಿತು. ಪಡಿಕ್ಕಲ್ 35 61 ರನ್ ಗಳಿಸಿದರು, ಕೊಹ್ಲಿ 54 ಎಸೆತಗಳಲ್ಲಿ ಅಜೇಯ 73 ರನ್ ಚಚ್ಚಿದರು. ಆರ್ಸಿಬಿ ಈಗ 8 ಪಂದ್ಯಗಳಲ್ಲಿ 5 ಗೆಲುವು ಸಾಧಿಸಿದೆ.
ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
