US Open: ಚೊಚ್ಚಲ ಬಾರಿಗೆ ಯುಎಸ್ ಓಪನ್ ಚಾಂಪಿಯನ್ ಪ್ರಶಸ್ತಿಗೆ ಮುತ್ತಿಕ್ಕಿದ ಇಗಾ ಸ್ವಿಯಾಟೆಕ್

ಆರ್ಥರ್ ಆ್ಯಶ್ ಸ್ಟೇಡಿಯಂನಲ್ಲಿ ನಡೆದ ಪ್ರತಿಷ್ಟಿತ ಯುಎಸ್ ಓಪನ್ (US Open) ಟೆನ್ನಿಸ್ ಟೂರ್ನಿಯ ಮಹಿಳೆಯರ ಸಿಂಗಲ್ಸ್‌ ಪ್ರಶಸ್ತಿಯನ್ನು ವಿಶ್ವದ ಅಗ್ರ ಶ್ರೇಯಾಂಕಿತ ಆಟಗಾರ್ತಿ ಪೊಲೆಂಡ್‌ನ ಇಗಾ ಸ್ವಿಯಾಟೆಕ್ (Iga Swiatek) ಗೆದ್ದಿದ್ದಾರೆ. ಇದು ಅವರ ಚೊಚ್ಚಲ ಯುಎಸ್ ಕಿರೀಟವಾಗಿದ್ದು, ಮೂರನೇ ಗ್ರ್ಯಾಂಡ್‍ಸ್ಲಾಂ ಪ್ರಶಸ್ತಿಯಾಗಿದೆ. ಪೋಲೆಂಡ್‌ನ ಇಗಾ ಸ್ವಿಯಾಟೆಕ್, ಟ್ಯುನೇಷಿಯಾದ ಒನ್ಸ್ ಜಬುರ್ ಎದುರು 6-2, 7-6(5) ನೇರ ಸೆಟ್‌ಗಳಲ್ಲಿ ಗೆಲುವು ದಾಖಲಿಸುವ ಮೂಲಕ ಯುಎಸ್ ಓಪನ್ ಚಾಂಪಿಯನ್ ಪಟ್ಟ ಅಲಂಕರಿಸಿದ್ದಾರೆ.

ಪಂದ್ಯದ ಮೊದಲ ಸೆಟ್‌ನಲ್ಲಿ ಎದುರಾಳಿ ಆಟಗಾರ್ತಿಯ ವಿರುದ್ಧ ಸಂಪೂರ್ಣ ಹಿಡಿತ ಸಾಧಿಸಿದ ಇಗಾ 6-2ಅಂತರದಲ್ಲಿ ಹಿಡಿತ ಸಾಧಿಸಿದರು. ನಂತರ ಎರಡನೇ ಸೆಟ್‌ನಲ್ಲಿ ಟ್ಯುನಿಷಿಯಾ ಆಟಗಾರ್ತಿ ಕೊಂಚ ಪೈಪೋಟಿ ನೀಡಿದರೂ ಸಂಪೂರ್ಣ ಯಶಸ್ಸು ಸಾಧಿಸಲು ಆಗಲಿಲ್ಲ. ಅಂತಿಮವಾಗಿ ಯುಎಸ್‌ ಓಪನ್‌ ಗೆಲ್ಲುವ ಅಪರೂಪದ ಅವಕಾಶವನ್ನು ಆಫ್ರಿಕಾ ಆಟಗಾರ್ತಿ ಒನ್ಸ್ ಜಬುರ್ ಕಳೆದುಕೊಂಡರು.

ಇದನ್ನೂ ಓದಿ

Jasprit Bumrah: ಟಿ20 ವಿಶ್ವಕಪ್​ಗೂ ಮುನ್ನ ಭಾರತಕ್ಕೆ ಶುಭಸುದ್ದಿ: ಕಮ್​ಬ್ಯಾಕ್ ಮಾಡಲಿದ್ದಾರೆ ಇಬ್ಬರು ಸ್ಟಾರ್ ಪ್ಲೇಯರ್ಸ್

Virat Kohli vs Sachin Tendulkar: ಸಚಿನ್ vs ಕೊಹ್ಲಿ: ಯಾರು ಬೆಸ್ಟ್? ಇಲ್ಲಿದೆ ಉತ್ತರ

INDL vs SAL: ಸ್ಟುವರ್ಟ್ ಬಿನ್ನಿ, ಯೂಸುಫ್ ಪಠಾಣ್ ಸ್ಫೋಟಕ ಆಟ: ಇಂಡಿಯಾ ಲೆಜೆಂಡ್ಸ್​ಗೆ 61 ರನ್​ಗಳ ಜಯ

Asia Cup Final: ಇಂದು ಏಷ್ಯಾಕಪ್ 2022 ಫೈನಲ್: ಪ್ರಶಸ್ತಿಗಾಗಿ ಶ್ರೀಲಂಕಾ-ಪಾಕಿಸ್ತಾನ ಸೆಣೆಸಾಟ

Queen of Queens.@iga_swiatek is the #USOpen champion! ? pic.twitter.com/SLgI8rOsW1

— US Open Tennis (@usopen) September 10, 2022

ಯುಎಸ್ ಓಪನ್ ಟೆನಿಸ್‌ ಗ್ರ್ಯಾನ್‌ ಸ್ಲಾಂ ಜಯಿಸಿದ ಬಳಿಕ ಮಾತನಾಡಿದ ಇಗಾ, ನನಗೆ ಈ ರೀತಿ ಸಮಚಿತ್ತದಿಂದ ಹಾಗೂ ಗುರಿಯತ್ತ ಗಮನ ಹರಿಸಿದ್ದರಿಂದ ಇದು ಸಾಕಾರವಾಗಿದೆ ಎಂದು ಹೇಳಿದ್ದಾರೆ. ಇದು ನ್ಯೂಯಾರ್ಕ್‌ ನಗರ, ಇಂದೊಂದು ರೀತಿ ಕ್ರೇಜಿ ಅನುಭವ. ಈ ಗೆಲುವನ್ನು ಹೆಮ್ಮೆಯಿಂದ ಸ್ವೀಕರಿಸುತ್ತಿದ್ದೇನೆ ಎಂದು ಪೋಲೆಂಡ್ ಆಟಗಾರ್ತಿ ಹೇಳಿದ್ದಾರೆ.

21 ವರ್ಷದ ಸ್ವಿಯಾಟೆಕ್ 2020 ಮತ್ತು 2022 ರಲ್ಲಿ ಫ್ರೆಂಚ್ ಓಪನ್ ಗೆದ್ದು, ಗ್ರ್ಯಾಂಡ್ ಸ್ಲಾಮ್ ಸಿಂಗಲ್ಸ್ ಪ್ರಶಸ್ತಿಯನ್ನು ಗೆದ್ದ ಮೊದಲ ಪೋಲಿಷ್ ಮಹಿಳೆ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು. ಇದಕ್ಕೂ ಮುನ್ನ ಅರಿನಾ ಸಬಾಲೆಂಕಾ ವಿರುದ್ಧ 3-6, 6-1, 6-4 ಸೆಟ್‍ಗಳ ಜಯ ಸಾಧಿಸಿ ಫೈನಲ್ ಪ್ರವೇಶಿಸಿದ್ದರು. ಒನ್ಸ್ ಜಬುರ್ ಅವರು ಫ್ರಾನ್ಸ್‌ನ ಕೆರೊಲಿನ್ ಕರೊನೈಲ್ ಗೆರಿಕಾ ವಿರುದ್ಧ 6-1, 6-3 ನೇರ ಸೆಟ್‍ಗಳ ಜಯ ಸಾಧಿಸಿ ಪ್ರಶಸ್ತಿ ಸುತ್ತಿಗೆ ಮುನ್ನಡೆದಿದ್ದರು.

Published On - 11:29 am, Sun, 11 September 22