Viral Video: ಶರಾರಾ ಶರಾರಾ; ಅದೆಷ್ಟು ಛಂದ ನರ್ತಿಸಿದ್ದೀರೀ! ಮನಸೋತ ನೆಟ್ಟಿಗರು

Sharara Sharara : ಹಳೆಯ ಹಾಡುಗಳು ಸಾಮಾಜಿಕ ಜಾಲತಾಣದಲ್ಲಿ ಟ್ರೆಂಡ್​ ಆಗುವುದನ್ನು ಆಗಾಗ್ಗೆ ನೋಡುತ್ತಿರುತ್ತೀರಿ. ಕೆಲದಿನಗಳಿಂದ ‘ಮೇರೆ ಯಾರ್​ ಕೇ ಶಾದೀ ಹೈ’ ಸಿನೆಮಾದಲ್ಲಿ ಆಶಾ ಭೋಸ್ಲೆ ಹಾಡಿರುವ ’ಶರಾರಾ ಶರಾರಾ’ ಹಾಡು ಟ್ರೆಂಡಿಂಗ್​ನಲ್ಲಿದೆ. ಇದೀಗ ಇದೇ ಹಾಡಿಗೆ ಡ್ಯಾನ್ಸ್ ಮಾಡಿ ರೀಲ್ ಮಾಡಿದ್ದಾರೆ ನೃತ್ಯಕಲಾವಿದ ಅಮಿತ್ ಶರ್ಮಾ. 8 ಲಕ್ಷ ಜನರು ಈ ವಿಡಿಯೋ ಇಷ್ಟಪಟ್ಟಿದ್ದಾರೆ. ಬಳಕುವ ಬಳ್ಳಿಯಂತೆ ಅಮಿತ್​ ನರ್ತಿಸುವುದನ್ನು ನೀವೂ ನೋಡಬೇಕೆ? ಬನ್ನಿ.

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

View this post on Instagram

A post shared by Amit Sharma (@amit_the_shinning_star)

ಫೀಲ್​ ದಿ ಬೀಟ್ಸ್​ ಎಂಬ ಶೀರ್ಷಿಕೆಯೊಂದಿಗೆ ಈ ವಿಡಿಯೋ ಪೋಸ್ಟ್ ಮಾಡಿದ್ದಾರೆ ಅಮಿತ್​. ಆದರೆ ಸಾಕಷ್ಟು ಜನರು ತಮಗೆ ತೋಚಿದಂತೆ ಪ್ರತಿಕ್ರಿಯಿಸಿದ್ದಾರೆ. ಪರಸ್ಪರ ನೆಟ್ಟಿಗರು ವಾಗ್ವಾದಕ್ಕಿಳಿದಿದ್ದಾರೆ. ಹುಡುಗನಾಗಿಯೇ ಇಷ್ಟು ಬಳಕುತ್ತೀರಿ ಇನ್ನು ಹುಡುಗಿಯಾಗಿದ್ದರೆ ಎಂದು ಒಬ್ಬರು ಹೇಳಿದ್ದಾರೆ. ಇದು ಹುಡುಗನೋ ಹುಡುಗಿಯೋ ಎಂದು ಅನೇಕರು ನಗೆಯಾಡಿದ್ದಾರೆ. ನಿಮ್ಮಂಥವರೊಳಗೂ ಇಂಥ ಪ್ರತಿಭೆ ಅಡಗಿದೆಯೇ? ಲಿಂಗತ್ವವನ್ನು ಗೌರವಿಸಿ, ಅವರ ಪ್ರತಿಭೆಯನ್ನು ಗುರುತಿಸಿ ಪ್ರೋತ್ಸಾಹಿಸಿ ಎಂದು ಒಬ್ಬರು ಪ್ರತಿಕ್ರಿಯಿಸಿದ್ದಾರೆ.

ಇದನ್ನೂ ಓದಿ : Viral Video:6;ಬಾ ಕೂಸೇ ಮುದ್ದಿಸ್ತೀನಿ; ವಾತ್ಸಲ್ಯಮಯೀ ಒರಾಂಗುಟಾನ್

ಈ ಜನಕ್ಕೆ ಏನಾಗಿದೆ ಯಾಕೆ ಹೀಗೆ ವರ್ತಿಸುತ್ತಿದ್ದಾರೆ ಎಂದು ಒಬ್ಬರು ಕೇಳಿದ್ದಾರೆ. ನನಗೆ ಕೆಲಸವಿಲ್ಲವೆಂದರೆ ಈ ವಿಡಿಯೋಗೆ ಬಂದಿರುವ ಕಮೆಂಟ್​ ಓದುತ್ತ ಟೈಮ್​ ಪಾಸ್ ಮಾಡುತ್ತೇನೆ ಎಂದಿದ್ದಾರೆ ಇನ್ನೂ ಒಬ್ಬರು. ಹುಡುಗಿಯಾಗಿಯೂ ನನಗೆ ಇಷ್ಟೊಂದು ಸಲೀಸಾಲಿ ಮೂವ್​ ತೆಗೆದುಕೊಳ್ಳಲಾರೆ. ಆದರೆ ನೀವು ಸಾಧಿಸಿದ್ದಿರೀ, ಸೂಪರ್​ ಎಂದಿದ್ದಾರೆ ಮತ್ತೊಬ್ಬರು. ಅಣ್ಣಾ ನೀವು ಡ್ಯಾನ್ಸ್ ಕ್ಲಾಸ್ ಶುರು ಮಾಡಿ, ಒಳ್ಳೆಯದಾಗುತ್ತದೆ ಎಂದು ಇನ್ನೂ ಒಬ್ಬರು ಸಲಹೆ ನೀಡಿದ್ಧಾರೆ. ಅನೇಕರು ಇವರ ನೃತ್ಯವನ್ನು ಬಹುವಾವಿ ಮೆಚ್ಚಿಕೊಂಡಿದ್ದಾರೆ.

ಕಲೆಗೆ ಯಾವ ಲಿಂಗದ ಹಂಗು? ಅದು ಸಂಪೂರ್ಣ ಶರಣಾಗತಿ ಮತ್ತು ಶ್ರದ್ಧೆ, ನಿಷ್ಠೆಯನ್ನು ಬೇಡುತ್ತದೆ. ಏನಂತೀರಿ?

ಮತ್ತಷ್ಟು ವೈರಲ್ ವಿಡಿಯೋಗಳಿಗಾಗಿ ಕ್ಲಿಕ್ ಮಾಡಿ

Published On - 1:18 pm, Wed, 24 May 23