Trending : ಅಮ್ಮನೂ ಪೈಲಟ್ ಮಗಳೂ ಪೈಲಟ್, ಒಟ್ಟಿಗೇ ಒಂದೇ ವಿಮಾನದಲ್ಲಿ ಹಾರಿದ ಆ ಕ್ಷಣ!

Viral : ಸೌತ್‌ವೆಸ್ಟ್ ಏರ್‌ಲೈನ್‌ನಲ್ಲಿ ಪೈಲಟ್ ಆಗಿ ಕಾರ್ಯ ನಿರ್ವಹಿಸುತ್ತಿರುವ ತಾಯಿ ಹಾಲಿ ಪೆಟಿಟ್ ಮತ್ತು ಅವರ ಮಗಳಾದ ಫರ್ಸ್ಟ್ ಆಫೀಸರ್ ಕೀಲಿ ಪೆಟಿಟ್ ಫೋಟೋ ಈಗ ನೆಟ್ಟಿಗರ ಹೃದಯವನ್ನು ಸ್ಪರ್ಶಿಸಿದೆ. ನಮ್ಮ ಏರ್​ಲೈನ್ಸ್​ನ ಮೊದಲ ತಾಯಿ-ಮಗಳು ಪೈಲಟ್ ಜೋಡಿ ಹಾಲಿ ಮತ್ತು ಕೀಲಿ, ಜುಲೈ 23ರಂದು ಡೆನ್ವರ್​ನಿಂದ ಸೇಂಟ್​ ಲೂಯಿಸ್​ಗೆ 3658 ಫ್ಲೈಟ್‌ನಲ್ಲಿ ಒಟ್ಟಿಗೆ ಹಾರಿದರು! ಎಂದು ಸಂಸ್ಥೆಯು ತಿಳಿಸಿದೆ. ಕ್ಯಾಪ್ಟನ್ ಹಾಲಿ ತನ್ನ ಮಗಳನ್ನು ವಿಮಾನದಲ್ಲಿ ಪ್ರಯಾಣಿಕರಿಗೆ ಪರಿಚಯಿಸಿದ ಕ್ಷಣ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ‘ಗುಡ್​ಮಾರ್ನಿಂಗ್​ ಅಮೆರಿಕಾ’ದಲ್ಲಿ ಈ ವರದಿ ಪ್ರಸಾರವಾಗಿದೆ. ತಾಯಿಮಗಳ ಹಳೆಯ ಫೋಟೋದೊಂದಿಗೆ ವಿಡಿಯೋ ಶುರುವಾಗಿ ವಿಮಾನದಲ್ಲಿ ಪೈಲಟ್ ಆಸನಗಳಲ್ಲಿ ಕುಳಿತುಕೊಳ್ಳುವಲ್ಲಿಗೆ ಅಂತ್ಯವಾಗುತ್ತದೆ.

ಕೆಲ್ಲಿ 14 ವರ್ಷದವಳಿದ್ದಾಗಲೇ ತನ್ನ ತಾಯಿಯಂತೆ ಆಕಾಶದಲ್ಲಿ ಹಾರುವ ಕನಸಿಗೆ ಬಿದ್ದವಳು. ಹಾಗೆಯೇ ತನ್ನ ತಾಯಿಯ ಹೆಜ್ಜೆಯನ್ನೇ ಅನುಸರಿಸುತ್ತ 2017ರಲ್ಲಿ ಸೌತ್​ವೆಸ್ಟ್​ ಏರ್​ಲೈನ್ಸ್​ನಲ್ಲಿ ಇಂಟರ್ನ್​ಶಿಪ್ ಪಡೆದು ಉದ್ಯೋಗಕ್ಕೆ ಸೇರಿದಳು. ಇದೀಗ ತಾಯಿಯಂತೆ ತಾನೂ ಪೈಲಟ್ ಆಗಿ ಕಾರ್ಯ ನಿರ್ವಹಿಸುತ್ತಿದ್ದಾಳೆ.

ಇದನ್ನೂ ಓದಿ

Literature: ನೆರೆನಾಡ ನುಡಿಯೊಳಗಾಡಿ; ‘ಇಡೀ ಲೋಕವೇ ನಿನ್ನನ್ನು ವಂಚಿಸುತ್ತಿದೆ, ಈಗ ನಿನ್ನ ಸರದಿ, ಲೋಕವನ್ನು ವಂಚಿಸು’

Literature: ನೆರೆನಾಡ ನುಡಿಯೊಳಗಾಡಿ; ಕೆಎಸ್ ವೈಶಾಲಿ ಅನುವಾದಿಸಿದ ರುಕಿಯಾ ಶೆಖಾವತ್​ ಹುಸೇನ್ ಕಥೆ ‘ಸುಲ್ತಾನಳ ಕನಸು’

Literature: ನೆರೆನಾಡ ನುಡಿಯೊಳಗಾಡಿ; ಪಾವಣ್ಣನ್ ಚಿಂತಾಮಣಿ ಕೊಡ್ಲೆಕೆರೆ ಅನುವಾದಿಸಿದ ಬಿ ಜಯಮೋಹನ್ ಕಥೆ ‘ವಿಷಸರ್ಪ’

Literature: ನೆರೆನಾಡ ನುಡಿಯೊಳಗಾಡಿ; ರೇಣುಕಾ ನಿಡಗುಂದಿ ಅನುವಾದಿಸಿದ ರವೀಂದ್ರನಾಥ ಟ್ಯಾಗೋರರ ಕಥೆ ‘ಪುತ್ರಯಜ್ಞ’

ಈಗ ವೈರಲ್ ಆಗಿರುವ ಈ ವಿಡಿಯೋದಲ್ಲಿ, ತಾಯಿ ಮತ್ತು ಮಗಳು ಇಬ್ಬರೂ ತಮ್ಮ ಸಾಮಾನುಗಳೊಂದಿಗೆ ಒಂದೇ ತೆರನಾದ ಪೈಲಟ್ ಸಮವಸ್ತ್ರ ಧರಿಸಿ ಬರುತ್ತಿರುವುದನ್ನು ನೋಡಿದಾಗ ಹೆಮ್ಮೆ ಎನ್ನಿಸುತ್ತದೆ. ಒಟ್ಟಿಗೆ, ಅವರು ಕಾಕ್‌ಪಿಟ್‌ನಲ್ಲಿ ಕಾಣಿಸಿಕೊಂಡಿದ್ದನ್ನು ನೋಡಿದ ಯಾರಿಗೂ ಸಂತಸ ಉಕ್ಕದೇ ಇರದು.  ಈ ವಿಡಿಯೋ ಈತನಕ 24,850 ಕ್ಕೂ ಹೆಚ್ಚು ಲೈಕ್ಸ್ ಪಡೆದುಕೊಂಡಿದೆ.

View this post on Instagram

A post shared by Southwest Airlines (@southwestair)

Published On - 2:51 pm, Thu, 4 August 22