Video: ತಮಟೆ ಏಟಿಗೆ ಕಿವಿ ಕೇಳದ ಬಾಲಕನ ಡಾನ್ಸ್, ತಾಯಿಯ ಖುಷಿಯನ್ನೊಮ್ಮೆ ನೋಡಿ
ತಾಯಿ ಪ್ರೀತಿಯೇ ಹಾಗೇ, ಈ ಪರಿಶುದ್ಧವಾದ ಪ್ರೀತಿಗೆ ಬೆಲೆಕಟ್ಟಲು ಸಾಧ್ಯ ವೇ ಇಲ್ಲ. ಮಕ್ಕಳ ಸಂತೋಷದಲ್ಲೇ ತನ್ನ ಖುಷಿಯನ್ನು ಕಾಣುತ್ತಾಳೆ. ಇದೀಗ ಇಂತಹದೊಂದು ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಈ ವಿಡಿಯೋದಲ್ಲಿ ಕಿವುಡತನ ಹೊಂದಿರುವ ಬಾಲಕನು ತಮಟೆಗೆ ಸೌಂಡ್ ಗೆ ಸ್ಟೆಪ್ ಹಾಕುವ ವೇಳೆಯಲ್ಲಿ ಶ್ರವಣ ಸಾಧನವೊಂದು ಕೆಳಗೆ ಬಿದ್ದಿದೆ. ಓಡಿ ಬಂದ ತಾಯಿಯೂ ಮಗನ ಕಿವಿಗೆ ಈ ಸಾಧನವನ್ನು ಸಿಕ್ಕಿಸಿ ಮಗನ ಡಾನ್ಸ್ ನೋಡಿ ಖುಷಿ ಪಡುತ್ತಿರುವ ದೃಶ್ಯವೊಂದು ನೆಟ್ಟಿಗರ ಗಮನ ಸೆಳೆದಿದೆ.
Updated on: Sep 07, 2024 | 12:10 PM
ಕಣ್ಣಿಗೆ ಕಾಣುವ ದೇವರೆಂದರೆ ಅದುವೇ ಅಮ್ಮ. ತನ್ನ ಕುಟುಂಬ, ಮಕ್ಕಳಿಗಾಗಿ ಬದುಕನ್ನೇ ಮುಡಿಪಾಗಿಟ್ಟವಳು ಈ ತಾಯಿಯ ಪ್ರೀತಿಗೆ ಬೆಲೆ ಕಟ್ಟಲು ಸಾಧ್ಯವಿಲ್ಲ. ತನ್ನ ಮಕ್ಕಳಿಗಾಗಿ ಎಂತಹ ಕಷ್ಟವನ್ನೂ ಎದುರಿಸಿ ನಿಲ್ಲುವ ವಾತ್ಸಲ್ಯ ಮೂರ್ತಿ ಈ ಅಮ್ಮ. ಮಕ್ಕಳು ಎಷ್ಟೇ ದೊಡ್ಡವರಾಗಲಿ, ಕುಂಟ ಆಗಿರಲಿ ಕಿವುಡ ಆಗಿರಲಿ ತಾಯಿಯ ಪ್ರೀತಿ ಮಾತ್ರ ಸ್ವಲ್ಪವು ಕಡಿಮೆಯಾಗುವುದಿಲ್ಲ. ತಾಯಿಯ ಪ್ರೀತಿ, ವಾತ್ಸಲ್ಯ, ತ್ಯಾಗಕ್ಕೆ ಸಂಬಂಧಿಸಿದ ವಿಡಿಯೋಗಳು ಆಗಾಗ ವೈರಲ್ ಆಗುತ್ತಿರುತ್ತದೆ. ಆದರೆ ಇದೀಗ ವೈರಲ್ ಆಗಿರುವ ವಿಡಿಯೋದಲ್ಲಿ ಕಿವುಡತನ ಹೊಂದಿರುವ ಮಗನು ಖುಷಿಯಿಂದ ಸ್ಟೆಪ್ ಹಾಕುತ್ತಿದ್ದರೆ ಇತ್ತ ತಾಯಿಯ ಖುಷಿಗೆ ಪಾರಾವೇ ಇಲ್ಲದಂತಾಗಿದೆ.
ನಾಗೇಶ್ ಪ್ರೀತಮ್ ಹೆಸರಿನ ಖಾತೆಯಲ್ಲಿ ಈ ವಿಡಿಯೋವನ್ನು ಶೇರ್ ಮಾಡಲಾಗಿದ್ದು, ಕಿವುಡುತನ ಹೊಂದಿರುವ ತನ್ನ ಕಂದನು ತಮಟೆ ಏಟಿಗೆ ಸ್ಟೆಪ್ ಹಾಕುವುದನ್ನು ನೋಡಿ ತಾಯಿಯು ಖುಷಿ ಪಟ್ಟಿದ್ದಾಳೆ. ಈ ವಿಡಿಯೋದಲ್ಲಿ ತಮಟೆಯ ಬಾರಿಸುವುದನ್ನು ನೋಡಿ ಓಡಿ ಬಂದ ಬಾಲಕನು ರಸ್ತೆಯಲ್ಲಿಯೇ ಡಾನ್ಸ್ ಮಾಡುತ್ತಿದ್ದಾನೆ. ಈ ವೇಳೆಯಲ್ಲಿ ಕಿವಿಗೆ ಹಾಕಿದ ಶ್ರಾವಣ ಸಾಧನವೊಂದು ಕೆಳಗೆ ಬಿದ್ದಿದೆ.
ಇದನ್ನೂ ಓದಿ: ಚಲಿಸುತ್ತಿದ್ದ ರೈಲಿನಿಂದ ಆಯತಪ್ಪಿ ಬಿದ್ದ ವೃದ್ಧ, ತಕ್ಷಣ ರಕ್ಷಣೆಗೆ ಧಾವಿಸಿದ ರೀಲ್ಸ್ ಮಾಡುತ್ತಾ ನಿಂತಿದ್ದ ಯುವಕ
ವೈರಲ್ ವಿಡಿಯೋ ಇಲ್ಲಿದೆ ನೋಡಿ:
ತಕ್ಷಣವೇ ಓಡಿ ಬಂದ ತಾಯಿಯೂ ಈ ಸಾಧನವನ್ನು ಹೆಕ್ಕಿಕೊಂಡು ಮಗನ ಕಿವಿಗೆ ಸಿಕ್ಕಿಸಿ ಕೇಳುತ್ತಿದೆಯೇ ಎಂದು ಕೇಳಿದ್ದಾಳೆ. ತಲೆ ಆಡಿಸಿದ ಹುಡುಗನು ಸ್ಟೆಪ್ ಹಾಕಿದ್ದಾನೆ. ಅಲ್ಲೇ ಇದ್ದ ತಾಯಿಯೂ ಮಗನ ಡಾನ್ಸ್ ನೋಡಿ ಚಪ್ಪಾಳೆ ತಟ್ಟುತ್ತಾ ಖುಷಿ ಪಟ್ಟಿದ್ದಾಳೆ. ಈ ವಿಡಿಯೋ ಒಂದು ಸಾವಿರಕ್ಕೂ ಅಧಿಕ ವ್ಯೂಸ್ ಕಂಡಿದೆ. ಈ ವಿಡಿಯೋ ನೋಡಿದ ನೆಟ್ಟಿಗರಿಂದ ಮೆಚ್ಚುಗೆಯ ಕಾಮೆಂಟ್ ಗಳು ವ್ಯಕ್ತವಾಗಿದೆ. ನೆಟ್ಟಿಗನೊಬ್ಬನು, ‘ತಾಯಿಯ ಋಣವನ್ನು ತೀರಿಸಲು ಆಗುವುದೇ ಇಲ್ಲ ‘ ಎಂದಿದ್ದಾನೆ. ಮತ್ತೊಬ್ಬನು, ಹಾಟ್ಸ್ ಆಫ್ ಅಮ್ಮ ಎಂದು ಬರೆದಿದ್ದಾನೆ.
ಮತ್ತಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
