Voteಗಾಗಿ Kidnap ನಾಟಕ: ಮೇಯರ್​ ಅಭ್ಯರ್ಥಿ ಕೊನೆಗೂ ಅಂದರ್​, ಎಲ್ಲಿ?

Voteಗಾಗಿ Kidnap ನಾಟಕ: ಮೇಯರ್​ ಅಭ್ಯರ್ಥಿ ಕೊನೆಗೂ ಅಂದರ್​, ಎಲ್ಲಿ?

ಜನರಿಂದ sympathy ವೋಟ್​ ಗಿಟ್ಟಿಸಿಕೊಂಡು ಚುನಾವಣೆ ಗೆಲ್ಲುವ ಹುನ್ನಾರದಲ್ಲಿ ತನ್ನ ಅಪಹರಣದ ನಾಟಕವನ್ನ ಸೃಷ್ಟಿಸಿದ ಚುನಾವಣಾ ಅಭ್ಯರ್ಥಿಯನ್ನು ಪೊಲೀಸರು ಬಂಧಿಸಿರುವ ಸ್ವಾರಸ್ಯಕರ ಪ್ರಸಂಗ ಅಮೆರಿಕದ ಸೌತ್​​ ಕೆರೊಲಿನಾ ರಾಜ್ಯದ ಸಮ್ಟರ್​ ನಗರದಲ್ಲಿ ಬೆಳಕಿಗೆ ಬಂದಿದೆ. ಸಬ್ರೀನಾ ಬೆಲ್ಚರ್​ ಎಂಬ ಮಹಿಳೆಯೊಬ್ಬಳು ನವೆಂಬರ್​ನಲ್ಲಿ ನಡೆಯಲಿದ್ದ ಮೇಯರ್​ ಚುನಾವಣೆಗೆ ಅಭ್ಯರ್ಥಿಯಾಗಿ ಕಣಕ್ಕೆ ಇಳಿದಿದ್ದಳು. ಚುನಾವಣಾ ಪ್ರಚಾರದ ವೇಳೆ ತನ್ನನ್ನು ವಿರೋಧ ಪಕ್ಷದ ಅಭ್ಯರ್ಥಿ ಕಿಡ್ನಾಪ್​ ಮಾಡಿಸಿ ಸೆರೆಹಿಡಿದಿದ್ದಾರೆ ಎಂದು ನಾಟಕವಾಡಿದರೆ ಜನರ ಸಹಾನುಭೂತಿ ಗಿಟ್ಟಿಸಿ ವೋಟ್​ ಪಡೆದು ಚುನಾವಣೆ ಗೆಲ್ಲಬಹುದು […]

KUSHAL V

|

Aug 23, 2020 | 4:40 PM

ಜನರಿಂದ sympathy ವೋಟ್​ ಗಿಟ್ಟಿಸಿಕೊಂಡು ಚುನಾವಣೆ ಗೆಲ್ಲುವ ಹುನ್ನಾರದಲ್ಲಿ ತನ್ನ ಅಪಹರಣದ ನಾಟಕವನ್ನ ಸೃಷ್ಟಿಸಿದ ಚುನಾವಣಾ ಅಭ್ಯರ್ಥಿಯನ್ನು ಪೊಲೀಸರು ಬಂಧಿಸಿರುವ ಸ್ವಾರಸ್ಯಕರ ಪ್ರಸಂಗ ಅಮೆರಿಕದ ಸೌತ್​​ ಕೆರೊಲಿನಾ ರಾಜ್ಯದ ಸಮ್ಟರ್​ ನಗರದಲ್ಲಿ ಬೆಳಕಿಗೆ ಬಂದಿದೆ.

ಸಬ್ರೀನಾ ಬೆಲ್ಚರ್​ ಎಂಬ ಮಹಿಳೆಯೊಬ್ಬಳು ನವೆಂಬರ್​ನಲ್ಲಿ ನಡೆಯಲಿದ್ದ ಮೇಯರ್​ ಚುನಾವಣೆಗೆ ಅಭ್ಯರ್ಥಿಯಾಗಿ ಕಣಕ್ಕೆ ಇಳಿದಿದ್ದಳು. ಚುನಾವಣಾ ಪ್ರಚಾರದ ವೇಳೆ ತನ್ನನ್ನು ವಿರೋಧ ಪಕ್ಷದ ಅಭ್ಯರ್ಥಿ ಕಿಡ್ನಾಪ್​ ಮಾಡಿಸಿ ಸೆರೆಹಿಡಿದಿದ್ದಾರೆ ಎಂದು ನಾಟಕವಾಡಿದರೆ ಜನರ ಸಹಾನುಭೂತಿ ಗಿಟ್ಟಿಸಿ ವೋಟ್​ ಪಡೆದು ಚುನಾವಣೆ ಗೆಲ್ಲಬಹುದು ಎಂದು ಸಬ್ರೀನಾ ಸ್ಕೆಚ್​ ಹಾಕಿದ್ದಾಳೆ.

ಅಂತೆಯೇ, ತನ್ನ ಅಪಹರಣದ ನಾಟಕವನ್ನು ತಾನೇ ಆಡಿಸಿದ್ದಾಳೆ. ಇಷ್ಟಕ್ಕೆ ನಿಲ್ಲದೆ ತನ್ನನ್ನು ಅಪಹರಣಕಾರರು ಮನಬಂದಂತೆ ಥಳಿಸುವಂತೆ ಡ್ರಾಮಾ ಮಾಡಿಸಿ ಇಡೀ ಪ್ರಸಂಗವನ್ನು ಫೇಸ್​ಬುಕ್​ ಲೈವ್​ ಸಹ ಮಾಡಿದ್ದಾಳಂತೆ.

ಆದರೆ, ಅದೃಷ್ಟ ಸಬ್ರೀನಾ ಕೈಹಿಡಿಯಲಿಲ್ಲ. ಕಿಡ್ನಾಪ್​ ಪ್ರಕರಣವನ್ನು ಭೇದಿಸಿ ಆಕೆಯನ್ನು ರಕ್ಷಿಸಿದ ಪೊಲೀಸರಿಗೆ ಎಲ್ಲೋ ಏನೋ ಮಿಸ್​ ಹೊಡೀತಿದೆ ಅಂತಾ ಅನ್ನಿಸಿತ್ತಂತೆ. ಹಾಗಾಗಿ, ಮತ್ತಷ್ಟು ತನಿಖೆ ನಡೆಸಿದಾಗ ಸಬ್ರೀನಾಳ ಈ ಪ್ಲಾನ್​ ಹೊರಬಿದ್ದಿದೆ. ಒಟ್ನಲ್ಲಿ ಬೇರೊಬ್ಬರ ಮೇಲೆ ಕೆಸರು ಎರಚಲು ಹೋದ ಸಬ್ರೀನಾ ತಾನೇ ಮಣ್ಣು ತಿನ್ನುವ ಕೆಲಸ ಮಾಡಿದ್ದಾಳೆ. ಸದ್ಯ ಜೈಲಿನಲ್ಲಿ ಕಂಬಿ ಎಣಿಸುತ್ತಿದ್ದಾಳೆ.

Follow us on

Most Read Stories

Click on your DTH Provider to Add TV9 Kannada