India Day Parade: ನ್ಯೂಯಾರ್ಕ್‌ನಲ್ಲಿ ಇಂಡಿಯಾ ಡೇ ಪರೇಡ್ ಆಚರಣೆ; ಕಣ್ಮನ ಸೆಳೆದ ಅಯೋಧ್ಯೆಯ ರಾಮಮಂದಿರ ಸ್ತಬ್ಧಚಿತ್ರ
ರಾಮಮಂದಿರದ ಟ್ಯಾಬ್ಲೋ ಜನಾಕರ್ಷಣೆಯ ಕೇಂದ್ರ ಬಿಂದು ಆಗಿತ್ತು. ರಾಮಮಂದಿರದ ಸ್ತಬ್ಧಚಿತ್ರ ಭಾರತದ ಸಂಸ್ಕೃತಿಯು ಇಡೀ ಜಗತ್ತನ್ನು ಒಂದು ಕುಟುಂಬವೆಂದು ಪರಿಗಣಿಸುತ್ತದೆ ಎಂಬುದನ್ನು ತೋರಿಸುತ್ತದೆ. ಅದು ಎಲ್ಲಾ ಮನುಷ್ಯರಲ್ಲಿ ಒಬ್ಬನೇ ದೇವರನ್ನು ನೋಡುತ್ತದೆ. ಎಲ್ಲವೂ ಬ್ರಹ್ಮನ ಸೃಷ್ಟಿ ಎಂದು ನಮ್ಮ ಸಂಸ್ಕೃತಿ ಹೇಳುತ್ತದೆ. ನಾವು ಭಾರತೀಯರು ಸಮಾನತೆಯ ಸಂದೇಶವನ್ನು ನೀಡುತ್ತೇವೆ ಎಂದು ಎಎನ್‌ಐ ಜೊತೆ ಮಾತನಾಡಿದ ಸ್ವಾಮಿ ಅವಧೇಶಾನಂದ ಗಿರಿ ಜಿ ಮಹಾರಾಜ್ ಹೇಳಿದ್ದಾರೆ.
ನ್ಯೂಯಾರ್ಕ್ ಆಗಸ್ಟ್ 19 : ಭಾನುವಾರ (ಸ್ಥಳೀಯ ಕಾಲಮಾನ) ನ್ಯೂಯಾರ್ಕ್ ನಗರದಲ್ಲಿ ಇಂಡಿಯಾ ಡೇ ಮೆರವಣಿಗೆಯನ್ನು (India Day Parade) ಅತ್ಯಂತ ಉತ್ಸಾಹ ಮತ್ತು ದೇಶಭಕ್ತಿಯ ಉತ್ಸಾಹದಿಂದ ಆಯೋಜಿಸಲಾಗಿದೆ. ಭಾರತದ ಸ್ವಾತಂತ್ರ್ಯದಿನ ಪ್ರಯುಕ್ತ ನಡೆಯುವ ಈ ಕಾರ್ಯಕ್ರಮದಲ್ಲಿ ದ ನೂರಾರು ಜನರು ಭಾಗವಹಿಸಿದ್ದರು. ಸುದ್ದಿ ಸಂಸ್ಥೆ ಎಎನ್‌ಐ ಹಂಚಿಕೊಂಡ ವಿಡಿಯೊದಲ್ಲಿ, ಜನರು ದೇಶಭಕ್ತಿ ಗೀತೆಗಳಿಗೆ ನೃತ್ಯ ಮಾಡುವುದನ್ನು, ಭಾರತೀಯ ಧ್ವಜಗಳನ್ನು ಹಿಡಿದುಕೊಂಡು ಮತ್ತು ಧೋಲ್ ನುಡಿಸುವುದನ್ನು ಕಾಣಬಹುದು. ಅಯೋಧ್ಯೆಯ ರಾಮಮಂದಿರವನ್ನು (Ram mandir) ಹೋಲುವ ಕಾರ್ನೀವಲ್ ಸ್ತಬ್ಧಚಿತ್ರ ಇಂಡಿಯಾ ಡೇ ಮೆರವಣಿಗೆಯ ಪ್ರಮುಖ ಆಕರ್ಷಣೆಯಾಗಿತ್ತು.
ಕಾರ್ನೀವಲ್ ಸಮಯದಲ್ಲಿ ಈ ಸ್ತಬ್ಧಚಿತ್ರ ರಸ್ತೆಗಳಲ್ಲಿ ಸಾಗಿದಾಗ ಧಾರ್ಮಿಕ ಹಾಡುಗಳನ್ನು ನುಡಿಸಲಾಯಿತು. ಅಯೋಧ್ಯಾ ನಗರದಲ್ಲಿ ಭಗವಾನ್ ರಾಮನಿಗಾಗಿ ನಿರ್ಮಿಸಲಾದ ಭವ್ಯವಾದ ದೇಗುಲ ಸ್ತಬ್ಧಚಿತ್ರಗಳಲ್ಲಿ ಪ್ರಮುಖ ಆಕರ್ಷಣೆ ಆಗಿತ್ತು. ಮರದಿಂದ ಮಾಡಲಾದ ರಾಮ ಮಂದಿರದ ಸಂಪೂರ್ಣ ರಚನೆಯನ್ನು ಹೂವಿನಿಂದ ಅಲಂಕರಿಸಲಾಗಿತ್ತು. 18 ಅಡಿ ಉದ್ದ, ಒಂಬತ್ತು ಅಡಿ ಅಗಲ ಮತ್ತು ಎಂಟು ಅಡಿ ಎತ್ತರದ ಈ ಸ್ತಬ್ಧಚಿತ್ರವನ್ನು ಭಾರತದಲ್ಲಿ ಮಾಡಲಾಗಿದ್ದು, ಮೆರವಣಿಗೆಯಲ್ಲಿ ಭಾಗವಹಿಸಲು ಏರ್ ಕಾರ್ಗೋ ಮೂಲಕ ರವಾನಿಸಲಾಗಿದೆ.
#WATCH | Visuals of the India Day Parade that is underway in New York City. pic.twitter.com/D2qnOpEfJR
— ANI (@ANI) August 18, 2024
ಮೆರವಣಿಗೆಯು ಮ್ಯಾಡಿಸನ್ ಅವೆನ್ಯೂದಿಂದ ಪೂರ್ವ 38 ನೇ ಬೀದಿಯಿಂದ ನಗರದ ಪೂರ್ವ 27 ನೇ ಬೀದಿವರೆಗೆ ಸಾಗಿತು. ಮೆರವಣಿಗೆಯ ಜೊತೆಗೆ, ಸಾಂಸ್ಕೃತಿಕ ಪ್ರದರ್ಶನಗಳಿಗೆ ವೇದಿಕೆ ಮತ್ತು 45 ಕ್ಕೂ ಹೆಚ್ಚು ಬೂತ್‌ಗಳು ಮತ್ತು ಆಹಾರ ಮಾರಾಟವೂ ಇತ್ತು. ಫೆಡರೇಶನ್ ಆಫ್ ಇಂಡಿಯನ್ ಅಸೋಸಿಯೇಷನ್ಸ್ ಪ್ರಕಾರ, ಮೆರವಣಿಗೆಯಲ್ಲಿ 40 ಕ್ಕೂ ಹೆಚ್ಚು ಸ್ತಬ್ಧಚಿತ್ರಗಳು, 50 ಕ್ಕೂ ಹೆಚ್ಚು ಮೆರವಣಿಗೆ ಗುಂಪುಗಳು ಮತ್ತು 30 ಕ್ಕೂ ಹೆಚ್ಚು ಮೆರವಣಿಗೆ ಬ್ಯಾಂಡ್‌ಗಳು, ಜೊತೆಗೆ ಸೆಲೆಬ್ರಿಟಿಗಳು ಮತ್ತು ಗಣ್ಯರು ಇದ್ದರು. ಬಾಲಿವುಡ್ ನಟಿ ಸೋನಾಕ್ಷಿ ಸಿನ್ಹಾ ಗ್ರ್ಯಾಂಡ್ ಮಾರ್ಷಲ್ ಆಗಿದ್ದು, ಗೌರವ ಅತಿಥಿಗಳಾಗಿ ಭಾರತೀಯ ನಟ ಪಂಕಜ್ ತ್ರಿಪಾಠಿ ಮತ್ತು ಸಂಸದ ಮನೋಜ್ ತಿವಾರಿ ಸೇರಿದ್ದಾರೆ.
#WATCH | Visuals of India Day Parade from New York; a carnival float featuring Ram Mandir is also part of the parade pic.twitter.com/EJ25i3JWhy
— ANI (@ANI) August 18, 2024
ಎಎನ್‌ಐ ಜೊತೆ ಮಾತನಾಡಿದ ಸ್ವಾಮಿ ಅವಧೇಶಾನಂದ ಗಿರಿ ಜಿ ಮಹಾರಾಜ್, ಭಾರತೀಯ-ಅಮೆರಿಕನ್ ಸಮುದಾಯದ ಆಹ್ವಾನದ ಮೇರೆಗೆ ನಾನು ಇಂಡಿಯಾ ಡೇ ಪರೇಡ್‌ನಲ್ಲಿ ಭಾಗವಹಿಸಲು ನ್ಯೂಯಾರ್ಕ್‌ಗೆ ಬಂದಿದ್ದೇನೆ. ಇಂಡಿಯಾ ಡೇ ಪರೇಡ್‌ನಲ್ಲಿ ಜನರು ಉತ್ಸಾಹದಿಂದ ಭಾಗವಹಿಸುತ್ತಿದ್ದಾರೆ. ಭಾರತದ ದೈವಿಕ ಸಂಸ್ಕೃತಿ, ನಮ್ಮ ಕಲಜಯಿ, ಮೃತ್ಯುಂಜಯ ಮತ್ತು ಸನಾತನ ಸಂಸ್ಕೃತಿ ಮತ್ತು ಅದರ ಮೌಲ್ಯಗಳನ್ನು ಒಳಗೊಂಡಿರುವ ವಿಭಿನ್ನ ಸ್ತಬ್ಧ ಚಿತ್ರಗಳನ್ನು ಇಲ್ಲಿ ಕಾಣಬಹುದು. ಎಲ್ಲಾ ಸ್ತಬ್ಧ ಚಿತ್ರಗಳು ಇಲ್ಲಿ ಅದ್ಭುತವಾಗಿವೆ ” ಎಂದು ಹೇಳಿದ್ದಾರೆ.
“ರಾಮಮಂದಿರದ ಟ್ಯಾಬ್ಲೋ ಜನಾಕರ್ಷಣೆಯ ಕೇಂದ್ರ ಬಿಂದು ಆಗಿತ್ತು. ರಾಮಮಂದಿರದ ಸ್ತಬ್ಧಚಿತ್ರ ಭಾರತದ ಸಂಸ್ಕೃತಿಯು ಇಡೀ ಜಗತ್ತನ್ನು ಒಂದು ಕುಟುಂಬವೆಂದು ಪರಿಗಣಿಸುತ್ತದೆ ಎಂಬುದನ್ನು ತೋರಿಸುತ್ತದೆ. ಅದು ಎಲ್ಲಾ ಮನುಷ್ಯರಲ್ಲಿ ಒಬ್ಬನೇ ದೇವರನ್ನು ನೋಡುತ್ತದೆ. ಎಲ್ಲವೂ ಬ್ರಹ್ಮನ ಸೃಷ್ಟಿ ಎಂದು ನಮ್ಮ ಸಂಸ್ಕೃತಿ ಹೇಳುತ್ತದೆ. ನಾವು ಭಾರತೀಯರು ಸಮಾನತೆಯ ಸಂದೇಶವನ್ನು ನೀಡುತ್ತೇವೆ. ನಾವು ಭಾರತೀಯರು ಇಡೀ ಜಗತ್ತನ್ನು ಒಂದು ಕುಟುಂಬವೆಂದು ಪರಿಗಣಿಸುತ್ತೇವೆ. ನಾವು ಭಾರತೀಯರು ಎಲ್ಲರ ಕಲ್ಯಾಣಕ್ಕಾಗಿ ಪ್ರಾರ್ಥಿಸುತ್ತೇವೆ. ನಾವು ಇಂದು ಒಟ್ಟು ಸೇರಿದ್ದೇವೆ. ಇದು ವಿಶ್ವದ ಅತಿ ದೊಡ್ಡ ಮತ್ತು ದೊಡ್ಡ ಮೆರವಣಿಗೆಯಾಗಿದೆ ಮತ್ತು ಇಡೀ ಭಾರತವನ್ನು ಪ್ರದರ್ಶಿಸುತ್ತದೆ,” ಎಂದು ಅವರು ಹೇಳಿದ್ದಾರೆ.
ಭಾರತೀಯ ಅಮೇರಿಕನ್ ಮುಸ್ಲಿಮರನ್ನು ಪ್ರತಿನಿಧಿಸುವ ಒಂದು ಗುಂಪು ರಾಮಮಂದಿರದ ಸ್ತಬ್ಧ ಚಿತ್ರವ್ನು ಸೇರಿಸುವ ವಿವಾದದ ನಂತರ ಪರೇಡ್‌ನಿಂದ ತನ್ನ ಟ್ಯಾಬ್ಲೋ ಹಿಂತೆಗೆದುಕೊಂಡಿದೆ.
ಭಾರತೀಯ ಸಂಘಗಳ ಒಕ್ಕೂಟದ ಅಧ್ಯಕ್ಷ ಅಂಕುರ್ ವೈದ್ಯ ಮಾತನಾಡಿ, ಮೆರವಣಿಗೆಯು ದೇಶದ ವೈವಿಧ್ಯತೆಯನ್ನು ಪ್ರತಿನಿಧಿಸುತ್ತದೆ. ಇದು ಭಾರತದ ವಿವಿಧ ಸಮುದಾಯಗಳ ಟ್ಯಾಬ್ಲೋಗಳನ್ನು ಒಳಗೊಂಡಿರುತ್ತದೆ ಎಂದಿದ್ದಾರೆ.
“ನಮ್ಮ ಸಮುದಾಯದ ಸದಸ್ಯರೊಂದಿಗೆ ಇಲ್ಲಿ ಸೇರುತ್ತಿರುವುದು ಹೆಮ್ಮೆಯ ಕ್ಷಣ. ನಾನು 2008 ರಿಂದ ಇಲ್ಲಿ ಸ್ವಯಂಸೇವಕನಾಗಿ ಕಾರ್ಯನಿರ್ವಹಿಸುತ್ತಿದ್ದೇನೆ ಮತ್ತು ಈ ವರ್ಷ ವಿಶೇಷವಾಗಿದೆ. ಏಕೆಂದರೆ ನಾವು ಮ್ಯಾಡಿಸನ್ ಅವೆನ್ಯೂದಲ್ಲಿ ಮೆರವಣಿಗೆ ಮಾಡಲು ರಾಮ ಮಂದಿರದ ಪ್ರತಿಕೃತಿಯನ್ನು ಪ್ರದರ್ಶಿಸುತ್ತಿದ್ದೇವೆ ಮತ್ತು ಎಲ್ಲರಿಗೂ ಸಾಮರಸ್ಯ ಮತ್ತು ಶಾಂತಿಯ ಮೌಲ್ಯಗಳನ್ನು ತುಂಬುತ್ತೇವೆ. ಭಗವಾನ್ ರಾಮನಿಂದ ಎಲ್ಲಾ ಸಮಸ್ಯೆಗಳು ದೂರವಾಗಲಿ ಎಂದು ನಾವು ಹಿಂದೂಗಳು ಪ್ರಾರ್ಥಿಸುತ್ತೇವೆ. ಇದು ಎಲ್ಲರಿಗೂ ಸೌಹಾರ್ದತೆ ಮತ್ತು ಶಾಂತಿಗಾಗಿ ನಡೆಯುವ ಮೆರವಣಿಗೆಯಾಗಿದೆ ಎಂದು ವೈದ್ಯ ಹೇಳಿದರು.
“ನ್ಯೂಯಾರ್ಕ್ ಪೊಲೀಸ್ ಇಲಾಖೆ ಮತ್ತು ಮೇಯರ್ ಕಳೆದ 20 ವರ್ಷಗಳಿಂದ ಪರೇಡ್ ವಿಷಯದಲ್ಲಿ ನಮ್ಮನ್ನು ಬೆಂಬಲಿಸಿದ್ದಾರೆ. ಎಫ್‌ಐಎ ಅಧ್ಯಕ್ಷ ಅವಿನಾಶ್ ಗುಪ್ತಾ, ಮಾಧ್ಯಮಗಳು, ಪ್ರಾಯೋಜಕರು ಮತ್ತು ಭಾಗವಹಿಸುವವರು ನಮ್ಮ ನಂಬಿಕೆಯನ್ನು ಅತ್ಯಂತ ಶಾಂತಿಯುತವಾಗಿ ಮತ್ತು ಕಾನೂನುಬದ್ಧವಾಗಿ ಪ್ರದರ್ಶಿಸುತ್ತಿದ್ದಾರೆ. ಇದು ನ್ಯೂಯಾರ್ಕ್ ನಗರದಲ್ಲಿ 42 ನೇ ಪರೇಡ್ ಆಗಿದ್ದು, ಇದು ಯುಎಸ್‌ನಲ್ಲಿ ಅತ್ಯಂತ ಹಳೆಯ ಮತ್ತು ಅತಿ ದೊಡ್ಡ ಇಂಡಿಯಾ ಮೆರವಣಿಗೆಯಾಗಿದೆ ”
“ಎಲ್ಲಾ ಭಾಗವಹಿಸುವವರು ಶಾಂತ, ಶಾಂತಿಯುತ ಮತ್ತು ಸಂತೋಷ, ಧನಾತ್ಮಕ ಮತ್ತು ನ್ಯೂಯಾರ್ಕ್ ನಗರದ ಎಲ್ಲಾ ಕಾನೂನುಗಳಿಗೆ ಬದ್ಧರಾಗಿರಲು ನಾನು ಒತ್ತಾಯಿಸುತ್ತೇನೆ. ನಾವು ದೊಡ್ಡ ಮೆರವಣಿಗೆಯನ್ನು ನಡೆಸೋಣ ಮತ್ತು ನಮ್ಮ ಸಮುದಾಯ, ಯುಎಸ್ ತಾಯ್ನಾಡು ಮತ್ತು ತಾಯಿನಾಡು ಭಾರತವನ್ನು ಹೆಮ್ಮೆಪಡುವಂತೆ ಮಾಡೋಣ, ”ಎಂದು ವೈದ್ಯ ಹೇಳಿದ್ದಾರೆ.
ಇದನ್ನೂ ಓದಿ: ಲಂಡನ್: ಹೋಟೆಲ್ನಲ್ಲಿ ಏರ್ ಇಂಡಿಯಾ ಮಹಿಳಾ ಸಿಬ್ಬಂದಿ ಮೇಲೆ ಹಲ್ಲೆ, ಲೈಂಗಿಕ ಕಿರುಕುಳ
ಭಾರತದ ಸ್ವಾತಂತ್ರ್ಯದ ಆಚರಣೆಯನ್ನು ಗುರುತಿಸಲು ನ್ಯೂಯಾರ್ಕ್ ನಲ್ಲಿ ಯಲ್ಲಿ ಇಂಡಿಯಾ ಡೇ ಮೆರವಣಿಗೆಯು ನಾಲ್ಕು ದಶಕಗಳಿಂದ ಪ್ರತಿ ವರ್ಷವೂ ನಡೆಯುತ್ತಿದೆ. ನ್ಯೂಯಾರ್ಕ್ ನಲ್ಲಿ ನಾಲ್ಕು ದಶಕಗಳ-ಹಳೆಯ ವಾರ್ಷಿಕ ಆಚರಣೆಯು ನ್ಯೂಯಾರ್ಕ್‌ನ ಜನನಿಬಿಡ ಬೀದಿಗಳಲ್ಲಿ 42 ನೇ ವಾರ್ಷಿಕ ಇಂಡಿಯಾ ಡೇ ಮೆರವಣಿಗೆಯನ್ನು ಆಚರಿಸುತ್ತದೆ.
ಮತ್ತಷ್ಟು ವಿದೇಶ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 2:29 pm, Mon, 19 August 24
