ಒಮೆಗಾ ಕ್ಯಾಬ್ಸ್ ವತಿಯಿಂದ ಚಾಲಕರಿಗೆ ಉಚಿತ ತರಬೇತಿ ಕಾರ್ಯಾಗಾರ ಹಾಗೂ ಚಾಲಕರ ಮಕ್ಕಳಿಗೆ ವಿದ್ಯಾರ್ಥಿವೇತನ ವಿತರಣೆ

ಸುರಕ್ಷತಾ ದೃಷ್ಟಿಯಿಂದ ವಾಹನ ಚಾಲನೆ ಸಮಯದಲ್ಲಿ ಸಂಚಾರಿ ನಿಯಮ ಪಾಲಿಸುವುದು ಮತ್ತು ಮುಂಜಾಗೃತಾ ಕ್ರಮಗಳನ್ನು ತೆಗೆದುಕೊಂಡು ಎಚ್ಚರವಹಿಸುವುದರ ಬಗ್ಗೆ ಸವಿವರವಾದ ಕಾರ್ಯಾಗಾರ ಬೆಂಗಳೂರಿನ ಹಲಸೂರಿನಲ್ಲಿ ನಡೆಸಲಾಯಿತು. ಕಾರ್ಪೋರೇಟ್ ಸಂಸ್ಥೆಗಳಿಗೆ ಕ್ಯಾಬ್ ಸೇವೆ ಒದಗಿಸುತ್ತಿರುವ ಒಮೆಗಾ ಕ್ಯಾಬ್ಸ್ ಸಂಸ್ಥೆ (omega cabs) ಸಹಯೋಗದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ನುರಿತ, ವೃತ್ತಿಪರ ತರಬೇತುದಾರರಿಂದ ಕ್ಯಾಬ್ ಚಾಲಕರಿಗೆ ತರಬೇತಿ ನೀಡಿ ಚಾಲಕರ ಜೊತೆ ಸಂವಾದ, ಚರ್ಚೆಯನ್ನು ನಡೆಸಲಾಯಿತು. ಕ್ಯಾಬ್ ಚಾಲಕರಿಗೆ ಶಿಸ್ತು, ಸಂಯಮ, ಸ್ವಚ್ಛತೆ, ಸಮಯಪಾಲನೆ, ವೃತ್ತಿಪರತೆಯ ಬಗ್ಗೆ ನಿದರ್ಶನ ಸಹಿತವಾಗಿ ವಿವರಿಸಲಾಯಿತು.

ವೃತ್ತಿಪರ ಚಾಲಕರ ಕರ್ತವ್ಯಗಳು, ಜವಾಬ್ದಾರಿಗಳು, ನಡುವಳಿಕೆ, ಶುಚಿತ್ವ, ಶುಭ್ರತೆ, ವಿನಮ್ರತೆ, ಸುರಕ್ಷತಾ ಚಾಲನೆ, ರಸ್ತೆ ನಿಯಮ ಪಾಲನೆ, ವೇಗಮಿತಿ, ಮುoಜಾಗ್ರತೆ ಕ್ರಮಗಳು, ವಾಹನದ ನಿರ್ವಹಣೆ, ವಾಹನದ ದಾಖಲೆಗಳು ಇನ್ನಿತರ ಹತ್ತು ಹಲವು ವಿಚಾರಗಳನ್ನೊಳಗೊoಡ ತರಬೇತಿ ಕಾರ್ಯಕ್ರಮಕ್ಕೆ ಚಾಲಕರಿoದ ಉತ್ತಮ ಸ್ಪಂದನೆ ದೊರೆಯಿತು.

ತರಬೇತಿ ಕಾರ್ಯಾಗಾರದ ನಂತರ 2023 ಸಾಲಿನ ಎಸ್​​ಎಸ್ಎಲ್​​​ಸಿ ಮತ್ತು ಪಿಯುಸಿ ಪರೀಕ್ಷೆಯಲ್ಲಿ ಶೇ.80 ಕ್ಕೂ ಹೆಚ್ಚಿನ ಅಂಕ ಪಡೆದ ಆಯ್ದ ಕ್ಯಾಬ್ ಚಾಲಕರ ಪ್ರತಿಭಾವಂತ ಮಕ್ಕಳಿಗೆ ವಿದ್ಯಾರ್ಥಿವೇತನ ನೀಡಲಾಯಿತು. ವಿದ್ಯಾರ್ಥಿವೇತನ ಪಡೆದವರಲ್ಲಿ ಪಿಯುಸಿ, ಡಿಗ್ರಿ, ಇoಜಿನಿಯರಿಂಗ್, ಮೆಡಿಕಲ್ (ಎಮ್.ಬಿ.ಬಿ.ಎಸ್ ) ಓದುತ್ತಿರುವ ವಿದ್ಯಾರ್ಥಿಗಳಿದ್ದಾರೆ.  ಕಾರ್ಪೋರೇಟ್ ಸoಸ್ಥೆಗಳಿಗೆ ಕ್ಯಾಬ್ ಸೇವೆ ಒದಗಿಸುತ್ತಿರುವ ಒಮೆಗಾ ಕ್ಯಾಬ್ಸ್ ಸಂಸ್ಥೆ ಉತ್ತಮ ಅಂಕ ಪಡೆದ ಚಾಲಕರ ಮಕ್ಕಳನ್ನು ಗುರುತಿಸುವ, ಉತ್ತೇಜಿಸುವ ಆಯ್ದ ವಿದ್ಯಾರ್ಥಿಗಳ ಉನ್ನತ ಶಿಕ್ಷಣಕ್ಕೆ ನೆರವಾಗುವ ಸದುದ್ದೇಶದಿoದ ಸ್ವತಂತ್ರವಾಗಿ ಸ್ವಯಂಪ್ರೇರಿತವಾಗಿ ಈ ಯೋಜನೆಯನ್ನು ಹಮ್ಮಿಕೊಂಡಿದೆ.

ಇದನ್ನೂ ಓದಿ: ರಾಮ್​ರಾಜ್ ಕಾಟನ್​ಗೆ ಹೊಸ ಪರಿಚಯ ರಿಷಬ್ ಶೆಟ್ಟಿ

ಈ ವಿದ್ಯಾರ್ಥಿವೇತನ ವಿತರಣಾ ಕಾರ್ಯಕ್ರಮದಲ್ಲಿ ಬೆಂಗಳೂರಿನಲ್ಲಿ ಯೆಲ್ಲೊ ಬೋರ್ಡ್ ಕ್ಯಾಬ್ ಚಾಲನೆ ಮಾಡುತ್ತಿರುವ ಚಾಲಕರ ಮಕ್ಕಳು ಸೌಲಭ್ಯದ ಪ್ರಯೋಜನ ಪಡೆದರು. ನಿರಂಜನ್ ಅವರು ತರಬೇತಿ ಸಮಯದಲ್ಲಿ ಸಲಹೆ ಸೂಚನೆಗಳನ್ನು ನೀಡಿದರು. ಕಾರ್ಯಕ್ರಮದಲ್ಲಿ ಕ್ಯಾಬ್ ಚಾಲಕರು, ವಿದ್ಯಾರ್ಥಿವೇತನ ಫಲಾನುಭವಿಗಳು, ಅನುಭವಿ ತರಬೇತುದಾರರು, ಒಮೆಗಾ ಕ್ಯಾಬ್ಸ್ ಸಂಸ್ಥೆಯ ಸಿಬ್ಬಂದಿಗಳು ಹಾಜರಿದ್ದರು.

Published On - 12:14 pm, Sat, 10 February 24