ಈ ದಾಖಲೆಗಳಿದ್ರೆ ನಿಮ್ಮ ಮಗುವಿನ ಪ್ಯಾನ್ ಕಾರ್ಡ್ ಮಾಡುವುದು ಸುಲಭ
ಮಕ್ಕಳ ಹೆಸರಿನಲ್ಲಿ ಪ್ಯಾನ್ ಕಾರ್ಡ್ ಮಾಡಿಸಬಹುದು. ಇದು ಮಕ್ಕಳ ಹೆಸರಿನಲ್ಲಿ ಬ್ಯಾಂಕ್ ಖಾತೆ ತೆರೆಯಲು, ಷೇರುಗಳು ಅಥವಾ ಮ್ಯೂಚುವಲ್ ಫಂಡ್‌ಗಳಲ್ಲಿ ಹೂಡಿಕೆ ಮಾಡಲು ಈ ದಾಖಲೆ ಉಪಯುಕ್ತವಾಗಿದೆ. ಆದರೆ ಈ ಅಪ್ರಾಪ್ತ ವಯಸ್ಕರ ಪ್ಯಾನ್ ಕಾರ್ಡ್ ಗೆ ನಿಮ್ಮ ಮಗುವಿನ ಆಧಾರ್ ಕಾರ್ಡ್, ಜನನ ಪ್ರಮಾಣ ಪತ್ರದ ಜತೆಗೆ ಪೋಷಕರ ದಾಖಲೆಗಳು ಅಗತ್ಯ. ಈ ಕುರಿತಾದ ಸ್ಟೋರಿ ಇಲ್ಲಿದೆ.
Updated on:Nov 03, 2026 | 7:30 PM
ಮುಖ್ಯಾಂಶಗಳು
- ಭಾರತದ ಆದಾಯ ತೆರಿಗೆ ಇಲಾಖೆ ನೀಡುವ ಅಗತ್ಯ ಗುರುತಿನ ದಾಖಲೆ ಈ ಪ್ಯಾನ್ ಕಾರ್ಡ್
- ಹಣಕಾಸಿನ ವಹಿವಾಟು, ತೆರಿಗೆ ಪಾವತಿ ಮತ್ತು ಬ್ಯಾಂಕ್ ಖಾತೆ ತೆರೆಯಲು ಈ ದಾಖಲೆ ಅಗತ್ಯ
- ಮಕ್ಕಳಿಗೂ ಮೈನರ್ ಪ್ಯಾನ್ ಕಾರ್ಡ್ ಮಾಡಿಸಬಹುದು
ಅಗತ್ಯ ದಾಖಲೆಯಾದ ಈ ಪ್ಯಾನ್ ಕಾರ್ಡ್‌ನ್ನು (pan card) 18 ವರ್ಷ ಮೇಲ್ಪಟ್ಟವರಿಗೆ ಮಾತ್ರ ಮಾಡಿಸಬಹುದು ಎಂದು ಕೆಲವರು ತಿಳಿದುಕೊಂಡಿದ್ದಾರೆ. ಆದರೆ ಮಕ್ಕಳ ಹೆಸರಿನಲ್ಲಿ ಪ್ಯಾನ್ ಕಾರ್ಡ್ ಮಾಡಬಹುದಾಗಿದೆ. ಈ ದಾಖಲೆಯಿದ್ದರೆ ಮಕ್ಕಳ ಹೆಸರಿನಲ್ಲಿ ಬ್ಯಾಂಕ್ ಖಾತೆ ತೆರೆಯುವುದು ಅಥವಾ ಹೂಡಿಕೆ ಮಾಡಲು ಸುಲಭವಾಗುತ್ತದೆ. ಆದರೆ ಇದರಲ್ಲಿ ಮಗುವಿನ ಫೋಟೋ ಹಾಗೂ ಸಹಿ ಇರುವುದಿಲ್ಲ. ಇದು ಮೈನರ್ ಪ್ಯಾನ್ ಕಾರ್ಡ್ ಆಗಿದ್ದು, 18 ವರ್ಷ ತುಂಬಿದ ಬಳಿಕ ಈ ದಾಖಲೆಯನ್ನು ಅಪ್ಡೇಟ್ ಮಾಡಿಸಬೇಕು. ಹಾಗಾದ್ರೆ ಮೈನರ್ ಪ್ಯಾನ್ ಕಾರ್ಡ್ ಅಥವಾ ಮಕ್ಕಳ ಪ್ಯಾನ್ ಕಾರ್ಡ್ ಮಾಡಲು ಯಾವೆಲ್ಲಾ ದಾಖಲೆಗಳು ಬೇಕು? ಅರ್ಜಿ ಸಲ್ಲಿಸುವುದು ಹೇಗೆ ಎನ್ನುವ ಮಾಹಿತಿ ಇಲ್ಲಿದೆ.
ಮೈನರ್ ಪ್ಯಾನ್ ಕಾರ್ಡ್‌ಗೆ ಯಾವೆಲ್ಲಾ ದಾಖಲೆಗಳು ಬೇಕು?
- ಮಗುವಿನ ಜನನ ಪ್ರಮಾಣಪತ್ರ ಅಥವಾ ಆಧಾರ್ ಕಾರ್ಡ್
- ತಂದೆ ಅಥವಾ ತಾಯಿಯ ಆಧಾರ್ ಕಾರ್ಡ್, ವೋಟರ್ ಐಡಿ ಅಥವಾ ಪಾಸ್‌ಪೋರ್ಟ್
- ಮಗುವಿನ ಭಾವಚಿತ್ರ, ಆದರೆ ಈ ಪ್ಯಾನ್ ಕಾರ್ಡ್‌ಲ್ಲಿ ಫೋಟೋ ಇರುವುದಿಲ್ಲ
ಮಕ್ಕಳ ಪ್ಯಾನ್ ಕಾರ್ಡ್‌ಗೆ ಅರ್ಜಿ ಸಲ್ಲಿಸುವುದು ಹೇಗೆ?
ಹಂತ 1: ಎನ್ ಎಸ್ ಡಿ ಎಲ್ (NSDL) ಈ ಅಧಿಕೃತ ಪೋರ್ಟಲ್‌ಗೆ ಭೇಟಿ ನೀಡಿ.
ಹಂತ 2: ನ್ಯೂ ಪ್ಯಾನ್ ಆಯ್ಕೆ ಮಾಡಿ. ಫಾರ್ಮ್ 49ಎ ಮೇಲೆ ಕ್ಲಿಕ್ ಮಾಡಿ.
ಹಂತ 3: ಅರ್ಜಿದಾರರ ವರ್ಗದಲ್ಲಿ ಇಂಡಿವಿಜುವಲ್ (ಅಪ್ರಾಪ್ತರು) ಎಂದು ಆಯ್ಕೆಮಾಡಿ.
ಹಂತ 4: ಆ ಬಳಿಕ ಮಗುವಿನ ವಿವರಗಳು ಹಾಗೂ ಪೋಷಕರ ವಿವರಗಳನ್ನು ಸರಿಯಾಗಿ ಭರ್ತಿ ಮಾಡಿ.
ಹಂತ 5: ಮಗುವಿನ ದಾಖಲೆಗಳಾದ ಜನನ ಪ್ರಮಾಣಪತ್ರ ಅಥವಾ ಮಗುವಿನ ಆಧಾರ್ ಕಾರ್ಡ್ ಪೋಷಕರ ಆಧಾರ್ ಕಾರ್ಡ್, ಮತದಾರರ ಗುರುತಿನ ಚೀಟಿ ಅಥವಾ ಪಾಸ್‌ಪೋರ್ಟ್ ಹಾಗೂ ಮಗುವಿನ ಪಾಸ್‌ಪೋರ್ಟ್ ಅಳತೆಯ ಫೋಟೋ ಅಪ್ಲೋಡ್ ಮಾಡಿ.
ಹಂತ 6: ಕೊನೆಗೆ ಆನ್‌ಲೈನ್ ಮೂಲಕ ಅರ್ಜಿ ಶುಲ್ಕ ಪಾವತಿಸಿ.
ಹಂತ 7: ಪಾವತಿಯ ಬಳಿಕ ಆಧಾರ್ ಆಧಾರಿತ ದೃಢೀಕರಣ ಪೂರ್ಣಗೊಳಿಸಿ.
ಹಂತ 8: ಅರ್ಜಿ ಸಲ್ಲಿಕೆಯ ಬಳಿಕ ಸ್ವೀಕೃತಿ ಸಂಖ್ಯೆಯನ್ನು ಜೋಪಾನವಾಗಿ ಇಟ್ಟುಕೊಳ್ಳಿ. ಈ ಮೂಲಕ ಅಪ್ಲಿಕೇಶನ್ ಸ್ಟೇಟಸ್ ಚೆಕ್ ಮಾಡಬಹುದು.
ಇದನ್ನೂ ಓದಿ: ಅಪ್ರಾಪ್ತ ವಯಸ್ಕರು ಪ್ಯಾನ್ ಕಾರ್ಡ್ ಹೊಂದಿದ್ರೆ 18 ವರ್ಷ ತುಂಬಿದ ಕೂಡ್ಲೇ ಈ ಕೆಲ್ಸ ಮೊದ್ಲು ಮಾಡಿ
ಸಾಮಾನ್ಯವಾಗಿ ಕೇಳುವ ಪ್ರಶ್ನೆ ಮತ್ತು ಉತ್ತರ (FAQs)
ಪ್ರಶ್ನೆ: ಪ್ಯಾನ್ ಕಾರ್ಡ್ ಮುಖ್ಯ ಯಾಕೆ?
ಉತ್ತರ: ಹಣಕಾಸಿನ ವಹಿವಾಟು, ತೆರಿಗೆ ಪಾವತಿ ಮತ್ತು ಬ್ಯಾಂಕ್ ಖಾತೆ ತೆರೆಯಲು ಈ ದಾಖಲೆ ನಿಮ್ಮ ಬಳಿ ಇರಲೇಬೇಕು.
ಪ್ರಶ್ನೆ: ಮೈನರ್ ಪ್ಯಾನ್ ಕಾರ್ಡ್‌ನಲ್ಲಿ 18 ವರ್ಷ ತುಂಬಿದ ಬಳಿಕ ಈ ದಾಖಲೆ ಅಪ್ಡೇಟ್ ಮಾಡುವುದು ಮುಖ್ಯ ಯಾಕೆ?
ಉತ್ತರ: ಮೈನರ್ ಪ್ಯಾನ್ ಕಾರ್ಡ್‌ನಲ್ಲಿ ಪೋಷಕರ ವಿವರಗಳಿರುತ್ತವೆ. ಹೀಗಾಗಿ ವಯಸ್ಕರಾದ ನಿಮ್ಮ ಸ್ವಂತ ವೈಯಕ್ತಿಕ ವಿವರಗಳನ್ನು ನವೀಕರಿಸುವುದು ಕಡ್ಡಾಯವಾಗಿದೆ.
ಪ್ರಶ್ನೆ: ಮೈನರ್ ಪ್ಯಾನ್ ಕಾರ್ಡ್ ಗೆ ಯಾವೆಲ್ಲಾ ದಾಖಲೆಗಳು ಬೇಕು?
ಉತ್ತರ: ಮಗುವಿನ ಹೆಸರಿನಲ್ಲಿ ಪ್ಯಾನ್ ಕಾರ್ಡ್ ಮಾಡಿಸಲು ಮಗುವಿನ ಜನನ ಪ್ರಮಾಣಪತ್ರ ಇಲ್ಲವಾದರೆ ಆಧಾರ್ ಕಾರ್ಡ್, ತಂದೆ ತಾಯಿಯ ಆಧಾರ್ ಕಾರ್ಡ್, ವೋಟರ್ ಐಡಿ ಅಥವಾ ಪಾಸ್‌ಪೋರ್ಟ್ ಹಾಗೂ ಮಗುವಿನ ಭಾವಚಿತ್ರ ಈ ದಾಖಲೆಗಳು ಬೇಕು.
ಇನ್ನಷ್ಟು ವಾಣಿಜ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 7:29 pm, Tue, 3 November 26
