ಗೋಲ್ಡ್ ಒಡಿ, ಇದು ಒಡವೆ ಸಾಲಕ್ಕಿಂತ ಎಷ್ಟು ಭಿನ್ನ, ಎಷ್ಟು ಉಪಯುಕ್ತ? ಇಲ್ಲಿದೆ ಮಾಹಿತಿ

ಬ್ಯಾಂಕ್ ಓವರ್​ಡ್ರಾಫ್ಟ್ ಅಥವಾ ಓ.ಡಿ. ಫೆಸಿಲಿಟಿ (Overdraft facility) ಬಗ್ಗೆ ಗೊತ್ತಿರಬಹುದು. ಅಂಥದ್ದೇ ರೀತಿ ಗೋಲ್ಡ್ ಓವರ್​ಡ್ರಾಫ್ಟ್ (Gold OD) ಸಾಲದ ಸೌಲಭ್ಯ ಇದೆ. ಬಹುತೇಕ ಎಲ್ಲಾ ಬ್ಯಾಂಕುಗಳು ಮತ್ತು ಎನ್​ಬಿಎಫ್​ಸಿಗಳು ಈ ಗೋಲ್ಡ್ ಒ.ಡಿ. ಸೌಲಭ್ಯದ ಆಯ್ಕೆಯನ್ನು ಗ್ರಾಹಕರಿಗೆ ನೀಡುತ್ತವೆ. ಚಿನ್ನ ಅಥವಾ ಒಡವೆ ಮೇಲೆ ಸಾಲ ಬಹಳ ಸುಲಭವಾಗಿ ಸಿಗುತ್ತದೆ. ಇದು ಬಹಳ ಜನಪ್ರಿಯವೂ ಹೌದು. ಆದರೆ, ಗೋಲ್ಡ್ ಓವರ್​ಡ್ರಾಫ್ಟ್ ಲೋನ್ ಇದಕ್ಕಿಂತಲೂ ಹೆಚ್ಚಿನ ಉಪಯುಕ್ತತೆ ಹೊಂದಿದೆ.

ಏನಿದು ಗೋಲ್ಡ್ ಓವರ್​ಡ್ರಾಫ್ಟ್ ಫೆಸಿಲಿಟಿ?

ಬ್ಯಾಂಕ್​ನಲ್ಲಿ ಕೆಲ ಸಾಲಗಳಿಗೆ ಓವರ್​ಡ್ರಾಫ್ಟ್ ಫೆಸಿಲಿಟಿ ಕೊಡಲಾಗುತ್ತದೆ. ಅನೇಕ ಹೋಮ್​ಲೋನ್​ಗಳಿಗೆ ಈ ಆಯ್ಕೆ ಇರುತ್ತದೆ. ಅಂದರೆ, ಗ್ರಾಹಕರಿಗೆ ನಿರ್ದಿಷ್ಟ ಮೊತ್ತದಷ್ಟು ಸಾಲವನ್ನು ಮಂಜೂರು ಮಾಡಲಾಗುತ್ತದೆ. ಇದರಲ್ಲಿ ಎಷ್ಟೆಷ್ಟು ಬೇಕೋ ಅಷ್ಟಷ್ಟು ಹಣವನ್ನು ವಿವಿಧ ಸಂದರ್ಭಗಳಲ್ಲಿ ಬಳಸಬಹುದು. ಎಷ್ಟು ಬಳಸುತ್ತೀರೋ ಅಷ್ಟಕ್ಕೆ ಮಾತ್ರ ಬಡ್ಡಿ ಕಟ್ಟುತ್ತೀರಿ.

ಇದನ್ನೂ ಓದಿ: ಕಮರ್ಷಿಯಲ್ ಬ್ಯಾಂಕ್​ಗಳ ಎಫ್​ಡಿಗಿಂತಲೂ ಹೆಚ್ಚು ರಿಟರ್ನ್ಸ್ ಕೊಡುತ್ತೆ ಈ ಪೋಸ್ಟ್ ಆಫೀಸ್ ಡೆಪಾಸಿಟ್

ಗೋಲ್ಡ್ ಓವರ್​ಡ್ರಾಫ್ಟ್ ಲೋನ್ ಕೂಡ ಹೀಗೆಯೇ. ನಿಮಗೆ 10 ಲಕ್ಷ ರೂ ಸಾಲ ಮಂಜೂರು ಮಾಡಿದರೆ, ಅದರಲ್ಲಿ ನಿಮಗೆ ಬೇಕಾದಷ್ಟನ್ನು ಮಾತ್ರ ಬಳಸಬಹುದು. ಅಷ್ಟಕ್ಕೆ ಮಾತ್ರ ಬಡ್ಡಿ ಅನ್ವಯ ಆಗುತ್ತದೆ. ಈ ತಿಂಗಳು 2 ಲಕ್ಷ ಉಪಯೋಗಿಸುತ್ತೀರಿ. ಇನ್ನೆರಡು ತಿಂಗಳು ಬಿಟ್ಟು 1 ಲಕ್ಷ ಉಪಯೋಗಿಸುತ್ತೀರಿ. ನೀವು ಈ 3 ಲಕ್ಷ ರೂಗೆ ಮಾತ್ರ ಬಡ್ಡಿ ಕಟ್ಟುತ್ತೀರಿ. ಆದರೆ, ಇನ್ನೂ 7 ಲಕ್ಷ ನಿಮ್ಮ ಲೋನ್ ಅಕೌಂಟ್​ನಲ್ಲಿ ಉಳಿದಿರುತ್ತದೆ. ಅದಕ್ಕೆ ಬಡ್ಡಿ ಕಟ್ಟುವ ಅವಶ್ಯಕತೆ ಇರುವುದಿಲ್ಲ.

ಮನೆ ಕಟ್ಟಿಸುತ್ತಿರುವವರಿಗೆ ಅಥವಾ ಅನಿಶ್ಚಿತ ಖರ್ಚು ವೆಚ್ಚಗಳ ಸಂದರ್ಭದಲ್ಲಿ ಇರುವವರಿಗೆ ಈ ಓವರ್​ಡ್ರಾಫ್ಟ್ ಫೆಸಿಲಿಟಿ ಬಹಳ ಉಪಯೋಗ ಆಗುತ್ತದೆ.

ಇದನ್ನೂ ಓದಿ: April 2026 Rules Changes: ಡಿಜಿಟಲ್ ಪಾವತಿ, ಪ್ಯಾನ್ ಇತ್ಯಾದಿ ನಿಯಮಗಳಲ್ಲಿ ಬದಲಾವಣೆ; ಆರ್‌ಬಿಐಯಿಂದ ಹೊಸ ಗೈಡ್‌ಲೈನ್ಸ್ ತಿಳಿದಿರಿ

ಇದಕ್ಕೆ ಪ್ರತಿಯಾಗಿ ಗೋಲ್ಡ್ ಲೋನ್​ನಲ್ಲಿ ನಿಮಗೆ ಒಮ್ಮೆಗೇ ಎಲ್ಲಾ ಲೋನ್ ಮೊತ್ತವನ್ನು ರಿಲೀಸ್ ಮಾಡಲಾಗುತ್ತದೆ. ಅಷ್ಟಕ್ಕೂ ತತ್​ಕ್ಷಣದಿಂದಲೇ ಬಡ್ಡಿ ಅನ್ವಯ ಆಗತೊಡಗುತ್ತದೆ. ಒಮ್ಮೆಗೇ ಎಲ್ಲಾ ಹಣ ವ್ಯಯಿಸಬೇಕಿದ್ದಲ್ಲಿ ಈ ಸಾಲ ಸರಿ. ವಿವಿಧ ಕಾಲದವರೆಗೆ ವೆಚ್ಚಗಳು ಇರುತ್ತವೆ ಎಂದಾದಲ್ಲಿ ಓವರ್​​ಡ್ರಾಫ್ಟ್ ಫೆಸಿಲಿಟಿ ಉಪಯುಕ್ತ.

ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ