Tata steel: ಟಾಟಾ ಸ್ಟೀಲ್​ ನಾಲ್ಕನೇ ತ್ರೈಮಾಸಿಕದ ನಿವ್ವಳ ಲಾಭ 6,593.5 ಕೋಟಿ ರೂ.; 25 ರೂ. ಡಿವಿಡೆಂಡ್ ಘೋಷಣೆ

Tata Steel: ಟಾಟಾ ಸ್ಟೀಲ್ ಕಂಪೆನಿಯು 2020-21ನೇ ಹಣಕಾಸು ವರ್ಷದ ನಾಲ್ಕನೇ ತ್ರೈಮಾಸಿಕದ ಫಲಿತಾಂಶವನ್ನು ಪ್ರಕಟಿಸಿದೆ. ಅಂತಿಮ ಲಾಭಾಂಶವಾಗಿ ಪ್ರತಿ ಷೇರಿಗೆ 25 ರೂಪಾಯಿ ಘೋಷಿಸಲಾಗಿದೆ.

Tata steel: ಟಾಟಾ ಸ್ಟೀಲ್​ ನಾಲ್ಕನೇ ತ್ರೈಮಾಸಿಕದ ನಿವ್ವಳ ಲಾಭ 6,593.5 ಕೋಟಿ ರೂ.; 25 ರೂ. ಡಿವಿಡೆಂಡ್ ಘೋಷಣೆ
ಪ್ರಾತಿನಿಧಿಕ ಚಿತ್ರ


ಟಾಟಾ ಸ್ಟೀಲ್​ನಿಂದ ಮಾರ್ಚ್​ 31, 2021ರ ಕೊನೆಯ ತ್ರೈಮಾಸಿಕದ ಫಲಿತಾಂಶ ಪ್ರಕಟಿಸಲಾಗಿದ್ದು, 6,593.5 ಕೋಟಿ ರೂಪಾಯಿ ನಿವ್ವಳ ಲಾಭ ವರದಿ ಮಾಡಲಾಗಿದೆ. ವರ್ಷದ ಹಿಂದಿನ ಇದೇ ಅವಧಿಯಲ್ಲಿ ಕಂಪೆನಿಯು 436.8 ಕೋಟಿ ರೂಪಾಯಿ ನಿವ್ವಳ ನಷ್ಟ ದಾಖಲಿಸಿತ್ತು. ಕಂಪೆನಿ ಮಂಡಳಿಯಿಂದ ಹಣಕಾಸು ವರ್ಷ ಮಾರ್ಚ್ 2021ರ ಕೊನೆಗೆ ಅಂತಿಮ ಲಾಭಾಂಶ (ಡಿವಿಡೆಂಡ್) ಪ್ರತಿ ಷೇರಿಗೆ 25 ರೂಪಾಯಿ ಘೋಷಣೆ ಮಾಡಲಾಗಿದೆ. ಕಂಪೆನಿ ತಿಳಿಸಿರುವ ಪ್ರಕಾರ, ವರ್ಷದಿಂದ ವರ್ಷಕ್ಕೆ ಉಕ್ಕಿನ (ಸ್ಟೀಲ್) ಡೆಲಿವರಿ ಶೇ 16ರಷ್ಟು ಬೆಳವಣಿಗೆ ದಾಖಲಿಸಿ, 4.67 ಮಿಲಿಯನ್ ಟನ್​ಗಳನನ್ನು ತಲುಪಿದೆ. ಹಣಕಾಸು ವರ್ಷ 2021ರಲ್ಲಿ ಕೊರೊನಾ ಬಿಕ್ಕಟ್ಟಿನ ಹೊರತಾಗಿಯೂ ಸ್ಟೀಲ್ ಡೆಲಿವರಿ 17.31 ಟನ್​ಗೆ ಹೆಚ್ಚಳವಾಗಿದೆ.

ಟಾಟಾ ಸ್ಟೀಲ್ ತಿಳಿಸಿರುವ ಪ್ರಕಾರ ಈವರೆಗಿನ EBITDA ಗಳಿಕೆ ವಿಚಾರಲ್ಲಿ ಒಂದೇ ತ್ರೈಮಾಸಿಕದಲ್ಲಿ ಬಂದ ಅತಿ ದೊಡ್ಡ ಮೊತ್ತ ಇದಾಗಿದೆ. ಅಲ್ಲಿಗೆ ರೂ. 12,295 ಕೋಟಿ ಮುಟ್ಟಿದ್ದು, ತ್ರೈಮಾಸಿಕದಿಂದ ತ್ರೈಮಾಸಿಕಕ್ಕೆ ಶೇ 40ರಷ್ಟು ಮತ್ತು ವರ್ಷದಿಂದ ವರ್ಷಕ್ಕೆ FY21 ನಾಲ್ಕನೇ ತ್ರೈಮಾಸಿಕಕ್ಕೆ 2.7x ಬೆಳವಣಿಗೆ ಸಾಧಿಸಿದೆ.

ಕಂಪೆನಿಯ ಮಾರ್ಚ್ ತ್ರೈಮಾಸಿಕದ ಕನ್ಸಾಲಿಡೇಟೆಡ್ ಒಟ್ಟಾರೆ ಆದಾಯವು ಕಾರ್ಯಾಚರಣೆಯಿಂದ 49,977 ಕೋಟಿ ರೂಪಾಯಿ ಬಂದಿದೆ. ವರ್ಷದ ಹಿಂದೆ 36,009 ಕೋಟಿ ರೂಪಾಯಿ ಬಂದಿತ್ತು. ಪ್ರಸಕ್ತ ತ್ರೈಮಾಸಿಕದಲ್ಲಿ ನಿವ್ವಳ ಮಾರಾಟವು ಶೇ 49ರಷ್ಟು ಹೆಚ್ಚಾಗಿ 21,202.6 ಕೋಟಿ ತಲುಪಿದೆ. ವರ್ಷದಿಂದ ವರ್ಷಕ್ಕೆ ಬೇಡಿಕೆ ಮತ್ತು ದರ ಏರಿಕೆಯಿಂದ ಈ ಬೆಳವಣಿಗೆ ಆಗಿದೆ.

ಇದನ್ನೂ ಓದಿ: Tata Group Founders Day: ಹೂಡಿಕೆದಾರರಿಗೆ ಅದ್ಭುತ ಲಾಭ ಮೊಗೆದುಕೊಟ್ಟ ಟಾಟಾ ಸಮೂಹ ಕಂಪೆನಿಗಳು

(Tata Steel company FY21 Q4 results announced with net profit of 6593.5 crore rupees. Dividend of Rs 25 per share declared)