ಮೈನಸ್ 1.36 ಪ್ರತಿಶತದಲ್ಲಿ ಜುಲೈ ತಿಂಗಳ ಸಗಟು ಹಣದುಬ್ಬರ; ಸತತ 4ನೇ ತಿಂಗಳು ಮೈನಸ್​ನಲ್ಲಿ ಡಬ್ಲ್ಯುಪಿಐ ಇನ್​ಫ್ಲೇಶನ್

ನವದೆಹಲಿ, ಆಗಸ್ಟ್ 14: ಸಗಟು ಮಾರಾಟ ಆಧಾರಿತವಾದ ಹಣದುಬ್ಬರ (WPI Inflation) ಸತತ ನಾಲ್ಕನೇ ತಿಂಗಳೂ ಶೂನ್ಯಕ್ಕಿಂತ ಕೆಳಗೆ ಇಳಿದಿದೆ. ಜುಲೈ ತಿಂಗಳ ಡಬ್ಲ್ಯುಪಿಐ ಹಣದುಬ್ಬರ ಮೈನಸ್ ಶೇ 1.46ರಷ್ಟು ಇದೆ. ಅಂದರೆ ಹೋಲ್​ಸೇಲ್ ದರಗಳು ಸತತ ಕುಸಿತ ಕಂಡಿವೆ. ಏಪ್ರಿಲ್ ತಿಂಗಳಿಂದ ಡಬ್ಲ್ಯುಪಿಐ ಹಣದುಬ್ಬರವು ನೆಗಟಿವ್ ಶ್ರೇಣಿಯಲ್ಲಿಯೇ ಇರುವುದು ಗಮನಾರ್ಹ. ಜೂನ್ ತಿಂಗಳಲ್ಲಿ ಈ ಹಣದುಬ್ಬರ ಮೈನಸ್ ಶೇ. 4.12ರಷ್ಟಿತ್ತು. ಆಹಾರವಸ್ತುಗಳು ದುಬಾರಿಯಾದರೂ ಇಂಧನದ ಬೆಲೆಗಳು ಕಡಿಮೆಗೊಂಡ ಕಾರಣ ಜುಲೈ ತಿಂಗಳಲ್ಲಿ ಸಗಟು ದರ ಸೂಚ್ಯಂಕ ಇಳಿಕೆಯಾಗಿರುವುದು ಕಂಡುಬಂದಿದೆ. ಅಲ್ಲದೇ ಖನಿಜ ತೈಲಗಳು, ಮೂಲ ಲೋಹಗಳು, ರಾಸಾಯನಿಕ ಪದಾರ್ಥಗಳು ಮತ್ತು ಜವಳಿ ವಸ್ತುಗಳ ಬೆಲೆ ಇಳಿಕೆಯಾಗಿವೆ ಎಂದು ಕೇಂದ್ರ ವಾಣಿಜ್ಯ ಮತ್ತು ಉದ್ಯಮ ಸಚಿವರು ಮಾಹಿತಿ ನೀಡಿದ್ದಾರೆ.

ಇಂಧನ ಮತ್ತು ವಿದ್ಯುತ್ ವರ್ಗದ ಹಣದುಬ್ಬರ ಮೈನಸ್ ಶೇ. 12.79ಕ್ಕೆ ಇಳಿದಿದೆ. ತಯಾರಿಕಾ ಕ್ಷೇತ್ರದಲ್ಲಿ ಹಣದುಬ್ಬರ ಮೈನಸ್ ಶೇ. 2.51ಕ್ಕೆ ಹೋಗಿದೆ.

ಡಬ್ಲ್ಯುಪಿಐ ಆಧಾರಿತ ಹಣದುಬ್ಬರ ಏನನ್ನು ಸೂಚಿಸುತ್ತದೆ?

ನಿರ್ದಿಷ್ಟ ಸರಕು ಮತ್ತು ಸೇವೆಗಳ ಹೋಲ್​ಸೇಲ್ ಬೆಲೆಯಲ್ಲಿನ ವ್ಯತ್ಯಾಸವನ್ನು ಡಬ್ಲ್ಯುಪಿಐ ಹಣದುಬ್ಬರದ ಮೂಲಕ ಗುರುತಿಸಲಾಗುತ್ತದೆ. ಹೋಲ್​ಸೇಲ್ ಬೆಲೆ ಎಂದರೆ ಉತ್ಪಾದಕರಿಂದ ಸಗಟು ಮಾರಾಟಗಾರರಿಗೆ ವಹಿವಾಟಾಗುವ ದರ. ರೀಟೇಲ್ ದರಗಳಲ್ಲಿನ ವ್ಯತ್ಯಾಸವು ರೀಟೇಲ್ ಇನ್​ಫ್ಲೇಶನ್ ಆಗಿರುತ್ತದೆ. ಎರಡೂ ಕೂಡ ಆರ್ಥಿಕತೆಯ ಒಟ್ಟಾರೆ ಆರೋಗ್ಯವನ್ನು ಸೂಚಿಸುತ್ತದೆ.

ಇದನ್ನೂ ಓದಿ: ಮೈಕ್ರೋನ್, ವೇದಾಂತ, ಫಾಕ್ಸ್​ಕಾನ್ ಎಲ್ಲವನ್ನೂ ರೇಸ್​ನಲ್ಲಿ ಹಿಂದಿಕ್ಕಿದ ಸಹಸ್ರ; ಸೆಪ್ಟಂಬರ್​ನಲ್ಲಿ ಮೊದಲ ಮೇಡ್ ಇನ್ ಇಂಡಿಯಾ ಮೆಮೊರಿ ಚಿಪ್

ಹೋಳಿ ಸಂಭ್ರಮದಲ್ಲಿ ಮಿಂದೆದ್ದ ಐಪಿಎಲ್ ಸ್ಟಾರ್​ಗಳು

ಹೋಳಿ ಬಣ್ಣದಲ್ಲಿ ಮಿಂದೆದ್ದ ನಟಿ ರಾಗಿಣಿ ದ್ವಿವೇದಿ

ಹೋಳಿ ಬಣ್ಣ ಆಡುವ ಮುನ್ನ ನಿಮ್ಮ ಮುಖದ ಕಾಂತಿ ಬಗ್ಗೆ ಎಚ್ಚರಿಕೆ ವಹಿಸಿ

ಹೋಳಿ ಆಡಿ ಕೊಳೆಯಾದ ಬಟ್ಟೆಗಳನ್ನು ಹೀಗೆ ಸ್ವಚ್ಛಗೊಳಿಸಿ

ಹೋಳಿ ಸಂಭ್ರಮಿಸುವ ಮೊದಲು ತ್ವಚೆಯ ಕಾಳಜಿ ವಹಿಸಿ

ಸಗಟು ಮಾರಾಟ ದರದ ಹಣದುಬ್ಬರವು ಏರಿಕೆಯಾದರೆ ಆರ್ಥಿಕತೆ ಬೆಳವಣಿಗೆ ಕಾಣುವ ಹಾದಿಯಲ್ಲಿದೆ ಎಂದು ಭಾವಿಸಲಾಗುತ್ತದೆ. ಅದಕ್ಕೆ ಪೂರಕವಾದ ಆರ್ಥಿಕ ನೀತಿಯನ್ನು ಸರ್ಕಾರ ಅನುಸರಿಸಬಹುದು. ಅದೇ ಈ ಹಣದುಬ್ಬರ ಕಡಿಮೆ ಆದರೆ ಅದು ನಿಧಾನಗತಿಯ ಆರ್ಥಿಕ ಬೆಳವಣಿಗೆಗೆ ಸೂಚಕವಾಗಿರುತ್ತದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ