Bengaluru Crime: ಮೊಬೈಲ್​ ಚಾರ್ಜ್​ಗೆ ಹಾಕುವ ವಿಚಾರದಲ್ಲಿ ಶುರುವಾದ ಜಗಳ ಕೊಲೆಯಲ್ಲಿ ಅಂತ್ಯ

ಬೆಂಗಳೂರು: ಮೊಬೈಲ್​ ಚಾರ್ಜ್​ಗೆ ಹಾಕುವ ವಿಚಾರದಲ್ಲಿ ಶುರುವಾದ ಜಗಳ, ಕೊಲೆಯ ಮೂಲಕ ಅಂತ್ಯವಾದ ಘಟನೆ ಬೆಂಗಳೂರಿನ ರಾಜಾಜಿನಗರದ ಕಟ್ಟಡವೊಂದರಲ್ಲಿ ನಡೆದಿದೆ. ಕುಡಿದ ಅಮಲಿನಲ್ಲಿ ಶುರುವಾದ ಜಗಳ ಕೊಲೆಯಲ್ಲಿ ಅಂತ್ಯವಾಗಿದೆ. ಮಧ್ಯಪ್ರದೇಶ ಮೂಲದ ಅನಿಲ್ ಖುಷ್ವಾ ಎಂಬವರು ಹತ್ಯೆಯಾದವರಾಗಿದ್ದಾರೆ. ಅನಿಲ್ ಖುಷ್ವಾ ಕೊಂದ ಆರೋಪಿ ಆಕಾಶ್​ ಖುಷ್ವಾ ಬಂಧನವಾಗಿದೆ.

ಅನಿಲ್, ಆಕಾಶ್​ ಖುಷ್ವಾ ಒಂದೇ ಕಟ್ಟಡದಲ್ಲಿ ವಾಸವಿದ್ದರು. ಜುಲೈ 28ರಂದು ಮದ್ಯ ಸೇವಿಸಿ ಬಂದಿದ್ದ ಕಾರ್ಮಿಕರು, ಕೆಲಸ ಮಾಡ್ತಿದ್ದ ಕಟ್ಟಡದಲ್ಲೇ ಉಳಿದುಕೊಂಡಿದ್ದರು. ಅವರ ನಡುವೆ ಮೊಬೈಲ್ ಚಾರ್ಜಿಂಗ್​ಗೆ ಹಾಕುವ ವಿಚಾರಕ್ಕೆ ಜಗಳ ಆರಂಭವಾಗಿದೆ. ಅನಿಲ್ ಮೊದಲು ಆಕಾಶ್​ಗೆ ಹೊಡೆದು ಗಾಯಗೊಳಿಸಿದ್ದ. ಸಿಟ್ಟಿಗೆದ್ದ ಆಕಾಶ್​ ದೊಣ್ಣೆಯಿಂದ ಅನಿಲ್​ಗೆ ತಲೆಗೆ ಹೊಡೆದಿದ್ದ.

ಬಳಿಕ, ಪ್ರಜ್ಞೆತಪ್ಪಿಬಿದ್ದ ಅನಿಲ್ ಖುಷ್ವಾನನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಅಲ್ಲಿ ಚಿಕಿತ್ಸೆ ಫಲಿಸದೆ ಕಾರ್ಮಿಕ ಅನಿಲ್ ಖುಷ್ವಾ ಮೃತಪಟ್ಟಿದ್ದಾರೆ. ರಾಜಾಜಿನಗರ ಠಾಣೆ ಪೊಲೀಸರಿಂದ ಆಕಾಶ್ ಖುಷ್ವಾ ಬಂಧನವಾಗಿದೆ.

ಇದನ್ನೂ ಓದಿ: ಪ್ರೀತಿ ಮಾಡುವಂತೆ ಬಾಲಕಿ ಹಿಂದೆ ಬಿದ್ದಿದ್ದ; ಮನೆಗೆ ಹೋಗುತ್ತಿದ್ದಾಗ ಹಿಂಬಾಲಿಸಿ ಕೊಚ್ಚಿ ಕೊಲೆ ಮಾಡಿದ

ವಿದ್ಯಾರ್ಥಿ ಯಲ್ಲಾಲಿಂಗ ಕೊಲೆ ಪ್ರಕರಣ; ಪ್ರಕರಣದಲ್ಲಿ ನಾವು ಭಾಗಿಯಾದ್ದರೆ ನಮ್ಮ ಕುಟುಂಬವೇ ನಾಶವಾಗಲಿ ಎಂದು ಬರೆದುಕೊಂಡ ಹನುಮೇಶ್ ನಾಯಕ್‌ ಕುಟುಂಬ

(Bengaluru Crime Murder Case clash between two for Charging mobile phone)

Published On - 5:10 pm, Tue, 3 August 21