ಶಾರುಖ್-ಅಮಿತಾಭ್ ಅಲ್ಲ; ಬಾಲಿವುಡ್​ನ ಈ ದಂಪತಿಗಳು ಅತ್ಯಂತ ದುಬಾರಿ ಮನೆಯ ಒಡೆಯರು

ಬಾಲಿವುಡ್‌ನಲ್ಲಿ ಕಿಂಗ್ ಖಾನ್ ಶಾರುಖ್ ಅವರ ‘ಮನ್ನತ್’ ಬಂಗಲೆ ಮತ್ತು ಬಿಗ್ ಬಿ ಅಮಿತಾಭ್ ಬಚ್ಚನ್ ಅವರ ‘ಜಲ್ಸಾ’ ಬಂಗಲೆ ಯಾವಾಗಲೂ ಸುದ್ದಿಯಲ್ಲಿರುತ್ತವೆ. ಆದರೆ ಈಗ ಈ ಇಬ್ಬರು ದೈತ್ಯರನ್ನು ಬಿಟ್ಟು ಬಾಲಿವುಡ್ (Bollywood) ತಾರಾ ದಂಪತಿಗಳು ತಮ್ಮ ಹೆಸರಿನಲ್ಲಿ ಅತ್ಯಂತ ದುಬಾರಿ ಮನೆಯನ್ನು ಖರೀದಿಸಿದ್ದಾರೆ. ವಿಶೇಷವೆಂದರೆ ಈ ಐಷಾರಾಮಿ ಬಂಗಲೆಯು ಅವರ ಎರಡು ವರ್ಷದ ಮಗಳ ಹೆಸರಿನಲ್ಲಿ ನೋಂದಾಯಿಸಲ್ಪಡಲಿದೆ. ಆ ಬಗ್ಗೆ ಇಲ್ಲಿದೆ ವಿವರ.

ನಾವು ರಣಬೀರ್ ಕಪೂರ್ ಮತ್ತು ಆಲಿಯಾ ಭಟ್ ಅವರ ಮನೆಯ ಬಗ್ಗೆ ಮಾತನಾಡುತ್ತಿದ್ದೇವೆ. ಮುಂಬೈನ ಪಾಲಿ ಹಿಲ್‌ ಪ್ರದೇಶದಲ್ಲಿ ಒಂದು ಭವ್ಯವಾದ ಬಂಗಲೆಯನ್ನು ನಿರ್ಮಿಸಲಾಗಿದೆ. ಈ ಬಂಗಲೆಗೆ ಕೃಷ್ಣ ರಾಜ್ ಬಂಗಲೆ ಎಂದು ಹೆಸರಿಸಲಾಗಿದೆ. ರಣಬೀರ್ ಅವರ ಅಜ್ಜಿ ಕೃಷ್ಣ ರಾಜ್ ಕಪೂರ್ ಅವರ ನೆನಪಿಗಾಗಿ ಈ ಬಂಗಲೆಯನ್ನು ನಿರ್ಮಿಸಲಾಗುತ್ತಿದೆ. ಈ ಮನೆ ಕಳೆದ ಕೆಲವು ವರ್ಷಗಳಿಂದ ಸುದ್ದಿಯಲ್ಲಿದೆ. ಏಕೆಂದರೆ ಇದರ ನಿರ್ಮಾಣ ಮತ್ತು ಬೆಲೆ ಬಹಳ ವಿಶೇಷವಾಗಿದೆ. ಈಗ ಈ ಮನೆ ಬಹುತೇಕ ಸಿದ್ಧವಾಗಿದೆ. ಇದು ಮುಂಬೈನ ಅತ್ಯಂತ ದುಬಾರಿ ಸೆಲೆಬ್ರಿಟಿ ಹೋಂ ಸ್ಟೇ ಆಗಿದೆ.

ಮಾಧ್ಯಮ ವರದಿಗಳ ಪ್ರಕಾರ, ಈ ಬಂಗಲೆಯ ಬೆಲೆ ಸುಮಾರು 250 ಕೋಟಿ ರೂ. ಎಂದು ಹೇಳಲಾಗುತ್ತಿದೆ. ಇದಷ್ಟೇ ಅಲ್ಲ, ಈ ಆಸ್ತಿಯನ್ನು ರಣಬೀರ್-ಆಲಿಯಾ ದಂಪತಿ ತಮ್ಮ ಪ್ರೀತಿಯ ಮಗಳು ರಾಹಾ ಕಪೂರ್ ಹೆಸರಿನಲ್ಲಿ ನೋಂದಾಯಿಸಲಿದ್ದಾರೆ. ವರದಿಗಳ ಪ್ರಕಾರ, ಈ ಮನೆಯನ್ನು ದಂಪತಿಗಳು ತಮ್ಮ ಮಗಳಿಗೆ ಪರಂಪರೆಯ ಉಡುಗೊರೆಯಾಗಿ ಸಿದ್ಧಪಡಿಸುತ್ತಿದ್ದಾರೆ.

ಇದನ್ನೂ ಓದಿ

ಸಲ್ಮಾನ್ ಖಾನ್​ ವೃತ್ತಿ ಜೀವನದ ಅತಿ ಕೆಟ್ಟ ಚಿತ್ರಗಳಿವು..

ದಾಖಲೆ ಬೆಲೆಗೆ ‘ಘಾಟಿ’ ಚಿತ್ರದ ಹಕ್ಕು ಮಾರಾಟ

‘ಸರಿಗಮಪ’ ಗೆಲುವಿನ ಬಳಿಕೆ ಮರೆಯದೇ ಪುನೀತ್ ಸಮಾಧಿಗೆ ಭೇಟಿ ನೀಡಿದ ಶಿವಾನಿ

ನಿಶಾ ರವಿಕೃಷ್ಣನ್​ಗೆ ತೆಲುಗು ಕಿರುತೆರೆಯಲ್ಲಿ ಎದುರಾದ ಕಷ್ಟಗಳು ಒಂದೆರಡಲ್ಲ

ಈ ಮನೆಯ ಅಡಿಪಾಯವನ್ನು ರಾಜ್ ಕಪೂರ್ ಸಮಯದಲ್ಲಿ ಹಾಕಲಾಯಿತು. ಅದಾದ ನಂತರ, ಈ ಆಸ್ತಿ  ರಿಷಿ ಕಪೂರ್ ಮತ್ತು ನೀತು ಕಪೂರ್​ಗೆ ಬಂತು. ರಣಬೀರ್ ಮತ್ತು ಆಲಿಯಾ ಅವರ ವಿವಾಹದ ನಂತರ, ಇಬ್ಬರೂ ಈ ಯೋಜನೆಯನ್ನು ಪೂರ್ಣಗೊಳಿಸಲು ನಿರ್ಧರಿಸಿದರು. ಆಧುನಿಕ ವಿನ್ಯಾಸದ ಜೊತೆ ಒಟ್ಟು ಆರು ಅಂತಸ್ತಿನ ರಚನೆಯನ್ನು ಈ ಕಟ್ಟಡ ಒಳಗೊಂಡಿದೆ.

ಇದನ್ನೂ ಓದಿ: ಆ ಮನೆ ಖರೀದಿಸುತ್ತೇನೆ: ಮನ್ನತ್ ಬಂಗಲೆ ನೋಡಿ ಪತ್ನಿಗೆ ಮೊದಲೇ ಮಾತು ಕೊಟ್ಟಿದ್ದ ಶಾರುಖ್

ಮನ್ನತ್ ಮತ್ತು ಜಲ್ಸಾ ಗಿಂತ ದುಬಾರಿಯೇ?

ಶಾರುಖ್ ಖಾನ್ ಅವರ ಮನ್ನತ್ ಬಂಗಲೆ ಸುಮಾರು 200 ಕೋಟಿ ರೂಪಾಯಿ ಮೌಲ್ಯದ್ದಾಗಿದೆ. ಅಮಿತಾಭ್​ ಬಚ್ಚನ್ ಅವರ ‘ಜಲ್ಸಾ’ ಬಂಗಲೆ ಸುಮಾರು 100 ಕೋಟಿ ರೂಪಾಯಿ ಮೌಲ್ಯದ್ದಾಗಿದೆ. ರಣಬೀರ್-ಆಲಿಯಾ ಅವರ ಹೊಸ ಬಂಗಲೆ 250 ಕೋಟಿ ರೂಪಾಯಿ ಮೌಲ್ಯದ್ದಾಗಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 8:10 am, Sat, 14 June 25