Alia Bhatt: ‘ಆರ್​ಆರ್​ಆರ್​’ ಚಿತ್ರ ನೋಡಿ ನಿರಾಸೆಗೊಂಡ ಆಲಿಯಾ ಭಟ್​ ಫ್ಯಾನ್ಸ್

Alia Bhatt: ‘ಆರ್​ಆರ್​ಆರ್​’ ಚಿತ್ರ ನೋಡಿ ನಿರಾಸೆಗೊಂಡ ಆಲಿಯಾ ಭಟ್​ ಫ್ಯಾನ್ಸ್
RRR

ರಾಮ್​ ಚರಣ್​ ಪ್ರೇಯಸಿಯಾಗಿ ಆಲಿಯಾ ಭಟ್​ ಪಾತ್ರ ಮೂಡಿ ಬಂದಿದೆ. ಸೀತಾ ಹೆಸರಿನ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಅವರು ತುಂಬಾನೇ ಕಡಿಮೆ ಅವಧಿ ತೆರೆಮೇಲೆ ಕಾಣಿಸಿಕೊಳ್ಳುತ್ತಾರೆ.

TV9kannada Web Team

| Edited By: Rajesh Duggumane

Mar 26, 2022 | 6:28 PM

‘ಆರ್​ಆರ್​ಆರ್​’ ಸಿನಿಮಾ (RRR Movie) ಘೋಷಣೆ ಆದ ದಿನದಿಂದಲೂ ಈ ಬಗ್ಗೆ ಸಾಕಷ್ಟು ನಿರೀಕ್ಷೆಗಳು ಹುಟ್ಟಿಕೊಂಡಿದ್ದವು. ಈ ನಿರೀಕ್ಷೆಯನ್ನು ತಲುಪೋಕೆ ಚಿತ್ರ ಯಶಸ್ವಿ ಆಗಿದೆ. ಸಿನಿಮಾ ಬಗ್ಗೆ ಎಲ್ಲ ಕಡೆಗಳಿಂದಲೂ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಸಿನಿಮಾದಲ್ಲಿ ಜ್ಯೂ.ಎನ್​ಟಿಆರ್ (Jr. NTR)​ ಹಾಗೂ ರಾಮ್​ ಚರಣ್ ಪಾತ್ರಗಳು ಹೈಲೈಟ್​ ಆಗಿದೆ. ಈ ಸಿನಿಮಾದಲ್ಲಿ ಆಲಿಯಾ ಭಟ್ (Alia Bhatt)​, ಅಜಯ್​ ದೇವಗನ್​ ಹಾಗೂ ಶ್ರಿಯಾ ಶರಣ್​ ಕೂಡ ನಟಿಸಿದ್ದಾರೆ. ಸಿನಿಮಾ ನೋಡಿದ ಕೆಲ ಆಲಿಯಾ ಫ್ಯಾನ್ಸ್ ನಿರಾಸೆಗೊಂಡಿದ್ದಾರೆ. ಅವರಿಗೆ ಇನ್ನೂ ಹೆಚ್ಚಿನ ಸ್ಕ್ರೀನ್​ಸ್ಪೇಸ್​ ಸಿಗಬೇಕಿತ್ತು ಎಂದು ಅಭಿಪ್ರಾಯಪಟ್ಟಿದ್ದಾರೆ.

ರಾಮ್​ ಚರಣ್​ ಪ್ರೇಯಸಿಯಾಗಿ ಆಲಿಯಾ ಭಟ್​ ಪಾತ್ರ ಮೂಡಿ ಬಂದಿದೆ. ಸೀತಾ ಹೆಸರಿನ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಅವರು ತುಂಬಾನೇ ಕಡಿಮೆ ಅವಧಿ ತೆರೆಮೇಲೆ ಕಾಣಿಸಿಕೊಳ್ಳುತ್ತಾರೆ. ಆಲಿಯಾ ಅವರು ತೆರೆಮೇಲೆ 15 ನಿಮಿಷ ಮಾತ್ರ ಕಾಣಿಸಿಕೊಳ್ಳುತ್ತಾರೆ ಎಂದು ರಾಜಮೌಳಿ ಈ ಮೊದಲೇ ಹೇಳಿದ್ದರು. ಆದರೆ, ಅದಕ್ಕೂ ಕಡಿಮೆ ಅವಧಿ ತೆರೆಮೇಲೆ ಕಾಣಿಸಿಕೊಳ್ಳುತ್ತಾರೆ ಅವರು. ಇದು ಸಹಜವಾಗಿಯೇ ಆಲಿಯಾ ಭಟ್ ಅಭಿಮಾನಿಗಳಿಗೆ ಬೇಸರ ಮೂಡಿಸಿದೆ. ಈ ಬಗ್ಗೆ ಕೆಲವರು ಅಪಸ್ವರ ತೆಗೆದಿದ್ದಾರೆ.

ರಾಮ್​ ಚರಣ್ ಲವ್​ ಇಂಟರೆಸ್ಟ್​ ಆಗಿ ಆಲಿಯಾ ಕಾಣಿಸಿಕೊಳ್ಳುತ್ತಾರೆಯಾದರೂ ಅವರ ಪಾತ್ರಕ್ಕೆ ಹೆಚ್ಚು ಪ್ರಾಮುಖ್ಯತೆ ಇಲ್ಲ. ಲವ್​ ಸ್ಟೋರಿಯೂ ಇಲ್ಲಿ ಹೈಲೈಟ್​ ಆಗುವುದಿಲ್ಲ. ಆಲಿಯಾ ಭಟ್​ ಮಾಡಿದ ಪಾತ್ರವನ್ನು ಆಲಿಯಾ ಅಲ್ಲದೆ, ಬೇರೆ ಯಾರೇ ಮಾಡಿದರೂ ಅಷ್ಟು ವ್ಯತ್ಯಾಸ ಆಗುತ್ತಿರಲಿಲ್ಲ ಎಂಬುದು ಕೆಲವರ ಅಭಿಪ್ರಾಯ.

‘ಆರ್​ಆರ್​ಆರ್​’ ಚಿತ್ರದಲ್ಲಿ ಆಲಿಯಾ ಮಾಡಿರುವುದು ಅತಿಥಿ ಪಾತ್ರದ ರೂಪದಲ್ಲಿದೆ. ಆದರೆ, ಕೊನೆಯಲ್ಲಿ ಪಾತ್ರಕ್ಕೆ ಪ್ರಮುಖ ತಿರುವು ನೀಡುವಲ್ಲಿ ಸೀತಾ ಪಾತ್ರ ಸಹಕಾರಿಯಾಗಿದೆ. ಬಾಲಿವುಡ್​ ಮಂದಿಯನ್ನು ಸೆಳೆಯುವ ಉದ್ದೇಶದಿಂದ ಆಲಿಯಾ ಅವರನ್ನು ಆಯ್ಕೆ ಮಾಡಿಕೊಳ್ಳಲಾಗಿದೆ ಎನ್ನುವ ಮಾತು ಕೇಳಿಬಂದಿದೆ.

ಇನ್ನು, ಅಜಯ್​ ದೇವಗನ್ ಕೂಡ ಕೆಲವೇ ನಿಮಿಷ ತೆರೆಮೇಲೆ ಕಾಣಿಸಿಕೊಳ್ಳುತ್ತಾರೆ. ಶ್ರಿಯಾ ಶರಣ್ ಪಾತ್ರ ಕೂಡ ಹೀಗೇಯೇ ಇದೆ. ಇಡೀ ಸಿನಿಮಾದಲ್ಲಿ ರಾಮ್​ ಚರಣ್ ಹಾಗೂ ಜ್ಯೂ.ಎನ್​ಟಿಆರ್​ ಪಾತ್ರ ಮಾತ್ರ ಹೈಲೈಟ್​ ಆಗಿದೆ. ಇವರಿಬ್ಬರ ಪಾತ್ರ ಬಿಟ್ಟು ಮತ್ತಾವುದೇ ಪಾತ್ರವೂ ಅಷ್ಟಾಗಿ ತೆರೆಮೇಲೆ ಕಾಣಿಸಿಕೊಳ್ಳುವುದಿಲ್ಲ.

ಇದನ್ನೂ ಓದಿ: RRR Movie Collection: ‘ಆರ್​ಆರ್​ಆರ್​’ ಚಿತ್ರ ಕರ್ನಾಟಕದಲ್ಲಿ ಗಳಿಸಿದ್ದೆಷ್ಟು? ಇಲ್ಲಿದೆ ಮಾಹಿತಿ

ಪ್ರಿಯಕರನ ಜತೆ ಇದ್ದಾಗಲೂ ‘ಆರ್​ಆರ್​ಆರ್​’ ಪ್ರಚಾರ ಮಾಡಿದ ನಟಿ ಆಲಿಯಾ ಭಟ್​; ವಿಡಿಯೋ ವೈರಲ್​

Follow us on

Related Stories

Most Read Stories

Click on your DTH Provider to Add TV9 Kannada