ಸಿನಿಮಾಗಳನ್ನು ಬಿಟ್ಟು ವಾಚ್‌ಮ್ಯಾನ್ ಆದ ನಟ; ಈ ಪರಿಸ್ಥಿತಿ ಯಾರಿಗೂ ಬರಬಾರದು

ಸಿನಿಮಾ ರಂಗ ನಿತ್ಯವೂ ನೂರಾರು ಮಂದಿಯನ್ನು ಆಕರ್ಷಿಸುತ್ತದೆ. ಆದರೆ, ಗೆಲುವು ಎಲ್ಲರಿಗೂ ಸಿಗೋದಿಲ್ಲ. ಅಲ್ಲಿ ಗೆಲುವು ಬೇಕು ಎಂದರೆ ನಿಜಕ್ಕೂ ಹೆಚ್ಚಿನ ತಾಳ್ಮೆ ಬೇಕು. ಆದರೂ ಗೆಲುವು ಸಿಕ್ಕೇ ಬಿಡುತ್ತದೆ ಎಂಬ ನಂಬಿಕೆ ಇಲ್ಲ. ಈ ರೀತಿ ಅವಕಾಶ ಹುಡುಕಿಕೊಂಡು ಬಂದವರ ಕಥೆ ಇದು. ಚಿತ್ರರಂಗದಲ್ಲಿ ಅವಕಾಶ ಪಡೆದುಕೊಳ್ಳಲು ಪ್ರಯತ್ನಿಸಿ, ಯಶಸ್ಸು ಸಿಗದೇ ಅವರು ಈಗ ಮುಂಬೈನ ಅಪಾರ್ಟ್‌ಮೆಂಟ್‌ನಲ್ಲಿ ಸೆಕ್ಯುರಿಟಿ ಗಾರ್ಡ್ ಆಗಿ ಕೆಲಸ ಮಾಡುತ್ತಿದ್ದಾರೆ. ಅವರೇ ಸವಿ ಸಿಧು (Savi Sidhu).

ಒಂದು ಕಾಲದಲ್ಲಿ ಅವರು ಹಲವು ಚಿತ್ರಗಳಲ್ಲಿ ನಟಿಸಿ ಒಳ್ಳೆಯ ಹೆಸರು ಗಳಿಸಿದ್ದರು ಸವಿ. ಅವರು ಸಣ್ಣ ಪಾತ್ರಗಳಲ್ಲಿ ನಟಿಸಿ ಗಮನ ಸೆಳೆದರು.  ಆದರೆ ಈಗ ಅವನು ಎಲ್ಲವನ್ನೂ ಕಳೆದುಕೊಂಡು ಆರ್ಥಿಕ ಸಂಕಷ್ಟದಲ್ಲಿದ್ದಾರೆ. ಅವರು ಸಹಾಯದ ನಿರೀಕ್ಷೆಯಲ್ಲಿ ಇದ್ದಾರೆ. ಒಂದೊಮ್ಮೆ ಚಿತ್ರರಂಗಕ್ಕೆ ಬರದೇ ಇದ್ದಿದ್ದರೆ ಬೇರೆ ಯಾವುದಾದರೂ ವೃತ್ತಿಯಲ್ಲಿ ಅವರು ತೊಡಗಿಕೊಂಡಿರುತ್ತಿದ್ದರೇನೋ. ಆದರೆ, ಈಗ ಭದ್ರತಾ ಸಿಬ್ಬಂದಿ ಆಗೋ ಸ್ಥಿತಿ ಬಂದಿದೆ.

ಲಕ್ನೋ ಮೂಲದ ಸವಿ ಸಿಧು, ಮಾಡೆಲಿಂಗ್ ಮೂಲಕ ಮಿಂಚಲು ಪ್ರಯತ್ನಿಸಿದರು. ಅಷ್ಟೇ ಅಲ್ಲ, ಅವರು ನಟನಾ ತರಬೇತಿ ಕೂಡ ಪಡೆದಿದ್ದಾರೆ. 1995ರಲ್ಲಿ ‘ಟಕ್ಕರ್’ ಚಿತ್ರದೊಂದಿಗೆ ಅವರು ವೃತ್ತಿ ಜೀವನ ಆರಂಭಿಸಿದರು. ನಂತರ ಅವರು ‘ಬ್ಲ್ಯಾಕ್ ಫ್ರೈಡೇ’, ‘ಗುಲಾಲ್’, ‘ಪಟಿಯಾಲ ಹೌಸ್’ ಮೊದಲಾದ ಚಿತ್ರಗಳಲ್ಲಿ ಸಣ್ಣಪುಟ್ಟ ಪಾತ್ರ ಮಾಡಿದರು. ಅವರು ಕೊನೆಯ ಬಾರಿಗೆ ‘ಬೆವಕೂಫಿಯಾ’ (2014) ಚಿತ್ರದಲ್ಲಿ ಕಾಣಿಸಿಕೊಂಡರು.

ಇದನ್ನೂ ಓದಿ

ಇಡಿ ವಿಚಾರಣೆಗೆ ಹಾಜರಿ ಹಾಕಲ್ಲ ಮಹೇಶ್ ಬಾಬು; ಕಾರಣ ಇಲ್ಲಿದೆ

ಉಗ್ರರ ಉದ್ದೇಶ ಹಾಳು ಮಾಡಲು ಕಾಶ್ಮೀರಕ್ಕೆ ಹೋದ ನಟ ಅತುಲ್ ಕುಲಕರ್ಣಿ

ನಾನಿಗೆ ಕನ್ನಡ ಪಾಠ ಮಾಡಿದ ಶ್ರೀನಿಧಿ ಶೆಟ್ಟಿ; ಎಷ್ಟು ಕ್ಯೂಟ್ ನೋಡಿ

ಮುಂಜಾನೆ ಎದ್ದು ತಮ್ಮದೇ ಮೂತ್ರ ಕುಡಿಯುತ್ತಾರೆ ನಟ ಪರೇಶ್ ರಾವಲ್

ಆ ಬಳಿಕ ಅವರಿಗೆ ಆಫರ್ ಸಿಗಲಿಲ್ಲ. ಜೀವನ ನಡೆಸೋದು ಕೂಡ ಕಷ್ಟ ಆಯಿತು. ನಂತರ ಏನು ಮಾಡಬೇಕು ಎಂದು ತಿಳಿಯದೇ ಅಂಧೇರಿ ಪಶ್ಚಿಮದ ಲೋಖಂಡ್​ವಾಲಾದಲ್ಲಿರುವ ದೊಡ್ಡ ಅಪಾರ್ಟ್‌ಮೆಂಟ್‌ನಲ್ಲಿ ಭದ್ರತಾ ಸಿಬ್ಬಂದಿಯಾಗಿ ಕೆಲಸ ಮಾಡುತ್ತಿದ್ದಾರೆ.

ಇದನ್ನೂ ಓದಿ: ಉಗ್ರರ ಉದ್ದೇಶ ಹಾಳು ಮಾಡಲು ಕಾಶ್ಮೀರಕ್ಕೆ ಹೋದ ನಟ ಅತುಲ್ ಕುಲಕರ್ಣಿ

ಸವಿ ಚಲನಚಿತ್ರಗಳಿಂದ ದೂರ ಇರುವುದಕ್ಕೆ ಕಾರಣಗಳೇನು ಎಂದು ಹುಡುಕಿ ಹೋದಾಗ ಉತ್ತರ ಸಿಕ್ಕಿದೆ. ಅವರು ಪತ್ನಿಯನ್ನು ಕಳೆದುಕೊಂಡರು. ಅವರ ಹೆತ್ತವರು ಸಹ ನಿಧನರಾದರು. ನಂತರ ಅವರ ಅತ್ತೆ-ಮಾವ ಕೂಡ ನಿಧನ ಹೊಂದಿದರು. ಹೀಗಾಗಿ, ಅವರು ಒಂಟಿಯಾಗಬೇಕಾಯಿತು. ಈಗ ಅವರು ಒಬ್ಬಂಟಿಯಾಗಿ ವಾಸಿಸುತ್ತಾರೆ. ‘ಆರ್ಥಿಕ ತೊಂದರೆಗಳು ನನ್ನನ್ನು ಇನ್ನಷ್ಟು ಕುಗ್ಗಿಸಿದೆ. ಅದಕ್ಕಾಗಿಯೇ ಭದ್ರತಾ ಸಿಬ್ಬಂದಿಯಾಗಿ ಕೆಲಸ ಮಾಡುತ್ತಿದ್ದೇನೆ’ ಎಂದು ಅವರು ಹೇಳಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.