ಕೃತಿ ಸನನ್ ಮಾಡಿದರೆ ತಪ್ಪು, ಕಂಗನಾ ಮಾಡಿದರೆ ಸರಿಯೇ? ನೆಟ್ಟಿಗರ ಪ್ರಶ್ನೆ

ನಟಿ ಕೃತಿ ಸನನ್ (Kriti Sanon) ಅಭಿನಯದ ಪ್ರಸಿದ್ಧ ಆಭರಣ ಬ್ರ್ಯಾಂಡ್‌ನ ರಕ್ಷಾ ಬಂಧನ ಜಾಹೀರಾತು ಇತ್ತೀಚೆಗೆ ದೊಡ್ಡ ಮಟ್ಟದ ವಿವಾದಕ್ಕೆ ಕಾರಣವಾಗಿತ್ತು. ಈ ಜಾಹೀರಾತಿನಲ್ಲಿ ಕೃತಿ ಸನನ್ ಬ್ರಾಲೆಟ್ ಮಾದರಿಯ ಉಡುಪು ಧರಿಸಿ ರಕ್ಷಾ ಬಂಧನ ಆಚರಿಸುವ ದೃಶ್ಯಗಳಿದ್ದವು. ಸಾಂಪ್ರದಾಯಿಕ ಹಬ್ಬಕ್ಕೆ ಇಂತಹ ಉಡುಪು ತೊಟ್ಟಿರುವುದು ಸಂಸ್ಕೃತಿಗೆ ಸೂಕ್ತವಲ್ಲ ಎಂದು ಸೋಷಿಯಲ್ ಮೀಡಿಯಾದಲ್ಲಿ ತೀವ್ರ ಆಕ್ಷೇಪ ವ್ಯಕ್ತವಾದ ಹಿನ್ನೆಲೆಯಲ್ಲಿ ಬ್ರ್ಯಾಂಡ್ ಆ ಜಾಹೀರಾತನ್ನು ಹಿಂಪಡೆದಿತ್ತು. ಈ ವಿಚಾರಕ್ಕೆ ಸಂಬಂಧಿಸಿದಂತೆ ಕಂಗನಾ ರಣಾವತ್ (Kangana Ranaut) ಟೀಕೆ ಮಾಡಿದ್ದರು. ಹಾಗಾಗಿ ಜನರು ಅವರ ಹಳೇ ವಿಡಿಯೋ ಬಗ್ಗೆ ಮಾತನಾಡಲು ಆರಂಭಿಸಿದ್ದಾರೆ.

ರಕ್ಷಾ ಬಂಧನ ಜಾಹೀರಾತು ವಿವಾದದ ನಡುವೆ ನಟಿ ಹಾಗೂ ಸಂಸದೆ ಕಂಗನಾ ರಣಾವತ್ ಅವರು ಕೃತಿ ಸನನ್ ಹೆಸರನ್ನು ನೇರವಾಗಿ ಉಲ್ಲೇಖಿಸದೆ, ಹಬ್ಬದ ಆಚರಣೆಯ ವೇಳೆ ಇಂತಹ ಉಡುಪು ಧರಿಸುವುದು ಮತ್ತು ಪ್ರಸ್ತುತಪಡಿಸುವುದು ಸರಿ ಅಲ್ಲ ಎಂದು ಕಟುವಾಗಿ ಟೀಕಿಸಿದ್ದರು. ಕಂಗನಾ ಅವರ ಈ ಹೇಳಿಕೆಗಳ ಬೆನ್ನಲ್ಲೇ, ಇದೀಗ ನೆಟ್ಟಿಗರು ಕಂಗನಾ ರಣಾವತ್ ಅವರ ಹಳೆಯ ವಿಡಿಯೋಗಳು ಮತ್ತು ಜಾಹೀರಾತುಗಳನ್ನು ಜಾಲಾಡಿ ಅವರ ವಿರುದ್ಧ ತಿರುಗಿಬಿದ್ದಿದ್ದಾರೆ.

This #RakshaBandhan buy 1 #diamondjewellery from @nakshatrabrand #MandalaCollection and get 1 FREE pic.twitter.com/VSXeCy2gZs

— Kangana Ranaut (@KanganaTeam) August 4, 2017

63ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಯ ವಿಡಿಯೋ ವೈರಲ್:

ಕಂಗನಾ ರಣಾವತ್ ‘ತನು ವೆಡ್ಸ್ ಮನು ರಿಟರ್ನ್ಸ್’ ಸಿನಿಮಾಗಾಗಿ 63ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ಪ್ರಧಾನ ಸಮಾರಂಭದಲ್ಲಿ ಅತ್ಯುತ್ತಮ ನಟಿ ಪ್ರಶಸ್ತಿ ಸ್ವೀಕರಿಸಿದ್ದ ಹಳೆಯ ವಿಡಿಯೋವನ್ನು ನೆಟ್ಟಿಗರು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತಿದ್ದಾರೆ. ಅಂದಿನ ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ ಅವರಿಂದ ಪ್ರಶಸ್ತಿ ಸ್ವೀಕರಿಸುವಾಗ ಕಂಗನಾ ಅವರು ಆಫ್-ಶೋಲ್ಡರ್ ಗೌನ್ ಧರಿಸಿದ್ದರು.

संस्कार और पहनावे पर ज्ञान देने वाली देवी कंगना रनौत को पहले खुद के अंदर झांकने की जरूरत है।

कृति सैनन के ऐड वाले विवाद पर कंगना रनौत ने उनके कपड़ो को लेकर खूब आलोचना की।

राहुल गांधी ने जब कृति सैनन का पक्ष लिया तो कंगना ने राहुल गांधी को सनातन विरोधी माइंडसेट का बता दिया।

ये… pic.twitter.com/XL310PziuH

— Jaiky Yadav (@JaikyYadav16) August 27, 2026

ಹಳೆಯ ಜಾಹೀರಾತಿನ ಬಗ್ಗೆಯೂ ಜನರು ಪ್ರಶ್ನೆ:

ರಾಷ್ಟ್ರಪತಿ ಭವನದಂತಹ ಅತ್ಯುನ್ನತ ಮತ್ತು ಸಾಂಪ್ರದಾಯಿಕ ವೇದಿಕೆಯಲ್ಲಿ ಕಂಗನಾ ಅವರು ಪಾಶ್ಚಿಮಾತ್ಯ ಉಡುಪು ಧರಿಸಿದ್ದನ್ನು ಉಲ್ಲೇಖಿಸಿರುವ ನೆಟ್ಟಿಗರು, ‘ಇತರರಿಗೆ ಸಂಸ್ಕೃತಿ ಮತ್ತು ಉಡುಪಿನ ಬಗ್ಗೆ ಪಾಠ ಮಾಡುವ ಕಂಗನಾಗೆ ತಮ್ಮ ಹಳೆಯ ಉಡುಪು ನೆನಪಿಲ್ಲವೇ?’ ಎಂದು ಪ್ರಶ್ನಿಸುತ್ತಿದ್ದಾರೆ. ಅಷ್ಟೇ ಅಲ್ಲದೇ, ಕಂಗನಾ ಅವರ ಒಂದು ಹಳೆಯ ಜಾಹೀರಾತಿನ ಬಗ್ಗೆಯೂ ಜನರು ಪ್ರಶ್ನೆ ಮಾಡಿದ್ದಾರೆ.

ಇದನ್ನೂ ಓದಿ: ‘ಬಿಕಿನಿ, ಒಳಉಡುಪು ಧರಿಸಿ ಸಹೋದರನಿಗೆ ರಾಖಿ ಕಟ್ಟುತ್ತಾರಾ?’: ಕೃತಿ ಸನನ್​ ವಿರುದ್ಧ ಕಂಗನಾ ಗರಂ

ಕಂಗನಾ ರಣಾವತ್ ಅವರು ಈ ಹಿಂದೆ ರಕ್ಷಾ ಬಂಧನ ಹಬ್ಬದ ಆಭರಣ ಪ್ರಚಾರದ ಜಾಹೀರಾತೊಂದರಲ್ಲಿ ಪಾಶ್ಚಿಮಾತ್ಯ ಮಾದರಿಯ ಸ್ಟ್ರ್ಯಾಪ್‌ಲೆಸ್ (ಆಫ್-ಶೋಲ್ಡರ್) ಉಡುಪು ಧರಿಸಿ ಕಾಣಿಸಿಕೊಂಡಿದ್ದ ಹಳೆಯ ಫೋಟೋಗಳು ಹಾಗೂ ವಿಡಿಯೋಗಳು ಈಗ ವೈರಲ್ ಆಗುತ್ತಿವೆ. ಸೋಷಿಯಲ್ ಮೀಡಿಯಾದಲ್ಲಿ ಕಂಗನಾ ವಿರುದ್ಧ ಆಕ್ರೋಶ ಹೊರಹಾಕುತ್ತಿರುವ ನೆಟ್ಟಿಗರು, ‘ಕೃತಿ ಸನನ್ ಧರಿಸಿದರೆ ಸಂಸ್ಕೃತಿಗೆ ಧಕ್ಕೆ, ಕಂಗನಾ ಧರಿಸಿದರೆ ಸಾಂಪ್ರದಾಯಿಕವೇ’ ಎಂದು ಪ್ರಶ್ನಿಸುತ್ತಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.