‘ಕೆಜಿಎಫ್ 2’ ಚಿತ್ರದ 16ನೇ ದಿನದ ಕಲೆಕ್ಷನ್ ಹಿಂದಿಕ್ಕಲು ಒದ್ದಾಡಿದ ಅಜಯ್ ದೇವಗನ್ ಹೊಸ ಸಿನಿಮಾ
‘ಕೆಜಿಎಫ್ 2’ ಚಿತ್ರದ ಹಿಂದಿ ವರ್ಷನ್ನ ಸದ್ಯದ ಕಲೆಕ್ಷನ್ 353.6 ಕೋಟಿ ರೂಪಾಯಿ ಆಗಿದೆ. ಇಂದು ಹಾಗೂ ನಾಳೆ ಚಿತ್ರದ ಗಳಿಕೆ ಹೆಚ್ಚಬಹುದು. ಮೇ 2 ಈದ್ ಹಬ್ಬವಿದೆ. ಇದು ಕೂಡ ‘ಕೆಜಿಎಫ್ 2’ ಕಲೆಕ್ಷನ್ಗೆ ಸಹಕಾರಿ ಆಗಲಿದೆ.
ಬಾಲಿವುಡ್ ಮಂದಿಗೆ ‘ಕೆಜಿಎಫ್: ಚಾಪ್ಟರ್ 2’ ಸಿನಿಮಾ (KGF Chapter 2) ಅಕ್ಷರಶಃ ದುಸ್ವಪ್ನವಾಗಿ ಕಾಡುತ್ತಿದೆ. ಯಶ್ ಸಿನಿಮಾ ತೆರೆಕಂಡು 17 ದಿನ ಕಳೆದಿದೆ. ಆದರೆ, ಈ ಚಿತ್ರದ ಕಲೆಕ್ಷನ್ ಹಿಂದಿಕ್ಕೋಕೆ ಹೊಸ ಸಿನಿಮಾಗಳಿಂದ ಸಾಧ್ಯವಾಗುತ್ತಿಲ್ಲ ಎನ್ನುವುದು ಇಲ್ಲಿ ಗಮನಿಸಬೇಕಾದ ವಿಚಾರ. ಏಪ್ರಿಲ್ 14ರ ಆಸುಪಾಸಿನಲ್ಲಿ ತೆರೆಗೆ ಬಂದ ತಮಿಳಿನ ‘ಬೀಸ್ಟ್’ ಹಾಗೂ ಹಿಂದಿಯ ‘ಜೆರ್ಸಿ’ ಸಿನಿಮಾಗಳು (Jersey Movie) ಸೋಲುಂಡಿವೆ. ಇದರಿಂದ ‘ಕೆಜಿಎಫ್ 2’ ಚಿತ್ರಕ್ಕೆ ವರದಾನವಾಗಿದೆ. ಈಗ ಶುಕ್ರವಾರ (ಏಪ್ರಿಲ್ 29) ತೆರೆಗೆ ಬಂದ ಎರಡು ಬಾಲಿವುಡ್ ಚಿತ್ರಗಳು ಬಾಕ್ಸ್ ಆಫೀಸ್ನಲ್ಲಿ ಸೊರಗುವುದು ಖಚಿತ ಎನ್ನಲಾಗುತ್ತಿದೆ. ಈ ಎರಡೂ ಚಿತ್ರಗಳ ಮೊದಲ ದಿನದ ಕಲೆಕ್ಷನ್ ಲೆಕ್ಕಾಚಾರ ಬಂದಿದ್ದು, ಅಚ್ಚರಿ ಮೂಡಿಸಿದೆ.
ಏಪ್ರಿಲ್ 29ರಂದು ಬಾಲಿವುಡ್ನಲ್ಲಿ ಟೈಗರ್ ಶ್ರಾಫ್ ಅಭಿನಯದ ‘ಹೀರೋಪಂತಿ 2’ ಹಾಗೂ ಅಜಯ್ ದೇವಗನ್ ನಟನೆಯ ‘ರನ್ವೇ 34’ ರಿಲೀಸ್ ಆಗಿದೆ. ಏಪ್ರಿಲ್ 29 ‘ಕೆಜಿಎಫ್ 2’ಗೆ 16ನೇ ದಿನ. ಈ ಚಿತ್ರ ಶುಕ್ರವಾರ 4.25 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ. ಈ ಮೂಲಕ ‘ರನ್ವೇ 34’ ಚಿತ್ರದ ಮೊದಲ ದಿನದ ಕಲೆಕ್ಷನ್ ಹಿಂದಿಕ್ಕಿದೆ.
ಅಜಯ್ ದೇವಗನ್ ನಟನೆಯ ‘ರನ್ವೇ 34’ ಚಿತ್ರ ಮೊದಲ ದಿನ ಗಳಿಸಿದ್ದು ಕೇವಲ 3 ಕೋಟಿ ರೂಪಾಯಿ. ಅಜಯ್ ಅವರು ಚಿತ್ರದಲ್ಲಿ ನಟಿಸುವುದು ಮಾತ್ರವಲ್ಲ ನಿರ್ದೇಶನವನ್ನೂ ಮಾಡಿದ್ದಾರೆ. ಆದರೆ, ಚಿತ್ರಕ್ಕೆ ಉತ್ತಮ ವಿಮರ್ಶೆ ಸಿಕ್ಕಿಲ್ಲ. ಇದರಿಂದ ಚಿತ್ರ ಒಳ್ಳೆಯ ಕಲೆಕ್ಷನ್ ಮಾಡಲು ವಿಫಲವಾಗಿದೆ.
‘ಹೀರೋಪಂತಿ’ ಸಿನಿಮಾ ಗೆದ್ದು ಬೀಗಿತ್ತು. ಈ ಕಾರಣಕ್ಕೆ ಚಿತ್ರದ ಸೀಕ್ವೆಲ್ ಬಗ್ಗೆ ನಿರೀಕ್ಷೆ ಮೂಡಿತ್ತು. ಆದರೆ, ಈ ಚಿತ್ರಕ್ಕೂ ಹೇಳಿಕೊಳ್ಳುವಂತಹ ವಿಮರ್ಶೆ ಸಿಕ್ಕಿಲ್ಲ. ಈ ಚಿತ್ರ ಮೊದಲ ದಿನ 6.50 ಕೋಟಿ ರೂಪಾಯಿ ಬಾಚಿಕೊಂಡಿದೆ. ಶನಿವಾರ (ಏಪ್ರಿಲ್ 30) ಹಾಗೂ ಭಾನುವಾರ (ಮೇ 1)ಈ ಚಿತ್ರಗಳು ಹೇಗೆ ಪರ್ಫಾರ್ಮ್ ಮಾಡುತ್ತವೆ ಎಂಬುದನ್ನು ಕಾದು ನೋಡಬೇಕಿದೆ.
#KGF2 shows amazing hold, despite two prominent films [#Runway34 and #Heropanti2] invading the marketplace… The trends suggest, biz will multiply over the weekend + #Eid holidays… [Week 3] Fri 4.25 cr. Total: ₹ 353.06 cr. #India biz. #Hindi pic.twitter.com/FqMrKe23YZ
— taran adarsh (@taran_adarsh) April 30, 2022
‘ಕೆಜಿಎಫ್ 2’ ಚಿತ್ರದ ಹಿಂದಿ ವರ್ಷನ್ನ ಸದ್ಯದ ಕಲೆಕ್ಷನ್ 353.6 ಕೋಟಿ ರೂಪಾಯಿ ಆಗಿದೆ. ಇಂದು ಹಾಗೂ ನಾಳೆ ಚಿತ್ರದ ಗಳಿಕೆ ಹೆಚ್ಚಬಹುದು. ಮೇ 2 ಈದ್ ಹಬ್ಬವಿದೆ. ಇದು ಕೂಡ ‘ಕೆಜಿಎಫ್ 2’ ಕಲೆಕ್ಷನ್ಗೆ ಸಹಕಾರಿ ಆಗಲಿದೆ.
ಇದನ್ನೂ ಓದಿ: ‘ಕೆಜಿಎಫ್ 2’, ‘ಆರ್ಆರ್ಆರ್’ ಗೆಲುವಿನ ಬಗ್ಗೆ ಅಭಿಷೇಕ್ ಬಚ್ಚನ್ ಹೇಳೋದೇ ಬೇರೆ; ಏನದು?
1,000 ಕೋಟಿ ರೂಪಾಯಿ ದಾಟಿದ ‘ಕೆಜಿಎಫ್ 2’ ಕಲೆಕ್ಷನ್; ಹೊಸ ದಾಖಲೆ ಬರೆದ ಕನ್ನಡ ಸಿನಿಮಾ
