ಸೋತು ಸುಣ್ಣವಾದ ಶಾರುಖ್​ ಖಾನ್​ಗೆ ಸೋಲಿಲ್ಲದ ಸರದಾರನ ನಿರ್ದೇಶನ; ಇಲ್ಲಿದೆ ಹೊಸ ಅಪ್​ಡೇಟ್

ರಾಜ್​ಕುಮಾರ್​ ಹಿರಾನಿ ಅವರು ಬಾಲಿವುಡ್​ನಲ್ಲಿ ಸೋಲಿಲ್ಲದ ಸರದಾರ ಎನ್ನುವ ಖ್ಯಾತಿ ಪಡೆದುಕೊಂಡಿದ್ದಾರೆ. 2 ದಶಕಗಳಿಂದ ಚಿತ್ರರಂಗದಲ್ಲಿ ಇರುವ ಅವರು ಮಾಡಿದ್ದು ಕೇವಲ 5 ಸಿನಿಮಾ. ಅವೆಲ್ಲವೂ ಸೂಪರ್​ ಹಿಟ್.

ಸೋತು ಸುಣ್ಣವಾದ ಶಾರುಖ್​ ಖಾನ್​ಗೆ ಸೋಲಿಲ್ಲದ ಸರದಾರನ ನಿರ್ದೇಶನ; ಇಲ್ಲಿದೆ ಹೊಸ ಅಪ್​ಡೇಟ್
ಶಾರುಖ್​ ಖಾನ್​

ಶಾರುಖ್​ ಖಾನ್​ ಇತ್ತೀಚಿನ ವರ್ಷಗಳಲ್ಲಿ ಮುಟ್ಟಿದ್ದೆಲ್ಲವೂ ಸೋಲು ಕಾಣುತ್ತಿದೆ. ಇತ್ತೀಚೆಗೆ ಅವರ ಸಿನಿಮಾ ಗೆದ್ದ ದಾಖಲೆಯೇ ಇಲ್ಲ. ಈ ಬಗ್ಗೆ ಶಾರುಖ್​ಗೂ ಸಾಕಷ್ಟು ಬೇಸರವಿದೆ. ಒಂದೊಳ್ಳೆಯ ಹಿಟ್​ ಸಿನಿಮಾ ನೀಡಬೇಕು ಎಂಬುದು ಅವರ ಆಸೆ. ಆದರೆ, ಅದು ಸಾಧ್ಯವಾಗುತ್ತಿಲ್ಲ. ಹೀಗಾಗಿ, ಖ್ಯಾತ ನಿರ್ದೇಶಕರ ಜತೆ ಕೈಜೋಡಿಸೋಕೆ ಶಾರುಖ್​ ಪ್ಲ್ಯಾನ್​ ಮಾಡುತ್ತಿದ್ದಾರೆ. ಈಗ ಅವರು ಜನಪ್ರಿಯ ನಿರ್ದೇಶಕ ರಾಜ್​ಕುಮಾರ್​ ಹಿರಾನಿ ಜತೆ ಸಿನಿಮಾ ಮಾಡಲಿದ್ದಾರೆ ಎನ್ನುವ ಗಾಸಿಪ್​ ಹರಿದಾಡಿದೆ.

ರಾಜ್​ಕುಮಾರ್​ ಹಿರಾನಿ ಅವರು ಬಾಲಿವುಡ್​ನಲ್ಲಿ ಸೋಲಿಲ್ಲದ ಸರದಾರ ಎನ್ನುವ ಖ್ಯಾತಿ ಪಡೆದುಕೊಂಡಿದ್ದಾರೆ. 2 ದಶಕಗಳಿಂದ ಚಿತ್ರರಂಗದಲ್ಲಿ ಇರುವ ಅವರು ಮಾಡಿದ್ದು ಕೇವಲ 5 ಸಿನಿಮಾ. ಅವೆಲ್ಲವೂ ಸೂಪರ್​ ಹಿಟ್. ಪ್ರತಿ ಸಿನಿಮಾಗೆ 2-3 ವರ್ಷ ತೆಗೆದುಕೊಳ್ಳುವ ಅವರು ಪರ್ಫೆಕ್ಟ್​ ಆಗಿ ಸಿನಿಮಾ ಮಾಡುತ್ತಾರೆ. ಈ ಕಾರಣಕ್ಕೆ ಅವರ ನಿರ್ದೇಶನದ ಎಲ್ಲಾ ಚಿತ್ರಗಳು ಹಿಟ್​ ಆಗಿವೆ. ಈಗ ಶಾರುಖ್​ ಜತೆ ಇದೇ ಮೊದಲ ಬಾರಿಗೆ ಹಿರಾನಿ ಕೈಜೋಡಿಸುತ್ತಿದ್ದಾರೆ.

2018ರಲ್ಲಿ ತೆರೆಗೆ ಬಂದ ‘ಸಂಜು’ ಚಿತ್ರವೇ ಕೊನೆ. ಇದಾದ ನಂತರದಲ್ಲಿ ರಾಜ್​ಕುಮಾರ್​ ಹಿರಾನಿ ಯಾವುದೇ ಸಿನಿಮಾ ಘೋಷಿಸಿಲ್ಲ. ಈ ಚಿತ್ರ ಸಂಜಯ್​ ದತ್​ ಅವರ ಬಯೋಪಿಕ್​ ಆಗಿತ್ತು. ಈಗ ಅವರು ಸೈಲೆಂಟ್​ ಆಗಿ ಹೊಸ ಸಿನಿಮಾ ಕೆಲಸಗಳಲ್ಲಿ ತೊಡಗಿಕೊಂಡಿದ್ದಾರೆ. ಈ ಮೂಲಕ ಶಾರುಖ್​ ಅವರನ್ನು ಗೆಲ್ಲಿಸೋಕೆ ಸಿದ್ಧತೆ ನಡೆಸಿದ್ದಾರೆ.

ಮುನ್ನಾ ಭಾಯ್​ ಎಂ.ಬಿ.ಬಿ.ಎಸ್, ಲಗೇ ರಹೋ ಮುನ್ನಾ ಭಾಯ್​, 3 ಈಡಿಯಟ್ಸ್​, ಪಿಕೆ ಹಾಗೂ ಸಂಜು ಚಿತ್ರಗಳನ್ನು ರಾಜ್​ಕುಮಾರ್​ ಹಿರಾನಿ ನಿರ್ದೇಶಿಸಿದ್ದಾರೆ. ಇವರಿಗೆ ಸೋಲಿಲ್ಲದ ಸರದಾರ ಎನ್ನುವ ಖ್ಯಾತಿ ಕೂಡ ಇದೆ. ಈಗ ಅವರು ಶಾರುಖ್​ ಜತೆ ಸಿನಿಮಾ ಮಾಡುತ್ತಿದ್ದಾರೆ ಎನ್ನುವ ವಿಚಾರ ಅಭಿಮಾನಿಗಳಿಗೆ ಖುಷಿ ನೀಡಿದೆ. ಅಂದಹಾಗೆ, ಈ ಸಿನಿಮಾ ಶೀಘ್ರವೇ ಸೆಟ್ಟೇರಲಿದೆ.

ಶಾರುಖ್​ ಸದ್ಯ, ‘ಪಠಾಣ್​’ ಹಾಗೂ ಅಟ್ಲೀ ನಿರ್ದೇಶನದ ಇನ್ನೂ ಹೆಸರಿಡದ ಸಿನಿಮಾ ಕೆಲಸಗಳಲ್ಲಿ ಬ್ಯುಸಿಯಾಗಿದ್ದಾರೆ. ಇದರ ಜತೆಗೆ ಡಿಸ್ನಿ+ ಹಾಟ್​​ಸ್ಟಾರ್​ ಜತೆ ಅವರು ಪ್ರಾಜೆಕ್ಟ್​ ಒಂದನ್ನು ಮಾಡುತ್ತಾರೆ ಎನ್ನಲಾಗಿದೆ. ಈ ಬಗ್ಗೆ ಸಾಕಷ್ಟು ಜಾಹೀರಾತುಗಳನ್ನು ನೀಡಲಾಗುತ್ತಿದೆ.

ಇದನ್ನೂ ಓದಿ:  ಶಾರುಖ್​ ಮನೆ ಎದುರು ನಿಂತ ಅಭಿಮಾನಿಗಳು; ಬಾಲ್ಕನಿಯಿಂದ ಮೊಬೈಲ್​ ಎಸೆದ ಕಿಂಗ್​ ಖಾನ್​

ಡಿವೋರ್ಸ್​ ಪಡೆದರೆ ಸಮಂತಾಗೆ ಸಿಗುವ ಹಣ ಎಷ್ಟು? ಅಕ್ಕಿನೇನಿ ಸೊಸೆಯ ಬಹುಕೋಟಿ ಕಹಾನಿ

Read Full Article

Click on your DTH Provider to Add TV9 Kannada