ಸಲ್ಮಾನ್ ಬಾಳಿನಲ್ಲಿ ದೀರ್ಘಕಾಲ ಉಳಿದ ಸಂಬಂಧ ಯಾವುದು?; ವೈಯಕ್ತಿಕ ಜೀವನದ ಬಗ್ಗೆ ಮನಬಿಚ್ಚಿ ಹೇಳಿಕೊಂಡ ನಟ
Salman Khan: ಬಾಲಿವುಡ್ನ ನಟ ಸಲ್ಮಾನ್ ಖಾನ್ ತಮ್ಮ ಜೀವನದಲ್ಲಿ ದೀರ್ಘಕಾಲ ಉಳಿದ ಸಂಬಂಧದ ಕುರಿತು ಮಾತನಾಡಿ ಅಭಿಮಾನಿಗಳ ಹುಬ್ಬೇರಿಸಿದ್ದಾರೆ.
Updated on:Sep 24, 2021 | 10:06 AM
Big Boss 15: ಬಾಲಿವುಡ್ನ ಖ್ಯಾತ ನಟ ಸಲ್ಮಾನ್ ಖಾನ್ ತಮ್ಮ ವೈಯಕ್ತಿಕ ಜೀವನದ ಕುರಿತ ಸುದ್ದಿಗಳಿಗಾಗಿಯೂ ಸುದ್ದಿಯಲ್ಲಿರುತ್ತಾರೆ. ಬಾಲಿವುಡ್ನ ಮೋಸ್ಟ್ ಎಲಿಜಿಬಲ್ ಬ್ಯಾಚುಲರ್ ಎಂದೇ ಕರೆಯಲಾಗುವ ಸಲ್ಲು, ಇದೀಗ ತಮ್ಮ ಜೀವನದಲ್ಲಿ ದೀರ್ಘಕಾಲ ಉಳಿದ ಸಂಬಂಧದ ಕುರಿತು ಮನಬಿಚ್ಚಿ ಮಾತನಾಡಿದ್ದಾರೆ. ಕೊನೆಗೂ ಸಲ್ಲು ತಮ್ಮ ವೈಯಕ್ತಿಕ ಜೀವನದ ಸಂಗಾತಿಯ ಕುರಿತು ಮಾತನಾಡಿರುವುದು ಅವರ ಅಭಿಮಾನಿಗಳ ಕಣ್ಣರಳಿಸಿದ್ದು, ಸಲ್ಲು ಬದ್ಧತೆಗೆ ಮೆಚ್ಚುಗೆ ಸೂಚಿಸಿದ್ದಾರೆ. ಅಷ್ಟಕ್ಕೂ ಸಲ್ಲು ಜೊತೆ ದೀರ್ಘಕಾಲ ಒಡನಾಡಿದ ಸಂಗಾತಿ ಯಾರು ಗೊತ್ತೇ? ಇಲ್ಲಿದೆ ಮಾಹಿತಿ.
ಇತ್ತೀಚೆಗೆ ನಡೆದ ಪ್ರಚಅರ ಕಾರ್ಯಕ್ರಮವೊಂದರಲ್ಲಿ ಭಾಗಿಯಾಗಿದ್ದ ಸಲ್ಮಾನ್, ತಮ್ಮ ಕುರಿತೇ ಜೋಕ್ ಮಾಡಿಕೊಂಡಿದ್ದಾರೆ. ಅವರೊಂದಿಗೆ ಹೆಚ್ಚು ಕಾಲ ಬಾಳಿದ ಸಂಗಾತಿಯೆಂದರೆ ಅದು ಬಿಗ್ಬಾಸ್ ಅಂತೆ! ಇದನ್ನು ಹೇಳಿ ಸಲ್ಮಾನ್ ಎಲ್ಲರನ್ನೂ ನಗೆಗಡಲಲ್ಲಿ ತೇಲಿಸಿದ್ದಾರೆ. ಅವರು ಹಾಗೆ ಹೇಳಲು ಕಾರಣವಿದೆ. ಬಿಗ್ಬಾಸ್ 2010ರಲ್ಲಿ ಆರಂಭವಾಗಿದ್ದು, ಅಲ್ಲಿಂದ ಇಲ್ಲಿಯವರೆಗೆ ಸಲ್ಮಾನ್ ನಿರೂಪಣೆಯ ಜವಾಬ್ದಾರಿ ಹೊತ್ತಿದ್ದಾರೆ. ಭಾರತದಲ್ಲಿ ಬಿಗ್ಬಾಸ್ ಯಶಸ್ವಿಯಾಗಲು ಸಲ್ಮಾನ್ ಪಾಲೂ ಬಹಳ ದೊಡ್ಡದಿದೆ. ಅವರ ನಿರೂಪಣೆಗೆ ವೀಕ್ಷಕರು ಫಿದಾ ಆಗಿದ್ದಾರೆ. ಇತ್ತೀಚೆಗೆ ಬಿಗ್ಬಾಸ್ ಒಟಿಟಿ ನಡೆಯುವಾಗಲೂ ಸಲ್ಮಾನ್ ಅವರನ್ನು ಮಿಸ್ ಮಾಡಿಕೊಳ್ಳುತ್ತಿದ್ದೇವೆ ಎಂದು ಹಲವು ಸ್ಪರ್ಧಿಗಳು, ಅಭಿಮಾನಿಗಳು ಅಭಿಪ್ರಾಯ ವ್ಯಕ್ತಪಡಿಸಿದ್ದರು.
ಇತ್ತ ಸಲ್ಮಾನ್ ವೈಯಕ್ತಿಕ ಜೀವನವೂ ಅಂತಹ ಯಶಸ್ಸಿನ ತುದಿಯಲ್ಲೇನೂ ಇಲ್ಲ. ಹಲವು ನಟಿಯರ ಜೊತೆ ಸುತ್ತಾಡಿದ ಅವರು ಈಗ ಏಕಾಂಗಿಯಾಗಿ ಉಳಿದಿದ್ದಾರೆ. ಆದ್ದರಿಂದಲೇ ಈ ಎಲ್ಲದರಿಂದ ರೋಸಿ ಹೋಗಿರುವ ಅವರು, ತಮ್ಮ ಜೊತೆ ದೀರ್ಘಕಾಲ ಉಳಿದ ಸಂಬಂಧ ಎಂದರೆ ಅದು ಬಿಗ್ಬಾಸ್ ಎಂದಿದ್ದಾರೆ. ‘‘ನನ್ನ ಬದುಕಿನ ದೀರ್ಘಕಾಲಿಕ ಸಂಬಂಧವೆಂದರೆ ಅದು ಬಿಗ್ಬಾಸ್. ಇದು ನನ್ನ ಜೀವನದಲ್ಲಿ ಹಲವು ಬದಲಾವಣೆಗಳನ್ನು ತಂದಿದೆ. ನಾಲ್ಕು ತಿಂಗಳ ಸ್ಪರ್ಧೆಯ ನಂತರ ಬೇರೆಯಾಗುವಾಗ ದುಃಖವಾಗುತ್ತದೆ. ಆದರೆ ಮತ್ತೆ ಹೊಸ ಸೀಸನ್ನಲ್ಲಿ ಜೊತೆಯಾಗಲು ಕಾತರದಿಂದ ಕಾಯುತ್ತೇವೆ’’ ಎಂದು ಅವರು ಹೇಳಿಕೊಂಡಿದ್ದಾರೆ.
ಬಿಗ್ಬಾಸ್ನ ನೂತನ ಸೀಸನ್ನ ಹಲವು ವಿಶೇಷತೆಗಳನ್ನೂ ಸಲ್ಮಾನ್ ಈ ವೇಳೆ ತೆರೆದಿಟ್ಟಿದ್ದಾರೆ. ‘ಜಂಗಲ್’(ಅರಣ್ಯ)ದ ಪರಿಕಲ್ಪನೆಯಲ್ಲಿ ಶೋ ಮೂಡಿಬರುತ್ತಿದ್ದು, ಹಿಂದಿನ ಬಾರಿಗಿಂತ ಬಹಳ ಭಿನ್ನವಾಗಿದೆ. ಬರೋಬ್ಬರಿ 250 ಕ್ಯಾಮೆರಾಗಳ ಮೂಲಕ ಈ ಬಾರಿ ಬಿಗ್ಬಾಸ್ ಮನೆಯ ಕಣ್ಗಾವಲು ನಡೆಯಲಿದೆ. ಅಲ್ಲದೇ ಈ ಬಾರಿ ಸ್ಪರ್ಧೆ 5 ತಿಂಗಳ ಕಾಲ ನಡೆಯಲಿದೆ’ ಎಂದಿದ್ದಾರೆ. ಸಲ್ಮಾನ್ ಮಾತಿನಿಂದ ವೀಕ್ಷಕರಲ್ಲಿ ಬಿಗ್ಬಾಸ್ ಕುತೂಹಲ ಹೆಚ್ಚಾಗಿದೆ.
ಇದನ್ನೂ ಓದಿ:
Salman Khan: ಬಿಗ್ಬಾಸ್ 15ಕ್ಕೆ ಸಲ್ಮಾನ್ ಪಡೆಯೋ ಸಂಭಾವನೆ ನೂರಿನ್ನೂರು ಕೋಟಿಯಲ್ಲ; ಬರೋಬ್ಬರಿ ₹ 350 ಕೋಟಿ!
Valimai: ಬೈಕ್ ಸ್ಟಂಟ್ ಮಾಡುತ್ತ ಫ್ಯಾನ್ಸ್ ಎದೆಬಡಿತ ಹೆಚ್ಚಿಸಿದ ಅಜಿತ್; ಹೇಗಿದೆ ಗೊತ್ತಾ ‘ವಲಿಮೈ’ ಝಲಕ್?
(Salman Khan opens up about his long lasting relationship)
Published On - 9:57 am, Fri, 24 September 21
