ಅಭಿಮಾನಿಯ ಕಾಲು ಮುಟ್ಟಿ ನಮಸ್ಕಾರ ಮಾಡಿದ ಹೃತಿಕ್ ರೋಷನ್; ಇಲ್ಲಿದೆ ವೈರಲ್ ವಿಡಿಯೋ

Hrithik Roshan Viral Video: ಮಾಧ್ಯಮಗಳ ಕ್ಯಾಮೆರಾದಲ್ಲಿ ಈ ವಿಡಿಯೋ ಸೆರೆಯಾಗಿದೆ. ಹೃತಿಕ್ ರೋಷನ್ ಫ್ಯಾನ್ಸ್ ವಲಯದಲ್ಲಿ ಇದು ಸಿಕ್ಕಾಪಟ್ಟೆ ವೈರಲ್ ಆಗಿದೆ.

ಹೃತಿಕ್ ರೋಷನ್ ವೈರಲ್ ವಿಡಿಯೋ

TV9 Web | Edited By: ಮದನ್ ಕುಮಾರ್|
Updated on:Aug 28, 2022 | 3:05 PM

ನಟ ಹೃತಿಕ್ ರೋಷನ್ (Hrithik Roshan) ಅವರು ಸೂಪರ್ ಸ್ಟಾರ್ ಆಗಿ ಮಿಂಚುತ್ತಿದ್ದಾರೆ. ಬಾಲಿವುಡ್ನಲ್ಲಿ (Bollywood) ಅವರಿಗೆ ಸಿಕ್ಕಾಪಟ್ಟೆ ಡಿಮ್ಯಾಂಡ್ ಇದೆ. ಸಾಹಸ ಪ್ರಧಾನ ಸಿನಿಮಾಗಳ ಮೂಲಕ ಅವರು ಹೆಸರು ಮಾಡಿದ್ದಾರೆ. ಹೃತಿಕ್ ರೋಷನ್ ಎಂದರೆ ಕೋಟ್ಯಂತರ ಜನರಿಗೆ ಸ್ಫೂರ್ತಿ. ಸಿನಿಮಾ ಮಾತ್ರವಲ್ಲದೇ ಫಿಟ್ನೆಸ್ ವಿಚಾರದಲ್ಲೂ ಅವರು ಮಾದರಿ ವ್ಯಕ್ತಿ ಆಗಿದ್ದಾರೆ. ಇನ್ನು, ಅಭಿಮಾನಿಗಳ ಜತೆ ಉತ್ತಮ ರೀತಿಯಲ್ಲಿ ನಡೆದುಕೊಳ್ಳುವ ಕಾರಣದಿಂದಲೂ ಅವರನ್ನು ಜನರು ಇಷ್ಟ ಪಡುತ್ತಾರೆ. ಅದಕ್ಕೆ ಈಗ ಒಂದು ಹೊಸ ಉದಾಹರಣೆ ಸಿಕ್ಕಿದೆ. ವೇದಿಕೆಯಲ್ಲಿ ಅಭಿಮಾನಿಯೊಬ್ಬರ ಕಾಲಿಗೆ ಹೃತಿಕ್ ರೋಷನ್ ನಮಸ್ಕಾರ ಮಾಡಿದ್ದಾರೆ. ಆ ವಿಡಿಯೋ (Hrithik Roshan Viral Video) ಸಖತ್ ವೈರಲ್ ಆಗಿದೆ. ನೆಚ್ಚಿನ ನಟನ ಸರಳತೆ ಕಂಡ ಅಭಿಮಾನಿಗಳು ಮೆಚ್ಚುಗೆ ಸೂಚಿಸುತ್ತಿದ್ದಾರೆ.

ಇತ್ತೀಚೆಗೆ ಹೃತಿಕ್ ರೋಷನ್ ಅವರು ಫಿಟ್ನೆಸ್ಗೆ ಸಂಬಂಧಿಸಿ ಕಾರ್ಯಕ್ರಮವೊಂದಕ್ಕೆ ಮುಖ್ಯ ಅತಿಯಾಗಿ ತೆರಳಿದ್ದರು. ಆ ಕಾರ್ಯಕ್ರಮದ ವೇದಿಕೆಯಲ್ಲಿ ಅವರ ಕೈಯಿಂದ ಅನೇಕರಿಗೆ ಬಹುಮಾನ ವಿತರಿಸಲಾಯಿತು. ಬಹುಮಾನ ಸ್ವೀಕರಿಸಲು ವೇದಿಕೆ ಬಂದ ಅಭಿಮಾನಿಯೊಬ್ಬರು ಹೃತಿಕ್ ಕಾಲಿಗೆ ನಮಸ್ಕರಿಸಿದರು. ಕೂಡಲೇ ಹೃತಿಕ್ ಕೂಡ ಆ ಅಭಿಮಾನಿಯ ಕಾಲು ಮುಟ್ಟಿ ನಮಸ್ಕಾರ ಮಾಡಿದರು. ಮಾಧ್ಯಮದ ಕ್ಯಾಮೆರಾದಲ್ಲಿ ಈ ವಿಡಿಯೋ ಸೆರೆಯಾಗಿದೆ. ಸೋಶಿಯಲ್ ಮೀಡಿಯಾದಲ್ಲಿ ಇದು ವೈರಲ್ ಆಗಿದೆ.

ಇದನ್ನೂ ಓದಿ

View this post on Instagram

A post shared by Viral Bhayani (@viralbhayani)

ಸದ್ಯ ಹೃತಿಕ್ ರೋಷನ್ ಅವರು ‘ವಿಕ್ರಮ್ ವೇದ’ ಸಿನಿಮಾದ ಮೇಲೆ ಗಮನ ಹರಿಸಿದ್ದಾರೆ. ಇತ್ತೀಚೆಗಷ್ಟೇ ಈ ಚಿತ್ರದ ಟೀಸರ್ ಬಿಡುಗಡೆ ಆಗಿದೆ. ಇದು ತಮಿಳಿನ ‘ವಿಕ್ರಮ್ ವೇದ’ ಚಿತ್ರದ ಹಿಂದಿ ರಿಮೇಕ್. ಈ ಸಿನಿಮಾದಲ್ಲಿ ಹೃತಿಕ್ ರೋಷನ್ ಜೊತೆ ಸೈಫ್ ಅಲಿ ಖಾನ್ ಕೂಡ ಮುಖ್ಯ ಪಾತ್ರ ಮಾಡಿದ್ದಾರೆ. ಮೂಲ ಚಿತ್ರಕ್ಕೆ ನಿರ್ದೇಶನ ಮಾಡಿದ್ದ ಪುಷ್ಕರ್-ಗಾಯತ್ರಿ ಅವರೇ ರಿಮೇಕ್ಗೂ ನಿರ್ದೇಶನ ಮಾಡಿದ್ದಾರೆ.

‘ವಿಕ್ರಮ್ ವೇದ’ ಸಿನಿಮಾದಲ್ಲಿ ಸೈಫ್ ಅಲಿ ಖಾನ್ ಪೊಲೀಸ್ ಅಧಿಕಾರಿ ಪಾತ್ರ ಮಾಡಿದ್ದಾರೆ. ಗ್ಯಾಂಗ್ಸ್ಟರ್ ಆಗಿ ಹೃತಿಕ್ ರೋಷನ್ ಮನರಂಜನೆ ನೀಡಲಿದ್ದಾರೆ. ಇಬ್ಬರ ನಡುವೆ ಈ ಸಿನಿಮಾದಲ್ಲಿ ಹಲವು ಫೈಟಿಂಗ್ ಸನ್ನಿವೇಶಗಳು ಇರಲಿವೆ ಎಂಬುದಕ್ಕೆ ಟೀಸರ್ನಲ್ಲಿ ಸುಳಿವು ಸಿಕ್ಕಿದೆ. ಹೃತಿಕ್ ರೋಷನ್ ಪಾತ್ರಕ್ಕೆ ರಗಡ್ ಗೆಟಪ್ ಇದೆ.

ಸೆಪ್ಟೆಂಬರ್ 30ರಂದು ‘ವಿಕ್ರಮ್ ವೇದ’ ಸಿನಿಮಾ ರಿಲೀಸ್ ಆಗಲಿದೆ. ಹೃತಿಕ್ ನಟಿಸಿದ್ದ ‘ವಾರ್’ ಸಿನಿಮಾ 2019ರಲ್ಲಿ ಬಿಡುಗಡೆಯಾಗಿ ಸೂಪರ್ ಹಿಟ್ ಆಗಿತ್ತು. ಈಗ ಅದೇ ರೀತಿ ಮತ್ತೊಂದು ಗೆಲುವಿಗಾಗಿ ಅವರು ಕಾದಿದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.

Published On - 3:05 pm, Sun, 28 August 22