ಶೀಘ್ರವೇ ಸೆಟ್ಟೇರಲಿದೆ ‘ಧೂತ 2’; ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಲೇಡಿ ಡಾಕ್ಟರ್

ನಾಗ ಚೈತನ್ಯ (Naga Chaitanya) ನಟನೆಯ ‘ಧೂತ’ ಸೀರಿಸ್ ಸೂಪರ್ ಹಿಟ್ ಎನಿಸಿಕೊಂಡಿದೆ. ಈ ಸೀರಿಸ್​ನ ಜನರು ಮೆಚ್ಚಿಕೊಂಡಿದ್ದಾರೆ. ಹಾರರ್ ಸಸ್ಪೆನ್ಸ್ ಶೈಲಿಯಲ್ಲಿ ಸಿನಿಮಾ ಮೂಡಿ ಬಂದಿದೆ. ಈಗಿನ ಕಾಲದಲ್ಲಿ ಮಾಧ್ಯಮಗಳಲ್ಲಿ ನಡೆಯುವ ಅಕ್ರಮಗಳ ಬಗ್ಗೆ ಈ ಸೀರಿಸ್​ನಲ್ಲಿ ಹೇಳುವ ಪ್ರಯತ್ನ ಮಾಡಲಾಗಿದೆ. ಈಗ ಹೊಸ ಸರಣಿಗೆ ಡಾಕ್ಟರ್ ಎಂಟ್ರಿ ಆಗಿದೆ. ಅವರು ಬೇರಾರೂ ಅಲ್ಲ ಕಾಮಾಕ್ಷಿ ಭಾಸ್ಕರಲಾ. ವೃತ್ತಿಯಲ್ಲಿ ವೈದ್ಯೆಯಾಗಿದ್ದ ಅವರು, ನಂತರ ಹೀರೋಯಿನ್ ಆದರು. ಕಾಮಾಕ್ಷಿ ಈ ಸರಣಿಯಲ್ಲಿ ಪ್ರಮುಖ ಪಾತ್ರ ಮಾಡಲಿದ್ದಾರೆ ಎಂದು ವರದಿ ಆಗಿದೆ.

ಕಾಮಾಕ್ಷಿ ‘ಧೂತ’ ಸರಣಿಯಲ್ಲಿ ಟ್ರಕ್ ಡ್ರೈವರ್ ಕೋಟಿಯ ಪತ್ನಿ ಕಲಾ ಆಗಿ ಕಾಣಿಸಿಕೊಂಡಿದ್ದರು. ಈಗ ಎರಡನೇ ಸರಣಿಯಲ್ಲಿ ಅವರ ಪಾತ್ರ ಪ್ರಮುಖವಾಗಲಿದೆ. ಸದ್ಯ ಈ ಸೀರಿಸ್​ನ ಪ್ರೀ-ಪ್ರೊಡಕ್ಷನ್ ಕೆಲಸಗಳು ನಡೆಯುತ್ತಿವೆ. ಕಾಮಕ್ಷಿ ಅವರಿಗೆ ಪ್ರಮುಖ ಪಾತ್ರ ನೀಡುವ ಬಗ್ಗೆ ಚರ್ಚೆ ನಡೆದಿದೆ.

Congratulations to the team #Polimera2 🎊 👏

Dr. #KamakshiBhaskarla clinches the Best Actress Jury Award for her phenomenal performance in #Polimera2 movie.

Director @DrAnilViswanath received the award on behalf of her in the presence of filmmaker @connect2Vamsi at… pic.twitter.com/1OGiNPixIo

— Prabhas Fan (@ivdsai) May 2, 2024

ಈ ಮೊದಲು ಶಾರ್ಟ್​ ಫಿಲ್ಮ್​ಗಳಲ್ಲಿ ಕಾಮಾಕ್ಷಿ ಅವರು ನಟಿಸಿದ್ದರು. ಅವನ್ನು ನೋಡಿ ನಿರ್ದೇಶಕ ವಿಕ್ರಮ್ ಕುಮಾರ್ ಅವರು ಸಖತ್ ಇಂಪ್ರೆಸ್ ಆಗಿದ್ದರು. ಹೀಗಾಗಿ ಅವರಿಗೆ ಚಾನ್ಸ್ ನೀಡಿದ್ದರು. ಈ ಸರಣಿಯ ಎರಡನೇ ಸೀಸನ್​ನಲ್ಲಿ ಅವರಿಗೆ ಪ್ರಮುಖ ಪಾತ್ರ ನೀಡಲು ನಿರ್ದೇಶಕರು ಮುಂದಾಗಿದ್ದಾರೆ.

ಇದನ್ನೂ ಓದಿ: ಸದ್ದು ಮಾಡ್ತಿದೆ ‘ಧೂತ’ ಸೀರಿಸ್; ಅಂಥದ್ದೇನಿದೆ?

ಕಾಮಾಕ್ಷಿ ಅವರು ಈ ಮೊದಲು ‘ಮಾ ಊರಿ ಪೊಲಿಮೆರಾ 2’ ಸಿನಿಮಾದಲ್ಲಿ ನಟಿಸಿದ್ದರು. ಈ ಹಾರರ್ ಡ್ರಾಮಾಗೆ ಜನರ ಮೆಚ್ಚುಗೆ ಸಿಕ್ಕಿದೆ. ಈ ಸಿನಿಮಾ 14ನೇ ದಾದಾ ಸಾಹೇಬ್ ಫಾಲ್ಕೆ ಫಿಲ್ಮ್​ ಫೆಸ್ಟಿವಲ್​ನಲ್ಲಿ ಪ್ರಸಾರ ಕಂಡು ಪ್ರಶಂಸೆ ಪಡೆದಿದೆ. ಈಗ ಅವರಿಗೆ ಭರ್ಜರಿ ಆಫರ್ ಸಿಗುತ್ತಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 7:30 am, Fri, 3 May 24