Sundaram Master: ಈ ಹಳ್ಳಿಯ ಅಜ್ಜಿ, ತಾತ, ಆಂಟಿಯರ ಇಂಗ್ಲಿಷ್​ ಮಾತು ಕೇಳಿ ‘ಸುಂದರಂ ಮಾಸ್ಟರ್​’ ಫುಲ್​ ಶಾಕ್​

ಚಿತ್ರರಂಗದಲ್ಲಿ ಹೊಸ ಹೊಸ ಪ್ರಯೋಗಗಳು ಆಗುತ್ತಿರುತ್ತವೆ. ಅದೇ ಹಳಸಲು ಸ್ಟೋರಿಗಳನ್ನು ಬಿಟ್ಟು ಏನಾದರೂ ಡಿಫರೆಂಟ್​ ಆಗಿರುವುದನ್ನು ತೆರೆಗೆ ತಂದರೆ ಪ್ರೇಕ್ಷಕರು ಎಂಜಾಯ್​ ಮಾಡುತ್ತಾರೆ. ಈಗ ತೆಲುಗಿನಲ್ಲಿ ಒಂದು ಹೊಸ ಸಿನಿಮಾ ಮೂಡಿಬರುತ್ತಿದೆ. ಈ ಚಿತ್ರದಲ್ಲಿ ಭಿನ್ನವಾದ ಸ್ಟೋರಿ ಇದೆ. ಈ ಚಿತ್ರದ ಹೆಸರು ‘ಸುಂದರಂ ಮಾಸ್ಟರ್​’ (Sundaram Master). ಹಳ್ಳಿಯ ಜನರಿಗೆ ಇಂಗ್ಲಿಷ್​ (English) ಹೇಳಿಕೊಡಲು ಬರುವ ಶಿಕ್ಷಕನ ಕಥೆ ಈ ಸಿನಿಮಾದಲ್ಲಿದೆ. ಸದ್ಯ ‘ಸುಂದರಂ ಮಾಸ್ಟರ್​’ ಸಿನಿಮಾದ ಟೀಸರ್​ ಬಿಡುಗಡೆ ಆಗಿದೆ. ಸಖತ್​ ಕಾಮಿಡಿಯಾಗಿ ಮೂಡಿಬಂದಿರುವ ಈ ಟೀಸರ್​ಗೆ ಪ್ರೇಕ್ಷಕರಿಂದ ಮೆಚ್ಚುಗೆ ವ್ಯಕ್ತವಾಗಿದೆ. ಟೀಸರ್​ನ (Sundaram Master Teaser) ಮಧ್ಯದಲ್ಲಿ ಒಂದು ಟ್ವಿಸ್ಟ್​ ನೀಡಲಾಗಿದೆ.

ಟೀಸರ್​ ಮೂಲಕ ಕೌತುಕ ಮೂಡಿಸಿರುವ ‘ಸುಂದರಂ ಮಾಸ್ಟರ್​’ ಚಿತ್ರದಲ್ಲಿ ವೈವಾ ವಿಡಿಯೋ ಖ್ಯಾತಿಯ ಹರ್ಷ ಚೆಮುಡು ಅವರು ಇಂಗ್ಲಿಷ್​ ಶಿಕ್ಷಕನ ಪಾತ್ರ ಮಾಡಿದ್ದಾರೆ. ತನಗೆ ಇಂಗ್ಲಿಷ್​ ಸರಿಯಾಗಿ ಬಾರದಿದ್ದರೂ ಹಳ್ಳಿಯ ಜನರಿಗೆ ಪಾಠ ಮಾಡಲು ಬರುವ ಈ ಪಾತ್ರ ಸಖತ್​ ಫನ್ನಿಯಾಗಿದೆ. ದಿವ್ಯಾ ಶ್ರೀಪಾದ ಅವರು ಕೂಡ ಈ ಸಿನಿಮಾದಲ್ಲಿ ಪ್ರಮುಖ ಮಾತ್ರ ಮಾಡಿದ್ದಾರೆ. ಯೂಟ್ಯೂಬ್​ನಲ್ಲಿ ‘ಸುಂದರಂ ಮಾಸ್ಟರ್​’ ಸಿನಿಮಾದ ಟೀಸರ್​ಗೆ ಪಾಸಿಟಿವ್​ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.

ಇದನ್ನೂ ಓದಿ: ಇಂಗ್ಲೆಂಡ್​ ಜನರ ರೀತಿ ಇಂಗ್ಲಿಷ್​ ಮಾತನಾಡಲು ಹೋಗಿ ಟ್ರೋಲ್​ ಆದ ಸಮಂತಾ; ವಿಡಿಯೋ ವೈರಲ್​

ಟಾಲಿವುಡ್​ನ ಖ್ಯಾತ ನಟ ರವಿತೇಜ ಅವರು ‘ಸುಂದರಂ ಮಾಸ್ಟರ್​’ ಸಿನಿಮಾವನ್ನು ನಿರ್ಮಾಣ ಮಾಡಿದ್ದಾರೆ. ಅವರ ‘ಆರ್​ಟಿ ಟೀಮ್​ ವರ್ಕ್ಸ್​’ ಬ್ಯಾನರ್​ನಲ್ಲಿ ಈ ಸಿನಿಮಾ ಸಿದ್ಧವಾಗುತ್ತಿದೆ. ಟೀಸರ್​ನಲ್ಲಿ ಕಾಮಿಡಿ ತುಂಬಿದೆ. ಇಂಗ್ಲಿಷ್​ ಕಲಿಸಲು ಬರುವ ಸುಂದರಂ ಮಾಸ್ಟರ್​ಗೆ ಬುಡಕಟ್ಟು ಜನರು ಶಾಕ್​ ನೀಡುತ್ತಾರೆ. ಅಲ್ಲಿನ ಅಜ್ಜಿ, ತಾತ, ಆಂಟಿಯರು, ಮಕ್ಕಳು ಕೂಡ ಇಂಗ್ಲಿಷ್​ನಲ್ಲಿ ಮಾತನಾಡುತ್ತಾರೆ. ಅದನ್ನು ಕೇಳಿ ಸುಂದರಂ ಮಾಸ್ಟರ್​ಗೆ ಅಚ್ಚರಿಯೋ ಅಚ್ಚರಿ. ಒಟ್ಟಾರೆ ಈ ಸಿನಿಮಾದ ಅಸಲಿ ಕಥೆ ಏನು ಎಂಬುದನ್ನು ತಿಳಿದುಕೊಳ್ಳುವ ಕೌತುಕ ಮೂಡಿದೆ.

ಕಲ್ಯಾಣ್​ ಸಂತೋಷ್​ ಅವರು ‘ಸುಂದರಂ ಮಾಸ್ಟರ್​’ ಸಿನಿಮಾಗೆ ನಿರ್ದೇಶನ ಮಾಡಿದ್ದಾರೆ. ಈ ಚಿತ್ರದ ಮೇಕಿಂಗ್​ ಕೂಡ ಭಿನ್ನವಾಗಿದೆ. ಹಳ್ಳಿ ವಾತಾವರಣ, ಬುಡಕಟ್ಟು ಪಾತ್ರಗಳ ಗೆಟಪ್​, ಹರ್ಷ ಚೆಮುಡು ಅವರ ನಟನೆಯಿಂದಾಗಿ ಈ ಟೀಸರ್​ ಗಮನ ಸೆಳೆಯುತ್ತಿದೆ. ಸಿನಿಮಾದ ಪೋಸ್ಟರ್​ ಕೂಡ ವೈರಲ್​ ಆಗುತ್ತಿದೆ. ಈ ಟೀಸರ್​ನಲ್ಲಿನ ಡೈಲಾಗ್​ಗಳು ಸೋಶಿಯಲ್​ ಮೀಡಿಯಾದಲ್ಲಿ ಟ್ರೆಂಡ್​ ಆಗುತ್ತಿವೆ. ‘ಸುಂದರಂ ಮಾಸ್ಟರ್​’ ರಿಲೀಸ್​ ದಿನಾಂಕ ಇನ್ನಷ್ಟೇ ಅನೌನ್ಸ್​ ಆಗಬೇಕಿದೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.