‘ಕಣ್ಣಪ್ಪ’ ಚಿತ್ರದ ಅವಧಿ ಇಷ್ಟೊಂದು ದೀರ್ಘವೇ? ಯಾರ ಪಾತ್ರ ಎಷ್ಟೊತ್ತಿದೆ?

ವಿಷ್ಣು ಮಂಚು (Vishnu Manchu) ನಟನೆಯ ‘ಕಣ್ಣಪ್ಪ’ ಸಿನಿಮಾ ಭಾರೀ ನಿರೀಕ್ಷೆಗಳನ್ನು ಹುಟ್ಟುಹಾಕಿದೆ. ಜೂನ್ 27ರಂದು ಸಿನಿಮಾ ತೆರೆಗೆ ಬರಲಿದೆ. ಈ ಚಿತ್ರದಲ್ಲಿ ವಿಷ್ಣುಮಂಚು ಜೊತೆ ಪ್ರಭಾಸ್, ಮೋಹನ್ ಬಾಬು, ಮೋಹನ್​ಲಾಲ್, ಕಾಜಲ್ ಅಗರ್​ವಾಲ್ ಕೂಡ ಇದ್ದಾರೆ. ಈ ಸಿನಿಮಾ ಭಾರತದ ವಿವಿಧ ಭಾಷೆಗಳಲ್ಲಿ ರಿಲೀಸ್ ಆಗಲಿದೆ. ಹೀಗಿರುವಾಗಲೇ ‘ಕಣ್ಣಪ್ಪ’ ಸಿನಿಮಾದ ಅವಧಿ ರಿವೀಲ್ ಆಗಿದೆ. ಈ ಚಿತ್ರ 3 ಗಂಟೆ 10 ನಿಮಿಷ ಇದೆ.

ಪ್ರಭಾಸ್ ಅವರು ರುದ್ರನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಮೂರು ಗಂಟೆಗೂ ಅಧಿಕ ಅವಧಿಯ ಈ ಚಿತ್ರದಲ್ಲಿ ಪ್ರಭಾಸ್ ಅವರು 30 ನಿಮಿಷ ಇರಲಿದ್ದಾರೆ. ವಿಷ್ಣು ಹಾಗೂ ಮೋಹಬ್ ಬಾಬು ಜೊತೆ ಇವರು ಹೆಚ್ಚು ಹೊತ್ತು ತೆರೆಮೇಲೆ ಕಾಣಿಸಿಕೊಳ್ಳಲಿದ್ದಾರೆ. ಮೋಹನ್​ಲಾಲ್ ಅವರ ಪಾತ್ರ ಕೇವಲ 15 ನಿಮಿಷ ಇರಲಿದೆ. ಅವರು ಈ ಚಿತ್ರಕ್ಕೆ ಪ್ರಮುಖ ತಿರುವು ನೀಡಲಿದ್ದಾರೆ. ಈ ಎರಡೂ ಅತಿಥಿ ಪಾತ್ರಗಳಿಂದ ಹೆಚ್ಚಿನದ್ದನ್ನು ನಿರೀಕ್ಷಿಸಬಹುದು. ಇವರಲ್ಲದೆ, ಅಕ್ಷಯ್ ಕುಮಾರ್ ಅವರು ಶಿವನ ಪಾತ್ರದಲ್ಲಿ ಕಾಜಲ್ ಅಗರ್​ವಾಲ್ ಅವರು ಪಾರ್ವತಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

‘ಕಣ್ಣಪ್ಪ’ ಸಿನಿಮಾದ ಮುಂದಿನ ಹಾಡು ಕಾಳ ಹಸ್ತಿಯಲ್ಲಿ ಮೇ 28ರಂದು ರಿಲೀಸ್ ಆಗಲಿದೆ. ವಿಷ್ಣು ಮಂಚು ಅವರ ಮಗಳು ಅರಿಯಾನಾ ಹಾಗೂ ವಿವಿಯಾನಾ ಈ ಹಾಡನ್ನು ಹಾಡಿದ್ದಾರೆ. ಸ್ಪೀಫನ್ ದೇವಸಿ ಅವರು ಈ ಚಿತ್ರಕ್ಕೆ ಸಂಗೀತ ನೀಡಿದ್ದಾರೆ. ಈ ಹಾಡು ಜನರಿಗೆ ಇಷ್ಟ ಆಗುವ ನಿರೀಕ್ಷೆ ಇದೆ.

ಇದನ್ನೂ ಓದಿ

‘ಸರಿಗಮಪ’ ಫಿನಾಲೆಯಲ್ಲಿ ಇಲ್ಲ ಲಹರಿ ಮಹೇಶ್; ಅಭಿಮಾನಿಗಳ ಆಕ್ರೋಶ

‘ಸೀತಾ ರಾಮ’ ಧಾರಾವಾಹಿಗೆ ವಿದಾಯದ ಸಂಚಿಕೆ; ಸೀತಾಗೆ ಗನ್​ ಹಿಡಿದ ಭಾರ್ಗವಿ

‘ಕುಬೇರ’ ಟೀಸರ್: ಪಕ್ಕಾ ಮಿಡಲ್ ಕ್ಲಾಸ್ ಹುಡುಗಿಯಾದ ರಶ್ಮಿಕಾ; ಗ್ಲಾಮರ್ ಮಾಯ

‘ಸರಿಗಮಪ’ ಫೈನಲಿಸ್ಟ್ ಇವರೇ ನೋಡಿ; ಫಿನಾಲೆ ಮತ್ತಷ್ಟು ಕಠಿಣ

ಇದನ್ನೂ ಓದಿ: ‘ಕಣ್ಣಪ್ಪ’ ಸಿನಿಮಾಗೆ ಯೋಗಿ ಆದಿತ್ಯನಾಥ್‍ ಬೆಂಬಲ; ಜೂನ್‍ 27ರಂದು ವಿಶ್ವಾದ್ಯಂತ ಬಿಡುಗಡೆ

ಮುಕೇಶ್ ಕುಮಾರ್ ಸಿಂಗ್ ಅವರು ‘ಕಣ್ಣಪ್ಪ’ ಸಿನಿಮಾ ನಿರ್ದೇಶನ ಮಾಡಿದ್ದಾರೆ. ಕಣ್ಣಪ್ಪನ ಪಾತ್ರದಲ್ಲಿ ವಿಷ್ಣು ಮಂಚು ಅವರು ಕಾಣಿಸಿಕೊಂಡಿದ್ದಾರೆ. ಮೋಹನ್ ಬಾಬು ಮಹದೇವ ಶಾಸ್ತ್ರಿ ಹೆಸರಿನ ಪಾತ್ರ ಮಾಡಿದ್ದಾರೆ. ಈ ವರ್ಷ ಚಿತ್ರರಂಗದಲ್ಲಿ ಇನ್ನೂ ಯಾವುದೇ ಬಿಗ್ ಹಿಟ್ ಬಂದಿಲ್ಲ. ‘ಕಣ್ಣಪ್ಪ’ ಚಿತ್ರದಿಂದ ಎಲ್ಲರೂ ಹೆಚ್ಚಿನದ್ದನ್ನು ನಿರೀಕ್ಷೆ ಮಾಡುತ್ತಿದ್ದಾರೆ.  ಈ ಚಿತ್ರದ ಬಜೆಟ್ 150-200 ಕೋಟಿ ರೂಪಾಯಿಗೂ ಅಧಿಕವಾಗಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.