‘ಅವೆಂಜರ್ಸ್’​ ಗೊತ್ತು, ಆದ್ರೆ ಇದೇನು ರಿವೆಂಜರ್ಸ್? ಹೊಸ ಪ್ರಯತ್ನದಿಂದ ಗಮನ ಸೆಳೆದ ‘ಓಲ್ಡ್​ ಮಾಂಕ್​’ ಶ್ರೀನಿ

ವಿಶೇಷವಾದ ರೀತಿಯಲ್ಲಿ ಜನರನ್ನು ಸೆಳೆಯಲು ‘ಓಲ್ಡ್​ ಮಾಂಕ್​’ ಚಿತ್ರತಂಡ ಪ್ರಯತ್ನಿಸುತ್ತಿದೆ. ಅದಕ್ಕಾಗಿ ‘ರಿವೆಂಜರ್ಸ್​: ಓಲ್ಡ್​ ಈಸ್​ ಗೋಲ್ಡ್​’ ಹಾಡನ್ನು ರಿಲೀಸ್​ ಮಾಡಲಾಗಿದೆ. ಶ್ರೀನಿ ಮತ್ತು ಅದಿತಿ ಪ್ರಭುದೇವ ಈ ಚಿತ್ರದಲ್ಲಿ ನಟಿಸಿದ್ದಾರೆ.

‘ಅವೆಂಜರ್ಸ್’​ ಗೊತ್ತು, ಆದ್ರೆ ಇದೇನು ರಿವೆಂಜರ್ಸ್? ಹೊಸ ಪ್ರಯತ್ನದಿಂದ ಗಮನ ಸೆಳೆದ ‘ಓಲ್ಡ್​ ಮಾಂಕ್​’ ಶ್ರೀನಿ
ಓಲ್ಡ್​ ಮಾಂಕ್​ ಸಿನಿಮಾ
TV9kannada Web Team

| Edited By: Rajesh Duggumane

Feb 05, 2022 | 8:22 PM


ಹಲವು ಕಾರಣದಿಂದ ಕನ್ನಡದ ‘ಓಲ್ಡ್​ ಮಾಂಕ್​’ ಸಿನಿಮಾ ಹೈಪ್​ ಸೃಷ್ಟಿ ಮಾಡಿದೆ. ಶ್ರೀನಿ (Srini) ಮತ್ತು ಅದಿತಿ ಪ್ರಭುದೇವ ಜೋಡಿಯಾಗಿ ನಟಿಸಿರುವ ಈ ಚಿತ್ರ ಫೆ.25ರಂದು ಬಿಡುಗಡೆ ಆಗಲಿದೆ. ಹತ್ತಾರು ಬಗೆಯಲ್ಲಿ ಪ್ರೇಕ್ಷಕರನ್ನು ಆಕರ್ಷಿಸುವ ಪ್ರಯತ್ನ ಚಿತ್ರತಂಡದಿಂದ ಆಗುತ್ತಿದೆ. ಈ ಮೊದಲು ಚಿತ್ರಮಂದಿರ ಮತ್ತು ಮಲ್ಟಿಪ್ಲೆಕ್ಸ್​ಗಳಲ್ಲಿ 3ಡಿ ಪೋಸ್ಟರ್​ಗಳನ್ನು ಇಟ್ಟು ಗಮನ ಸೆಳೆದಿದ್ದ ‘ಓಲ್ಡ್​ ಮಾಂಕ್​’ (Old Monk Movie) ಸಿನಿಮಾ ತಂಡ ಈಗ ಇನ್ನೊಂದು ಪ್ರಯೋಗಕ್ಕೆ ಮುಂದಾಗಿದೆ. ‘ರಿವೆಂಜರ್ಸ್​: ಓಲ್ಡ್​ ಈಸ್​ ಗೋಲ್ಡ್​’ ಎಂಬ ಹಾಡನ್ನು ಬಿಡುಗಡೆ ಮಾಡಲಾಗಿದೆ. ಚಂದನ್​ ಶೆಟ್ಟಿ(Chandan Shetty) ಅವರು ಈ ಗೀತೆಯನ್ನು ಇಂದು (ಫೆ.5) ರಿಲೀಸ್​ ಮಾಡಿದ್ದಾರೆ. ಈಗಾಗಲೇ ತೆರೆಕಂಡು ಜನಪ್ರಿಯ ಆಗಿರುವ ಎಲ್ಲ ಕ್ಲಾಸಿಕ್​ ಸಿನಿಮಾಗಳ ಪೋಸ್ಟರ್​ಗಳನ್ನು ಮರುಬಳಕೆ ಮಾಡಿಕೊಂಡು ಈ ಹಾಡಿನ ಲಿರಿಕಲ್​ ವಿಡಿಯೋ ಕ್ರಿಯೇಟ್​ ಮಾಡಲಾಗಿದೆ. ಇದು ಪ್ರೇಕ್ಷಕರನ್ನು ಸೆಳೆಯುತ್ತಿದೆ.

ಅವೆಂಜರ್ಸ್​, ಓಂ, ಮುನ್ನಭಾಯಿ ಎಂಬಿಬಿಎಸ್​, 3 ಈಡಿಯಟ್ಸ್​, ಬಂಧನ, ರಣಧೀರ ಸೇರಿದಂತೆ ಅನೇಕ ಬ್ಲಾಕ್​ಬಸ್ಟರ್​ ಚಿತ್ರಗಳ ಪೋಸ್ಟರ್​ ರೀತಿಯಲ್ಲಿ ಅದಿತಿ ಮತ್ತು ಶ್ರೀನಿ ಫೋಟೋಗಳು ಮೂಡಿಬಂದಿವೆ. ಆ ಪೋಸ್ಟರ್​ಗಳ ಹಿನ್ನೆಲೆಯಲ್ಲಿ ಈ ಹಾಡು ಸಾಗುತ್ತದೆ. ಈ ರೀತಿಯ ಭಿನ್ನ ಪ್ರಯತ್ನದ ಮೂಲಕ ಪ್ರಚಾರ ಕಾರ್ಯದಲ್ಲಿ ಚಿತ್ರತಂಡ ತೊಡಗಿಕೊಂಡಿದೆ.

‘ಸಿನಿಮಾದಲ್ಲಿ ಈ ಪೋಸ್ಟರ್​ಗಳು ಬಳಕೆ ಆಗಿಲ್ಲ. ಕೇವಲ ಲಿರಿಕಲ್​ ವಿಡಿಯೋದಲ್ಲಿ ಈ ರೀತಿ ಮಾಡಿದ್ದೇವೆ. ಸಿನಿಮಾದ ಕಥೆಯಲ್ಲಿ ರಿವೇಂಜ್​ ತೀರಿಸಿಕೊಳ್ಳುವ ದೃಶ್ಯಗಳ ಹಿನ್ನೆಲೆಯಲ್ಲಿ ಈ ಸಾಂಗ್​ ಬರುತ್ತದೆ. ಅದಕ್ಕೆ ರಿವೆಂಜರ್ಸ್​ ಅಂತ ಕರೆದಿದ್ದೇವೆ. ರ‍್ಯಾಪರ್​ ಗುಬ್ಬಿ ಅವರು ಈ ಹಾಡನ್ನು ಬರೆದು ಧ್ವನಿ ನೀಡಿದ್ದಾರೆ’ ಎಂದು ಶ್ರೀನಿ ಮಾಹಿತಿ ಹಂಚಿಕೊಂಡಿದ್ದಾರೆ.

ಕೊರೊನಾ ಮೂರನೇ ಅಲೆಯ ಹಾವಳಿ ಕಡಿಮೆ ಆಗಿರುವ ಕಾರಣದಿಂದ ಚಿತ್ರಮಂದಿರಗಳಲ್ಲಿ ಶೇ.100ರಷ್ಟು ಆಕ್ಯುಪೆನ್ಸಿಗೆ ಅವಕಾಶ ನೀಡಲಾಗಿದೆ. ಸರ್ಕಾರದ ಈ ಅನುಮತಿಯಿಂದಾಗಿ ಎಲ್ಲ ಸಿನಿಮಾ ತಂಡಗಳಿಗೆ ಅನುಕೂಲ ಆಗಲಿದೆ. ಹಾಗಾಗಿ ಶ್ರೀನಿ ಕೂಡ ಸರ್ಕಾರಕ್ಕೆ ಧನ್ಯವಾದ ಅರ್ಪಿಸಿದ್ದಾರೆ. ಫೆ.25ರಂದು ಬಿಡುಗಡೆ ಆಗಲಿರುವ ‘ಓಲ್ಡ್​ ಮಾಂಕ್​’ ಚಿತ್ರ ಜನರಿಗೆ ಇಷ್ಟ ಆಗಲಿದೆ ಎಂಬ ವಿಶ್ವಾಸ ಅವರಿಗೆ ಇದೆ.

‘ಓಲ್ಡ್​ ಮಾಂಕ್​’ ಚಿತ್ರದ ಟ್ರೇಲರ್​ ನೋಡಿದ ಎಲ್ಲರಿಂದಲೂ ಮೆಚ್ಚುಗೆ ವ್ಯಕ್ತವಾಗಿದೆ. ಎಸ್​. ನಾರಾಯಣ್​, ಸುಜಯ್​ ಶಾಸ್ತ್ರಿ, ಅರುಣಾ ಬಾಲರಾಜ್​ ಮುಂತಾದ ಪ್ರತಿಭಾವಂತ ಕಲಾವಿದರು ಇದರಲ್ಲಿ ನಟಿಸಿದ್ದಾರೆ. ಸೌರಭ್​ ಮತ್ತು ವೈಭವ್​ ಅವರು ಸಂಗೀತ ನಿರ್ದೇಶನ ಮಾಡಿದ್ದಾರೆ. ದೀಪು ಎಸ್​. ಕುಮಾರ್​ ಅವರು ಸಂಕಲನದ ಜವಾಬ್ದಾರಿ ನಿಭಾಯಿಸಿದ್ದಾರೆ. ಭರತ್​ ಪರಶುರಾಮ್​ ಛಾಯಾಗ್ರಹಣ ಮಾಡಿದ್ದಾರೆ.

ಇದನ್ನೂ ಓದಿ:

ಪುನೀತ್​​ ನೋಡಿ ಮೆಚ್ಚಿದ್ರು ಕನ್ನಡದ ‘ಓಲ್ಡ್​ ಮಾಂಕ್​’ ಟ್ರೇಲರ್​; ಇದರಲ್ಲಿದೆ ಹತ್ತಾರು ವಿಶೇಷತೆ

ಹೌಸ್​ಫುಲ್​ ಪ್ರದರ್ಶನಕ್ಕೆ ಸರ್ಕಾರದ ಗ್ರೀನ್​ ಸಿಗ್ನಲ್​; ಶ್ರೀನಿ, ಡಾರ್ಲಿಂಗ್​ ಕೃಷ್ಣ ಮೊದಲ ಪ್ರತಿಕ್ರಿಯೆ ಇಲ್ಲಿದೆ..

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada