RCB: ರಾಜ್​ಕುಮಾರ್ ಹುಟ್ಟುಹಬ್ಬಕ್ಕೆ ‘ಬಭ್ರುವಾಹನ’ ಸಿನಿಮಾ ಹಾಡಿನ ಸಾಲು ಬರೆದು ಶುಭಕೋರಿದ ಆರ್​ಸಿಬಿ!

ಕನ್ನಡ ಭಾಷಿಕರಿಗೆ ಯಾರ್ಯಾರು ಇಷ್ಟ ಎಂದು ಕೇಳಿದರೆ ಡಾ. ರಾಜ್‌ಕುಮಾರ್ ಹೆಸರು ಆ ಪಟ್ಟಿಯಲ್ಲಿ ಇಲ್ಲದೇ ಇರದು. ಸಿನಿಮಾ, ನಟನೆ, ರಂಗಭೂಮಿಯ ಮಟ್ಟಿಗೆ ಕ್ಲಾಸ್ ಆಗಿಯೂ ಮಾಸ್ ಆಗಿಯೂ ಅಭಿಮಾನಿ ವರ್ಗವನ್ನು ಸೆಳೆದಿಟ್ಟುಕೊಂಡು, ಸಿನಿರಂಗದಲ್ಲಿ ಕೀರ್ತಿಯ ಉತ್ತುಂಗಕ್ಕೆ ಏರಿದವರು ಡಾ. ರಾಜ್‌ಕುಮಾರ್. ಅಚ್ಚ-ಸ್ವಚ್ಛ ಕನ್ನಡದ ಮೂಲಕ ಎಂಥವರೂ ಹೆಮ್ಮೆ ಪಡುವಂತೆ ಸಂಭಾಷಣೆ ಹೇಳಿದವರು.‌ ಹಾಡು ಹಾಡಿದವರು. ಪೌರಾಣಿಕ, ಸಾಮಾಜಿಕ ಇತ್ಯಾದಿ ಬಗೆಬಗೆಯ ಚಿತ್ರಗಳಲ್ಲಿ ಕಾಣಿಸಿಕೊಂಡವರು. ಕನ್ನಡಿಗರಿಗೆ ಡಾ. ರಾಜ್‌ಕುಮಾರ್ ಮೇಲಿರುವ ಪ್ರೀತಿ ವಿವರಿಸಲು ಅಸಾಧ್ಯ.

ಇದು ಒಂದು ಕಡೆಯಾದರೆ, ಕನ್ನಡದ ಕ್ರಿಕೆಟ್ ಪ್ರೇಮಿಗಳ‌ ಮತ್ತೊಂದು ಹೆಮ್ಮೆ ಆರ್‌ಸಿಬಿ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಎಂಬ ಇಂಡಿಯನ್ ಪ್ರೀಮಿಯರ್ ಲೀಗ್‌ನ ಕ್ರಿಕೆಟ್ ತಂಡ ಬೆಂಗಳೂರಿನ ಜನರಿಗಂತೂ ಅಚ್ಚುಮೆಚ್ಚು. ಆರ್‌ಸಿಬಿ ತಂಡದ ಅಂತಾರಾಷ್ಟ್ರೀಯ ಮಟ್ಟದ ಆಟಗಾರರು ಕೂಡ ಕನ್ನಡದ ಬಗ್ಗೆ ಅಭಿಮಾನ ತೋರುವಷ್ಟು ಪ್ರೀತಿ ತೋರಿಸಿದ್ದಾರೆ ಕನ್ನಡದ ಕ್ರಿಕೆಟ್ ಪ್ರೇಮಿಗಳು.

ರಾಜ್‌ಕುಮಾರ್ ಮತ್ತು ಆರ್‌ಸಿಬಿ ಎರಡನ್ನೂ ಹೇಳಲು ಕಾರಣವಿದೆ. ವರನಟ ಡಾ. ರಾಜ್‌ಕುಮಾರ್ ಹುಟ್ಟುಹಬ್ಬದ ದಿನವಾದ ಇಂದು, ಆರ್‌ಸಿಬಿ ತಂಡ ವಿಭಿನ್ನ ರೀತಿಯಲ್ಲಿ ಶುಭಾಶಯ ಕೋರಿದೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ತನ್ನ ಟ್ವಿಟರ್ ಹ್ಯಾಂಡಲ್‌ನಲ್ಲಿ ಕನ್ನಡದಲ್ಲೇ ಟ್ವೀಟ್ ಮಾಡಿ ರಾಜ್‌ಕುಮಾರ್‌ ಹುಟ್ಟುಹಬ್ಬವನ್ನು ಸಂಭ್ರಮಿಸಿದೆ. ಅದಕ್ಕೆ ಡಾ. ರಾಜ್‌ರ ಬಭ್ರುವಾಹನ ಸಿನಿಮಾದ ಹಾಡಿನ ಸಾಲನ್ನೂ ಬಳಸಿಕೊಂಡಿದೆ.

“ಯಾರು ತಿಳಿಯರು ನಿನ್ನ ಭುಜಬಲದ ಪರಾಕ್ರಮ.” ನಟಸಾರ್ವಭೌಮ ಡಾ|| ರಾಜ್ ಕುಮಾರ್ ಅವರ 92ನೆ ಜನ್ಮಮಹೋತ್ಸವದ ನೆನಪಿನಲ್ಲಿ. ❤️?#RajNenapu #ನಮ್ಮRCB #PlayBold

— Royal Challengers Bangalore (@RCBTweets) April 24, 2021

‘ಯಾರು ತಿಳಿಯರು‌ ನಿನ್ನ ಭುಜಬಲದ ಪರಾಕ್ರಮ’ ಎಂಬ ಸಾಲು ಬರೆದುಕೊಂಡಿದ್ದು, ನಟಸಾರ್ವಭೌಮ ಡಾ. ರಾಜ್‌ಕುಮಾರ್ ಅವರ 92ನೇ ಜನ್ಮಮಹೋತ್ಸವದ ನೆನಪಿನಲ್ಲಿ ಎಂದು ಶುಭಕೋರಿದೆ. ರಾಜ್ ನೆನಪು, ನಮ್ಮ ಆರ್‌ಸಿಬಿ ಹ್ಯಾಷ್‌ಟ್ಯಾಗ್‌ಗಳನ್ನು ಬಳಸಿಕೊಂಡಿದೆ.

ಇದನ್ನೂ ಓದಿ: IPL 2021: ಆರ್​ಸಿಬಿಯಲ್ಲಿ ಇಬ್ಬರು 360 ಡಿಗ್ರಿ ಆಟಗಾರರಿದ್ದಾರೆ, ಬೌಲರ್ಸ್ ಆದ್ರೂ ಏನ್ ಮಾಡ್ಬೇಕು?: ಸುನಿಲ್ ಗಾವಸ್ಕರ್

Dr. Rajkumar Birth Anniversary: ರಾಜ್​ಕುಮಾರ್​ ಜತೆ ಫೋಟೋ ತೆಗೆಸಿಕೊಳ್ಳಲು ಲವರ್​​ ಕಾಯಿಸಿದ್ದೆ

(RCB wishes Dr Rajkumar on his 92nd Birthday tweets Babhruvahana Cinema Song Lyrics in Kannada)

Published On - 6:28 pm, Sat, 24 April 21