‘ಆರ್ಆರ್ಆರ್’ ಸಿನಿಮಾ ಹೊಸ ದಾಖಲೆ; ಹಾಲಿವುಡ್ ಅವಾರ್ಡ್ ಕಾರ್ಯಕ್ರಮದಲ್ಲಿ ರನ್ನರ್ ಅಪ್ ಆದ ರಾಜಮೌಳಿ ಚಿತ್ರ
ರಾಜಮೌಳಿ ಸಿನಿಮಾಗಳಲ್ಲಿ ಅದ್ದೂರಿತನ ಕೊಂಚ ಹೆಚ್ಚೇ ಇರುತ್ತದೆ. ‘ಆರ್ಆರ್ಆರ್’ ಚಿತ್ರ ಕೂಡ ಸಖತ್ ಅದ್ದೂರಿಯಾಗಿ ಮೂಡಿ ಬಂದಿತ್ತು. ಈ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ 1000+ ಕೋಟಿ ರೂಪಾಯಿ ಬಾಚಿಕೊಂಡಿರುವುದು ಚಿತ್ರದ ಹೆಚ್ಚುಗಾರಿಕೆ.
Updated on: Jul 02, 2022 | 8:00 PM
ಚಿತ್ರಮಂದಿರದಲ್ಲಿ ಸಾವಿರಾರು ಕೋಟಿ ಬಾಚಿದ ‘ಆರ್ಆರ್ಆರ್’ ಸಿನಿಮಾ (RRR Movie) ಒಟಿಟಿಯಲ್ಲೂ ಧೂಳ್ಳೆಬ್ಬಿಸಿತು. ಈ ಚಿತ್ರ ತೆರೆಕಂಡು ಮೂರು ತಿಂಗಳ ಮೇಲಾದರೂ ಸಿನಿಮಾದ ಹವಾ ಕಡಿಮೆ ಆಗಿಲ್ಲ. ಹಲವು ವಿಚಾರಗಳಿಂದ ಈ ಸಿನಿಮಾ ಸುದ್ದಿ ಆಗುತ್ತಿದೆ. ಈಗ ಹಾಲಿವುಡ್ ಅಂಗಳದಲ್ಲಿ ಚಿತ್ರಕ್ಕೆ ಪುರಸ್ಕಾರ ಸಿಕ್ಕಿದೆ. ಹಾಲಿವುಡ್ನಲ್ಲಿ ನಡೆದ ಪ್ರಶಸ್ತಿ ಸಮಾರಂಭದಲ್ಲಿ ರಾಜಮೌಳಿ (SS Rajamouli) ಸಿನಿಮಾಗೆ ರನ್ನರ್ ಅಪ್ ಸಿಕ್ಕಿದೆ. ಭಾರತದ ಚಿತ್ರವೊಂದು ಈ ರೀತಿಯ ಸಾಧನೆ ಮಾಡಿರುವುದು ನಿಜಕ್ಕೂ ಹೆಮ್ಮೆಯ ವಿಚಾರ.
ರಾಜಮೌಳಿ ಸಿನಿಮಾಗಳಲ್ಲಿ ಅದ್ದೂರಿತನ ಕೊಂಚ ಹೆಚ್ಚೇ ಇರುತ್ತದೆ. ‘ಆರ್ಆರ್ಆರ್’ ಚಿತ್ರ ಕೂಡ ಸಖತ್ ಅದ್ದೂರಿಯಾಗಿ ಮೂಡಿ ಬಂದಿತ್ತು. ಈ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ 1000+ ಕೋಟಿ ರೂಪಾಯಿ ಬಾಚಿಕೊಂಡಿರುವುದು ಚಿತ್ರದ ಹೆಚ್ಚುಗಾರಿಕೆ. ಈ ಚಿತ್ರಕ್ಕೆ ಹಾಲಿವುಡ್ ಮಂದಿಯೂ ಕೂಡ ಮೆಚ್ಚುಗೆ ಸೂಚಿಸಿದ್ದರು. ಈಗ ಚಿತ್ರ ಹಾಲಿವುಡ್ ಸಿನಿಮಾಗಳ ಜತೆ ಸ್ಪರ್ಧಿಸಿ ಗೆಲುವಿನ ಸಮೀಪದಲ್ಲಿ ಹಿನ್ನಡೆ ಕಂಡಿದೆ.
ಅಮೆರಿಕದಲ್ಲಿ ನಡೆದ ‘ಹಾಲಿವುಡ್ ಕ್ರಿಟಿಕ್ಸ್ ಅಸೋಸಿಯೇಶನ್ ಮಿಡ್ ಸೀಸನ್ ಅವಾರ್ಡ್ಸ್’ ಕಾರ್ಯಕ್ರಮದಲ್ಲಿ ಹಲವು ವಿಭಾಗಗಳಲ್ಲಿ ಪ್ರಶಸ್ತಿಗಳನ್ನು ನೀಡಲಾಗಿದೆ. ಈ ಪೈಕಿ ‘ಅತ್ಯುತ್ತಮ ಸಿನಿಮಾ’ ವಿಭಾಗದಲ್ಲಿ ‘ಆರ್ಆರ್ಆರ್’ ಸಿನಿಮಾ ನಾಮ ನಿರ್ದೇಶನಗೊಂಡಿತ್ತು. ಈ ವಿಭಾಗದಲ್ಲಿ ಹಾಲಿವುಡ್ನ ‘ದಿ ಬ್ಯಾಟ್ಮನ್’ ಹಾಗೂ ‘ಟಾಪ್ ಗನ್: ಮಾರ್ವಿಕ್’ ಸಿನಿಮಾಗಳು ಕೂಡ ಇದ್ದವು. ಅಂತಿಮವಾಗಿ ‘ಎವರಿಥಿಂಗ್ ಎವರಿವೇರ್ ಆಲ್ ಎಟ್ ಒನ್ಸ್’ ವಿನ್ನರ್ ಆಗಿ ಹೊರ ಹೊಮ್ಮಿದರೆ, ‘ಆರ್ಆರ್ಆರ್’ ರನ್ನರ್ ಅಪ್ ಆಗಿದೆ. ಈ ವಿಚಾರ ಕೇಳಿ ಫ್ಯಾನ್ಸ್ ಖುಷಿಪಟ್ಟಿದ್ದಾರೆ.
ಮಾರ್ಚ್ 24ರಂದು ‘ಆರ್ಆರ್ಆರ್’ ಸಿನಿಮಾ ತೆರೆಗೆ ಬಂತು. ಮೇ ಅಂತ್ಯಕ್ಕೆ ಚಿತ್ರ ಒಟಿಟಿಯಲ್ಲಿ ರಿಲೀಸ್ ಆಯಿತು. ನೆಟ್ಫ್ಲಿಕ್ಸ್ನಲ್ಲಿ ‘ಆರ್ಆರ್ಆರ್’ ಹಿಂದಿ ಅವತರಣಿಕೆ ಪ್ರದರ್ಶನವಾಗುತ್ತಿದೆ. ತೆಲುಗು, ತಮಿಳು, ಮಲಯಾಳಂ ಹಾಗೂ ಕನ್ನಡ ಅವತರಣಿಕೆಗಳು ಜೀ5ನಲ್ಲಿ ಬಿತ್ತರವಾಗುತ್ತಿವೆ. ಈ ಸಿನಿಮಾ ಮೇಕಿಂಗ್ ಮೂಲಕ ಸಾಕಷ್ಟು ಗಮನ ಸೆಳೆಯಿತು. ಜ್ಯೂ.ಎನ್ಟಿಆರ್ ಹಾಗೂ ರಾಮ್ ಚರಣ್ ಕಾಂಬಿನೇಷನ್ ಫ್ಯಾನ್ಸ್ಗೆ ಇಷ್ಟವಾಯಿತು. ನೈಜ ಪಾತ್ರಗಳನ್ನು ಇಟ್ಟುಕೊಂಡು ರಾಜಮೌಳಿ ಕಾಲ್ಪನಿಕ ಕಥೆ ಹೆಣೆದಿದ್ದರು.
ಇದನ್ನೂ ಓದಿ: RRR: ಹಾಲಿವುಡ್ ಜನಪ್ರಿಯ ಬರಹಗಾರನಿಂದ ‘ಆರ್ಆರ್ಆರ್’ಗೆ ಶಹಬ್ಬಾಸ್ಗಿರಿ; ಚಿತ್ರ ನೋಡಿ ಹೇಳಿದ್ದೇನು ಗೊತ್ತಾ?
‘ಆರ್ಆರ್ಆರ್’ ರೆಸ್ಟೋರೆಂಟ್ ಆರಂಭಿಸಲಿದ್ದಾರೆ ರಾಮ್ ಚರಣ್-ಜ್ಯೂ.ಎನ್ಟಿಆರ್? ಕೇಳಿಬಂತು ಹೊಸ ಗುಸುಗುಸು
